Archive for month: January, 2023

2023 жылдың 28 қаңтарында Тараз қаласында «Қоғамдық келісім» КММ-де «Жамбыл облысы немістер қоғамы» қоғамдық бірлестігінің жыл сайынғы облыстық есеп беру конференциясы өтті.

Ұйымның өткен жылғы қызметінің қорытындысын шығаруға делегаттар қатысты.

Айта кету керек, немістер қоғамының облысымыздағы жұмысы – білім, тіл, әлеуметтік, этномәдени, жастармен жұмыс сияқты бірқатар бағыттарды қамту. Конференцияда бақылау-тексеру комиссиясының 2022 жылға арналған қызметі туралы есебі тыңдалып, жыл сайынғы мүшелік жарналардың мөлшері мен төлеу тәртібі де белгіленді.

Іс-шара салтанатты түрде аяқталып,белсенділер алғыс хаттармен марапатталды.

«Қоғамдық келісім» КММ

Баспасөз қызметі орталығы

Тарихта аты өшпейтін,санада қала беретін түрлі қылмыстар бар. Олардың ішінде 20 ғасырдың ең әйгілі трагедияларының біріне айналған «Холокост» ерекше орын алады. Өлім лагерлері саналатын – Освенцим, Треблинка, Майданек, Саласпилс көптеген адамдарды қасақана, жаппай өлтірумен байланысты. Оны ұмыту мүмкін емес, әрқашан есте сақтаулы …

Жыл сайын 27 қаңтарда әлемде қаралы күн саналатын – Холокост құрбандарын еске алудың халықаралық күні атап өтіледі.Бұл күнді БҰҰ Бас Ассамблеясы 2005 жылы 1 қарашада бекіткен (№ 60/7 қарар). Құжатты қабылдауға 90-нан астам мемлекет бастамашы болды. Бұл есте қаларлық күн кездейсоқ белгіленбеген. Дәл осы күні 1945 жылы Кеңес әскерлері атышулы нацистік Освенцим-Биркенау (Освенцим) өлім лагерінің тұтқындарын азат етті.

Холокост құрбандарын халықаралық еске алу күніне арналған іс-шаралар әлемнің көптеген елдерінде өтуде.

Сонымен қатар, 2023 жылдың 27 қаңтарында Жамбыл облысының өкілдері осы қаралы күнге арналған екі еске алу шарасына қатысты.

Олай дейтініміз, бүгін Тараз қаласында «Жамбыл облыстық «Шиват Цион» еврей мәдени орталығы» қоғамдық бірлестігінің Мұхтар Әуезов атындағы кітапханада Халықаралық Холокост құрбандарын еске алу күніне арналған іс-шара өткізді.

Бұл кеш Тараз қаласындағы еврей қауымының ақсақалы, тарихшы, журналист, Жамбыл облысы ҚХА мүшесі Михаил Буниннің «Енді ешқашан немесе Холокост сабақтары» атты дәрісімен ерекшеленді.

Жиналғандар – осы орталықтың белсенділері мен еврей қауымының мүшелері, облыстағы этно-мәдени бірлестіктердің, поэзия сүйер қауымның өкілдері, Галина Чибитко атындағы клубтың поэзия сүйер қауымы, М.Х.Дулати атындағы Тараз өңірлік университетінің студенттері..

Шара барысында «Гесель Полина» волонтеры, көркемсөз оқу шебері Евгений Белоголовых «Балаларға алты миллионды қалай түсіндіруге болады?» сияқты шығармаларды орындады. Адольф Берлин, Евгений Евтушенконың «Баби Яр», Исаак Нюрнбергтің «Мен зұлымдық сияқты қорқамын …».

Шараға қатысушылардың назарына Холокост тақырыбына арналған плакаттар мен кітаптардың көрмелері ұсынылды. Экспозицияға енгізілген экспонаттар басып алынған аумақтардағы Холокосттың ауқымы мен ерекшеліктерін ашады. Оның көргені ешкімді бей-жай қалдырмады.

Шара соңында Холокосттың алты миллион құрбандарын бір минут үнсіздікпен еске алды.

Еске алу шарасының ұйымдастырушысы Александр Баронның төрағалығымен «Мицва» Қазақстан еврей ұлттық ұйымдарының «Мицва» қауымдастығы болды.

Бірлескен ұйымдастырушылар – Қазақстан халқы Ассамблеясы, Қазақстан Республикасындағы Біріккен Ұлттар Ұйымы, Еуро-Азия еврей конгресі, Ақпарат және қоғамдық даму министрлігінің “Қоғамдық келісім” РММ.

Сондай-ақ, онлайн форматта Жамбыл облысы әкімдігінің «Қоғамдық келісім» КММ басшылығы мен қызметкерлері қатысты.

Еске алу шарасы барысында БҰҰ Бас хатшысы Антониу Гутерриш үндеу жасады. Сонымен қатар, Холокостты зерттеу және білім беру орталығы ұсынған тарихи-құжаттық көрме көрсетілді.

“Қоғамдық келісім” КММ

Баспасөз қызметі орталығы

Қазақ халқы байырғы заманнан бері бірлік пен татулық мәселесіне айрықша мән беріп,оны тірліктің тұтқасы,өмірдің өзегі ретінде бағалап келген. Егемендіктің,мемлекеттіліктің негізі-халық бірлігі десек қателеспейміз.

«Дамудың сыры-бірлікте» деп бекер айтылмаса керек. Расында бірлік пен татулық,келісім болған жерде даму да, алға жылжу да орын ала бермек. Қазақты қасиетті қара шаңыраққа теңесек,еліміздегі барша этностар-сол шаңыраққа шаншылған уықтар. Қазақстанда тұратын барлық этнос өкілдерінің Отаны – ортақ, тілегі-бір, мақсаты-жалғыз:ол-жері гүлденген,дамуы жедел Қазақстан! Еш уайымсыз,бейбітшілікте өмір сүру-нағыз баыт десек те болады.

Қазіргі біздің қоғамда «төзімділік» және «ксенофобия» сынды ұғымдар қолданылып жүр. Бұл жердегі төзімділік дегеніміз- басқалардың пікіріне,мінезіне шыдамдылық таныту. Саясаттанушылар төзімділік-адамның,қауымдастықтың,мемлекеттің, басқалардың өзіндік пікіріне сыйластық танытуын айтады. Бұл тұрғыда біздің еліміз бірде-бір ұлт өкілін шеттетіп, пікірін кері ысырған емес. Қазақ елінің шаңырағын биік ұстау-ортақ мүдде.

Қазақстан халқы Ассамблеясы –бейбітшілік пен келісімнің тірегі.Қазіргі таңда Ассамблея этносаралық және конфессияаралық қатынастар саласындағы мемлекеттік саясатты жүзеге асырушы маңызды құралға айналып, елімізде тұрмыс кешіп отырған барлық этностардың өзара тең құқықты қатынасын қамтамасыз етуші рөлге ие бірден-бір ұйым. Біздің облысымыздағы ҚХА-ның еңбегін айтпасқа болмас. Қаншама этнос өкілінің татулық пен бірлікте өмір сүруіне өз үлесін қосып келеді. Біздің арамызда дау,шиеленіс тумас үшін бір-бірімізбен тығыз қарым-қатынаста болуымыз үшін, бірігіп жасайтын іс-шараларғақатыстырып отырады. Қорыта айтқанда, өзінің таза тілі,ажырамас діні,қайсар да батыл ұлты барда еліміз көркейіп нығая бермек!

«Жамбыл облысы тәжік этномәдени бірлестігі» қоғамдық бірлестігінің төрағасы

Махкам Орифов

Ағымдағы жылдың 20 қаңтарында Жамбыл облысының «Ассамблея жастары» РҚБ жетекшісі – Хамида Турдыеваның бастауымен белсенді жастар «Жасыл Тараз» қызметкерлеріне ыстық шәй, бауырсақ және тәттілер таратты. Қайырымды іс-шара «Жылу» акциясы аясында өтті.

Шара барысында, аталмыш қоғамдық бірлестіктің жастары қолдарына күрек алып, қала қарын тазалауға кірісіп кетті.

Біздің акциямыздың мақсаты – таңғы ұйқысын бөліп,қаламыздың көркеюіне атсалысып жүрген жандарға қыстың қатулы күндерін сәл де болса жылыту! Осы әрекетімізбен біз барлық жастарға үлгі болып, жақсылық жасауға шақырамыз, – дейді «Ассамблея жастары» белсендісі – Аяна КИМ.

Ал «Ассамблея жастары» РҚБ жетекшісі Хамида Турдыева қайырымдылық акциясы өз жалғасын табатындығын атап өтті.

«Қоғамдық келісім» КММ

Баспасөз қызметі орталығы

2023 жылдың 17 қаңтарында Тараз қаласы, «Қоғамдық келісім» КММ-де ҚР Премьер министрінің әйелдер ісі жөніндегі кеңесшісі, ҚХА Аналар кеңесінің төрайымы Нәзипа Ыдырысқызы Шанаидың өңірлік ҚХА Аналар кеңесі өкілдерімен кездесуі өтті.

Іс шарадағы негізгі мақсат – отбасы құндылығын сақтауға,жас аналардың рухани дамуына негізделген «Мәдениетті ана- мәдениетті ұлт» жобасын жүзеге асыру. Сондай-ақ бірлікті,бейбітшілік пен келісімді нығайту,жастардың бойында патриоттық сезімді арттыру, қоғамды ортақ мақсаттар үшін біріктіру. Жамбыл облысы ҚХА Аналар кеңесі өкілдері мен Облыстық әскери бөлімдері командирлерінің тәрбие ісі жөніндегі орынбасарлары қатысушылар қатарында болды.

Жиын барысында Жамбыл облысы ҚХА Аналар кеңесінің төрайымы Мухаббатхон Миражапова аталмыш ұйымның жыл бойы атқарған жұмыстарына тоқталды. Айтуынша, қазіргі таңда облысымызда 36 аналар кеңесі жұмыс жасайды. Кеңес мүшелерінің жалпы саны 546 адамды құрайды. Облыстық ҚХА жанындағы Аналар кеңесі 6800 адамның қамтылуымен 86 іс-шараны жүзеге асырған.

Өз кезегінде Нәзипа Ыдырысқызы жастар арасында жиі кезігетін мәселелерге тоқталып өтті. Мәселен, қазіргі жасөспірімдер жолдарында кезігетін қиындықтарға өз беттерінше төтеп бере алмайтындығын алға тартты. Өскелең ұрпақты тәрбиелеуде аналардың атқаратын рөлінің зор екендігін айта келе, белең алып жатқан отбасылық зорлық-зомбылыққа жол бермеу мақсатында атқарылуы қажет тиісті шараларға да тоқталды.

Келесі кезекте ҚХА Аналар кеңесі төрағасының орынбасары Баян Орынбасарқызы кәмелетке толмағандар арасында тарап кеткен «дәріханалық есірткі» жайлы ақпарат берді. Дәріханаларда дәрігердің нұсқауынсыз жасөспірімдерге дәрі ұсынбау жөнінде меморандум құрылуына байланысты жұмыстар атқаратындықтарын және аналарға балаларының қауіпсіздігіне мән беру керектігін ерекше атап өтті.

Іс-шара соңында қонақтар «Қазақтану» мәдени-ағартушылық жобасының «Ұлы дала қазынасы» жобасын жүзеге асыратын “Белсенді ұзақ өмір сүру”орталығындағы шеберлер клубының киіз басу бойынша шеберлік сыныбында жасалған қолөнерлер туындыларымен танысты.

«Қоғамдық келісім» КММ

Баспасөз қызметі орталығы