Таразда «ХАЗАР» әзірбайжандар бірлестігі Наурыз мейрамын атап өтті
Наурыз – өзара түсіністікті, мейірімділікті, бірлікті, бейбітшілікті, келісімді бейнелейтін және барша қазақстандықтарды біріктіретін ерекше мереке.
2023 жылдың 18 наурызында Тараз қаласында Жамбыл облыстық “Хазар” Әзірбайжандар этномәдени орталығы Наурыз мейрамына арналған мерекелік іс-шара өткізді.
Қатысушылар қатарында облыстық этнос өкілдері мен Жамбыл облысы әкімдігінің ішкі саясат басқармасының «Қоғамдық келісім» КММ қызметкерлері де болды.
Мерекеге келгендерді этномәдени бірлестіктің үлкен-кіші өкілдері құттықтады. Ақсақалдар кеңесінен бастап балаларға дейін ақжарма тілектерін білдірді. Құттықтау сөз “Қоғамдық келісім” КММ басшысы Жинақбаева Мүбарак Қасымқызына да берілді.
Іс-шара өте қызықты бағдарламада өтті. Әзірбайжан этномәдени бірлестік өкілдерінің арнайы қойылымдары, ұлттық билері, қызықты да таңғажайып ұлттық дәстүрлері мерекені ерекше етті.
Іс-шараға қатысушылар әзірбайжандықтардың ұлттық тағамдарының дәмін тата алды.
Мерекелік іс-шара жоғарғы өз деңгейінде жақсы өтті.
«Қоғамдық келісім» КММ
Ақпараттық жұмыс және қоғаммен байланыс бөлімі
