Archive for category: Жаңалықтар

Қазақстан халқы Ассамблеясы жаңғыру жолында

Бұл тақырып 11 ақпанда Жамбыл облысы орталық коммуникациялар қызметінің аймақтық филиалында брифингте журналистер назарында болды. Жамбыл облысы Қазақстан халқы Ассамблеясы төрағасының орынбасары, хатшылық меңгерушісі Лысова Лариса Анатольевна өткен жылдың қазан айында Астана қаласында бастау алған ҚХА-ның «Үлкен ел – үлкен отбасы» ауқымды жобасының алты негізгі бағытының мәні мен мазмұнын БАҚ өкілдеріне айқын түрде баяндап берді. «Бұл жоба қазақстандық азаматтық бірегейлікті, қазақстандықтардың бірлігін нығайту бойынша Қазақстан халқы Ассамблеясының 20 жыл бойы жүргізген жемісті жұмысының қисынды жалғасы болып табылады, деп айрықша баса айтты. – Жоба Елбасының Қазақстан халқы Ассамблеясының «Мәңгілік ел: бір ел, бір тағдыр» ХХІІ сессиясында тапсырған және Ұлт жоспары мен «Біртектілік пен бірлік» 4 институционалдық реформасында белгіленген тапсырмаларды жүзеге асыруға негізделген және біртұтас азаматтық қауымдастықты қалыптастыруға жағдай жасауға мүмкіндік береді».

Әсіресе, брифинг қатысушыларын Л.А.Лысованың «Үлкен ел – үлкен отбасы» жобасының жүзеге асырылуының барысы мен болашағы, оның Жамбыл облысында іске асырылуының ерекшеліктері туралы хабарламасы үлкен қызығушылық туғызды. «Ұлы Жібек Жолының жаңғыруы» аймақтық мәдени-туристтік кластері құрылуда. Облыс орталығында ашық аспан астында «Көне Тараз» мұражайы, тарихи-археологиялық кешені ашылды, ескі туристтік бағыттар жетілдірілуде және жаңалары дамытылуда. Жоба аясында жыл бойы балалар мен жастарға арнап «Өз өлкеңді танып біл» және «ЭКСПО – 2017 еріктілері» облыстың тарихи орындарына саяхаттарды ұйымдастыру және өткізуге қазақ, орыс және ағылшын тілдерін меңгерген еріктілерді дайындау бойынша екі жоба жүзеге асырылатын болады. «Көне Тараз» тарихи-археологиялық кешен аумағында облыстық бейбітшілік пен келісім сарайының құрылысы жүргізіліп жатқан жерде аймақтық этномәдени бірлестіктердің қатысуымен этноауылдарды құру қарастырылған. Облыстық және Меркі аудандық тарихи-өлкетану мұражайларындағы экпозициялардан бөлек, ҚХА тарихы туралы залдарды барлық облыстық мұражайларда ашу ұсынылған. Бұл жұмыс жүргізілуде.

«Үлкен ел – үлкен отбасы» жобасы Қазақстан халқы Ассамблеясының қызметін жетілдіруді қарастырады, -деп хабардар етті Л.А.Лысова. – Біздің қоғамды біріктіруге бағытталған жаңа құрылымдар, соның ішінде қоғамдық келісім кеңестері барлық елді мекендерде және ірі кәсіпорындарда құрылуда. Қазақстан халқы Ассамблеясы республикадағы барлық қайырымдылық акцияларын үйлестіру және қайырымдылық орталығы қызметін атқарады. Осы бағыттағы жұмыс өткен жылы «ҚХА – 20 ізгі іс» эстафетасымен басталды, оның аясында тек біздің облыс бойынша 2860 адамға 1,34 миллиард тенге сомасына қайырымдылық көмек көрсетілді. Бұл республика бойынша ең жақсы көрсеткіштердің бірі. Бүгінгі таңда қайырымдылық іс-шаралары «Қайырымдылық керуені» және «Қоржын» акциясы шеңберінде жалғасын табуда.

Сөз соңында Л.А.Лысова «Үлкен ел – үлкен отбасы» жобасының жүзеге асырылуы Қазақстан Республикасы Тәуелсіздігінің 25-жылдығына арналғандығын атап өтіп, журналистер сұрақтарына жауап берді және журналистерді бұл жоба бойынша іс-шараларды айқындауға белсене ат салысуға шақырды.

Жамбыл облысы әкімі аппаратының

«Қоғамдық келісім» КММ

Баспасөз қызметі

Жамбыл облысы әкімі аппаратының  «Қоғамдық келісім» КММ 2015 жылы атқарған жұмысы жайлы қортынды есебі туралы

АҚПАРАТ

«Қоғамдық келісім» КММ мәжіліс залында мекеме қызметкерлерінің, аймақтық әкімшіліктің басқарма өкілдері, этномәдени бірлестік басшыларының алдында мекеме  басшысы Р.Убайдуллаева 2015 жылы   есепті мерзімде атқарған жұмысы жайлы баяндады. Ол өз сөзінде2014 жылдың қорытындысы бойынша  жасаған баяндамада айтылған сын ескертпелер толығымен орындалғанын,этномәдени бірлестік басшыларына жұмыстарын жандандыру мақсатында  кең көлемде әдістемелік көмек көрсетілгенін, атап айтқанда 6 семинар-тренинг, 20 аса жеке және топтамалық кеңестер берілгендігіне тоқталды.  Ғылыми- сараптамалық  қолдау бөлімінің терең әлеуметтік зерттеу негізінде, оны тұрақты өңделіп  дәлелді қортындылармен  ұсыныстар  мемлекеттік органдарға орындау үшін жіберілді. «Бейбітшілік және жол картасы» мега жобасы шеңберінде аймақтық ассамблея мүшелері, этномәдени бірлестік басшылары  және шығармашылық топтары облыстың алыс аймақтарына шықты,  елді мекен тұрғындарымен аймақта тұратын халықтардың жан-жақты мәдениетін көрсету мақсатында  кездесулер ұйымдастырды, семинарлар өткізді, концерттік бағдарламаларын ұсынды. «Қоғамдық келісім» КММ өзінің жұмыс барысында тұрақты түрде мемлекеттік ұйымдармен, үкіметтік емес мекемелермен және бұқаралық ақпарат құралдарымен тұрақты байланыста жұмыс атқарды.«Қоғамдық келісім» КММ негізінде облыстық  аймақтық ассамблеясы жанынан  бүгінгі таңда ақсақалдар кеңесі, аналар кеңесі, шеберлер клубы, «Ақ желкен» жастар лигасы құрылған.2015 жылы олардың қатысуымен 120 дан аса қоғамдық мәні бар іс-шаралар өткізілді.Аймақтағы халықтық сәндік қолданбалы өнердің дамуына әдістемелік қолдау бөлімі үлкен көңіл бөлді.Тұрақты негізде «шеберлер мектебі» жұмыс істейді, оның құрамына 12 этномәдени бірлестіктерден 50  әр-түрлі шығармашылық бағыттағы қолөнершілер кіреді.Оқу бағдарламалары жасалған, халықтық қол өнер шеберлері үшін шеберлік сыныбы өткізіліп тұрады.Мақсаты этномәдени бірлестіктердің қол өнер дәстүрін көрмелер, жәрмеңкелер, және байқаулар арқылы дамыту болып табылады. «Ақ желкен» жастар лигасы мен  бірлесіп жұмыс істеу мақсатында жастармен жұмыс істеудің әр-түрлі әдістері қолданылады.Облыста тұратын халықтардың ұлттық мемлекеттік біртектілікті қалыптастыру және ұлттық мемлекеттік саясатты насихаттау жұмыстарын жүргізуде есепті мерзім аралығында ғылыми сараптама қолдау бөлімі мәні бар  жоспарлы жұмыстар жүргізді. «Қоғамдық  келісім» КММ  қызметкерлерінің ұйымдастырушылық жұмысы және әдістемелік көмегінің арқасында Жамбыл облысының әр-түрлі жастағы ұлт өкілдері «Қазақ хандығының 550 жылдығы» және Қазақстан халқы ассамблеясының 20 жылдығына арналған 14 Республикалық байқаулар , конурстер және жобаларға белсенді қатыса отырып,  12 жүлделі орындарды жеңіп алды. Есеп беруде талқылаулар  белсенді және жемісті түрде  өтті. «Днипро» этномәдени бірлестігінің төрағасы, ҚХА  мүшесі Ф.Клименко өз сөзінде «Қоғамдық келісім» КММ-нен тұрақты түрде  іс-шаралар өткізуде әдістемелік және практикалық көмекті алатынын айтты.Аймақтық ассамблея және этномәдени бірлестік мүшелерінің елді мекендерге шығып үгіт жоспары негізінде өткізілетін іс-шаралары жоғарғы деңгейде өткенін атап өтіп, сөзінің соңында жаңадан соғылып жатқан Достық үйінен бірнеше  этномәдени бірлестіктердің сұрауы бойынша жұмыс жүргізу үшін бөлмелер бөлуін және көркемөнер ұжымының дайындаған концерттік бағдарламалары сапалы шығу үшін, мекеменің штатына мамандандырылған концертмейстрдің болуын ұсынды.Облыс ассамблеясы жанындағы әйелдер кеңесінің төрайымы М.Миражапова өсіп келе жатқан ұрпақтарға жан-жақты қамқорлық керек екен жайлы ашық әнгімесінен кейін, жиналыс модераторы Л.Лысова осы ұйымның жұмысына этномәдени бірлестіктерде  жастарды, оқушыларды,қыз балаларды тәрбиелеуде этнопедагогика және халықтық дәстүрлер негізінде  тәрбиелеуді енгізуді сұрады.  Аймақтық әкімшіліктің білім бөлімі басшысының орынбасары Д.Өскенбаева айтылған пікірлерге қолдау көрсете отырып, бірлесе жұмыс істеуді ұсынды.Аймақтық ҚХА ның қоғамдық негіздегі төрайымы М.Тұрдыева мемлекеттік тілді оқып үйренуде арнайы топтар құруды,осы бағытта этномәдени бірлестік өкілдері жұмыстарын жандандыру керек екендігін және мекеме тарапынан тұрақты қолдау көрсетуін атап өтті.Жамбыл облысы «Немістер қоғамы» этномәдени бірлестігінің төрағасы Д.Низен жастар мен балалардың бойындағы жоғарғы адамгершіліке қасиеттерді қалыптастыруда «Қоғамдық келісім» КММ бөлімдерінің тәжірибелерін пайдалана отырып бірлесіп жұмыс істеуді ұсынды.Жамбыл облысы әкімі аппаратының басшысы Р.Рахманбердиев қазақ хандығының 550-жылдығына, ҚХА мерекелік жылында ауқымды жұмыстар атқарғаны үшін мекеме ұжымына ризашылығын білдірді.Біздер бүгін мекеменің жыл қортындысы бойынша атқарылған  есебі үшін жиналдық, алдағы бірігіп атқаратын жұмыстарды атқару үшін кеңесуді жөн көріп отырмын.Ол «Қоғамдық келісім» КММ басшысына 2015-жылда кадрлар жасақтаудың себебтеріне қортынды жасап, шара қолдануды тапсырды.Алдымызда «ҚХА ның 2025 жылға дейінгі дамыту тұжырымдамасын» жүзеге асыруда ауқымды жұмыстар тұрғанын оған белсенді қатысып, жаңа ойлар мен пікірлер керектігін айтты.Аймақтық ассамблеяның үгіт-ғылыми әдістемелік іс-қимылы жұмыс бағытын облыс орталығынан аудандарға бағыттау керектігін,этносаралық қатынастар саласында әдістемелік көмек көрсету және мониторинг бөлімі өздерінің қызметінде екінші бөліміне көбірек көңіл аударуына тоқталды.Есеп беру жиналысының  аяқталуына орай Р.Рахманбердиев «Қоғамдық келісім» КММ үздік қызметкерлеріне облыс ҚХА төрағасы, Жамбыл облысы әкімі К.Көкрекбаевтың атынан Алғыс хаттар тапсырды.

Жамбыл облысы әкімі аппаратының «Қоғамдық келісім»КММ

Баспасөз қызметі

Жамбыл облысы ҚХА жанындағы «Ақ желкен» жастар лигасы және этномәдени бірлестік жастарының «Біз болшаққа біргеміз» тақырыбында өткен кеңейтілген отырысы туралы

АҚПАРАТ

Жамбыл облысы ҚХА жанындағы «Ақ желкен» жастар лигасының мүшелері қоғамдық жұмыста ғана емес, өмірдеде өздерінің орындарын тапқан жандар.Олардың біразы бүгінде отбасын құрып, бала тәрбиесімен айналысуда,еліміздің болашағы үшін аянбай еңбек етуде.

Осы жылдың 22-қаңтарында «Ақ желкен» жастар лигасы және этномәдени бірлестік жанындағы жастары бірлесіп «Біз болшаққа біргеміз» тақырыбында кеңейтілген отырысын өткізді. «Қоғамдық келісім» КММ мәжіліс залында өткен кеңейтілген отырыста мекеме басшысы  Р.Убайдуллаева  сөз сөйлеп,  «Ақ желкен» жастар лигасының атына жылы лебізін білдірді.Ол өз сөзінде «Ақ желкен» жастар лигасының құрылғанына жылдан аса уақытта біршама  ауқымды жұмыстар атқарғанын, Қазақстан халқы ассамблеясы жылына,Ұлы отан соғысының 70-жылдығына арналған  және қайырымдылық шараларының 70-пайызына «Ақ желкен» жастар лигасының қатысқанын атап өтті.

2015-жылдың тамыз айында «Ақ желкен» жастар лигасы «Нұр отан» партиясы жастар қанатымен бірлесіп Республикалық «Асар» әлеуметтік бірлестік акциясының бастауын ұйымдастырды.Осы іс-шарада соғыс және еңбек ардагерлеріне қайырымдылық шаралары жасалынды, жастардың бастамасымен  облыстық қан орталығына 20-литр қан тапсырылды. «Қоғамдық келісім» КММ ғылыми –сараптама бөлімінің жетекші сарапшысы П.Мамедова кеңейтілген отырыста «Қазақстанда мемлекеттік этносаясатты жүзеге асыру, ұлт қалыптасуының бір жақты келешегі тақырыбында сөз сөйледі.Облыс Қазақстан халқы ассамблеясы жанындағы ғылыми -сараптамалық топ «Жастар зерттеу» қоғамдық бірлестігімен аты аталған тақырыпта әлеуметтік зерттеу жұмыстарын жүргізді. 2013-жылдың зерттеу қортындысы біздің облысымызда азаматтық принцип негізінде халықтардың сәйкестік деңгейінің басқа жылдармен салыстырғанда төмен деңгейде екенін көрсетті. Сонымен қатар П.Мамедова  Қазақстанда 130-дан аса этнос өкілдерінің тұратынын оның ішінде Жамбыл облысында 87-ұлттар мен ұлыстардың облысымызда ықшам орналасқанын айта келіп, өткен жылдың жүргізілген жұмыс қортындысы бойынша сұрақ салушылардың 88-пайызы «мен Қазақстандықпын» деп жауап бергенін атап өтті. П.Мамедова жастар лигасының мүшелеріне Елбасының өткен жылғы екі  жаңа бағдарламалық құжатқа қол қойғанын назарларына салды.Оның бірі «Қазақстандық сәйкестік пен бірлікті дамыту және нығайту» тұжырымдамасы, екіншісі «Қазақстан халқы ассамблеясының 2025-жылға дейінгі даму» тұжырымдамасы. Осы бағдарламаны жүзеге асыруға жастарды белсенді қатысуға шақырды. Кеңейтілген отырыста Қазақстан халқы ассамблеясы жанындағы аналар кеңесінің төрайымы М.Миражапова қазіргі жастарымыздың алдында үлкен міндеттер тұрғанын, мемлекеттік тілді білу, сапалы білім, кәсіби дайындық(оның ішінде техникалық, жұмысшы мамандықтарын игеруге) өз халқының және басқада халықтардың тарихын, мәдениетін білуге,жастардың денсаулығының мықты болуына, ішкі жан дүниесінің таза болуы жайлы айтты.

«Ақ желкен» жастар лигасының төрағасы З.Махусеев тәуелсіздіктің 25-жылдығына арналған бірлескен жұмыс жоспарына тоқталды. «Ақ желкен» жастар лигасының бөлімшелері мектептерде, колледждерде құрылады және оған көбірек ауыл жастарының тартылатынын айтты.Аймақтық ассамблея жанындағы аналар кеңесі мен ғылыми-сараптама тобы негізгі әріптес ретінде жұмыс барысында қолдау көрсетеді.Жақын арада  барлық қатысушыларға «Көпшілік алдында сөйлеу шеберлігі» курстары ашылады, курс бітірушілерінен Жамбыл облысында тұратын халықтардың дәстүрін, мәдениетін, тарихын насихаттайтын жастар арасынан дәріскерлер тобы жасақталатынын кеңейтілген отырысқа қатысушылар назарына жеткізді.

Тараз қаласында «OPEN TV» Израиль телеканалының «Әлемдік өркениетке еврейлердің үлесі» тақырыбында өткен тұсаукесері туралы

АҚПАРАТ

2016-жылдың 17-қаңтарында  Тараз қаласында Жамбыл облысы әкімі аппаратының «Қоғамдық келісім» КММ мәжіліс залында  облыс Қазақстан халқы ассамблеясы хатшылығының бас инспекторы  З.Сембина,  «Қоғамдық келісім» КММ басшысы Р.Убайдуллаева, «Шиват-Цион» еврей мәдени орталығы» этномәдени бірлестігінің төрайымы Л.Корнилина және осы этномәдени бірлестіктің 42 мүшесінің қатысуымен  «OPEN TV» Израиль телеканалының « Әлемдік өркениетке еврейлердін үлесі» тақырыбында тұсаукесері өтті.

Іс-шараға  «OPEN TV» Израиль телеканалының Қазақстандағы  өкілі Е.Алимкулов, Қазақстан  Республикасындағы Литва елшілігінің міндетін атқарушы А.Давалга, іс-шараны жүргізуші М.Мармуд,модераторлар; Е.Алимкулов,С.Арыстанов, Р.Мұртазин, Е.Рысқалиев, К.Кулагина қатысты.Қонақтарды «Қоғамдық келісім» КММ ғимараты алдында қазақтың ұлттық дәстүрде киінген қыздар би және ұлттық тағамдарымен қарсы алды.Сонымен қатар қонақтарға А.Тращенконың басшылығымен үштік вокалы «Мне мама тихо говорила» еврей әнін орындады. Жамбыл облысы ҚХА бас инспекторы З.Сембина қонақтарды «Қоғамдық келісім» мекемесіндегі  мұражай мен таныстырды.Кездесу «Қоғамдық келісім» КММ мәжіліс залында жалғасты. «Шиват –Цион» еврей мәдени орталығы этномәдени бірлестігінің төрайымы Л.Корнилина қатысушыларды Қазақстандағы «OPEN TV»телеканалының өкілдерімен таныстырды. Қазақстан Республикасындағы Литва елшісінің міндетін атқарушы А.Давалга делегацияны жылы қабылдап алғаны үшін ризашылығын білдірді.«OPEN TV»телеканалының өкілі Е.Алимкулов телеканал және қызметі жайлы қатысушыларға түсінік берді.«OPEN TV»Израиль ашық телеканалы коммерциялық жобаларға жатпайды, ол волонтерлардың арқасында құрылған,  саясатқа қатысы жоқ, басқада құрылымдармен байланыста емес.«OPEN TV»телеканалының жетекші сараптамашылары Біріккен Ұлттар Ұйымымен және басқада беделді халықаралық орталықтармен қарым-қатынас жасайды.Ресейдегі ашық телеканал еврей агенттігімен, Евро-Азиялық еврей конгрессмен, солтүстік қауымдастықпен, қайырымдылық қорларымен, еврей кітаптарына арналған үйлермен және қайырымдылық ұйымдарымен қарым-қатынас жасайды.Әлемнің 87 мемлекетінде Жапония, АҚШ және Канадада  орыс тілінде сөйлейтін миллионнан аса көрермен ащық телеканалды пайдаланады.Канал негізінен еврей ұлтының ұлттық салт-дәстүрлерін насихаттап, осы бай тәжірибені атадан балаға мұраға қалдыру болып табылады. Телеканал өнімдері телевизиялық фильмдер,кітаптар, кітапшалар шет елдерде қайта басылып шығарылады. Кез келген көрермен телеканалдың www.opentv.tv сайты арқылы бағдарламасын көре алады. «Шиват-Цион» еврей мәдени бірлестігі ақсақалдар кеңесінің төрағасы тарихшы және журналист М.Бунин «Қазақстандағы еврейлердіңеліміздің әлеуметтік экономикалық және мәдени дамуына қосқан үлесі» жайлы пікірін білдірді.М.Мармудтың басшылығымен және төрт модератор бірлесіп тұсаукесер рәсімінің негізгі «Әлемдік өркениетке еврейлерді үлесі» тақырыбын талқылады. Біржақты талқылау барысы жемісті аяқталды, әрбір қатысушыға  рухани  байлық  сыйлады, көпшілікпен арласуға қызығушылық тудырды. Қызықты кездесудің соңында «Достық үйі» мұражайына және тұсаукесер рәсіміне қатысушыларға «Главный секрет евреев» кітаптарын,ал қонақтарға жергілікті ақын әрі жазушы Д.Иванова-Вайсбеккердің «Сказание о Древнем Таразе» кітабы  тапсырылды. Ашық телеканал делегаттары Ұлы Отан Соғысы кезінде Москвадан,Ленинградтан  қоныс аударған литвалықтар, басқада мемлекеттің адамдары, 1942-1943 жылдары қайтыс болған еврейлерді жерлеген Тараз қаласының қалалық қорымында болды.

Жаңа жыл мерекесіне орай балалар мен жасөспірімдерге арналған арнайы мектепте өткен қайырымдылық акциясы туралы

АҚПАРАТ

2016 жылдың 6- қаңтарында сағ.16.30-да  Тараз қаласындағы балалар мен жасөспірімдерге арналған арнайы мектепте (Тараз қаласы, Жалаири көшесі, 1-ші бұрылысы №21 үй) Жаңа жыл мерекесіне орай облыс ҚХА хатшылығы, «Қоғамдық келісім»КММ ұйымдастыруымен  қайырымдылық акциясы өтті.

Қайырымдылық акциясының мақсаты аз қамтылған, көмек қажет ететін азаматтарға қолдау көрсету болып табылады.

Іс- шараға ҚХА мүшелері, этномәдени бірлестік,БАҚ өкілдері қатысты.

Қайырымдылық акциясында  облыс ҚХА хатшылығының бас инспекторы З.Сембина, және этномәдени бірлестік өкілдері құттықтау сөз сөйледі.

Шара барысында  облыс этномәдени бірлестіктері Жаңа жыл мерекесіне орай Тараз қаласындағы балалар мен жасөспірімдерге арналған арнайы мектептегі тәрбиеленушілерге қайырымдылық сый-сяпатын жасады.

Іс-шараға барлығы 100 аса адам қатысты.