Archive for category: Жаңалықтар

Қазақстанның әр азаматы сияқты бәріміз белгілі бір кезеңде жасылынатын Жолдаудан елді елең еткізетін жаңалық пен жылылық күтетініміз анық. Биыл да күттік. Президенттің жаңа жолдауынан елдің еңсесін көтеретін және көпшіліктің көңілінің түкпірінде екіұдай сұрақта тұрған маңызды мәселелерге де нақты жауап алды деп ойлаймын.

Оның біріншісі ел экономикасын көтеру үшін қазіргі басты міндет – елімізде мықты өнеркәсіптік негізін қалыптастыру және экономикамыз өзімізді толық қамтамасыз ете алатын жағдайға жету. Сондықтан “өңдеу саласына жедел дамытуға баса мән беруіміз қажет” деп атап көрсетті.

Демек, алдағы уақытта еліміз тек шикізат өндірмейді, оны өзімізде өңдеп одан дайын өнім алуға мүмкіндік жасалынады деген сөз. Бұл қосымша жұмыс және табыс көзі болмақ. Экономикамыз өркендеп, алдыңғы қатарға көтерілеміз деген үміт оты осы.

Елдің арасында екі ұдай пікір қалыптастырған АЭС салу мәселесіне де нүкте қойылып, референдум арқылы шешілетін болды. Бұлда аса маңызды саяси шешілетін жағдайдың бірі болатын. Бұл шешімді жұртшылық аса түсіністікпен қабылдады. Аталған референдум Тоқаев дәуіріндегі екінші рет өткелі тұрған айтулы оқиға болмақшы.

Бұл енді жариялылықтың белгісі.

Берілген уәде бойынша салынатын 400 жайлы мектеп еліміздің болашағы балаларға мемлекет тарапынан жасалынып отырған үлкен қамқорлық.

Жолдауды алғаш тыңдап шыққандағы жүрек жарды пайымдарымыз осылай боп шықты.

Асқарбек Ақылшаұлы Сейілханов, Жамбыл облыстық ҚХА Ақсақалдар кеңесінің төрағасы, Әулие Ата Қазақ мәдени орталығының мүшесі

Жүрек жылуын ұсынып, ізгілік нұрын шашып, мұқтаж жанға сый-сияпат көрсете алу – адамдықтың белгісі. Қазіргі таңда елімізде түрлі іс-шаралар мен акциялар, қайырымдылық қорлары арқылы қол ұшын созатын ізгі жандар қатары көбейіп келе жатыр, бұл – имандылықтың белгісі.

Жаңа оқу жылының алдында оқушылардың алаңсыз білім алуына жағдай жасау мақсатында «Мектепке жол» республикалық акциясы жүріп жатқаны баршамызға белгілі.

Оқу жылы жақындағанда этнос өкілдерінен тұратын қоғамдық-мәдени бірлестіктер, облыс меценаттары, қайырымдылық топтары, еріктілер әлеуметтік тұрмысы төмен, көп балалы отбасы, жартылай жетім және сәтсіз отбасынан шыққан білім алушылар санын анықтап, акция аясында көмек түрлерін белгілейді.

Осындай қамқорлықпен ағымдағы жылдың 1-қыркүйек Білім күні мерекесі қарсаңында Жамбыл облыстық “Ахыска” Түріктер этномәдени бірлестігінің төрағасы Махмуджон Мираддинович Давришев бастаған Аналар кеңесі және аудандағы түріктер этномәдени бірлестіктері республикалық “Мектепке жол” акциясы бойынша жылда дәстүрге айналған қайырымдылық іс-шарасын өткізді.

Облыс бойынша аз қамтылған, көп балалы және әлеуметтік жағдайы төмен түрік отбасыларынан шыққан 50-ден астам мектеп оқушысына керекті барлық оқу құралдары салынған аспалы сөмкелер, түрлі жастағы балаларға арналған мектеп формалары мен спорт киімдері сыйлыққа беріліп, сондай-ақ, олардың отбасыларына да қаржылай көмек көрсетілді.

Игі істеріңіз өздеріңізге еселеніп қайтсын, ахыскалық түрік ағайындар!

”Ақпараттық жұмыс және қоғаммен байланыс” бөлімі

2023 жылдың 27 шілдесінде өңірлік ҚХА-ның атынан 5-9 сынып аралығында білім алатын әртүрлі этнос өкілдерінің балалары Ақмола облысы, Бурабай ауданына қарасты Щучинск қаласына жол тартқан болатын.

Олар ҚР Оқу-ағарту министрлігінің “Балдәурен” республикалық оқу-сауықтыру орталығының бекітілген жоспарына сәйкес “Біз біргеміз- Қазақстан!” атты ҚХА балаларының кездесуіне қатысып, жазғы демалыстарын ойдағыдай өткізді.

Бірнеше күнге жоспарланған іс-шараларға белсенді қатысып, пайдалы әрі тиімді уақыт өткізулеріне оқу-сауықтыру орталығы үлкен мүмкіндік сыйлады.

Ақпараттық жұмыс және қоғаммен байланыс бөлімі

Жамбыл облысының Қазақстан халқы Ассамблеясы «Медиация туралы» Заңның қабылдануымен медиация институтын ілгерілету жөніндегі миссияны өз мойнына алды. Бүгінгі таңда еліміздегі бірлікті, бейбітшілікті, тыныштықты одан әрі нығайту үшін өңірлік ҚХА-ның барлық мүшелері жүргізіп жатқан қоғамдық жұмыстарда татуластыру рәсімдерін қолданудың маңыздылығын асыра бағалау қиын.

Медиация күнін мерекелеу аясында 2023 жылдың 4 тамызында Тараз қаласындағы «Қоғамдық келісім»  КММ-де «Қазақстан халқы Ассамблеясы медиация кабинеттерінің ашық есік күні»  республикалық акциясы өтті.

Акция Жамбыл облысы бойынша адам құқықтары жөніндегі уәкілдің өкілі Берікбол Байхожаевтың, Жамбыл облысы прокурорының аға көмекшісі Назгүл Есенқұлованың, Жамбыл облысы адвокаттар алқасының адвокаты Айнұр Аманжолованың, Жамбыл облыстық сотының судьялары Айгүл Әлиақпарованың және Тараз қалалық сотының судьялары Гүлмира Әлімқұлованың тікелей қатысуымен өтті.

Белсенді қатысушылар арасында-медиаторлар, облыстың этномәдени бірлестіктерінің және өңірлік ҚХА құрылымдық бөлімшелерінің өкілдері бар.

Іс-шара «Қоғамдық келісім» басшысы Мүбарак Жинақбаеваның құттықтау сөзінен және салтанатты марапаттау рәсімінен басталды. Рәсім барысында бірқатар медиаторлар «Қоғамдық келісім»  РММ Алғыс хаттарымен марапатталды.

Бұдан соң, соттарда медиацияны қолдануды, медиативтік практиканың оң динамикасын, медиативтік қорытынды жасасу кезінде прокуратураның, атап айтқанда медиативтік келісім жасасу кезінде іс бойынша қатысушы прокурордың рөлін және оны азаматтық және әкімшілік істер бойынша соттың кейіннен бекітуін талқылады.

Іс-шара барысында қатысушылар азаматтық сот ісін жүргізудегі жаңалықтармен таныстырылды. Әкімшілік істер жөніндегі жаңа әкімшілік рәсімдік-процестік кодекс мемлекеттік органдармен және мекемелермен соңғы іс жүргізу қалауы болған кезде және егер бұл келісім медиацияға қатыспайтын үшінші тұлғалардың немесе қоғамдық мүдделердің мүдделеріне сәйкес келмесе, мидиативтік келісімдер жасасу мүмкіндігін көздейтініне назар аударылды.

Сонымен қатар, әйелдер құқығының бұзылуына жол бермеу, қалыңдықтарды ұрлау және мәжбүрлі неке тәжірибесін жою туралы айтылды. Осы тақырыпта бейнеролик көрсетілді.

Ақпараттық жұмыс және қоғаммен байланыс бөлімі

Бір-бірімен тату-тәтті өмір сүретін түрлі этнос өкілдері тұратын өңірімізде дауды шешудің тиімді жолы ретінде медиацияның рөлі зор. Өңірімізде өткізіліп жатқан этномедиация курстары ұлтаралық шиеленістерді шешудің әдістері мен құралдарын, оның әдістемелері мен механизмдерімен таныстырады, ұлтаралық жанжалдарды шешуде білім мен дағдыларды қалыптастырады. Семинар-тренингтерде алынған негізгі білімдер этносаралық қатынастарды үйлестіруге бағытталып, әлеуметтік қайшылықтар туындаған жағдайда оларды шешуге бағытталады.

Пайзиев Азизжон Әшірбайұлы – Жамбыл ауданы Қарой ауылдық округінің учаскелік полиция инспекторы, этномедиатор