Көне Тараздан киелі Түркістанға дейін

/in /by

Ежелгі Тұран  – қазіргі Түркістан. Көненің көзі, асылдың сынығы қалған, бүкіл Қазақ жұртшылығының ақсүйектері жерленген  қасиетті мекенге Жамбыл облысы Қазақстан халқы ассамблеясының «Жаңғыру жолы» жастар қозғалысының бірқатар белсенділері мен өңірлік этнос өкілдерінің жас мүшелері саяхат жасап қайтты.

Жамбыл облысы Қазақстан халқы ассамблеясының «Жаңғыру жолы» жастар қозғалысының 2019 жылғы «Жастар жылына» арналған іс-шаралар жоспарына сәйкес 25-27 қыркүйек аралығында  облыстың «Жаңғыру жолы» жастары республикалық  «Елтану» туристік-өлкетану экспедициясы аясында  Түркістан облысының тарихтан сыр шертер көне жерлеріне экскурсия ұйымдастырылды.

Шараға  облыстық ассамблеяның белсенді жастары, Жамбыл облысы әкімі аппаратының «Қоғамдық келісім» коммуналдық мемлекеттік мекемесі, «Жаңғыру жолы» жастар қозғалысының өңірлік штабының мүшелері, аз қамтылған отбасынан шыққан мектеп және кәсіптік-техникалық оқу орындарының оқушылары мен білімгерлері, ата-анасының қамқорлығынсыз қалған балалар бар, барлығы 50 адам қамтылды.

Экскурсияның басты мақсаты –  Қазақстандағы жастар жылы аясында Түркістан, Жамбыл облыстарының белсенді жастарын Қазақстан президенті Жолдауы жүктеген міндеттерге жұмылдыру, қоғамдық келісім мен жалпыұлттық бірлікке негізделген қазақстандық патриотизм құндылықтарын ілгерлету болып табылады. Сондай-ақ, өскелең ұрпақты еліміздегі ішкі туризмді қалыптастыру, өлке тарихымен және оның географиясымен таныстыру.

Көне Тараз шаһарынан ежелгі Түркістанға бет алған жастардың керуені жол бойында еліміздің оңтүстік астанасы саналатын шырайлы Шымкент қаласына тоқтап, жергілікті ассамблеяның жастарымен жүздесті.

Кездесу басында сөз сөйлеген Жамбыл облысы әкімі аппаратының «Қоғамдық келісім» КММ басшысы Рано Махсудқызы жергілікті ассамблея қызметкерелеріне алғысын айтып, жастарға жалынды сөздерін арнады. Сондай-ақ экскурсияның алдағы бағыт-бағдарларымен таныстырып, жастармен бірге атқарылып жатқан жұмыстың жүйесіне тоқталды.  Кездесу барысында  екі жақтың жыл бойы атқарылған жұмыстарының қорытындысы, Жолдауға қолдау білдірген жастар, Абай Құнанбайұлының 175 жылдығына арналған челлендждің жалғасуы туралы ойлар мен пікірлерін ортаға салды. Сондай-ақ, аталмыш челленжді ары қарай дамыту мақсатында Шымкент қаласының жастары жамбылдық жастарға эстафета жолдады. Жастар одан әрі шырайлы Шымқаланың  қаланың «көрсе көз тоймас» жерлерін аралап, естелік-фотосессия ұйымдастырды.

Жамбылдық жастарды алда киелі Түркістан күтіп тұр еді. Экскурсияның екінші күні Қожа Ахмет Яссауи, Рабиға-Сұлтан Бегім кесенелері, Қожа Ахмет Яссауи кесенесінің маңынан орын тепкен емдік қасиетке ие шығыс моншасы, Хильвет жер асты мешітіне, Шәуілдір ауылындағы  Арыстан-Баб кесенесі (Қ.А. Яссауидің мұғалімі және рухани тәлімгері), Отырар қалашығы (археологиялық қазбалар),  Отырар тарихи-өлкетану мұражайына саяхат жасаған жастар тарихпен бетпе-бет келгендей әсер алғандарын жасырмады.

Қ.А.Яссауи кесенесі XIV ғасырдың соңында тұрғызылған архитектуралық ғимарат. Қожа Ахмет Яссауи дүние салғаннан кейін халықтың көп жиылуымен өзіне арнап соғылған кішкене мазарға жерленеді. Кейін бұл кесене мұсылмандардың жаппай тәу ету орнына айналған. Мекеме қызметкерлері ассамблея жастарына бассұққан әр киелі орынды жіті таныстырды. Олар туралы көптеген ақпараттармен бөлісіп,  тарих тұнығынан сусындатты.

Саяхат барысында штабтың белсенді мүшесі Лигостаев Артур: – «Қазақ даласының әр тасын түртсең  тарихын көресің. Бұл мен үшін өте қызықты сапар болды. Себебі, мұндай көріністер бізді сан ғасырларға көз жүгіртеді.  Ал, өткеніміз – тарихымыз. Тарихта біздің ата-бабаларымыздың ізі бар. Бұл экскурсия бізге тек көңілді саяхат қана емес, тұнып тұрған руханият. Мен осында келгеніме өте қуаныштымын және осы саяхатты ұйымдастырған облыстық ассамблеяға алғысымды айтамын. Алдағы уақытта жастарға осындай рухани, мәдени, тарихи азық сыйлайтын өңіраралық «Өлкетану» турлары көп болса екен. Біз бір сәт күнделікті күйбең тіршіліктен сергіп, тарихқа саяхат жасап қайттық.» – деп өз ойымен бөлісті.

Сапар соңында ассамблея жастары Түркістаннан «тәбәрік» ретінде туыстары мен таныстарына түрлі сувенир-базарлықтар алып, киелі Түркістан кесенелері маңында суреттерге түсті.

Жамбыл облысы әкімі аппаратының

«Қоғамдық келісім» КММ

Баспасөз қызметі орталығы

Таразда «Медиацияны кәмелетке толмағандар мен жастардың қатысуымен дауларды реттеудің баламалы тәсілі ретінде дамытудың келешегі» тақырыбында кеңейтілген отырысы өтті

/in /by

Ағымдағы жылдың 25 қыркүйегінде Тараз қаласының Достық үйінде Жамбыл облысы ҚХА медиаторлар Кеңесі «Кәмелетке толмағандар мен жастардың қатысуымен дауларды реттеудің баламалы тәсілі ретінде медиацияны дамыту шаралары» атты кеңейтілген отырысын өткізді. Іс-шараны ұйымдастырушы Жамбыл облысы Қазақстан халқы ассамблеясының медиация кабинеті.

Судьялар, заңгерлер, адвокаттар, ҚХА медиаторлары, этномәдени бірлестіктердің өкілдері, белсенді жастар кәмелетке толмағандар мен жастардың қатысуымен даулы жағдайларды реттеуде «Медиация туралы» заңды қолданудың қиындықтары мен алға қойылған іс-шаралары, жастарды жұмыспен қамтудың қазіргі және әлеуетті мәселелерін шешу, оның әлеуетін жүзеге асыру жолдарын, отаншылдық пен Отанға деген сүйіспеншілік рухында тәрбиелеу әдістерін талқылады. Сонымен қатар, отырысқа қатысушылар белгіленген мәселелер бойынша ұсыныстар енгізді:

– кәмелетке толмағандар мен жастардың қатысуымен жанжалдарды шешу бойынша медиация технологиясын қолдану туралы;

–  қала және аудан оқу орындарында консультативтік-әдістемелік кездесулер өткізу туралы;

– кәмелетке толмағандар мен жастардың қатысуымен жанжалдарды шешу саласында жұмыс істейтін медиаторларға арналған әдістемелік құралдар туралы (әзірлеу).

Мәжіліске қатысушылардың бірі Жанна Мамышева – «Бұқаралық ақпарат құралдары қызметкерлерінің қауымдастығы» ЖҚБ жетекшісі, кәмелетке толмағандар мен жастардың қатысуымен даулы жағдайларды баламалы реттеудің қиындықтары мен алға қойылған міндеттерін атап өтті: – «Мен бір тың жаңалық ашпай-ақ қояйын, дегенмен де,  жастардың басты мәселесіне келіп тоқталатын болсақ, жұмыссыздық, талапсыздық және алға ұмтылу  жоспарларының  болмауы көп келелі мәселеге әкеп соқтыратыны сөзсіз. Егер қалада мүлдем жұмыс жоқ деп айтар болсам, объективті болудан қорықпаймын. Жұмыс әрдайым бар! Бұған басқа елдерден келген мигранттар санының жыл сайынғы өсуі дәлел. Бірақ мәселе бар жұмыс жастардың талаптарына, сұраныстарына және амбициясына жауап бермейді.  Қалалық жастар ресурстық орталығының (ЖРО) мәліметтері бойынша, бүгінгі таңда Тараз қаласындағы жастардың саны 14 пен 29 жас аралығындағы 86 553 адамды құрайды.  Бір жағынан қалада жастардың дамуы мен өсуі үшін барлығы бар! Бұл бірінші кезекте жоғары (ЖОО) және орта (ЖҚС) оқу орындарының болуы. Студенттердің жалпы саны: 40 500 адам, бұл қала жастарының жартысын құрайды. Жыл сайын 7689 түлек шығарылады, бірақ тек 4152 түлек жұмысқа орналасады, бұл 54% құрайды. Бұл басқа мемлекеттерде оқитын жастарды санамағанда, оқыту және кадрларды даярлау үрдістерінің айқын өзгерісі.  Ел Президенті Н. Ә. Назарбаев өзінің «Болашаққа көзқарас: қоғамдық сананы жаңғырту» атты мақаласында былай деп атап өтті: – «Бүгінгі таңда жеке адам ғана емес, сонымен қатар ұлт өзінің бәсекеге қабілеттілігін дамыта отырып, табысқа жетуге мүмкіндігі бар» дәл осы қажеттілік пен бәсекеге қабілеттілік, еңбек нарығының басты критерийлері! Басқаша айтқанда, жыл сайын қаланың жоғары оқу орны мен СУЗ-лары елдің бюджет қаражатының жартысын және азаматтардың жинақтарын тиімсіз жұмсайды!».

Отырысқа қатысушылардың барлығы жастарды жұмыспен қамтудың қазіргі және әлеуетті мәселелерін шешу жолдарын іздестіруге бір ауыздан келісіліп, кәмелетке толмағандар мен жастардың қатысуымен жанжалдарды шешу саласында жұмыс істейтін медиаторларға арналған әдістемелік құралдар әзірлеу жөнінде ұсыныстар енгізілді. Мектептерде, колледждерде консультативтік-әдістемелік кездесулер ұйымдастырып, топтық бірлікті дамыту және қалыптастыру үшін рөлдік ойындар өткізу, соған қоса мектептегі, отбасындағы, ауладағы жанжал барысындағы Медиацияның араласуы, сондай-ақ сыныптың, мектептің дәстүрлері мен құндылықтарының бірыңғай жүйесін құру шараларын қарастыру да көзделді.

Жамбыл облысы әкімі аппараты

«Қоғамдық келісім» КММ Баспасөз орталығы

Заманауи медиация және оның жастар қоғамындағы орны

/in /by

Жыл өткен сайын Қазақстанда сот қарайтын істер қатары көбейіп барады. Ресми деректерге назар аударсақ, биылғы жылдың басынан бері сотқа 3 миллионнан астам шағым түскен екен. Әр шағымның тасасында дауласушы екі тарап тұрғанын ескерсек, қазіргі күні 6 миллиондай адам соттасып жүр. 18 миллион халқы бар еліміз үшін бұл көрсеткіш аз ба, алде көп пе? Оны ойы қарақты оқырман өзі анықтап алар. Сот қарайтын істер санының көбеюінің астарында судьяларға түсетін жүктеменің көптігінен бөлек, әлеуметтік тұрақтылығымызға қатер төндіретін жай тұрғанын ұмытпауға тиіспіз. Осы орайда, дауласушы тараптарды татуластырып, тіл табыстыратын медиация институтының тигізер ықпалы аз еместігі қазір аз айтылып, аз жазылып та жүрген жоқ. 

      Ресми мәліметтер көрсетіп отырғандай, қазіргі таңда қолайсыз отбасылар, суицид жасауға бейім балалар қатары көбейіп барады. Жасөспірімдер арасындағы нашақорлық, тіпті маскүнемдік жайлар да орын алып қалады. Үлкен балалардың әлімжеттік жасап кішкентай балалардың ақшасын, ұялы телефонын, басқа да заттарын тартып алатын немесе жай ғана ермек үшін ұрып-соғып, намысын таптап жататын жайлар да ұшырасады.
Осылардың бәрі мектепте медиацияны енгізу қажеттігін анық көрсетеді.

Осы негізде ағымдағы жылдың қыркүйек айында Жамбыл облысы әкімі аппаратының «Қоғамдық келісім» коммуналдық мемлекеттік мекемесі  «Медиация-бірлік негізі» әлеуметтік жобасы аясында Тараз қаласының Достық үйінде  «Мектеп медиациясы» атты семинар-тренинг өткізді. «Жаңғыру жолы»  ҚХА  жастар қозғалысының өкілдері, колледж студенттері мен қала мектептерінің оқушылары  білім беру ортасындағы жанжалдарды болдырмау және шешу бойынша медиативтік тәсілдер бойынша дәріс алды.

Семинар бағдарламасы заманауи медиациядағы шешендік шеберлік жүйесінде негізделген және аразданушы жақтарымен коммуникациядағы басты спикер ретінде медиатор бейнесінің сыртқы және ішкі элементтерін, сонымен қатар, коммуникативтік дағдыларын нығайтуға бағытталған тәжірбиелік жаттығуларынан тұрады.

Іс-шараны аша отырып, «Қоғамдық келісім» КММ басшысы Убайдуллаева Рано Махсұдқызы  жастардың қолында біздің мемлекетіміздің болашағы тұрғанын және осындай оқыту курстарын өткізу жанжалды жағдайларда өзін-өзі ұстаудың практикалық дағдыларын алуда белгілі бір нәтижелер беретінін атап өтті:  -Құқық бұзған бала өз құрбылары тарапынан айтылған уәждерге тоқтап, өзінің қателігін түсінеді. Бұл оның сондай әрекетті қайталамауына және жанжалды жағдайдан ұрыс-керіссіз, ренішсіз шығуына көмектеседі.
Ата-аналар балаларының арасындағы дау-жанжалдарды өршітпей басуға, балаларының ашушаң, кекшіл болмай, көпшіл болып өсуіне жағдай жасауға мүмкіндік алады. Осы орайда, олар бала жанын тереңірек түсініп, бала тәрбиесінің маңызын сезіне түседі.
Менің ойымша, медиацияны жалпы білім беретін мектептерде ғана емес, колледждерде, университеттерде де енгізген жөн. Кәсіби және жоғары оқу орындарында да жастар арасындағы жанжалды оқиғалар әлсін-әлсін орын алып жатады. Ал, медиация қызметі оны екі тараптың мүддесіне сай шешіп қана қоймай, мұндай келеңсіздіктердің алдын алуға да игі ықпалын тигізетін болады.

Медиатор-жаттықтырушы Сафонова Лариса Владимирқызы іс-шараға қатысушы жастарды оқу орындарында медиацияны қолдану және әр қолайсыз жағдайда  қауіпсіз кеңістікті құру тәсілдерімен таныстыра отырып,    дәрісті интерактивті тренинг форматында өткізді. Оқыту барысында шағын-дәрістер, практикалық жаттығулар, рөлдік ойындар, «миға шабуыл», дискуссиялар, жеке байланыстары бар имитациялық медиация әдіс-тәсілдері қолданылды. Қатысушыларға дау-жанжалды жағдайларды шешу жолдары мен медиацияны тиімді қолдану тәсілдері ұсынылды, олар делдалдық және келіссөздер арқылы табысты .

Семинар-тренингтен кейін қатысушыларға сертификаттар мен әдістемелік ұсынымдар берілді.

Жамбыл облысы әкімі аппараты

«Қоғамдық келісім» КММ Баспасөз қызметі

орталығының  басшысы Бибігүл Шахзада

Талдықорған қаласында «Мәдениеттер калейдоскобы» атты Тараз және Алматы облыстары этномәдени бірлестіктерінің өңіраралық туры өтті

/in /by

Ағымдағы жылдың  қыркүйегінде Талдықорған қаласы «Достық үйінде» Жамбыл облысы Қазақстан халқы ассамблеясы ұйымдастыруымен  этномәдени бірлестіктер арасында «Мәдениеттер калейдоскобы» атты Жамбыл және Алматы облыстарының «Жаңғыру жолы» жастар қозғалысының  штабы мүшелерінің қатысуымен  өңіраралық тур өтті.

Екі облыс жастарының кездесу туры  олардың бойында біртұтас ортақ құндылықтарды қалыптастырудың негізі ретінде қазақ халқының тарихын, мәдениетін, философиясын, этникасын дәріптеуге, сондай-ақ Қазақстан этностарының арасында «Рухани жаңғыру» бағдарламасының жобаларын ілгерілетуге бағдарланған.   Кездесудің басы Жамбыл облысы әкімі аппаратының «Қоғамдық келісім» коммуналдық мемлекеттік мекемесінің басшысы Убайдуллаева Рано Махсудқызы және Алматы облыстық Қазақстан халқы Ассамблеясы төрағасының орынбасары, хатшылық меңгерушісі Тұрсынбай Ғабит Тұрсынбайұлының ізгі тілектерімен басталды.

«Қоғамдық келісім» КММ басшысы Рано Махсудқызы: «Біздің келуіміздің мақсаты – «Рухани жаңғыру» бағдарламасы аясында жалпы құндылықтарды қалыптастыруға, қазақ елінің тарихын, мәдениетін, әдебиетін, өркениетін, дүниетанымын Қазақстан халқы арасында насихаттауға бағытталған «Қазақтану» жобасын жүзеге асыру. Өңіраралық турдың негізгі міндетінің өзі – ұлттық мұраны нығайтуға және қазақстандық жас буындарға мәдени-рухани тәрбие беруге ықпал ету болатын. Осы тұста Алматы облысының тарихы мен мәдениетін таныстыру экскурсиясы жамбылдық жастарға рухани серпіліс әрі шығармашылық әлеуетін ашады деген сенімдемін. Облыстар арасындағы осындай бірлескен іс-шаралар этномәдени бірлестіктердің тәжірибе алмасып, екі өңірдің жастары арасында достық қарым-қатынас орнатуға мүмкіндік береді» – деді өз сөзінде.

Сондай-ақ, кездесу барысында Жамбыл облысының «Жанғыру жолы» жастар қозғалысының атқарған жұмысы туралы өңірлік штабтың белсендісі Алиев Хабиб сөз сөйлеп, жыл бойындағы жолға қойылған жоспарлардың жүйелі нәтежиелерімен бөлісіп, екі облыстың жастар қанаты тәжірибе алмасты. Кездесу кезінде ҚР Президентінің жолдауы бойынша Жамбыл облысының этномәдени бірлестіктерінің мүшелері Лигостаев Артур мен Пряхина Русалина және Алматы облысының өзге этнос өкілдері өзара пікір алмасып, ой қозғады.

Өңіраралық кездесуде жастар Талдықорған қаласындағы М. Тынышпаев атындағы тарихи-өлкетану және І. Жансүгіров атындағы облыстық әдебиет мұражайларымен танысты. Сондай-ақ,  Жамбыл облысының «Жаңғыру жолы» ЖҚ штабы мүшелері алматылық ағайынға тараздықтардың ыстық ықыласын жеткізу үшін мерекелік концерт ұйымдастырды. Алматы қаласының «Жаңғыру жолы» ЖҚ өкілдері жамбылдықтарды Алматы облысы, Үштөбе қаласындағы «Қазақ халқына алғыс!» атаумен депортацияланған этностардың ризашылығы ретінде салынған ескерткішпен таныстырды. Сан жылдық тарихтан сыр шертер ескерткіш жастардың назарына ерекше ілінді. Сонымен қатар, кездесу кезінде жастар Алматы облысы, Қаратал ауданындағы Кемел Тоқаев атындағы саябаққа саяхат та жасап үлгерді.

Кездесу соңында жастар өңіраралық турдан алған әсерлерін ортаға салды. Жамбыл облысы «Жаңғыру жолы» жастар қозғалысының белсендісі Алиев Хабиб турдан алған әсерімен бөлісіп, адағы уақытта да осындай игі бастамалар жалғасын тауып,   тәжірибе алмассақ екен деген тілегін де жасырмады. «…Құрметті алматылық  белсенді жастар, ел ертеңі  біздің қолда. Осы орайда біз жүйелі жұмыс атқарып, қомақты нәтиже  көрсете білуіміз керек. Бүгінгі өңірарлық турдағы басты міндетіміз – қоғамның назарын қазақ халқының қасиетті мұрасы дәстүрлерінің бірегейлігіне, этностар мәдениетінің әртүрлілігіне және өзіндік ерекшеліктеріне баса назар аударту, Қазақстандық ішкі туризмді дамытуға жәрдемдесу, өскелең ұрпақты қазақстандық бірегейлік пен патриотизм рухында тәрбиелеуіміз керек. Сонымен қатар, өңірлердегі кесенелердің тарихымен жіті  танысып, облыстар арасында іс-шараларды ұйымдастырып, өздеріңіз секілді өзге өңірлердің мамандарымен танысып тәжірибе алмасу қажет. Ұлттық мұраны насихаттау және қазақстандықтардың жас буынын мәдени-рухани тұрғысынан тәрбиелеу, қоғамдық келісімді қалыптастыру және халық бірлігін нығайтуда бар күш-жігерімізді аямауымыз қажет», – деді  белсенді жас.

Жастарға жаңаша мүмкіндіктер сыйлап, тәжірибелерін еселеген, таным-тыныстарын кеңейткен турдың соңы екі облыстың бір-бірлеріне естелік сыйлықтар табыстаумен тәмамдалды. Бір елдің баласындай, бір қолдың саласындай жұмыла жұмыс істесе алынбас асу жоғын білген жастар аталған жиыннан ерекше әсер алып қайтты.

Жамыл облысы әкімі аппаратының

«Қоғамдық келісім» КММ

баспасөз қызметі бөлімінің басшысы

Бибігүл Шахзада

«Жамбылым-жер жаннатым» атты үздік эссе байқауы өтті

/in /by

2019 жылдың  28 қантарында облыс әкімі бекіткен  іс-шаралар жоспарының 26 тармағына  сәйкес Қазақстан халқы Ассамблеясының «Қазақтану» ғылыми-ағартушылық жобасы аясында,Жамбыл облысының  80– жылдығы және Қазақстан халқы тілдері күні мерекесіне орай өзге этнос өкілдері жастары арасында эссе байқауы өтті.

Жамбыл облысы Қазақстан халқы ассамблеясы мен облыс әкімі аппаратының «Қоғамдық келісім» КММ ұйымдастырған байқауға аймақтың жоғарғы оқу орындары мен колледждерден барлығы 60-қа жуық студент қатысты. Ұйымдастырушылардың айтуынша дәстүрлі байқаудың биылғы жылғы қатысушыларының саны өткен жылдармен салыстырғанда едәуір артқан.

Байқаудың басты мақсаты мемлекеттік тілдің маңыздылығын саналы түрде сезіндіре отырып, құрметтеуге тәрбиелеу, отансүйгіштік қасиетін арттырып, еліміздің бәсекеге қабілетті жастар қатарына қосылуына ықпал ету, жастардың бойында жоғары әлеуметтік белсенділік пен шығармашылық әлеуетін дамыту болып табылады.

«Жамбылым-жер жаннатым» атты  үздік эссе байқауынақатысуға облыстағы әр жоғары оқу орындары және  колледждерден 4-5студенттен қатысты. Олардың өтініштері ағымдағы жылдың қыркүйек айының 16 –шы жұлдызына дейін қабылданды.

Эссе байқауына қатысушы жастардың байқау барысында тәртіп бұзбауын қадағалап, талапқа сай болуларын назарларында ұстаған қазылар құрамында №8 гимназияның қазақ тілі мен әдебиеті пәнінің мұғалімі Самекова Қаламқас Нұрланқызы, №44 орта мектептің қазақ тілі мен әдебиеті пәнінің мұғалімі Сыдықова Сәуле Оменқызы және №53 мектеп гимназияның қазақ тілі мен әдебиеті пәнінің ұстазы Сеитбекова Меруерт Исмаилқызы болды.

Байқауға қатысушыларға қойылар басты талап  «Жамбылым-жер жаннатым» тақырыбында 60 минут ішінде қазақ тілінде 250 сөзден кем болмауы тиіс және ережеде көрсетілген критерийлерге сай эссе жазып шығулары керек болатын.

Эссе жазуға сағат таңертеңгі онда отырған қатысушылар талапқа сай 60 минут ішінде аяқтап шықты. Байқау нәтежиесі дайын болғанша студенттер «Көне Тараз» тарихи-мәдени кешенін аралап, мұражай мен Достық үйіне саяхат жасады.

Байқау қортындысы шығып кезек марапаттау сәтіне де жетті. Сәуле Оменқызы«Барлықтарыңыз тағатсыздана күтіп отырған боларсыздар. Әрине байқауда бірде баб, бірде бақ жанады. Оның үстіне сіздерге қазақ тілінде эссе жазу  айтарлықтай оңай бола қоймасы анық. Десе де, эссені басым көпшіліктеріңіз өте  жақсы деңгейде, ережеде көрсетілген критерийлерге сай жазып шыққансыздар. Қасымдағы әріптестеріммен бірге жазылған эсселерге мұқият қарап шықтық. Шығарманың жоғары сауаттылық деңгейі, тақырыптың айқын ашылуы, баяндаудың әдеби стилі және  байқау  тақырыбына сай болуы сынды басты талаптарға ерекше мән берілді. Нәтежиесінде жеңімпаздар анықталды. Осы тұста барлықтарыңызға рахмет айтқым келеді. Тілге деген құрмет, байқауға деген белсенділіктеріңіз жыл сайын арта берсін»- деді,  №44 орта мектептің қазақ тілі мен әдебиеті пәнінің мұғалімі.

Байқау қортындысы бойынша Тараз мемлкеттік педагогикалық университетінен Газаева Маргарита және Абай атындағы Жамбыл  гуманитарлық колледжінен Дурсунова Ульфедина І орынды иеленді. ІІ орынды М.Х. Дулати атындағы Тараз мемлекеттік университетіненГазаева Салимат, №13 Тараз теміржол колледжінен Сарыбаев Тимур, «Парасат» колледжінен Юлдашева Диера және Тараз инновациялық-гуманитарлық университетінен Столярова Карина қанжығалады. Ал, ІІІ орын Жамбыл жоғары медициналық колледжінен Амзова Нилюфар, №13 Тараз теміржол колледжінен Каракулов Зафар, М.Х. Дулати атындағы Тараз мемлекеттік университетіненХакимов Умитжон, Жамбыл политехникалық жоғары колледжінен Телепко Руслан, Цхай Камилла және Абай атындағы Жамбыл  гуманитарлық колледжінен Мирзаева Эльмираға бұйырды. Жеңімпаздар бағалы сыйлықтар мен дипломдарға ие болды. Қалған қатысушыларға жаппай ынталандыру сыйлықтары және алғыс хаттар табысталды.

Қатысушылар жаппай естелік суреттерге түсумен тарқасты.

Жамбыл облысы әкімі аппаратының

«Қоғамдық келісім» КММ

баспасөз қызметі

«Берекелі шаңырақ» жас отбасылар байқауы өтті

/in /by

ҚР Тұңғыш Президенті Н.Ә.Назарбаевтың 2013 жылғы 1 наурызда №511 жарлығымен қыркүйектің екінші жексенбісі Отбасы күні деп бекітілген болатын.

Отбасы күніне орай Жамбыл облысы ҚХА қолдауымен Жамбыл облысы әкімі аппаратының «Қоғамдық келісім» КММ–нің ұйымдастыруымен «Болашаққа бағдар: Рухани жаңғыру» бағдарламалық мақаласы аясында және «2019- Жастар жылы» негізінде  облыстық этномәдени бірлестік жас отбасыларының  арасында  «Берекелі шаңырақ» атты  семинар-тренинг фестиваль байқауы өтті. Жыл сайын жас отбасыларды басын біріктіріп бабы мен бағын жарыстыратын дәстүрлі сайыс бұл жылы семинар-тренинг фестиваль байқау түрінде өз жалғасын тапты.

Фестивалдің мақсаты отбасылық құндылықтарды және рухани-адамгершілік қасиеттерді жандандыру, ұлттық дәстүрлерді жаңғырту, этномәдени бірлестіктердің үздік жас отбасыларын анықтау және көтермелеу, жас отбасы институтын қолдау болып табылады.

Шараға жас отбасылар, жастар саясаты жөніндегі сарапшылар, республикалық және қалалық этномәдени бірлестік өкілдері, ҚХА жанындағы Аналар кеңесі мүшелері, жастартар қанаты  және жергілікті БАҚ өкілдері қатысты.

Фестиваль оқыту курсы және фестиваль-байқау бойынша екі бөлімде өтті. Бірінші бөлімде қатысушыларға «Отбасы институтының қоғамдағы рөлі» тақырыбында жастар арасында отбасылық құндылықтарды түсіндіру, отбасындағы жанжалды жағдайларды шешу бойынша практикалық құралдарды меңгеру үшін дәріс оқылды. Сондай-ақ, қатысушылар аудиторияның проблемаларын анықтауға, өмірде болып жатқан түрді отбасылық мәселелерді шешуге  және талқылауға бағытталған тренингке қатысты. Аталған дәріс пен тренингті Жамбыл облысы бойынша «Бақытты отбасы» отбасылық соттар жанындағы отбасын қолдау орталығының үйлестірушілері ұйымдастырды.

Ал, екінші бөлімде этникалық отбасылық дәстүрлерді білу, қатысушылар оқыту курсы кезінде алған білімдерін, психологиялық икемділігін және күрделі отбасылық мәселелерді шеше білуін саралау мақсатында түрлі сұрақтарға жауап беріп, тапсырмалар орындады.

Қатысушылардың байқау барысында әділ бағаларын беріп отыру үшін әділқазылар алқасы құрылды. Қазылар құрамында «Бақытты отбасы» отбасылық соттар жанындағы отбасын қолдау орталығының үйлестірушілері Ильясова  Адемэ, Рапылбекова Мира және Аналар кеңесінің төрайымы Миражапова Мухаббат Сайдуллақызы болды.

Мухаббат Сайдуллақызы «Отбасы мемлекеттің шағын ұяшығы. Отан болу отбасынан басталады. Демек әр отбасы өз жанұясының іргетасын мықтап қаласа мықты Отан құрылады деген сөз. Ендеше сендердің міндеттеріңде осы. Құрған отбасыларыңның шаңырағын биік етіп, керегелерін кең, терезелерін тең етіп ұстау. Отбасыда әр адамның өзіндік міндеттері болады. Ері отбасының қорғаны, тірегі, қамқоршысы бола білу керек. Сол секілді әйелі де отбасының шырағы, жылуы, балалардың тәрбиешісі, ұйытқысы болуы тиіс.Бұл байқауды өткізу жылда дәстүрге айналған. Биылғы жылы бұрынғыдан өзгерек өтті. Оған баршамыз куәміз»-деді, марапаттау сәтінде.

Жиырма жас отбасы бақ сынасқан бәсекеден нәтежиесінде I орын ҚР «Барбанг» күрділер ассоциациясының Жамбыл облысындағы филиалы» қоғамдық бірлестігінен Алиевтердің шаңырағына бұйырды. Дәрежесіне сай мәреден бірінші көрінген отбасыға соңғы үлгідегі телевизор тарту етілді. II орын «Жамбыл облыстық «Манас ата» қырғыз этномәдени бірлестігі» қоғамдық бірлестігінен Шабденбектердің қанжығасына байланды. Жүлделді орынға шаңсорғыш тұрмыстық техникалық құралы тарту етілді. Ал, ІІІ орынды «Жамбыл облыстық «Коре» кәрістер ассоциациясы» қоғамдық бірлестігінен қатысқан жас отбасы елшіледі. Жеңісті жұп қысқа толқынды пешке ие болды. Қалған он жеті қатысушының жетеуіне белсене қатысқаны үшін ыдыс-аяқ жабдығы берілсе, он қатысушыға тоқпен қайнатылатын шәйнек тарту етілді. Сондай-ақ, барлық қатысушыға сертификаттар мен дипломдар табысталды.

Марапаттау салтанатынан соң шағын концерттік бағдарлама ұйымдастырылды. Концертте «Үкілім-ай» би ансамблі, Жанболат Таласбай және «Болашақ» вокалдық триосы өз өнерлерін көрсетіп ән мен биден шашу шашты.

Жамбыл облысы әкімі аппаратының

«Қоғамдық келісім» КММ

баспасөз қызметі

Жамбыл облысы әкімі аппаратының «Қоғамдық келісім» коммуналдық мемлекеттік мекемесі қоғамдық келісім мен жалпыұлттық бірліктің қазақстандық үлгісіне арналған жас ғалымдар мен ғалымдар арасындағы облыстық үздік ғылыми жобалар байқауын өткізу жоспарланған

/in /by

Жамбыл облысы әкімі аппаратының «Қоғамдық келісім» коммуналдық мемлекеттік мекемесі қоғамдық келісім мен жалпыұлттық бірліктің қазақстандық үлгісіне арналған жас ғалымдар мен ғалымдар арасындағы облыстық үздік ғылыми жобалар байқауын өткізу жоспарланған.

Байқауға облыстың жоғары және орта арнаулы оқу орындарының оқытушылары қатыса алады.

Байқау шарттары қосымшада берілген.

Байқауға қатысу туралы өтінімді, 2019 жылдың 25 қыркүйегіне дейін мекеменің ғылыми-сараптамалық қолдау бөліміне, Төле би көшесі 23Б, 3-бөлме немесе neg-jo@mail.ru электрондық адресіне жолдауға болады.

Ұйымдастырушылардың байланыс телефондары: (87262) 54-12-23, 87775840788, 87779777578.

ЕРЕЖЕСІ

ЕРЕЖЕСІ

Өңірдегі этнос өкілдері қазақ тілінде диктант жазды

/in /by

Ш.Уалиханов атындағы облыстық әмбебап кітапханасында  Жамбыл облысының Қазақстан халқы ассамблеясы және облыс әкімі аппаратының «Қоғамдық келісім» КММ ұйымдастыруымен латын қарпіне негізделген қазақ әліпбиінде ашық диктант өтті.

Диктантқа барлығы 68  адам қатысты.Олардың басым көпшілігі өзге этнос өкілдерінен, мемлекеттік және азаматтық қызметкерлер және мектеп оқушылары жаңа әліпби бойынша сауаттылықтарын тексерді.

Шараның мақсаты Қазақстан Республикасының Тұңғыш Президенті Нұрсұлтан Назарбаевтың 2012 жылғы желтоқсанда жарияланған «Қазақстан-2050» Стратегиясына, «Қазақ тілі әліпбиін кириллицадан латын графикасына көшіру туралы» 2018 жылғы 19 ақпандағы №637 Жарлығына сәйкес Қазақстан Республикасы азаматтарын латын графикасына негізделген қазақ әліпбиін сауатты қолдануға үйрету болып табылады.

Жалпықазақстандық диктант «Мың бала» республикалық мәдени-ағарту жобасы аясында латын қарпіне негізделген қазақ әліпбиін қолдану арқылы жүзеге асуда. Диктант «2019 – Жастар жылы» тақырыбында жазылды.

Ашық диктант қазақ тілінде еліміздің барлық облыстарында 2019 жылғы 10 қыркүйекте Нұр-Сұлтан қаласының  уақытымен сағат 11:00-де басталды. Диктантты сауатты жазуын тексеру үшін арнайы комиссия құрамы бекітіліп, мәтінді оқуға дикциясы анық әрі таза, жаңа қазақ әліпбиін меңгергендігін растау туралы сертификатталған мамандар тартылуда.

Диктанттың қатесін тексеруші арнайы комиссия құрамында Жамбыл облысы әкімі аппаратының «Қоғамдық келісім» КММ әдіскері Өмірбеков Кенжебай Қалкөзұлыда болды. Кенжебай Қалкөзұлы «Осындай іс-шаралар тұрақтылықты, қазақстандық бірегейлік пен бірлікті нығайтуды сондай-ақ,  «Болашаққа бағдар: рухани жаңғыру»  бағдарламалық мақаласында аталған заман талабына сай жаңа қазақ әліпбиін қолданудың маңыздылығын қоғам санасына сіңіруді одан әрі күшейте түседі. Біздің мақсатта сол Қазақстан халқын топтастырушы фактор ретінде мемлекеттік тілдің рөлін нығайту, қатысушыларға  қазақ тілін білу, сауатты жазу деңгейін тексеруге мүмкіндік беру және сауатты қоғам болудың маңыздылығына назар аударту»- деді өз сөзінде.

Диктанттың қорытындысы бойынша 13 адам -өте жақсы, 19 адам-жақсы, 36 адам-орташа деп бағаланды.

Жамбыл облысы әкімі аппаратының

«Қоғамдық келісім» КММ

баспасөз қызметі

Бірыңғай күннің шеңберінде Жамбыл облыстық Қазақстан халқы ассамблеясының кезектен тыс отырысы өтті

/in /by

ҚР Президенті Қасым-Жомарт Тоқаевтың  Жолдауын  қолдауға  бағытталған  Бірыңғай күннің шеңберінде Жамбыл облыстық Қазақстан халқы ассамблеясының кезектен тыс отырысы өтті.

Отырысқа этномәдени бірлестіктердің өкілдері мен басшылары, ҚХА мүшелері, Ақсақалдар кеңесі, Аналар кеңесі, қоғамдық келісім кеңесі, «Жаңғыру жолы» ЖҚ мүшелері, Жамбыл облысының ғылыми-сараптамалық тобының мүшелері, ЖОО оқытушылары мен студенттері және  БАҚ өкілдері қатысты.

Модераторлық тізгінді өз қолына алған облыстық Қазақстан халқы ассамблеясы меңгерушісінің орынбасары Жақсылық Жасөркен Берікұлы Жолдаудың қоғамды қозғаған сұрақтарға жауап болғанын айтты.

Жасөркен Берікұлы «2 қыркүйекте Қазақстан Президенті К. Қ. Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауы айтылды. Президент қоғамды толғандыратын бірқатар мәселелер бойынша айқын шешімдер қабылдап, тапсырмалар берді. Президентіміз Қ.Тоқаев Жолдауында түрлі мәселелер, соның ішінде мемлекеттік тіл, мемелекеттік қызмет, азаматтық қоғам, этносаралық татулық сияқты бірқатар тақырыптар қозғалды.  Сондай-ақ, Президентіміз аталған мәселелердің толық жүзеге асуына уәде беретінінде айтты.»-деді, өз сөзінде.

«Жолдаудағы бірінші кезектегі міндеттер» туралы Тараз қаласының Өзбек этномәдени бірлестігінің жетекшісі – Зайнутдинов Абдрахман Юлдашевич өз ойын ортаға салды. Сомен қоса, «Еріктілер – бастамшылық қасиетін дамытатын ерекше мүмкіндік» туралы облыстық еріктілер жетекшісі Нұрділдаұлы Медет өз пікірімен бөлісті.  Ал,      «Отбасы және аналар институтына қолдау» туралы облыстық ҚХА Аналар кеңесінің жетекшісі Миражапова Мухаббат Сайдуллақызы «Ел Президенті Қ.К.Тоқаев Қазақстан халқына Жолдауында отбасылық құндылықтарға, отбасы мен балалар институтын қолдауға, инклюзивті қоғам құруға ерекше назар аударды. Мен Президенттің Жолдауына ана және педагог ретінде өте ризамын. Президент отбасы құндылықтарына, отбасы мен неке институтын нығайтуға және мемлекет тарапынан қолдауға ерекше көңіл бөлетінін жеткізді. Менің түсінігімде, егер отбасы мықты және күшті болса, мемлекет де солай болады. Бізге саналы жастарды тәрбиелеу керек.»-деді, баяндама барысында.

Жиын соңында  «Президент Жолдауында жаңашылдық» туралы М. Х. Дулати атындағы «Қазақстан халқы Ассамблеясы» кафедрасының меңгерушісі, Жамбыл облысы Қазақстан халқы ассамблеясының ғылыми-сараптамалық тобы төрағасының орынбасары, философия ғылымдарының кандидаты – Мамедова Парида өз ойымен бөлісті. «Президент Қасым-Жомарт Тоқаевтың Жолдауы сайлауалды тұғырнамада айтылған көптеген бағдарламалардың көрінісі болды. Менің ойымша, бұл Жолдауды халықтың көпшілігі жақсы қабылдайды, өйткені ол әртүрлі әлеуметтік топтарға бағытталған, ал мемлекеттік билік органдары үшін Президент алдағы кезеңге қойған өзекті міндеттерді шешуге нақты бағдар беріледі. Жолдаудағы жаңашылдық «Үкіметке жыл соңына дейін жұмыс істеп өздерінің жинақталған зейнетақы қорының бір бөлігін мақсатты пайдалану мәселесін пысықтауды, мысалы, тұрғын үй сатып алу немесе білім алу үшін пайдалану». Бұл шара өзінің зейнетақы жинақтарын адал аударатын Қазақстандағы көптеген отбасылардың  қаржылық мәселелерін шешуге мүмкіндік береді»-деді, кафедра меңгерушісі.

Жамбыл облысы әкімі аппаратының

«Қоғамдық келісім» КММ

баспасөз қызметі

Тіл – татулық тірегі

/in /by

Жамбыл облысы Қазақстан халқы ассамблеясы және облыс әкімдігінің тілдерді дамыту басқармасының ұйымдастыруымен Қазақстан халқы тілдері күні мерекесіне орай облыстағы белсенді жастар арасында «Тіл – татулық тірегі» атты облыстық жастар форумы өткізілді.

Форумға Жамбыл облысы Қазақстан халқы ассамблеясының «Ақ желкен» жастар лигасы  және «Жаңғыру жолы» жастар қозғалысының белсенділері, өңірлік этнос өкілдерінің  жас буын өкілдері, тіл жанашырлары, облыс жастары, мен жергілікті БАҚ өкілдері қатысты.

Форумның басты мақсаты мемлекеттік тілдің қолданылу аясын кеңейту, мәртебесін көтеру мен маңыздылығын кеңінен насихаттау. Сондай-ақ, латын әліпбиіне көшудің тиімділігін жастар арасында кеңінен насихаттау.

Жиын басы  К.Әзірбаев атындағы облыстық филормонияның «Нұр-Шашу» би ансамблінің орындауында қазақ биімен және облыстық қазақ драма театры әртістерінің орындауында «Тіл-татулық тірегі» композициясымен басталды.

Тараз инновациялық гуманитарлық университетінің «Рухани жаңғыру» орталығының жетекшісі, PhD доктаранты, республикалық О.Бөкей атындағы көркемсөз оқу шеберлері байқауының жеңімпазы Бекназаров Бақтияр Арманұлы «Мемлекеттік тіл – тірегім» тақырыбында өз баяндамасын жасады. Бақтияр Арманұлы «Мемлекеттік тілдің қолдану аясын өзіміз кеңейтіп, тілге жанашырлық танытпасақ басқа ешкімнің бас ауыртпасы анық. Тіліміздің мәртебесін көтеруіміз керек. Осы іске өзге демей өз демей бір ауыздан кірісейік. Себебі, жұмыла кіріссек жүк жеңіл болады емес пе? Әсіресес өзге этнос өкілдері арасында тілімізді кеңінен насихаттауымыз керек. Қазақстанда тұратын барлық халықты мемлекеттік тілді қолдауға шақырамын.»-деді, баяндама барысында. Сондай-ақ, жиын барысында Сарысу ауданы әкімдігінің мәдениет және тілдерді дамыту бөлімінің бас маманы, Жас мемлекеттік қызметшілер арасында ұйымдастырылған республикалық байқаудың жеңімпазы  Қадырбекова Меруерт Нышанбекқызы «Латын қарпіне көшу – болашаққа бастар бағыт» тақырыбында сөз сөйледі.

Шара соңы облыстағы тіл саясатын жүзеге асыру бағытындағы белсенділіктері үшін бірнеше тіл жанашырлары марапатталып, Жамбыл облыстық филармонияның әншілерінің қатысуымен шағын концерттік бағдарламамен аяқталды.

Жамбыл облысы әкімі аппаратының

«Қоғамдық келісім» КММ

баспасөз қызметі