«НАН КҮНІ» АТАЛЫП ӨТТІ

/in /by

Жақында өңіріміздегі Балаларды қолдау орталығында  ҚХА жанындағы Аналар кеңесі  жетекшісінің орынбасары Аракси Плетневаның ұйымдастыруымен «Нан күні»  аталып өтті.

Аталмыш мерекеде орталықта тәрбиеленетін 8 түрлі этнос өкілдерінің балалары 8 елдің   нан түрлерін дайындап, шығу  тарихы мен дайындалу жолын слайд арқылы көпшілік назарына ұсынды.

Іс-шара барысында Поляк ұлттық мәдени орталығының  мүшесі Алексей Владимирович балалармен  бірлесе ұннан түрлі  нан өнімдерін әзірлеп, шеберлік сағатын өткізді.

Сондай-ақ, шара соңында қатысушыларға түрлі нан өнімдері толтырылған  себеттер  сыйға берілді.

Айта кетейік, елімізде 2019 жылдан бері қазақстандық диқандардың, ұн тартушылар мен наубайханалардың еңбегін елеу мақсатында арнайы «Нан күні» мерекесі белгіленген болатын.