Archive for month: March, 2024

Бүгін Алматы қаласындағы республикалық Достық үйінің ұйымдастыруымен Ұлттық құрылтай отырысына қатысушыларымен республикалық онлайн семинар өтті.

Іс-шараға ақын, жазушы, журналист, Қазақстанның еңбек сіңірген қайраткері Сәуле Досжан, ҚХА мүшесі, «Вайнах» Қазақстан шешендері мен ингуштары қауымдастығының тең төрағасы Ахмет Мурадов, белгілі журналист, блогер Алмас Алтай және этномәдени бірлестіктердің өкілдері мен жастар  және Жамбыл облысы әкімдігі ІСБ «Қоғамдық келісім» КММ қызметкерлері де қатысты.

Кездесу барысында  Ұлттық Құрылтайдың үшінші отырысының қорытындылары мен елімізде жүргізіліп жатқан саяси реформалар талқыланды.

Қатысушылар бірауыздан Мемлекет басшысы Қасым-Жомарт Тоқаевтың Ұлттық Құрылтайдың үшінші отырысында көтерген бастамаларын қолдайтындарын айтты.

Наурыз мерекесінде де адамдар өздерінің көршілеріне, қарттарына да назар аудара отырып, ең жақсы қасиеттерді көрсетеді.

2024 жылдың 19 наурызында өңірлік ҚХА этномәдени бірлестіктері мен құрылымдарының өкілдері №1 Арнаулы әлеуметтік қызмет көрсету орталығының қарияларын алдағы Наурыз мейрамымен құттықтады.

Іс-шараны өткізуге Қытай мәдени орталығы (төрайымы Галина Воробьева), Жамбыл облысы бойынша «Қазақстандық татарлар мен башқұрттар конгресі» республикалық қоғамдық бірлестігінің филиалы (төрайымы Фарида Нақыш), Аналар кеңесінің өкілі «Радонеж» Орыс қауымдастығынан Оксана Дьяченко тікелей қатысты.

Сондай-ақ, мерекеге Аналар кеңесінің өкілі («Шиват Цион» Еврей мәдени орталығының атынан) Нина Михайлова, Тараз қалалық Өзбек орталығының мүшелері қатысты.

Көрермендерге Галина Воробьева мен осы этномәдени бірлестіктің өкілі Галина Нидің, 13-орта мектебінің «Веснушки» қасықшылар ансамблінің, қазіргі Гуманитарлық-техникалық колледж студенттерінің қатысуымен шағын концерттік бағдарлама ұсынылды.

Сондай-ақ, қазақ, қытай, татар, өзбек билері орындалып, әндер, өлеңдер, аспаптық шығармалар шырқалды.

Іс-шара барысында №1 Арнаулы әлеуметтік қызмет көрсету орталығы басшылығының Алғыс хаттарымен этнобірлестік басшылары —Галина Воробьева, Фарида Нақыш, Қытай мәдени орталығының өкілі Галина Ни, «Радонеж»  Орыс қауымдастығынан Оксана Дьяченко марапатталды.

Наурыз мерекесін мерекелеу қызықты өтті, ұмытылмас әсер қалдырды.

Егде жастағы адамдардың жаны мен жүрегіне жылу ұялап, әз-Наурыздың арқасында оларға толық көңіл бөлінді.

Бүгін М.Х.Дулати атындағы Тараз өңірлік университетінің гуманитарлық-әлеуметтік ғылымдар факультеті мәдениет және өнер кафедрасының І курс студенттері, Жамбыл облыстық «Әулие ата» қазақ мәдени орталығы жастарының қатысуымен Наурыз мейрамына арналған мерекелік іс-шара өтті.

Кешке жиналғандарды мерейлі мерекемен аталған оқу орнының мәдениет және өнер кафедрасының меңгерушісі, «Әулие ата» қазақ мәдени орталығы төрағасының орынбасары Айгүл Қабиева «Қоғамдық келісім» КММ басшысы Мубарак Жинақбаева және І курс студенттерінің ата-аналары құттықтады. Ал, облыстық ҚХА төрағасының қоғамдық орынбасары, облыстық ҚХА Ақсақалдар кеңесінің төрағасы Асқарбек Сейілхан бата берді.

Кеш барысында қатысушылар көрермендерге шығармашылық қойылымдар, әуезді әндер, этникалық түрлі билерімен қайталанбас мерекелік көңіл күй сыйлады. Мерекеде ерекше ескерілетін ұлттық ойындар туралы бейне ролик көрерменге көгілдір экран арқылы көрсетілді.

Көзі қарақты көрерменнің көңілінен шыққан кештің соңы естелік суреттерге түсумен тәмамдалды.

Бүгін, Наурыз мейрамы қарсаңында «Шахристан»  мәдени-тарихи кешенінде әзіл-қалжыңдармен, ойындармен, частушка -әндермен және билермен «Масленица»  мерекелік шарасы көңілді өткізілді.

Сахнада театрландырылған қойылым, этномәдени бірлестіктер шығармашылық ұжымдарының, «Радонеж» Орыстар қауымдастығының «Калинка» вокалдық тобының, «Днепро»  Украин этномәдени бірлестігінің «Маричка» халық ансамблінің концерттік нөмірлері тамашаланды.

Бұдан бөлек,

«Веснушки»  қасықшылар ансамблі және басқа да оқу орындары — мектептер мен колледждердің шығармашылық ұжымдары, Жамбыл облыстық драма театрының әртістері және т. б.шығармашылық топтар да қатысты.

«Масленица»  мерекесінің ажырамас бөлігі —жәрмеңке. Іс-шараға келгендер тауарларды қызығушылықпен қарап, халық шығармашылығы шеберлерінің қолөнер туындыларын қуана сатып алды.

Мереке мәдениеттердің көрнекі тоғысуымен, өңірлік этномәдени бірлестіктер, түрлі этностар өкілдерінің қатысуымен шын мәнінде полиэтникалық болып қызықты мерекеленді.

Бұл жолғы дәстүрлі «Широкая масленица»  мерекесі Наурыз мерекесіне арналған онкүндікте өтіп, «Наурызнаманың»  «Мәдениет және ұлттық салт-дәстүр күні» деп аталатын бөлігімен астарласа өткізілді.

Мұндай іс-шаралар бірлік пен келісімді нығайтуға зор ықпалын тигізері сөзсіз.

ҚР МАМ ЭҚДК «Қоғамдық Келісім» РММ директорының орынбасары Әлия Сапарованың модераторлығымен 2024 жылдың 14 наурызында ZOOM платформасында әлеуметтік желілердегі парақшаларды жүргізу бойынша онлайн-конференция өтті.

Онлайн отырысқа ҚР ПӘ ҚХА Хатшылығының инспекторы, ҚР Мәдениет және ақпарат министрлігі Этносаралық қатынастарды дамыту комитетінің өкілдері, «Қоғамдық келісім» РММ өкілдері қатысты.

Жиналыста әлеуметтік желілердегі этномәдени бірлестіктер, ҚХА қоғамдық құрылымдарының профильдерін жүргізу бойынша ұсынымдар талқыланды.

Шығармашылық пен сапалы контент арқылы аудиторияны кеңейту, ынтымақтастыққа танымал сарапшылар мен танымал блогерлер арасынан жаңа адамдарды тарту қажет екендігі айтылды.

Сондай-ақ олар трендтер, бірлескен авторлық, жазылушылар мен көріністер санын арттырудың жаңа мүмкіндіктерін қарастыру және әр облыста болуы тиіс студия мен оның жабдықтары туралы мәселелерін де назардан тыс қалдырмады. Журналистер клубының жұмысын уақыт талабына сай қайта жүйелеу жайы да сөз болды.

Жиын барысында ҚР ПӘ ҚХА хатшылығының инспекторы Мұхтар Құлжан, ҚР МАМ ЭҚДК әдістемелік қамтамасыз ету және ақпараттық-түсіндіру жұмыстары бөлімінің басшысы Гүлстан Алпысбай және Ақпараттық жұмыс және қоғаммен байланыс бөлімінің басшысы Оразәлі Сәрсенов сөз сөйлеп, баспасөз саласындағы әріптестерінің алдағы уақытта жүзеге асуы тиіс жұмыстарын ортаға салды.

Жиын соңы өзара пікір алмасуға ұласты.