Риддер, біз біргеміз!

/in /by

Ағымдағы жылдың 10 мамырында Шығыс Қазақстан облысы Өскемен аймағы -Риддер қаласының әкімшілік аумағындағы Лесхоз кентінің орманды алқабын өрт жайлаған болатын.  Көңіл түсірерлік келеңсіз жағдайда, атап айтар болсақ, 5 көшеде 31 үй, 5 жеңіл автокөлік және шаруашылық құрылыстарының 7 жер телімінде, сондай-ақ, Техникалық қызмет көрсету орнын от шарпыған. Өртенген үйлерде 72 адам, оның ішінде 11 бала болған. Қазір 13 азамат жатақханаға, қалғандары туыстарының үйлеріне орналастырылды. Өртті сөндіруге 493 жеке құрам, 69 бірлік техника, 2 тікұшақ жұмылдырылған болатын.  Бұл орын алған жағдай жамбылдықтарды да бей-жай қалдырмады.  Осыған орай, Жамбыл облысы ҚХА-ның мүшелері мен этномәдени бірлестік өкілдері және «Қоғамдық келісім» КММ ұжымы өрттен жапа шеккен аймаққа қол ұшын берді.  Қайырымдылық шарасына этномәдени бірлестіктер өкілдері мен облыстық ҚХА мүшелерінің  атсалысуымен барлығы – 300 мың теңге қаржылай көмек жиналды. Жаплы,  төтенше жағдай салдарын жою кезінде баспанасын тастап шығуға мәжбір болған барлық тұрғындарға Қазақстанның түкпір-түкпірінен  көлемі – 6,9 млн теңгені құрайтын өтемақы төленді. Қайырымды жандар көп болсын! Ел қауіпсіздігі шараларына мұқият болайық!

 

Жамбыл облысы әкімдігінің ІСБ

«Қоғамдық келісім» КММ

Баспасөз қызметі орталығы