Жамбыл облысы әкімдігінің ішкі саясат басқармасының «Қоғамдық келісім» коммуналдық мемлекеттік мекемесі | «Жамбыл облыстық Немістер қауымдастығы» этномәдени бірлестігінің Халықаралық әйелдер күніне арнаған музыкалық сыйлығы

2022 жылдың 5 наурызында «Қоғамдық келісім» КММ-де 8 наурыз -Халықаралық әйелдер күніне арналған мерекелік концерт өтті. Ұйымдастырушылар – Жамбыл облысының Немістер қоғамы болды. Бағдарламада адамзаттың әдемі жаратылысы – әйелдер қауымына арналған түрлі көңіл көтерер ізгі құттықтаулар мен әзіл-оспақтар көп болды.

Концерттік бағдарлама вокалдық және хореографиялық нөмірлерден тұрды. “Инфинити” хореографиялық тобы “Қара жорға”, “Масалар”билерін орындады. “Эремурс” хореографиялық тобының орындауындағы “Түнгі Верона патшалары” биі көрермендерді ерекше тамсандырды.

Сондай-ақ, вокалдық нөмірлер де жиналған қауымның жүрегіне жол тауып жатты. Мәселен, “Juwel” тобының орындауында “Анама 8-наурызға”, “Federkleid”, “Danke”, “Мені сүй” әндері, “Singende Herzen” тобы көрермендерді “Уақыты келеді”, “Es zogen auf sonnlge wegen”, “Wo die Nordseewellen”, “Тум балалайка” әндері және Илья Филипповтың орындауында “«Ягода-малинка» әні тамаша шырқалып, шараның шырайын кіргізді.