Тәуелсіздігіміз баянды болсын!
Құрметті қазақстандықтар! Ардақты жерлестер! Бүгін еліміздегі ұлық мерекенің бірі – Республика күнін атап өтудеміз. Президентіміз Қасым-Жомарт Тоқаев Республика күні қарсаңында түрлі салада еңбек етіп жүрген азаматтарды кеше марапаттады. Мемлекет басшысының наградасы мен марапатына ие болғандардың қатарында түрлі саланың өкілдері бар. Жерлестеріміздің марапаты құтты болсын!
Құрметті отандастар, жамбылдықтар, Сіздерді ұлттық мерекемізбен шын жүректен құттықтаймын! Бұл мерекені біртұтас еліміздің берекесі мен бірлігінің, әрбіріміздің туған өлкемізге деген шексіз сүйіспеншілігіміздің нышаны деп білемін. Он үш жылдан кейін қайта жаңғырған мереке ұлт рухын оятып, Тәуелсіз Қазақстанның жаңа келбетін ашты.
Қазақстан бүгінде – болашағына үлкен сенім артқан мемлекетке айналды.
Баршаңызды еліміздің басты мерекесі Республика күнімен құттықтай отырып, дендеріңізге саулық, отбасыларыңызға амандық, бақ-береке тілеймін!
Егеменді еліміздің мәртебесі биіктей берсін!
Жамбыл облыстық ҚХА Журналистер клубының белсенді өкілі, өңірлік «Ақжол» газетінің тілшісі, ҚХА Ғылыми-сарапшылар тобының мүшесі, Марат Кулибаев
