Жамбыл облысы әкімдігінің ішкі саясат басқармасының «Қоғамдық келісім» коммуналдық мемлекеттік мекемесі

ҚЫЗЫҚТЫ ҒАЖАЙЫПТАР УАҚЫТЫ

26/12/2022/in Жаңалықтар /by Администратор

«Рождество» – ертегілерді шынайы өмірге әкелетін ғажайыптар уақыты. Рождество мерекесі келіп кіргенде тіпті жан-жақтағы атмосфераның өзі де өзгереді. Мандариндер мен шыршалардың хош иісті сиқыры, жалт-жұлт етіп жарқыраған мерекелік шамдар, қарасаң көздің жауын алады.

Рождество қарсаңында, 2022 жылғы 24-желтоқсанда Жамбыл облысының немістер қоғамы Тараз қаласының Достық үйінде “Was bringt der Dezember” (“Желтоқсан бізге не әкеледі?»)дәстүрлі рождестволық концерт-ертегісін өткізді.

Залда мерекелік рождестволық көңіл-күйде сахнада нағыз ғажайып көріністер жиналған жұрт назарына ұсынылды. Әулие Крискинд, Аня қызбен және басқа да ертегі кейіпкерлерімен бірге көрермендер Рождество түнінде қызықты оқиғалардың куәсі болды. Сонымен қатар, Николауспен та билеп, шыршаға “O Tannenbaum”әнұранын орындады.

Іс-шараға қатысушылар Рождествоны тойлау дәстүрлерінің анық-қанығы туралы біліп, Жамбыл облысы немістер қоғамының президенті Александр Гибнерден құттықтау сөзін тыңдады.

Концерттік бағдарламаға қатысқан әртістер іс-шара қонақтарына жақсы көңіл-күй сыйлады. Өңірге танымал “Поющие сердца” неміс шығармашылық ұжымы қыс туралы ең әдемі әндердің бірі – “Қар жауады” композициясын орындады, сондай-ақ, “Juwel” тобының орындауында “Klingeling Rock”, “Letzte Weihnacht”, “Advent”музыкалық шығармалары назарға ұсынылды. Ульяна Филиппова мен “Singende Herzen” вокалдық тобы бірігіп “Stille Nacht”әнін шырқады. “Полька” және “Заманауи би”, “Лолипоптармен би”, “Хох” және “Мұз төбесі” хореографиялық қойылымдары көрермендерді “Эремурус” ұжымымен, Құлан ауылының бишілерінің орындауында және басқа да өнерлі жастарының белсенді қатысуымен қуантты. Іс-шара тамаша мерекелік көңіл-күйде өтіп, жиылған жұртқа көптеген жарқын да қызықты әсерлер сыйлады.

“Қоғамдық келісім” Баспасөз қызметі орталығы

«БЕЙБІТШІЛІК ПЕН КЕЛІСІМ» ЖОБАСЫН ІСКЕ АСЫРУ ЖАЛҒАСУДА

23/12/2022/in Жаңалықтар /by Администратор

Жамбыл облысында этностар ықшам орналасқан жерлерде тұратын ауыл тұрғындарымен кездесу циклі жалғасуда. Бұл іс-шаралар біздің қоғамдағы бірлік пен келісімді нығайтуға бағытталған «Бейбітшілік пен келісім» жобасын іске асыру мақсатында өткізілді.

2022 жылғы 22-желтоқсанда жұмыс тобының құрамында Жамбыл облысы әкімдігінің ІІБ ҚХА хатшылығының этносаралық қатынастар мәселелері жөніндегі бөлімінің басшысы Құдайберген Рысдәулетов, «Қоғамдық келісім» КММ басшысы Мүбарак Жинақбаева және осы мекеме қызметкерлері Жамбыл ауданы, Сұлутөр, Жалпақтөбе, Гродеково, Шайқорық ауылдарының тұрғындарымен кездесті.

Өткізілген іс-шараларға ақсақалдар, ардагерлер, билер және қоғамдық келісім кеңестерінің, Жастар ресурстық орталығының өкілдері, көп балалы Батыр аналар, қандастар бір адамдай белсенді қатысты.

Кездесулер барысында Жаңа Қазақстанның бірлігі мен келісімі, өзекті реформалары, тың идеялары мен құндылықтарын нығайтудың маңызды аспектілері талқыланды. Жұмыс тобы ауыл тұрғындарының әртүрлі санаттарымен түсіндіру жұмыстарын жүргізді, ауыл тұрғындарының тұрмыс-тіршілігімен танысып, түйткілді мәселелерін тыңдады. Сонымен бірге, Шайқорық ауылы Шайқорық мектебінде жоғарғы сынып оқушыларының қатысуымен тимбилдинг өтті. Іс-шара барысында қызықты сұрақтар қойып, оларға құзыретті жауаптар ала алатын көп балалы Батыр аналар да назардан тыс қалмады.

«Менің елім, Менің Қазақстаным» атты мектеп оқушыларына арналған тимбилдингті өткізудегі мақсат – жастар ортасында қазақстандық бірегейлікті, сондай-ақ рухани-адамгершілік құндылықтарды қалыптастыру, отаншылдық пен азаматтыққа тәрбиелеу. Жас ұрпақтың облыс этностарының мәдениеті мен дәстүрлерінің алуан түрлілігіне толерантты қарым-қатынасын дамыту. Заманауи этномәдени кеңістікте дәстүрді мәдениетті жаңғырту, сақтау және тарату, мұраны насихаттау саласындағы ынтымақтастықты кеңейту.

«Қоғамдық келісім» КММ

Баспасөз қызметі орталығы

ЕҢ БАСТЫСЫ – БІРЛІК, БЕЙБІТШІЛІК ЖӘНЕ КЕЛІСІМ

21/12/2022/in Жаңалықтар /by Администратор

2022 жылдың желтоқсан айында бірлік пен келісімді нығайту, этносаралық қақтығыстардың алдын алу мақсатында Жамбыл облысы әкімінің орынбасары Еркін Үйсімбаев Жамбыл облысы Жамбыл ауданының Валерий Чкалов атындағы орта мектепте кеңес өткізді.

Іс-шараға «Қоғамдық келісім» КММ басшысы Мүбарак Жинақбаева, ҚХА мүшесі Руслан Исмазов, Қазақстанның дүнген республикалық этномәдени орталығының төрағасы Зайнуддин Махусеев, Ақсақалдар кеңесінің төрағасы Майуфи Абдухалил, облыс әкімдігі білім басқармасы басшысының міндетін атқарушы Айдын Досыбаева, Жамбыл ауданы әкімінің орынбасары Олжас Баққараев және т.б. қатысты. Қатысушылардың арасында ата-аналар, мұғалімдер де болды.

Іс-шара ашық диалог форматында өтті. Онда қоғамдық келісім мен ұлттық бірлікті нығайту, этносаралық қақтығыстардың алдын алудың өзекті мәселелері талқыланды. Еркін форматта пікірлер, ұсыныстар алмасылды.

«Қоғамдық келісім»

Баспасөз қызметі орталығы

ХАЛЫҚ ШЫҒАРМАШЫЛЫҒЫНЫҢ АТМОСФЕРАСЫ

21/12/2022/in Жаңалықтар /by Администратор

Ағымдағы жылдың 20 желтоқсанында Жамбыл облысы әкімдігінің ІСБ «Қоғамдық келісім» КММ ұйымдастыруымен Достық үйі ғимаратында халық шығармашылығы фестивалі өтті. Онда қолөнершілер, «Белсенді ұзақ өмір сүру» орталығының өкілдері өз.

Іс-шараның мақсаты – қоғамдық интеграция, мәдениетаралық өзара іс-қимыл арқылы азаматтық бірлікті қалыптастыру, қоғамдық байланыстарды дамыту, патриоттық тәрбие беру, мәдени аспектілер арқылы қазақстандық этностардың алуан түрлілігін рухани-мәдени тұрғыдан дәріптеу болып табылады.

Фестивальде қолөнершілер мен «Белсенді ұзақ өмір сүру» орталығының өкілдері халықтар мәдениеттерін бір арнаға тоғыстыруға, қазақстандықтардың ортақ мәдени кодын қалыптастыруға жол ашатын өзара іс-қимылдан пайда әкелетін жеке мәдени еркіндікті қолдай отырып, адамдар мүдделерінің ортақтығын іздеуден тұратын интермәдениеттілік қағидаттарын дәріптеуге бағытталған коллекцияларды халық назарына ұсынды.

Фестиваль қазіргі заманғы халық шығармашылығы шеберлерінің көрме-жәрмеңкесін көрсетуден басталды. Онда шеберлер қолынан шыққан ең үздік туындылар қойылып, арзан бағада сатылды. Тамара Күзембаева, Сәрсенкүл Мырзабекова, Әсел Дауылбаева, Раиса Науменко, Мөлдір Тәжібекова халық шығармашылығының түрлі техникаларында өз шеберліктерін көрсетті. Олар тоқылған бұйымдар, бисер тоқу, кәдесый өнімдері, жаңа жылдық әшекейлер сынды кез-келген талғамға арналған жұмыстардың топтамасын қойды.

Фестивальдің ең басты ерекшелігі сәнқойларға арналған сән көрсетілімі болды. Онда сәнді дизайнерлік киімдердің үлгілері көрсетілді. Көрсетілімге қатысушылар кәсіби модельдер емес «Алтын жастың» белсенді өкілдері болды. Олар жергілікті дизайнерлер — Бақыткүл Қонысбаева, Гүлмира Тохабаева, Наталья Ремша, Раушан Құндызбаева, Гүлжазира Құдайбергенованың топтамаларын көрсетті. Бірегей туындылар, жасалған ерекше бейнелер авторлардың шығармашыл жақтарын халыққа етене жақын көрсете түсті.

Фестиваль ары қарай «Белсенді ұзақ өмір сүру» орталығының көркемөнерпаздарының қатысуымен шағын концерттік бағдарламасымен жалғасты.

Іс-шараның шарықтау шегі Жамбыл облысы әкімдігінің ІСБ «Қоғамдық келісім» КММ және Жамбыл облысының «Өшпес мұра» қолөнершілер қауымдастығы жеке кәсіпкерлер мен заңды тұлғалар бірлестігі арасында ынтымақтастық туралы меморандумға қол қоюы болды. Аталған құжатқа жоғарыда аталған ұйымдардың басшылары Мүбарак Жинақбаева мен Гүлнар Абдуллаева қол қойды.

Жиын соңында халық шығармашылығының шеберлерін марапатталып, естелік суреттерге түсті.

«Қоғамдық келісім» КММ Баспасөз қызметі орталығы

ЖАМБЫЛ ТИК-ТОКЕРЛЕРІ ЖЕҢІМПАЗДАР ҚАТАРЫНДА!

20/12/2022/in Жаңалықтар /by Администратор

Жамбыл облысының «Ассамблея жастары» РҚБ өкілдері ҚР АҚДМ, «Қоғамдық келісім» РММ ұйымдастырған «Ел Бірлігі» Тик-Ток хаус жобасына қатысты.

Бұл жоба бір айға созылды және оның мақсаты – жалпы мәдени және тарихи құндылықтарды сақтауға, мәдениетаралық диалогты дамытуға, Қазақстанда тұратын этностарды «Әртүрліліктегі бірлік» қағидаты бойынша біртұтас ұлтқа біріктіруге бағытталған бірегей алаң құру.

«Ел Бірлігі» Тик-Ток хаус жобасы этномәдени бірлестіктердің, 20 өңірдің «Ассамблея жастары» РҚБ өкілдерін біріктірді.

Жамбыл тик-токерлер командасында-8 қатысушы, олардың арасында біздің өңірдің «Ассамблея жастары» РҚБ мүшелері бар.

Жоба барысында блогерлер жалпы мазмұны бар қысқа бейнелер түсіріп, оларды #qogam_life ортақ хэштегінің астындағы tiktok беттеріне орналастырды. Біздің аймақтың тик-токерлері түсірген бейнероликтер үздіктердің қатарында!

«Қоғамдық келісім» КММ Баспасөз қызметі орталығы

Көңілде мұңды із қалдырған желтоқсан ызғары Қазақстанға еркіндігін, егемендігін сыйлаған тарихы тереңде жатқан оқиға

19/12/2022/in Жаңалықтар /by Администратор

Көңілде мұңды із қалдырған желтоқсан ызғары Қазақстанға еркіндігін, егемендігін сыйлаған тарихы тереңде жатқан оқиға. Тарту қандай тәтті болса, келуі талай қыршынның тағдырын тәрк етті. Міне, бүгінде бабалар аңсап кеткен азаттықтың ақ таңы атқанына 31 жыл толып отыр.

Еліміздің ең ұлық мерекесіне орай облыс әкімі Нұржан Нұржігітов бастаған зиялы қауым және облысымыздың этномәдени бірлестік басшылары «Астана» шағын ауданында орналасқан «Тәуелсіз Қазақстан» монументіне гүл шоқтарын қойды.

Баспасөз қызметі орталығы

Ертеңіміз үшін еңбек етіп жатқан бірлігі бекем халықпыз!

15/12/2022/in Жаңалықтар /by Администратор

Тәуелсіздік елімізге тәңірден келген ерекше сый. Біз үшін оның орны қашан да бөлек. Ұлы дала, ұланғайыр атырапты мекен еткен Қазақстан халқының тәуелсіздігі оңай олжадай уысқа түсе салмады. Сан жылдар боданда болған біздер үшін 1986 жылы елім деген, Отаным деген, ертеңім деген мықты жастардың жалыны мұздай қатқан советтік саясатты талқан етті. Бүгінгі күн, азаттықтың ақ таңы міне осындай асыл азаматтар мен азаматшалардың қанымен, қиылған жанымен келген құнды мұрамыз.

Бүгінде Еуразияның жүрегіне айналған Қазақстан сан түрлі ұлт пен ұлыстың құтты қоныс, жайлы мекені. Осы бір жазира даланың бір баласы болып алаңсыз ғұмыр кешіп жүргенімді мақтан етемін. Бүгінде отбасымызбен ежелгі Жібек жолының жиегі саналатын Жамбыл жерінде тұрып жатырмыз. Еліміз егемен, заманымыз тыныш, ертеңіміз үшін еңбек етіп жатқан бірлігі бекем халықпыз. Қолымыз қандай бақытқа жетседе Тәуелсіздіктің себебімен.

Қазақстандық жұртшылықты Тәуелсіздік күнімен шын жүректен құттықтаймын. Еңселі еліміздің егемендігі мәңгі жасасын. Бейбітшілік пен келісім салтанат құрған Отанмыздың оты сөнбесін.

Ибрагим Зуфаров – «Ахыска» түрік этномәдени бірлестігінің ақсақалдар алқасының төраға орынбасары

Құрметті жерлестер!

15/12/2022/in Жаңалықтар /by Администратор

Сіздерді ұлық мереке — Қазақстан Тәуелсіздігі күнімен шын жүректен құттықтаймын! Ұранын ынтымақ, туын татулық еткен бейбіт те берекелі халқымыз осы уақыт аралығында толағай табыстарға жетті. Тәуелсіз еліміздің қарқынды дамуы тұрақты саясат пен ішкі бірліктің арқасы. Рухы биік, намысы берік бабаларымыздың ғасырлар бойғы асыл мұраты — азаттықты аялау, тағдыры ортақ тұтас халқымыздың татулығын сақтау біздің басты парызымыз.

Ұлы мұраттар жолында жас ғұмырын қыршын еткен асыл азаматтар, сәбиін білегімен, даласын жүрегімен тербеткен аяулы арулардың өмірінің өтеуімен келген, жаратқаннан жалықпай сұраған ата мен ананың көз жасына арқау болған Тәуелсіздікті төбемізге тәж етіп сақтап, ұрпағымызға дін аман ұсынуымыз керек.

Тәуелсіздігіміз тұғырлы, бірлігіміз ғұмырлы болсын!

Сара Даузова – «Дүнгендер этномәдени орталығы» РҚБ Аналар кеңесі төрайымы

Егемен еліміз жасай берсін!

15/12/2022/in Жаңалықтар /by Администратор

Бүгінгі күн — бабаларымыз сан мыңдаған жылдар бойы армандаған тәуелсіздік күні. Осынау мерекемен баршаңызды шын жүректен құттықтаймын. Еліміздің аспаны ашық, керегесі кең болсын. Отанымызда орнап тұрған тыныштық пен берекенің ғұмыры ұзақ болсын!

Тәуелсіздік ел тағдырының таразысына салса бәрінен құнды, бәрінен салмақты, бәрінен биік олжамыз. Оңай уысқа түспеді. Қанша қан төгілді, қанша жан берілді. Оның жемісі бүгінгі азаттықтың ашық аспанының астындағы алаңсыз өміріміз.

Егемен еліміз жасай берсін!

«Жамбыл облыстық «Вынхуа» дүнгендер этномәдени орталықтары» қоғамдық бірлестігінің төрайымы — Айша Идыбо

«ЭТНО ЖӘНЕ КОНФЕССИЯАРАЛЫҚ КЕЛІСІМ» ТОБЫ БАЙЗАҚ АУДАНЫНДА

15/12/2022/in Жаңалықтар /by Администратор

Ағымдағы жылдың 14-15 желтоқсанында «Этно және конфессияаралық келісім» тобы Байзақ ауданының Бурыл, Қызыл жұлдыз, Сарыкемер, Ботамойнақ, Байзақ, Көктал ауылдарына барып этнос өкілдері, ауыл тұрғындарымен кездесу өткізді.

Жамбыл облысы әкімігінің ішкі саясат басқармасы басшысы Алмас Садубаев, «Қоғамдық келісім» КММ басшысы Мүбарак Жинақбаева және осы мекеменің этносаралық қатынастар саласында әдістемелік көмек көрсету және мониторинг жүргізу бөлімі мен т.б. қызметкерлері ауыл ақсақалдары, ардагерлер, билер кеңесінің төрағалары, көп балалы батыр аналар, этнос өкілдерінің басшылары мен белсенділері, қандастар, жастар ресурстық орталығының өкілдерімен кездесіп, ауылдағы ағайынның ахуалымен танысты.

Іс-шара басы, Ботамойнақ, Байзақ ауылдарының тұрғындарымен ауылдық клубта «ҚХА Қоғамдық келісім кеңестері – маңызды мәселелерді талқылаудың, сыңдарлы шешімдер қабылдаудың әмбебап диалог алаңы» атты кездесумен басталды. Мұндағы мақсат мемлекет пен азаматтық қоғам арасындағы қоғамдық келісім мен ұлттық бірлікті нығайту, этносаралық қақтығыстардың алдын алу бойынша жұмыстар жүргізу болатын. Аталған мәселлер төңірегінде ауыл адамдарымен ашық пікір алмасып, шешу жолдары қарастырылды.

Сонымен қатар дәл осы күні «Қоғамдық келісім» КММ, этносаралық қатынастар саласында әдістемелік көмек көрсету және мониторинг жүргізу бөлімі Сарыкемер ауылының аналарына арнап «Рухани жаңғыру» ғимаратында «Мәдениетті ана-мәдениетті ұлт» жобасы аясында тәжірибе алмасу бойынша «Ел анасы» ауыл әйелдері аналар кеңесі мүшелерімен кездесу өткізді. Жиын барысында елдімекендердегі әйелдерге әр түрлі мәселелер бойынша кеңес беріліп, ана мен бала тақырыптарына қатысты түрлі мәселелердің түйінін тарқатты.

«Этно және конфессияаралық келісім» тобы одан ары қарай Қызыл жұлдыз ауылында «Менің елім, Менің Қазақстаным» мектеп оқушыларына арналған тимбилдинг ұйымдастырылды. Онда округ жастарына қазақстандық қоғамдық келісім негіздерін, патриотизм, бірлік пен бірегейлікті түсіндіру жұмыстары жүргізілді.

Іс-шара аясында өңірдегі этносаралық ахуалдың негізгі аспектілерін анықтау үшін «Қоғамдық келісім» КММ қызметкерлері фокус – топтық зерттеулер жасады. Зерттеу барысында Сарыкемер және Көктал ауылдарының этнос өкілдерінің жай-күйі, этносаралық қатынас, бірегейлік пен біртұтастық турасындағы мәселелер қарастырылды.