ДОСТЫҒЫМЫЗ БЕКЕМ

/in /by

Ассамблея ісі – қасиетті іс.Сондай-ақ еліміздегі бірлік пен келісімнің киелі бесігі, тұтас­тық пен тұрақтылықтың құтты шаңырағы.

Халықтар достығын берік ұстауға, нығайтуға да қосар үлесі зор.

Қазақстан көпэтносты Республика екені бұрыннан белгілі. Кеңестік дәуірде ҚСРО-дағы жалғыз интернационалды ел аталғанымыз тегін емес. Ежелден бауырмал, қайырымды қазақ халқы тағдыр-тәлкегіне ұшырап, әлемнің әр тарапынан келгендерді жатсынбай, оларды туған-туыстарындай жақсы көрді. Міне, сондықтан, қазір Қазақстан көпэтносты мемлекет атанып отыр.

Дәл Қазақстан сияқты этностар достығы өнеге, халықтар достығы үлгі – дүниежүзінде ел жоқ. Барлық этностар терезесі тең, мүдде-мақсаты бір және олардың еркін еңбек етуіне, кәсіппен шұғылдануына, саясатпен айналысуына барлық жағдай жасалған .

Осы тұрғыда мемлекеттің бірден-бір алға қойып мақтанар айнасы – этносаралық татуластық. Жер шарының картасына көз салсақ қазақ жерінің ұлан-байтақ атырапты алып жатқанын көреміз. Қазақ елінің көңілі де дәл сондай, кең, дархан.Киелі қазақ шаңырағына уық болып қадалған өзге этнос өкілдері «Қазақстан – достық пен татулықтың шынайы мекені» дегенді ұранға айналдырған. Достық отанына айналған Қазақстан гүлдене берсін!

 

Жамбыл аудандық Қоғамдық кеңесінің мүшесі Сабри Асанов

БАСПАСӨЗ ХАБАРЛАМАСЫ

/in /by

2023 жылғы 31 шілде – 4 тамыз аралығында еліміздің барлық өңірлерінде Медиация күнін мерекелеу шеңберінде (5 тамыз) Медиация апталығын және «Қазақстан халқы Ассамблеясы медиация кабинеттерінің Ашық есік күні» республикалық акциясын өткізу көзделген.  Іс-шараның мақсаты – ҚХА-ның қоғамдық құрылымдарын және қызметi Қазақстан Республикасындағы қоғамдық келiсiм мен ұлттық бiрлiктi қамтамасыз етуге байланысты мүдделi уәкiлеттi тұлғаларды жанжалдардың деңгейiн төмендету және халық арасында толеранттылық пен этносаралық келiсiм мәдениетiн тәрбиелеу мәселелерiнде шоғырландыру.

Іс-шараға: өңірлердегі ҚР адам құқықтары жөніндегі уәкілдің өкілдері, кәсіподақтардың, сот және құқық қорғау органдарының, әділет органдарының, түрлі деңгейдегі депутаттардың, адвокатура мен нотариаттың өкілдері, ҚХА қоғамдық құрылымдарының мүшелері: Аналар, Ақсақалдар кеңесі, ҚХА кафедрасының мүшелері, «Ассамблея жастары» РҚБ, ҚХА медиаторлары мен еріктілері, сондай-ақ Қазақстан Республикасында қоғамдық келісім мен жалпыұлттық бірлікті қамтамасыз етуге мүдделі азаматтық қоғам өкілдері қатысады.

Медиация апталығы барысында халық арасында сауалнама жүргізіледі, ҚХА алаңдарында медиативтік кездесулер, әлеуметтік желілерде «Бірлік пен келісім – қоғамның әл-ауқатының кепілі» челленджі, «Қазақстан халқы Ассамблеясы медиация кабинеттерінің Ашық есік күні» республикалық акциясы өтеді.

Барлық өткізілген іс-шаралар БАҚ-та, әлеуметтік желілерде және т.б. кеңінен жарияланатын болады.

 

 

*** *** ***

 

Ақпараттық жұмыс және қоғаммен байланыс бөлімі

Байланыс телефоны: 7(7262) 54-10-37,

8 707 450 12 43, 8 771 420 08 56

Поштасы:kogamdyq_kelisim_press_slujba@mail.ru

БАЛАЛАРДЫ ТОЛЫҚ ОТБАСЫНДА ТӘРБИЕЛЕУДІҢ МАҢЫЗДЫЛЫҒЫ

/in /by

Отбасы институтын нығайту және гендерлік мәдениетті қалыптастыру» дәрісі аясында «Анаға тағзым» отбасын қолдау орталығында кездесу жиыны өтті. Қазіргі таңда балалар мен жасөспірімдер арасында түрлі құқық бұзушылық фактілері орын алуда. Бала да, шаға да зорлық-зомбылық құрбанына айналып жатыр. Мұның бәрі сайып келгенде отбасындағы тәрбиеге келіп тіреледі.

Жиынға модератор болған «Анаға тағзым» орталығының директоры, ҚХА Жамбыл облыстық Аналар кеңесінің төрайымы Эльмира Мырза-Ғали: «Баланың бас ұстазы—ата-анасы» екеніне тоқталып, отбасының адам өміріндегі мәні, ата-ана тәрбиесінің рөлі туралы айтты. Қазіргі уақытта балаларға қатысты жантүршігерлік қылмыстардың белең алғаны жөнінде айта келіп, оған қоғам болып қарсы жұмылу керек—деді.

Ал, Адам құқықтары жөніндегі уәкілдің Жамбыл облысы бойынша өкілі Берікбол Байқожаев баяндамасында әйелдер мен балаларға жасалған зорлық-зомбылықтың азаймай отырғанын тілге тиек етті. Мұндай қылмысқа қатысты жазаның да күшейтіліп жатқанын атап көрсетті.

Бірақ, бұл — аталған мәселеге тоқтам бола ала ма? Сайып келгенде, отбасындағы келіспеушіліктер мен түсінбестіктер осындай келеңсіздіктердің тууына сеп болуда. Сондықтан, бала тәрбиесіндегі жауапкершілікті тек әйел-аналарға ғана артып қоймай, ер-азаматтарды да қоғамдық кездесулерге тарту қажеттілігі туындап отыр. Бұл тұрғысынан келгенде көпшіліктің ойы бір жерден шықты.

Жамбыл облысы бойынша «Аналар кеңесі» төрайымының орынбасары Аракси Плетнева, Тараз өңірлік университеті жанындағы аналар кеңесінің төрайымы Ардақ Жантаева, психолог, тәжірибелі медиатор Ирина Федорова және басқа да қонақтар тақырып аясында өз ойларын ортаға тастап, пікірлерін білдірді. Балаларға қатысты тұрмыстық зорлық-зомбылықтың салдары неден туындайтыны, ерлі-зайыптылардың ажырасуы, отбасылық қолайсыздықтардың алдын алу және толық отбасындағы тәрбиенің маңыздылығы да әңгіме арқауына айналды.

Ақпараттық жұмыс және қоғаммен байланыс бөлімі

ЭТНОСАРАЛЫҚ ҚАТЫНАСТАР САЛАСЫНДАҒЫ АҚПАРАТТЫҚ-ПРОФИЛАКТИКАЛЫҚ ЖҰМЫСТАР БОЙЫНША ӘДІСТЕМЕЛІК СЕМИНАР ӨТТІ

/in /by

2023 жылдың 28 шілдесінде ҚР Президентінің ҚХА-ның ХХХІІ сессиясында берген тапсырмасы аясында Қазақстан Республикасы Президенті Әкімшілігі Басшысының орынбасары А.Ғ. Балаеваның төрағалығымен өткен отырыс хаттамасының 10.5-тармағын орындау мақсатында Министрліктің Қолданбалы этносаяси зерттеулер институтының ұйымдастыруымен онлайн форматта этносаралық қатынастар саласындағы ақпараттық-профилактикалық жұмыс бойынша әдістемелік семинар өтті.

Семинар бағдарламасы бойынша бірқатар тақырыптарда баяндамалар оқылды.

Атап айтқанда, Қолданбалы этносаяси зерттеулер институтының Ксенофобия мәселелерін зерттеу орталығының директоры Д.Ғали «Көпэтносты қоғамдағы әлеуметтік шиеленіс потенциалын анықтау әдістемесі» тақырыбындағы баяндамасында өңірлерде орын алатын әлеуметтік шиеленіс потенциалын анықтау бойынша кеңестер беріп, этностар көп шоғырланатын аймақтарда кездесетін мәселелерге төтеп бере алу қабілеттілікті арттыру негізінде көптеген мысалдар келтірді. Әлеуметтік шиеленісті шешу барысында оның туу себептерін анықтап алу керектігін алға тартты.

Қолданбалы этносаяси зерттеулер институты Әдістемелік және білім беру бағдарламалары орталығының менеджері Ә.Әміров «Ақпараттық кеңістіктегі этносаралық қатынастарды реттеудің негіздері» тақырыбында баяндама оқып, тақырыпты жан-жақты ашып, қатысушыларға кеңінен түсініктеме берді. Қазіргі таңда ақпараттың басты көзі болып табылатын ғаламтор арқылы этносаралық қатынасты реттеу бойынша бірнеше бағыттармен таныстырды. Ақпараттық себептерке анықтама беріп, оның түрлерін жіктеп айтып берді. Этносаралық қатынасты реттеуде оң және теріс ақпараттық қоғамға ықпалы жайлы да айтып өтті.

Келесі кезекте «Қоғамдық келісім» РММ Республикалық Достық үйінің қызметін қамтамасыз ету басқармасының бас сарапшысы Г.Біләлова «Аудандық және ауылдық әкімдіктермен Қазақстан халқы Ассамблеясының кешенді жұмысы» тақырыбында атқарылып жатқан және атқарылатын жұмыстар мен жобалар туралы сөз қозғады. Бүгінгі күні ҚХА аясында түрлі бағытта жүзеге асырылып келе жатқан мемлекеттік тілді дәріптеу мақсатында «Үйде сөйле», «Ұлы даланың ұлтаралық тілі», «Мың бала» сынды жобалардың, әлеуметтік маңызы бар «Ел мұрасы», «Таза орта», «Қасиетті парыз», «Jastar media», «Social Assembly», «Бірлік тілі» жобаларының жұмысы жайлы да айтып өтті.

Сөз соңында ҚХА-ның жұмысының жандануына бірге үлес қосу керектігін айтты.

Сонымен бірге, «Қоғамдық келісім» РММ Ақпараттық жұмыс және жұртшылықпен байланыс басқармасының жетекші сарапшысы Н.Досмағанбетова «Қоғамдық келісімді нығайту саласын ақпараттық қамту ерекшеліктері» тақырыбында сөз қозғап, кеңінен ақпарат берді. Өз сөзінде қоғамдық келісімді нығайту бағытында ғаламтор ресурстары, ақпарат көздері, әлеуметтік желілер маңызды рөл атқаратындығын айта кетті.

Сондай-ақ өңірлердегі ҚХА төрағаларының әлеуметтік желілердегі парақшаларына мониторинг жасап, мысалдар көрсетті. Ақпарат көздері арқылы қоғамға әсер ету жолдарын да атап өтті.

Аталған тақырыптар аясында көптеген мәселелер қаралып, қатысушыларға әдістемелік құралдар ұсынылды.

 

Ақпараттық жұмыс және қоғаммен байланыс бөлімі

2023 жылдың 27 шілдесінде өңірлік ҚХА-ның атынан 5-9 сынып

/in /by

2023 жылдың 27 шілдесінде өңірлік ҚХА-ның атынан 5-9 сынып аралығында білім алатын әртүрлі этнос өкілдерінің балалары Ақмола облысы, Бурабай ауданына қарасты Щучинск қаласына жол тартты.

Олар ҚР Оқу-ағарту министрлігінің «Балдәурен» республикалық оқу-сауықтыру орталығының бекітілген жоспарына сәйкес 27 шілде-10 тамыз аралығында «Біз біргеміз- Қазақстан!»  атты ҚХА балаларының кездесуіне қатысатын болады.

Ақпараттық жұмыс және қоғаммен байланыс бөлімі

МЕМЛЕКЕТ ПЕН АЗАМАТТЫҚ ҚОҒАМ АРАСЫНДА СЫНДАРЛЫ ДИАЛОГ

/in /by

Қоғамда билік пен халық арасында ашық диалог орнауы қажет. Бұл ел дамуының өзегі болмақ. Қазақстан Президенті Қасым-Жомарт Тоқаевтың биылғы Жолдауының түйіні осы: «Сындарлы қоғамдық диалог — Қазақстанның тұрақтылығымен өркендеуінің негізі» деп аталған құжатта Президент заман талабына сай мемлекет құру үшін алдымен азаматтардың барлық өтініш-тілегін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру қажеттігін алға тартты.

Бұл — «Күшті Президент — ықпалды Парламент — есеп беретін Үкімет» құрудың алғышарты. Саяси жүйенің бұл формуласын Қ.Тоқаев қазіргі геосаяси ахуалға бейімделген үйлесімді мемлекет құрудың және оның тұрақтылығының негізі деп атады. Ал заман талабына сай тиімді мемлекет құру үшін қоғамға бірнеше талап қойылды. Оның біріншісі — партия құрылысы үдерісін жалғастыру болса, екіншісі — халықпен тиімді кері байланыс орнату.

Ал қоғамдық диалог, ашықтық, адамдардың мұң-мұқтажына жедел назар аудару, ең алдымен, мемлекеттік органдардың міндеті екендігі айқын.

Президент Қасым-Жомарт Тоқаев 2 қыркүйекте Қазақстан халқына арнаған Жолдауында мемлекеттік органдар алдына маңызды міндеттер қойды. Соның бірі — тұрғындардың мұң-мұқтажына жедел назар аудару, тұрғындармен кері байланыс орнату. Яғни, халықтың қажеттілігіне уақытында шұғыл көңіл бөлу, ашықтық, диалогқа дайын болу мемлекеттік органдар қызметінің негізгі басымдығы болуы керектігін баса айтты. Бүгінде Президент Әкімшілігінде азаматтардың өтініштерін қарау сапасын қадағалайтын арнайы бөлім ашылды, бөлім арқылы кері байланыстың өңірлерде қалай жүріп жатқаны, қай бағытта жұмысты күшейту керектігі жөнінде үнемі ұсыныс беріліп отырылады.

Бұл –еліміз үшін өте үлкен бастама. Кеңестің мемлекет дамуына өзіндік үлес қосары сөзсіз. Диалог алаңы қазіргі қоғамға қажет. Ұлттық қоғамдық сенім кеңесін құру – үлкен шаруа. Бұл мемлекетке емес, халыққа қажет деп есептеймін. Кеңес арқылы билік пен халық арасында байланыс орнайды. Кеңес мүшелері өздеріне жүктелген жауапкершілікті түсінеді деп сенемін.

Ең бастысы, кеңесті Президент өзі басқарады, демек атқарылатын шаруалар 100 пайыз нәтижелі болмақ.

 

Марат ҚҰЛИБАЕВ,

облыстық «Ақжол» газетінің тілшісі,

ҚХА Журналистер клубының мүшесі,

ҚХА Ғылыми-сараптамалық тобының өкілі

ОБЛЫСТЫҚ «БІРЛІК» ЖАСТАР ЛАГЕРІНІҢ ҮШ КҮНДІГІ ҚОРЫТЫНДЫЛАНДЫ

/in /by

2023 жылдың 23 шілдесінде өңірлік «Ассамблея жастары» қоғамдық бірлестігінің мүшелері Меркі ауданы «Тұран» демалыс орталығына облыстық «Бірлік» жастар лагеріне аттанған болатын.

Бүгін, аталмыш лагерьдің үш күндігі аяқталып, жабылу салтанаты өтті.

Үш тәулік бойы жастар әртүрлі іс-шаралар мен тренингтерге, сергіту ойындарына белсене қатысты.

Жастарға рухани азық беріп, шабыттандырып қанаттандырған жазғы демалыс жоғарғы деңгейде бағаланды.

Жабылу салтанатында өңірлік «Қоғамдық келісім» КММ басшысы Жинақбаева Мүбәрак Қасымқызы сөз сөйлеп, қатысушыларға сертификат табыстады.

Сонымен қатар, өңірлік «Ассамблея жастары» қоғамдық бірлестігінің төрайымы Тұрдыева Хамида Қаһаржанқызы да сөз сөйлеп, лагерьді қорытындылады.

Шара соңында қатысушылар ұйымдастырушыларға алғыстарын білдіріп, естелікке суретке түсіп, көңілді күйде тарқасты.

Ақпараттық жұмыс және қоғаммен байланыс бөлімі

ОБЛЫСТЫҚ ЛАГЕРЬ ЕКІНШІ КҮНГЕ ЖАЛҒАСТЫ

/in /by

Бүгін «Бірлік» облыстық жастар лагерінің екінші күні де сәтті өтті.

Бүгінгі күн таңғы сергітерлік жаттығудан бастау алды.

Таңғы астан соң жастар қауымы «Тіл-бірлік құралы» атты коучингке қатысты.

Алдымен үш топқа бөлініп берілген тақырыпқа сай(қазақ ертегіле) шағын көрініс көрсетті. Сондай-ақ қазақ тіліндегі сөздердің аударма

Күннің екінші жартысында бөлінілген топтар арасында «Этноквест» ойындары өтті.

Сонымен бірге, лагерь қатысушылары түрлі спорттық ойындарм мен жүзу жарысына да белсене атсалысты.

Ақпараттық жұмыс және қоғаммен байланыс бөлімі

ТҮРЛІ КӨЗҚАРАС, БІРАҚ БІРТҰТАС ҰЛТ

/in /by

Ұлан ғайыр атырапты алып жатқан қазақ жері қандай кең байтақ болса, оны мекен еткен халқының да пейілі сондай кең-дархан.

Дана халқымыз «бірлігі жоқ ел тозады, бірлігі күшті ел озады», — деп бекер айтпағанын байқаймыз. Оған себеп Қазақстан әртүрлі этностың бейбітшілікте өмір сүретін ел болып әлемге танылуы. Олар бір атаның баласындай бір шаңырақ астында еңбек етіп, тату тәтті күн кешуде.

Қаншама жылдан бері ынтымақта, бірлікте өмір сүріп келуі қазақ халқының қонақжай екендігін көрсетеді.

«Түрі басқа болса да, тілегі бір. Жүзі басқа болса да жүрегі бір», — дей отыра ұлты, діні, тілі, ділі, салт-дәстүрі қандай болмасын түсіністік танытып, теңдей қарап, құрмет көрсетуде. Біздің әрқайсысымыздың көзқарасымыз әр алуан болса да біртұтас ұлт болуда тыңбай еңбек етіп келеміз. Мен Жамбыл облыстық «М.Қашқари атындағы Ұйғырлар этномәдени бірлестігі» қоғамдық бірлестігінің төрайымы ретінде бейбітшілік пен келісімді нығайтуға бағытталған игі істер мен шаралардың барлығына атсалысып келемін. Өзімнің өмір жолымда байқағаным, біздің елімізде өмір сүретін қаншама этнос өкілдері бір жеңнен қол, бір жағадан бас шығаруда қажырлы еңбек етіп келеді.

Этномәдени бірлестіктің басқаруда ҚХА-ның қоғамдық жұмысына белсене атсалысуға үндеп отырамын. Себебі бір ғана Отанымыз бар, оның әр тасы, суы да, құмы да қымбат. Оның салтын,дәстүрін сыйлау-баршамыздың парызымыз. Өңіріміздегі Достық үйінде өтетін барлық шараларда белсенділік танытып келеміз. Біртұтас ұлт екеніміздің тағы бір дәлелі- баршаға ортақ «Алғыс айту күні» , «Наурыз», «Қазақстан халқы бірлігі күні» мерекелерінде өңірдегі барлық этнос өкілдерімен жұмылып, өзімізге берілген міндетті татулықта атқарып шығамыз. Бұл деп отырғанымыз, түріміз,пікіріміз, ойымыз басқа болса да біртұтас ұлт болуда мұның барлығы бір арнаға тоғысады.

Көпэтносты ел болу – біздің байлығымыз, мақтанышымыз.Ассамблея – еліміздегі бірлік пен келісімнің киелі бесігі, тұтастық пен тұрақтылықтың құтты шаңырағы.

Ұлтаралық татулық пен келісім – ұлттық идеяның негізгі өзегі болып табылады. .

Тәуелсіздігімізді тұғырлы ететін де, елімізді жаңа белестерге жетелейтін де біздің ауызбіршілігіміз, татулығымыз. Бірлігі берекелі, тірлігі мерекелі, ынтымағы жарасқан елдің ғана ырысы артпақ.

 

Жамбыл облыстық «М.Қашқари атындағы Ұйғырлар этномәдени бірлестігі» қоғамдық бірлестігінің төрайымы Мухабат Турдыева

БЕЛСЕНДІ ЖАСТАРҒА АРНАЛҒАН ОБЛЫСТЫҚ ЛАГЕРЬДІҢ ҮШ КҮНДІГІ БАСТАУ АЛДЫ

/in /by

2023 жылдың 23 шілдесінде Меркі ауданы «Тұран» демалыс орталығына өңірлік «Ассамблея жастары» қоғамдық бірлестігінің мүшелері үш күндік облыстық “Бірлік” жастар лагеріне жол тартты.

Іс-шараны аймақтық ҚХА-ның жыл бойы қарқынды еңбек пен танымды таланттарымен танылған жастары үшін «Қоғамдық келісім» КММ ұйымдастырды.

Жастар форумының ашылу салтанаты аталмыш бірлестіктің мүшелері мен жетекшісінің қатысуымен, және жастар шығармашылық ұжымының өнер көрсетуімен жоғары деңгейде өтті.

Жастардың көңілді әрі пайдалы өткізуі үшін ұйымдастырушылар тарапынан арнайы жоспар құрылды.

Жоспар бойынша лагерьдің бірінші күнінде бірлестіктің жастары үш топқа бөлініп, топтық ойындарға белсене қатысты.

Күннің екінші жартысында жастарға бүгінгі күнгі жас буындар арасындағы және қоғамдағы басты мәселелер мен тақырыптарға байланысты әлеуметтік ролик көрсетілді. Көрермен назарына ұсынылған роликтер талқыға түсіп, бірлестік мүшелері өзара талқылады.

Алдағы күндерге де қойылған жоспар бойынша қызықты іс-шаралар жалғасын табатын болады.

Ақпараттық жұмыс және қоғаммен байланыс бөлімі