Archive for category: Жаңалықтар

Әлеуметтік-экономикалық тұрақсыздық пен өмірдің барлық салаларындағы дағдарыстық құбылыстар кезеңінде әсіресе жаңа жерге бейімделу кезеңінде жан-жақты көмекке мұқтаж халықтың қорғалмаған топтары, олардың бірі еңбек мигранттары ауыр зардап шегуде. Біздің облыс ұсынатын көпұлтты аймақта кейде еңбек көші-қоны конфликттік фактор болуы мүмкін әлеуметтік орта қалыптасуда. Жергілікті тұрғындар үшін де, облысқа келетін мигранттар үшін де жанжал қаупін болдырмау мақсатында Жамбыл облысы ҚХА Медиация кабинеті өңірдегі әлеуметтік шиеленісті төмендету мақсатында тоқсан сайын құқықтық көмек көрсету мақсатында «Ашық есік күнін», сонымен қатар өмірлік дағдыларды дамытуына тренингтер ұйымдастырады.

Тухтамышева Гүлсара Сайфуллаевна – “Жамбыл облысы тәжік этномәдени орталығының” ҚБ мүшесі, ҚХА медиаторы.

Алғашқылардың бірі болып сот жүйесінің қызметкерлері медиацияны қолдады. Облыс соттары халықтың ең кең тобын татуластыру рәсімдеріне тартуға көп көңіл бөледі. Бұл үшін олардың бастамасы бойынша медиаторлардың қызметі үшін алаңдар ашылады, әдіснамалық қолдау көрсетеді және заңнамадағы жаңалықтар туралы хабардар етеді. Жанжал бойынша көрсеткіштерді төмендетудегі маңызды рөл соттарда татуластыру рәсімдері белсенді қолданылатындығында, дауларды бейбіт жолмен шешуге ықпал ететін татуластырушы судьялар да бар. Медиаторларға қосыла отырып, олар халық арасында дауларды бейбіт жолмен шешу мүмкіндігі мен оң жақтарын белсенді түрде насихаттайды. Бүгін бәріміз ынтымақтастыққа және өзара тиімді нәтижеге қол жеткізуге ұмтылуымыз керек.

Абдуллаев Тәжир Максим-Оглы – Шу теміржол колледжі директорының құқықтық жұмыс жөніндегі орынбасары, Шу ауданы ҚХА медиаторы

Қоғамдағы жанжал көрсеткіштерін төмендетуде халықтың жаппай баратын орындарында қоғамдық қабылдаулар өткізу маңызды рөл атқарады.Құқықтық көмек көрсету үшін Жамбыл облысының «AMANAT» партиясы облыстық филиалының, «Кәсіподақ орталығының»  қабылдаулары осыған дәлел деуге болады. Бұл азаматтар, соның ішінде қоғамдық және кәсіби медиаторлардан білікті көмек алатын халықпен жұмыс істеудің жаңа түрі. Мамандардың консультациялық көмегі еңбек, отбасылық және басқа салалардағы көптеген мәселелерді соттан тыс шешуге, туындаған сұрақтарға жауап алуға көмектеседі. Адамдар қарым-қатынас орнатуды , мәмілеге келуді үйренеді.

Федорова Ирина Геннадьевна-Жамбыл облысы ҚХА медиаторлар кеңесінің төрағасы, облыстық «Радонеж” Орыстар қауымдастығы»  ҚБ кеңесінің мүшесі, азаматтық құқықтарды қорғау жетекшісі, кәсіби медиатор

Барлық отбасында кикілжіңдер орын алуы қалыпты жағдай. Алайда, сол кикілжіңдердің алдын алмаса бүтін отбасы құрдымға кетуі мүмкін. Сондай жағдайда, біз, “Отбасылық медиация” мамандандырылған оқытудан өткен Аналар кеңесінің өкілдері отбасылық құндылықтарды сақтау және дамудың әртүрлі кезеңдерін бастан өткерген ата-аналар мен отбасыларға қажетті көмек көрсету үшін үлкен жұмыс атқарып жатырмыз.

Біз медиация арқылы отбасыларды сақтауға көмектесеміз, ал басқа жағдайларда, бұл мүмкін болмаған кезде, достық қарым-қатынасты сақтай отырып, ажырасуға көмектесеміз.

Плетнева Аракси Ваграмовна-Жамбыл облысы ҚХА Аналар кеңесі төраймының орынбасары, Еңбек ардагері, Жамбыл облыстық «Полонез» «Поляк тілі мен мәдениеті орталығы» қоғамдық бірлестігінің мүшесі

Ассамблея ісі – қасиетті іс.Сондай-ақ еліміздегі бірлік пен келісімнің киелі бесігі, тұтас­тық пен тұрақтылықтың құтты шаңырағы.

Халықтар достығын берік ұстауға, нығайтуға да қосар үлесі зор.

Қазақстан көпэтносты Республика екені бұрыннан белгілі. Кеңестік дәуірде ҚСРО-дағы жалғыз интернационалды ел аталғанымыз тегін емес. Ежелден бауырмал, қайырымды қазақ халқы тағдыр-тәлкегіне ұшырап, әлемнің әр тарапынан келгендерді жатсынбай, оларды туған-туыстарындай жақсы көрді. Міне, сондықтан, қазір Қазақстан көпэтносты мемлекет атанып отыр.

Дәл Қазақстан сияқты этностар достығы өнеге, халықтар достығы үлгі – дүниежүзінде ел жоқ. Барлық этностар терезесі тең, мүдде-мақсаты бір және олардың еркін еңбек етуіне, кәсіппен шұғылдануына, саясатпен айналысуына барлық жағдай жасалған .

Осы тұрғыда мемлекеттің бірден-бір алға қойып мақтанар айнасы – этносаралық татуластық. Жер шарының картасына көз салсақ қазақ жерінің ұлан-байтақ атырапты алып жатқанын көреміз. Қазақ елінің көңілі де дәл сондай, кең, дархан.Киелі қазақ шаңырағына уық болып қадалған өзге этнос өкілдері «Қазақстан – достық пен татулықтың шынайы мекені» дегенді ұранға айналдырған. Достық отанына айналған Қазақстан гүлдене берсін!

Жамбыл аудандық Қоғамдық кеңесінің мүшесі Сабри Асанов