«Мектепке жол-2021»

/in /by

Ағымдағы жылдың қыркүйек  айында Жамбыл облыстық «Жаңғыру Жолы» жастар қозғалысының өңірлік штабы белсенділерінің ұйымдастыруымен «Мектепке жол-2021» қайырымдылық акциясы  өтті. Білім күні қарсаңында Жамбыл облысы Байзақ ауданындағы жарылыстан зардап шеккен Қайнар ауылының тұрғындарына және оның ішінде көпбалалы отбасынан шыққан мектеп оқушыларына  арнап  қайырымдылық жасалды.

Акцияның мақсаты – қайырымдылықты насихаттау, адамдардың әл-ауқатын және қоғамдық сананы дамыту мен жақсартуға көмектесу, жастардың патриоттық сезімін ояту. Сондай-ақ, қоғамдағы маңызды бастамаларды, қоғамдық келісім мен халықтың бірлігін нығайтуға қатысты жобалар мен ұсыныстарды қолдау және ынталандыру.

Іс-шара барысында мектепке алғашқы қадам басқан бүлдіршіндерге қажетті  оқу құралдары, сондай-ақ, бастауыш сынып оқушыларына мектеп сөмкесі және аяқ киімдермен барлығы – 20 оқушы  оқу жабдықтарымен қамтылды.   Бұған қоса, штаб жастары балаларды  білім күнімен және жаңа оқу жылының басталуымен шын жүректен құттықтап, білім алу жолдарына сәттілік тіледі.     Ауыл  тұрғындары  және ата-аналар ассамблея жастарының бұл игі істеріне үлкен алғыстарын білдірді.

 

Жамбыл облысы әкімдігінің ішкі саясат басқармасының

«Қоғамдық келісім» КММ Баспасөз қызметі орталығы