ТАРАЗДА ДОСТЫҚ ПЕН БІРЛІККЕ БАҒЫТТАЛҒАН СПАРТАКИАДА ӨТТІ
Ағымдағы жылдың 28-желтоқсанында Тараз қаласының Жақсылық Үшкемпіров атындағы «Тараз-Арена» спорт сарайында мекемелер арасында «Бейбітшілік және келісім» дәстүрлі спорттық эстафетасы өткізілді.
Атаулы іс-шараға «Қоғамдық келісім» мекемесінің қызметкерлері мен өңірлік ассамблея этномәдени бірлестік өкілдері мен «Ассамблея жастары» РҚБ мүшелерінен тұратын екі құрама команда да қатысты.
«Бейбітшілік пен келісім» жобасын іске асыру мақсатында өткізілген сайысқа саралап айтқанда, бұл жолы «Радонеж» орыс қауымдастығы, Жамбыл облыстық «Вынхуа» дүнгендер, «Ахыска» түріктер этномәдени орталығы» ҚБ, Қазақстан Республикасы күрдтерінің Жамбыл облысындағы «Барбанг» күрділер қауымдастығы» ҚБ, және «Манас Ата» қырғыз этномәдени бірлестігінің, сондай-ақ, М.Қашқари атындағы ұйғырлар, «Хазар» әзірбайжан этномәдени бірлестіктері, облыстық немістер қоғамы, «Әулие Ата» қазақ мәдени орталығы мүшелері жеңіс үшін таласты.
Қатысушылар эстафеталық таяқшаларды қиғаш айналып доптарды алып жүру, бір орыннан ұзындыққа адымдап секіру, доптарды себетке дәлдеп лақтыру сияқты жарыстардан біраз қиындықтарға тап болса да, керісінше, «командалық пойыз» және «арқан тарту» ойындары олар үшін өте қызықты болды. Спорттың бұл түрлі сайыстарында жеңіске жету үшін әрекеттер тізбегі, ерекше реакция жылдамдығы қажет болды. Бірақ қатысушылар дартсқа қатысып, өздерінің дәлдік қабілеттерін көрсетті.
Байқау қорытындысы бойынша бас жүлде мен кубок «Әулие Ата» қазақ мәдени орталығының командасына бұйырды. Тұғырдың екінші сатысында – «Манас Ата» қырғыз этномәдени бірлестігінің өкілдері тұрды. Ал «Ахыска» түрік этномәдени орталығының спорттық командасы шараның жүлделі үштігін иемденді.
Салтанатты шараның сәнін ең әдемі, қорытынды марапаттау рәсімі келтірді. Қуанышты рәсімді «Қоғамдық келісім» КММ басшысы Мүбарак Қасымқызы жүргізді. Жеңімпаздар мен жүлдегерлерге бірқатар төсбелгілер мен кубоктар, сондай-ақ, Тараз қаласы әкімдігінің дипломдары табысталды.
«Қоғамдық келісім» КММ Баспасөз қызметі орталығы
