Archive for category: Жаңалықтар

Бүгін, ағымдағы жылдың 15-қаңтарында «AMANAT» партиясының ғимаратында қоғамдық келісім мен жалпыұлттық бірлікті нығайту бағытында мемлекеттік саясатты іске асыру шеңберінде, республикалық жоба аясында «ҚР медиацияны дамыту» тақырыбында конференция өтті.

Іс-шараға медиация ісін дамыту бойынша «Халықаралық келіссөздер академиясы» қауымдастығы ЗТБ төрағасы, сертификатталған тренер-медиатор Қалмұхамбетов Сабыржан Қайыржанұлы, «Бизнестегі медиация сот істерін жеңілдету» тақырыбында Төраға кеңесшісі, халықаралық жобвларды басқару қауымдастығының мүшесі, IPMA «Level A» жоғары басқару деңгейінде сертификатталған Нұрлыбеков Азамат Қылышұлы жанжалдарды шешу, медиацияны кәсіби және кәсіби емес түрде жүргізу, сот медиациясын терең қарастыру және медиацияны ілгерілету сияқты т.б. мәселелер тұрғысында тұшымды ой-пікірлерімен, пайдалы кеңес және іске аларлық қонымды тәжірибелерімен бөлісті.

Жиынға Жамбыл облыстық кәсіби, кәсіби емес медиаторлар, «Қоғамдық келісім» КММ қызметкерлері және қалалық, аудандық Ардагерлер, Ақсақалдар кеңесінің белсенді мүшелері қатысты.

Алқалы отырыста Медиацияны насихаттау, медиаторларды оқыту және тиісті даярлау, медиаторлар мәртебесін көтеру, өзара іс-қимылдың бірыңғай алаңын құру, тәжірибе алмасу мәселелері көтерілді.

Қатысушылар өз пікірлерімен белсенді түрде бөлісіп, медиацияның дамуына ықпал ету бойынша өз ұсыныстарын енгізді.

«Ақпараттық жұмыс және қоғаммен байланыс» бөлімі

Мемлекет ұлттық тарихымызды түгендеу, тарихи әділдікті қалпына келтіру бағытында жүйелі жұмыс жүргізіп отыр. Сталиндік қуғын-сүргін құрбандарын ақтау жөніндегі ауқымды зерттеу жұмыс аяқталды. Тарихшылардың есебінше, ұлу жылы Жошы ұлысының құрылғанына 800 жыл толады. Қазақ мемлекеттігінің іргетасын қалауға негіз болған ұлыстың тарихына терең зерттеулер қолға алынады. Дәл осы мәселені Egemen Qazaqstan газетіне берген сұхбатында Президент Қасым-Жомарт Тоқаев айтты.

Президент Қ.Тоқаев тарихи даталарды атап өту – той тойлауға емес, ұлттық сананы жаңғыртып, ұрпақ тәрбиелеуде ой қорыту керек екенін айтып жүр. Биыл Президент тапсырмасымен әзірленген Қазақстан тарихының көптомдығы жарық көреді. Бұл ауқымды жұмысқа 200-ден аса жергілікті, 60-тан аса шетелдік маман атсалысты.

Биыл қазақтан шыққан айтулы ғалым Қаныш Сәтбаевтың 125-жылдығы, Гитлер рейхсканцеляриясына шабуыл жасаған батыр, Халық қаһарманы, Тәуелсіз Қазақстанның тұңғыш қорғаныс министрі Сағадат Нұрмағамбетовтің 100-жылдығы, Рейхстагқа Жеңіс туын тіккен қазақ, Халық қаһарманы Рақымжан Қошқарбаевтың 100-жылдығы тойланады.

Бесінші Дүниежүзілік көшпенділер ойынының қазақ жерінде өтуі ұлттық спорттың мәртебесін көтеріп, Ұлы Даладағы көшпенділер өркениетінің насихатын күшейтеді.

Жалпыұлттық диалог алаңы – Ұлттық құрылтай биыл көктемде өтеді. Онда ұлттың жаңа сапасын қалыптастыру, қоғамның жаңа құндылықтарын жаңғырту мәселелері талқыланбақ.

Бұған қоса, Президент ұлттық бірегелікті айшықтап, ел бірлігін нығайта түсу үшін қазақтың төл жаңа жылы Әз Наурызды ерекшелеп, мазмұнын байытып, жаңаша атап өтуді ұсынды. Жамбыл облыстық ҚХА Аналар кеңесінің мүшесі ретінде осы аталған игі жоспарларды толығымен қолдаймын!

Сара Даузова, Республикалық, облыстық Дүнгендер қауымдастығы Аналар кеңесінің төрайымы, ҚХА Аналар кеңесінің белсенді мүшесі.

Қазақстан сыртқы саясатта еліміздің егемендігі мен аумақтық тұтастығын сақтау, Қазақстан азаматтарының құқықтары мен мүдделерін қорғау, ұлттық экономиканың дамуына барынша қолайлы жағдай жасау бағытында жұмыстарды жалғастырады.

Ұлу жылында мемлекетіміз үшін аса маңызды халықаралық шаралар өтеді. 2024 жылы Қазақстан Шанхай ынтымақтастық ұйымына, Ұжымдық қауіпсіздік туралы шарт ұйымына, Азиядағы өзара іс-қимыл және сенім шаралары жөніндегі кеңеске, Түркі мемлекеттері ұйымына, Аралды құтқару халықаралық қорына, Азық-түлік қауіпсіздігі жөніндегі ислам ұйымына төрағалық етпек. Жыл барысында Астанада осы халықаралық ұйымдардың жиыны өтеді. Оның ішінде, Орталық Азия мемлекеттері басшыларының басқосуы мен Астана халықаралық форумын өткізу жоспарланған.

Бұдан да өзге мәселелер көтерілген мемлекет басшысы Қасым-Жомарт Тоқаевтың Egemen Qazaqstan газетіне берілген сұқбаты үміт пен болашаққа деген нық сезімді оятып отыр.

Махкам Орифов, Жамбыл облысы Тәжік этномәдени бірлестігі қоғамдық бірлестігінің төрағасы

Жаңа жыл қарсаңында 30 желтоқсанда төрағасы Махкам Орифов бастаған Жамбыл облысының республикалық Тәжіктер этномәдени бірлестігі өмірлік қиын жағдайға тап болған балаларды қолдау орталығына барып тосынсый ұйымдастырды.

Кездесу барысында орталықтың тәрбиеленушілері де өз кезегінде қонақтарға жаңажылдық костюмдерін киіп, дайын тұрған мерекелік концертімен кері байланысқа шығып, әдемі ән-бимен өнерлерін көрсетті.

М.Ж.Орифов барлық балаларды келе жатқан Жаңа жылдарымен құттықтап, зор денсаулық, амандық және оқуларына мол табыс тіледі.

Сондай-ақ, мерекелік торт, жаңажылдық сыйлықтар —түрлі ойыншықтар мен тәттілер сыйлады.

Аталмыш орталықтың тәрбиеленушілері мерекелік концерттен кейін Тәжіктер этномәдени орталығына зор алғыстарын білдірді.

«Ақпараттық жұмыс және қоғаммен байланыс» бөлімі

Жаңа жыл мерекесінде қайырымдылық шараларын өткізу арқылы балаларға қуаныш сыйлап жүргендердің қатарында Жамбыл облысы ҚХА этномәдени бірлестіктерінің өкілдері де бар.

Мереке қарсаңында «Вынхуа» Жамбыл облысы Дүнген мәдени орталықтары қауымдастығының және Қазақстан дүнгендерінің республикалық этномәдени орталығының өкілдері балаларға мерекелік жаңажылдық көңіл-күй сыйлады.

Қордай ауданы, Сортөбе ауылында Жамбыл облысының «Вынхуа» Дүнген мәдени орталықтары қауымдастығының өкілдері мен жастар қайырымдылық шарасына атсалысты. Шара барысында жетім балаларға, мүмкіндігі шектеулі балаларға, сондай-ақ көп балалы отбасылардан шыққан балаларға сыйлықтар табыс етілді, атап айтсақ, қысқы күртешелер, сөмкелер және т.б.

Сондай ақ, Жамбыл облысы, Жамбыл ауданында да балалар шыршасы өтті. Балаларға арналған жаңа жылдық шыршаны өткізуге Республикалық Дүнгендер этномәдени бірлестігінің төрағасы Зайнуддин Махусеев, Жамбыл ауданының Құрметті азаматы Сәпілмәлік Тәжиев, Полатқосшы ауылдық округі ардагерлер кеңесінің төрағасы Абдухалил Маюфи және басқалар белсене қатысты.

Ертегі кейіпкерлерінің қатысуымен өткен қызықты жаңа жылдық қойылым балаларға ерекше әсер қалдырды.

«Ақпараттық жұмыс және қоғаммен байланыс» бөлімі