Жамбыл облысы әкімдігінің ішкі саясат басқармасының «Қоғамдық келісім» коммуналдық мемлекеттік мекемесі | Таразда еврей этносының “Песах” діни мерекесі атап өтілді

Үстіміздегі жылдың сәуір айында Тараз қаласында біздің дәуірімізге дейінгі 13-ғасырда орын алған еврей халқының тарихындағы айтулы оқиғаны – мысырлық құлдықтан шығу мен бостандыққа қол жеткізуді бейнелейтін иудейлік “Песах” діни мерекесі атап өтілді.

Іс-шара Тараз қаласының “Эльба” кафесінде өтті. Мерекеге қатысушылардың арасында Жамбыл облысы әкімдігінің ІСБ “Қоғамдық келісім” КММ басшысының орынбасары Сәуле Құрманқұлова, “Жамбыл облыстық поляк “Полонез” Тіл және мәдениет орталығы ” ҚБ төрайымы Лариса Калькова, облыстық еврейлер қауымдастығының төрайымы Людмила Корнилина және қалалық еврей қауымдастығының өкілдері болды. “Шиват Цион” Жамбыл облыстық еврей мәдени орталығы “қоғамдық бірлестігінің еврей халқының тарихы мен дәстүрін зерттеу жөніндегі “Авраам” клубының жетекшісі Михаил Бунин қатысушыларға мерекенің тарихын, оның өсиеттері мен дәстүрлерін еске салды. Мереке мерекелік аспен аяқталды. Мерекелік үстелді «киара» тағамы безендірді. Онда мерекенің атрибуттары – боялған жұмыртқа, тауық еті, ащы шөптер болды. Дастарханнан салат немесе ақжелкен жапырақтары қосылған тағамдар да, матца шелпектері де орын алды. Әр тағамның өзіндік сыры бар. Матца наны жиналғандарға Израиль елінің Иерусалим қаласынан арнайы алынып таратылды.