Жамбыл облысында маусым- шілде айларында жасалған қайырымдылық ақпараты

/in /by

Пандемия кезінде қайырымды жандар көбейді

Соңғы 7 айдан бері әлемді әлекке салған коронавирустық инфекциямен күрес Жамбыл облысында өз деңгейінде жолға қойылған. Бұл іске жергілікті кәсіпкерлер де жұдырықша жұмылып, өз қаражатына өкпені жасанды желдету, оттегі концентраторы сияқты құрылғыларды сатып алып, ауруханаларға тарту етіп отыр.

Жамбылдық ірі кәсіпкерлер қазірдің өзінде жергілікті денсаулық сақтау қызметіне қаржы жинап, арнайы өкпеге ауа беру, концентратор аппараттарын, қажетті дәрі-дәрмектер сатып алып, облыстың ауруханаларына таратуда. Олардың ішінде, Қазақстанның Еңбек Ері және Жамбыл облысы ҚХА мүшесі, «Казфосфат» ЖШС бас директоры Мұқаш Ескендіров 38 млн теңгеге облыстық инфекциялық ауруханаға 10 ИВЛ аппаратын сатып алып берді.

Сонымен қатар, Жамбыл облысының Қазақстан халқы ассамблеясы «Радонеж» орыс мәдени орталығының мүшесіМихаил Платов облысқа қарасты барлық аудан емханаларына оттегі толтырылған баллондарды, дәрі-дәрмек өнімдерін тасып көмек көрсетуде. Бүгінгі таңда игі іске облыс аймағындағы барлық еріктілер жұмылдырылды. Ал Жамбыл облысы ҚХА Шу аудандық күрділер этномәдени бірлестігітұрмысы төмен отбасыға асарлатып үй тұрғызуға 300 мың теңге көлемінде демеушілік етті.

Облыстық өзбек этномәдени бірлестігінің төрағасы Муминов Бахром Тараз қаласының көпсалалы клиникалық ауруханасының жан сақтау және пульмонология бөліміндеадам жанына араша болып жатқан дәрігерлерді 200 000 теңге көлемінде ыстық тамақпен қамтамасыз етті.

Ел басына күн туса, етігімен су кешетін азаматтардың бірі «Golden Compass Jambyl» ЖШС директоры Изалов Курбан Закиржанович Т.Рысқұлов және Меркі аудандарының ауруханаларына бір-бір данадан құны 12 миллион теңге тұратын өкпені жасанды желдету аппаратын сыйға тартты.

Жамбыл облысы ҚХА «Жаңғыру жолы» жастар қозғалысының белсенділері аз қамтылған 7 отбасыға 100 000 теңгеге 50 келі салмақта ет таратып, карантин кезінде баспанасыз қалған жалғызбасты ананы 500 000 теңге көлемінде тұрмысқа қажетті заттармен қамтамасыз етті.

Қысқасы әлемдік пандемияның салдарын жоюда Жамбыл облысы ҚХА мүшелері мен белсенділері бір жеңнен қол, бір жағадан бас шығарып әрекет етуде. Белсенділерді бір мақсатқа жұмылдырған бұл жұмыстың нәтижесі аймақтағы коронавирустық  инфекцияның кең таралауына жол бермеу және оның салдарын жою болып отыр.

Тілсіз жаудан аман қалған отбасы.

/in /by

Мария Кириакиди осыдан 1 ай бұрын баспанасынан айырылған жалғызбасты ана. Зейнеткер анасы және 3 бірдей баланың жалғыз асыраушысы.1 маусымда үйі өртеніп, құжатына дейін жанып кеткен. Абырой болғанда, отбасы мүшелері дін аман. Тілсіз жау барынан айырған соң, барар жері, басар тауы болмай, 1 ай бойы сыртта түнеулеріне тура келген.Індет дендеп тұрған уақытта отбасының ауыр жағдайы елеусіз қалмағаны көз қуантады.

Карантин кезінде қиын жағдайға душар болған жанұяға Жамбыл облысы  Қазақстан халқы Ассамблеясы жанындағы «Жаңғыру жолы» жастар қозғалысы көмек қолын созған алғашқылардың бірі. Қайырымды жандар жанұяның үйлі болуы үшін барын салды. Қайғылы оқиға карантин кезіне тұспа-тұс келіп, үй иесінің құжаттарын жинауға Тұрдыева Хамида бастаған жастар бар көмегін көрсетуде. Сонымен қатар еріктілер отбасыны азық-түлік және тұрмысқа қажетті заттарымен қамтамасыз етті. «Жақсының жақсылығын айт, нұры тасысын» демекші, Мария Кириакиди «Жаңғыру жолы» жастар қозғалысына ерекше алғысын жеткізді:

« Жамбыл облысы ҚХА жанындағы «Жаңғыру жолы» жастар қозғалысының еріктілері күні бүгінге дейін жанымнан табылып көмек қолын созуда. Қиын сәтте жәрдемдескен барлық жанашыр жандарға алғысым шексіз. Ешкімнің басына бермесін. Халқыма алғысым шексіз. Бұл қиын күндердің әлі-ақ артта қаларына кәміл сенемін »

Өскелең ұрпақтың жүректерінде адамгершілік, үлкенге сыйластық, кішіге қамқор бола білу сынды қасиеттердің табыла білгені қандай бақыт. Бір жағадан бас, бір жеңнен қол шығарып еріктілердің көмегімен Мария бүгін жаңа үйіне жайғасты. Апат айтып келмейді десек те, қоғам бейжайлықты көтермейді. Тек мұндай қасірет қайталанбаса екен  дейміз…

Пандемия кезінде қайырымды жандар көбейді

/in /by

Соңғы 7 айдан бері әлемді әлекке салған коронавирустық инфекциямен күрес Жамбыл облысында өз деңгейінде жолға қойылған. Бұл іске жергілікті кәсіпкерлер де жұдырықша жұмылып, өз қаражатына өкпені жасанды желдету, оттегі концентраторы сынды құрылғыларды сатып алып, ауруханаға тарту етіп отыр.

Жамбылдық ірі кәсіпкерлер  қазірдің  өзінде жергілікті денсаулық сақтау қызметіне  қаржы  жинап  арнайы өкпеге ауа беру, концентратор аппараттарын, қажетті дәрі-дәрмектер сатып алып, облыстың ауруханаларына таратуда. Олардың ішінде, «Казфосфат» ЖШС бас директоры, Қазақстанның Еңбек Ері және Жамбыл облысы ҚХА мүшесі Мұқаш Ескендіров 38 млн теңгеге облыстық инфекциялық ауруханаға 10 аппарат сатып алып берді.

Сонымен қатар, Жамбыл облысы ҚХА «Радонеж» орыс мәдени орталығының мүшесі Михаил Платов облысқа қарасты барлық аудан  емханаларына оттегі толтырылған баллондарды, дәрі-дәрмек өнімдерін тасып  көмек көрсетуде. Бүгінгі таңда игі іске облыс аймағындағы барлық еріктілер жұмылған. Ал Жамбыл облысы Қазақстан халқы Ассамблеясы  Шу аудандық күрділер этномәдени бірлестігі, тұрмысы төмен отбасыға асарлатып үй тұрғызуға 300 мың теңгеге демеушілік  етті.

Сондай-ақ, Облыстық өзбек этномәдени бірлестігінің төрағасы Муминов Бахром Тараз қаласының көпсалалы клиникалық ауруханасының жан сақтау және пульмонология бөлімінде  адам жанына араша болып жатқан дәрігерлерді 200 000 теңге көлемінде ыстық тамақпен қамтамасыз етті.

Ел басына күн туса, етігімен су кешетін азаматтар ел ішінде жоқ емес. Сондай жандардың бірі, «Golden Compass Jambyl» ЖШС-нің директоры Изалов Курбан Закиржанович Т.Рысқұлов және Меркі аудандарының ауруханаларына бір-бір данадан құны 12 миллион теңге тұратын өкпені жасанды желдету аппаратын сыйға тартты.

Жамбыл облысы «Жаңғыру жолы» жастар қозғалысы белсенділері аз қамтылған 7 отбасыға 100 000 теңгеге 50 келі салмақта ет таратты және карантин кезінде баспанасыз қалған жалғызбасты анаға 500 000 теңге көлемінде тұрмысқа қажетті заттармен қамтамасыз етіп, жәрдем көрсетті.

Қысқасы әлемдік пандемияның салдарын жоюда Жамбыл облысы ҚХА мүшелері мен белсенділері бір жеңнен қол, бір жағадан бас шығарып әрекет етуде. Белсенділерді бір мақсатқа жұмылдырған бұл жұмыстың нәтижесі аймақтағы коронавирустық  инфекцияның кең таралауына жол бермеу болып отыр.

Қазақстан халқы Ассамблеясына 25 жыл

/in /by

Жамбыл облысы Қазақстан халқы Ассамблея өкілдерін облыс әкімі Бердібек Сапарбаев жеке қабылдады. Барлық санитарлық талаптарға  сай өткізілген басқосуда бірқатар этно мәдени ораталықтардың мүшелері мерекелік медальдармен марапатталды.

Қазақстан халқы Ассамблеясы үнемі барлық елдік істердің басы қасынан табылады. Алысқа бармай-ақ, елімізге індет келгелі, ел әбігерге түскелі, Ассамблея өкілдері бірден жиылып, қолдарынан келгенше, қазақстандықтарға қолдау көрсетті. Жанашырлық танытып, көпбалалы отбасыларға, мұқтаж жандарға  қажетті азық-түлікті жеткізді. Ауырғанға  демеу болып, дәрігерлерге көмектесті.

Этномәдени бірлестіктердің белсенді азаматтары салтанатты жиында «Қазақстан халқы Ассамблеясына 25 жыл» мерейтойлық медальін кеудесіне тақты. Еңбегі еленіп, құрметке бөленгендер сөз сөйлеп, мұндай сәтте ұстамды болуға тиіспіз деп, қазақстандықтарды сабырға, түсіністікке шақырды.

Мерекеге орай облыстағы тату тірлік, берекелі бірлік жайында арнайы кітап та жарық көрді. Жалпы Жамбыл облысында 70-ге жуық этномәдени орталық бар. Ассамблея өкілдері  талай ауыр күндерді бірге еңсеріп, сындарды сәттерді абыроймен өткерген. Осы  жолыда олар бірлігіміз нығайып, достық қарым-қатынасқа сызат түспесіне сенімдері зор.

Тараз қаласында «Бір шаңырақ астында» байқауы өтті

/in /by

Ағымдағы жылдың маусымында Тараз қаласыгның Достық үйінде БАҚ қызметкерлерінің төл мерекесіне орай, «Бір шаңырақ астында» облыстық байқауының жеңімпаздары мен қатысушылары марапатталды.

Журналистерге арналған байқаудың негізгі мақсаты – этносаралық татулықты насихаттау барысында мемлекеттік саясаттың мәні мен мазмұнына тоқталу, ауызбіршілікті дәріптеу, сонымен қатар ұлттың болмысын аңғартатын дәстүрлердің озық үлгісін көрсету.

Сайысқа облыстық, аудандық, қалалық бұқаралық ақпарат құралдары қызметкерлері және штаттан тыс тілшілер, жалпы саны 22 үміткердің жұмыстары қабылданды. Байқауға қатысқан журналистер түрлі ұлт өкілдерінің арасындағы мызғымас бейбітшілікті насихаттаудағы еңбектерімен сынға түсті. Байқау комиссиясы қарауына ұсынылған материалдар ереже талаптарына сәйкес іріктеліп, үміткерлердің жұмыс істеу тәжірибесі, материалдың маңыздылығы, мазмұндылығы, оны ұсыну тәсілі назарға алынды.

Байқау барысында «Ұлы шаңырақ» газетінің бас редакторы Саятхан Сатылған, облыстық «Магнолия» газетінің тілшісі Михаил Бунин және «Zhambyl news» ақпараттық агенттігінің директоры Гүлбаршын Құланбаева қатысушылардың еңбектеріне тоқталып, әділ төрелік етті.

Дәстүрге айналып үлгерген байқаудың жүлде қоры да қомақты. Бұл жолы байқаудың бас жүлдесі Қордай аудандық «Қордай шамшырағы» газетінің тілшісі Ләйлім Досымбековаға бұйырды. Жүлделі екінші орынды облыстық «Знамя труда» газетінің тілшісі Көкен Оршабеков қанжығасына байласа, қалалық «Жамбыл-Тараз» газетінің жас журналисі Арайлым Шабденова үшінші орын жүлдесімен марапатталды. Сондай-ақ, 16 журналист алғыс хаттарымен, арнайы және ынталандыру ақшалай сыйлықтарына ие болды.

Марапаттау рәсімінің шымылдығын «Шиват Цион» этномәдени бірлестігінің мүшесі, белгілі журналист Михаил Бунин ашты. Жүлдегерлерді облыстық ассамблея хатшылығының бас маманы Ұлтуар Қуанышбайқызы  құттықтап, журналистер қауымына ізгі тілегін білдірді.

Іс-шара соңы фотосессиямен аяқталды.

 

Жамбыл облысы әкімі аппараты

«Қоғамдық келісім» КММ

Баспасөз қызметі орталығы

«Қайырымдылық керуені» жобасы аясында облыстық Қазақстан халқы ассамблеясы қоғамдық келісім кеңесінің көшпелі отырысы

/in /by

Жамбыл облысының Байзақ ауданы, Сарыкемер ауылында «Қайырымдылық керуені» жобасы аясында облыстық Қазақстан халқы ассамблеясы қоғамдық келісім кеңесінің көшпелі отырысы өтті. 2020 жылдың 17 маусымында Сарыкемер мектеп-гимназиясында өткен жиынның басты тақырыбы ретінде«Байзақ ауданында жергілікті атқарушы билік органдары мен  қоғамдық келісім кеңесінің қоғамдық бірлік пен келісімді нығайтудағы өзара іс-қимылы»  алынды. Отырысқа облыстық, аудандық қоғамдық келісім кеңесінің мүшелері, ауылдық округ әкімі аппараты жанынан құрылған қоғамдық келісім кеңесінің төрағалары мен хатшылары, қоғамдық бірлестік, этномәдени орталықтарының жетекшілері, бұқаралық ақпарат құралдарының өкілдері, медиаторлар, жастар, еріктілер, діни бірлестік өкілдері қатысты.

Төрт бағытқа негізделген жиын барысында аудан әкімдігінің ішкі саясат бөлімінің басшысы Салтанат Иманова ауданның қоғамдық-саяси ахуалы бойынша баяндама жасады.  Баяндамада жас отбасылардың ажырасу мәселелері, жасөспірімдердің арасындағы құқықбұзушылықтардың, тұрмыстық дау-дамайлардың алдын-алу мәселелері көтерілді.

Облыстық  Қазақстан халқы ассамблеясы  Аналар кеңесінің  төрайымы Миражапова Мухаббат Сайдуллаевна ауданның ауылдық округтердегі аналар кеңестерінің төрайымдары «Отбасындағы әйелдер образы және тәрбие» тақырыбын ортаға салып, көп балалы аналарға өзара тәжірибе алмасу бойынша консультативтік кеңестерін берді.

«Қазақстан өңірлеріндегі этносаралық жағдай» тақырыбындағы фокус-топта облыстық «Қоғамдық келісім» КММ ғылыми сараптама қолдау бөлімінің бас сарапшысы Тапаева Альбина ауданның қоғамдық-саяси ахуалын зерттеу мақсатында тұрғындармен, ақсақалдармен еркін пікір алмасып, сауалнама алынып, тренинг жүргізді.

Сонымен қатар, еріктілердің жұмысыда назардан тыс қалмай,ауданның жастарымен, еріктілерімен «Еріктілер қызметінің жұмысы» тақырыбында  ойлар ортаға салынды.Облыстық «Қоғамдық келісім» КММ этносаралық  қатынастар саласында әдістемелік көмек көрсету бөлімінің әдіскері Ерханұлы Рахат ауданның еріктілеріне, облыстық Ассамблея еріктілер қозғалысының мақсат-міндеттері туралы ақпараттар мен мағлұматтар берді.

Менің Елбасым

/in /by

Жамбыл облыстық ҚХА Журналистер клубының мүшесі, Тараз қалалық «Жамбыл-Тараз» газетінің бас редакторы, қалалық мәслихаттың депутаты Эльмира Инаятқызы Мырза-Ғали

Менің Елбасым

     18 жыл өтіпті. Бұл фото 2003 жылы жарық көрген « Жамбыл облысының энциклопедиясынан» өзге жерде жарияланбаған. Біраз  жұрт «Эльмираның  тасы осыдан кейін өрге домалады» деп топшылайды екен. Кім білсін?!

Білетінім, Тараз қаласының 2000 жылдық тойында облыстық өлкетану музейінде жаңадан ашылған екі залдың экспонаттарын Нұрсұлтан Назарбаевқа таныстырып жүріп, қасындағы ешкімді байқамаппын, тіпті жұбайын да. Әйтеуір, Елбасының сұрақтарына осы музейде қырық жыл істеген қызметкер сияқты тосылмай жауап беріп, шығарып салып жатқанда Мәдениет министрі Мұxтар Құл-Мұxаммедтің бас бармағын көрсеткені есімде.

Ал шындығында, тойдың болатынына екі күн қалғанда, сол тұста облыстың мәдениетін саласын басқарған, белгілі қоғам қайраткері, жазушы-драматург Әлібек Әмзеұлы шақырып алды да: “Сен Президентке гид боласың” деді. Ол кезде мен аспирантураға түсуге дайындалып, сонымен бірге Облыстық Халық Шығармашылығы Орталығында редактор-сценарист болып жарты ставкада қызмет етуші едім. Алғашында сенбедім. Сосын басшымның еш әзілсіз, шын айтып тұрғанын қабағынан сезген соң: “Мен ол музейге әлі кіріп те көрген емеспін, қалай таныстырамын?” деп шегіншектемекші  болдым. Алайда Әлекең: «Мен облыс  әкіміне  сені  айтып  қойдым. Сенің қолыңнан  келеді. Бар, уақытты жіберме!» деп шорт қайырды.

Сол сенім  36 сағатта екі залдың ішіндегі тұнған тариxты бүге-шігесіне дейін бойыма сіңіріп, музей қызметкерлерінің тірнектеп жасаған еңбегін Елбасының алдында абыроймен таныстырып шығуға қуат берді..

Одан кейін бала күнгі арманым журналистикаға бет бұрып, тілшілік қызметте жүргенде өңірімізге іссапармен келген Елбасынан жұртпен бірге жапа-тармағай сұқбат та алдық.

Ал 2007 жылы Еуразия кіндігінде орналасқан ел мақтанышы – Астана төріне әр аймақтың редакторларын шақырып, елдің жайын сұрап, түйткілді сауалдарына  жауап беріп әдемі кездесу өткізгенде де, қатардан табылдық.       Тұңғыш Президентпен жүздесу бұйырған жандардың қай-қайсысы болмасын, оның ерек харизма, терең интелект, қуатты энергетикасымен сұқбаттасқан адамын баурап алатынын мойындайды.

Халқымыздың маңдайына біткен дара тұлға  дархан даланы мекен еткен халқының сенімін әрдайым ақтай білді. Ел мен Елбасының арасындағы сүйіспеншілікітің түп негізінде де сол селкеу түспеген сенім жатыр. Шекарамызды шегендеп, ядролық қару деген тажалдан бас тартып, бір шаңырақтың астында түрлі ұлт пен ұлысты ұйыстырған Тұңғыш Президентіміз туралы көп нәрсе айтуға да, жазуға да болады. Оның жолы – ұрпаққа үлгі.    Кім неге сенсе, соған жолығады. Сенім білдіруде сараң болмайық. Бізге сенгендердің сенімін ақтайық!

Елбасының көшбасшылық қасиеті – жастардың болашағына жарқын жол

/in /by

Жамбыл облысы әкімі аппаратының «Қоғамдық келісім» КММ, Тараз қалалық Достық үйінің  басшысы Убайдуллаева Рано Махсұдқызы

Елбасын алғаш рет көруім – 2017 жылдың күзі еді. 2016 жылдың қыркүйегінде Жамбыл облыстық Қазақстан халқы ассамблеясы жаңа Достық үйіне қоныстанған болатын. Араға бір жыл салып, 2017 жылдың 18 қыркүйегінде Тараз шаһарының орталығынан орын тепкен сәулетті ғимаратты Елбасы Нұрсұлтан Әбішұлы Назарбаевтың өзі көріп, бағасын берді.  Мұнда Президент өңірлік этномәдени бірлестіктер жетекшілерімен және белсенді мүшелерімен кездесті. Кездесу барысында Елбасы қазіргі таңдағы ең өзекті тақырып «Болашаққа бағдар: рухани жаңғыру» мақаласына тоқталды: «Қоғамды рухани жаңғырту мәселесі ешқашан дәл қазіргідей өзекті болған емес. Ақпараттық-сандық ғасырда бір орында тұруға болмайды, заман талабына сай жаңашылдықтарды қабылдап, өз-өзімізді жетілдіріп, өзгерістерге дайын болуымыз керек. Жеке тұлға ғана емес, жалпы қоғам бәсекеге қабілетті болуы тиіс»-деген Елбасының сөздері есімде қалыпты. Сонымен қатар, Елбасы Қазақстан халқы Ассамблеясының бірегейлігін атап өтіп, латын әліпбиіне көшуді де тілге тиек еткен болатын: «Мен үнемі айтып жүремін, Қазақстанның дамуы елдегі бірлік пен тұрақтылыққа тікелей байланысты. Осы орайда латын әліпбиіне көшу халқымыздың бірлігі мен татулығын арттыра түсетініне сенімім мол»,-деген ой-пікірлері де әлі маңыздылығын жойған жоқ деп ойлаймын.

Сондай-ақ, күні кешегідей есімде, Нұрсұлтан Әбішұлы «Көне Тараз» тарихи-археологиялық саябағындағы қазба жұмыстар кезінде табылған археологиялық ескерткіштерді тамашалап, Достық үйінің «алғыс ағашында» өзінің Жамбыл халқына деген ізгі тілегін қалдырды.

Елбасымен алғаш толғанысты кездесуім менің жүрегімде өшпес із қалдырды. Сол сәттегі Елбасына деген құрмет пен жауапкершілік атмосферасын сөзбен жеткізу мүмкін емес. Президентпен бір кездесудің өзі көптеген біздің ҚХА жастарымыздың өмірін өзгерткенін білемін.. Елбасымыз өзінің өткір де, әрі жылы, жанашыр көзқарасымен-ақ, біздің жастарға күш-қуат бере білді. Түрлі этнос өкілдері қатысқан кездесуде мен Тұңғыш Президенттің мықты да, сындарлы саяси стратегиясын толық түсіндім.

Н.Ә.Назарбаевтың еліміздің әлеуметтік даму моделіне  айналған бейбітшілік, ұлттық бірлік және қоғамдық келісім идеясы, іргелі және жүйелі қалыптастырушы негіз екенін көрсете білді. Бейбітшілікті ту еткен Елбасының сол кезеңдегі саясаты, халықтар достығының нығая түсуіне күні бүгінге дейін өз үлесін тигізуде.

Жалғыз ғана кездесуімде Елбасының бойынан лидерлік лепті сезіндім және көшбасшылық қасиеттерін көрдім. Сондықтан, ең алдымен, жастар күрделі базалық білім алуға ұмтылуға және көшбасшылық қасиеттерге ие болуға тиіс. Келер ұрпақтың бойына осы қасиеттер дарыса, немесе бойынан табылса болашақ Қазақстанымыздың келешегі зор және көркейе түсері сөзсіз!

Арман алдамайды

/in /by

Әр адам баласының өмірінде орындалуы мүмкін емес көрінетін бір арман болады. Менің де бала күнімнен көкейімде сондай бір арман болды. Тіпті кейде соны жеңу үшін «қандай мақсат қойсам болады екен алдыма?!» деп те ойлаушы едім. Бірақ бәрібір ол арманым маған алынбас қамалдай көрінетін. Сіздің осы арман туралы білгіңіз келеді ме? Ол менің Елбасымыз, Қазақстан Республикасының тұңғыш Президенті Нұрсұлтан Әбішұлы Назарбаевпен кездесіп, қол алысып амандасу болатын. Мен Елбасыны үлгі тұтамын, ол кісі арқылы өзімді тәрбиелеймін.

Алайда, арман алдамайды екен. Менің арманым орындалды. Тіпті артығымен десем де болады. Елбасымен ең алғаш Қазақстан халқы Ассамблеясының кезекті сессияларының бірінде кездестім. Кездесу деген жеткіліксіз-ау, Нұрсұлтан Әбішұлымен бір мінбеде қатар отыру бақыты бұйырды. Кездесуді армандаған мына маған, қатар отырғаным тіпті көңілімді қуаныштан күпті етті. Кеудемді мақтаныш кернеді. Елбасы қолымды қысқан кездегі сезімді айтсаңызшы?! Мен дәл осы күнге дейін қаншама еңбек етіп шаршағанымда, ұйқысыз күндерім де бәрі де ұмытылды. Шынымды айтсам екінші тынысым ашылғандай сезімде болдым. Ертеңгі күніме, алда жетер жетістіктерім мен армандарымның міндетті түрде орындалатынына көзім жетіп, сенімділігім арта түсті. Мен үшін барлығы тәтті түс секілді сезілді. Орындалмас арманымның алдында тұрған мен үшін қобалжу да заңдылық еді.  Арман қандай болсада ол үшін алға ұмтылудан танбау керек екен. Мен, арманымды бағындыра алмаймын деп сенсем де, еңбек етуден, алға ұмтылудан жалыққан емеспін. Және оған дәлел – менің тынымсыз еңбек етіп,  өз шаруашылығымды ашып, жемісін жеп мерейленіп отырғаным! Осылайша «Елбасымен кездессем!» деген кішкентай баланың арманы орындалды.

Маған Елбасымен кездесу құрметі екі рет нәсіп етілді. Екінші кездесуім өзімнің туған жерім – Тараз қаласында өтті. Елбасы біздің сәні мен сәулеті келіскен су жаңа Достық үйімен танысуға келген болатын. Елбасымен осы кездесудегі маған  тағы бір ұнаған және таң қалдырған тұсы – бәрімізді аса, зор зейінмен тыңдай алғандығында!  Бұл үлгі аларлық дүние. Ол уақыттың тығыздығы мен өзінің Президент бола тұра біздің әрқайсымызды зер салып тыңдап, ой бөлісуі менің ол кісіге деген шексіз құрметімді арттырып, сенімімді шыңдады! Мен сол сәтте осында ғажап адам басқарып отырған елдің ұланы екеніме іштей қатты қуандым. Оның жақсы тілегі, қолдауы менің болашаққа деген зор үмітімді оятып, қанаттандырды.

Мен, дәл осы күннен бастап кез-келген арманның орындалатынына және ол үшін алға ұмтылуды тоқтатпау керектігін ұғындым. Біз өз тағдырымызға өзіміз әсер ете аламыз. Өз болашағымызға өзіміз жауаптымыз. Тек дұрыс армандап, дұрыс әрекет ету керек, ағайын!

Елбасымен тамаша кездесулерден кейін менің басқа да алға қойған мақсаттарым орындалды. Оған түрткі болған, менің  ең үлкен арманымның орындалуы екені сөзсіз. Қазір айналысатын кәсібім бар. Сол арқылы мен де еліме өз пайдамды тигізсем екен деймін. Елбасы артқан сенімді, ел артқан сенімді ақтамауым мүмкін емес!

Махусеев Зайнуддин Абдулбахтиярович

Жамбыл облысы Қазақстан халқы ассамблеясы

еркітілер орталығының жетекшісі,

 «Вынхуа» дүнгендер этномәдени бірлестігінің мүшесі

Жақсы сөз – жарым ырыс

/in /by

Мен кішкентай кезімнен үнемі анама «мен міндетті түрде Назарбаевпен кездесемін!» деп сенімді түрде айта беруші ем. Жаратушы аузыма салған шығар, бәлкім, өзімнің өмірдегі нәсібім болар – Қазақ елінің басшысымен кездесіп, болашаққа нық сеніммен қарауды және өзімнің діттеген мақсаттарыма сүрінбей жетуді  үйрендім.

          Елбасы, тұңғыш Президентіміз Нұрсұлтан Әбішұлы Назарбаевты ең алғаш рет  көргенім –  2016 жылы 1 желтоқсанда  Астанада, қазіргі Нұр-Сұлтан қаласында «Тәуелсіздік сарайында» өткен республикалық жастар форумына қатысқан кезім еді. Форумға Қазақстанның барлық өңірінен 1000-нан астам адам, соның ішінде кәсіпкерлер, өндірістің түрлі саласының еңбеккерлері, ғалымдар, студенттер, танымал спортшылар мен жастар ұйымдарының көшбасшылары қатысты.

Мен ол кезде М.Х.Дулати атындағы Тараз университетінің жап-жас студенті болатынмын. Сол жиында Жамбыл облысы жастарының атынан  спикерлердің бірі боп тіркелсем де, форумға қатысушылардың көптігінен  сөз сөйлеу мәртебесі маған  сол күні бұйырмай қалды, бірақ көңіл-күйімді түсірмедім, еңсемді биік ұстап, алда өзімді күтіп тұрған Елбасына қатысты басқа да  ырыздықтан  үмітімді үзбедім. Елбасын бетпе-бет көрудің өзі маған бір ғанибет болды.  – Жас ұрпаққа, өткеніміз бен келешегімізге қамқорлықпен қарау әрқашан менің саясатымның басты мән-маңызы боп келеді. Әрбір жас қазақстандықтың білім алуына, жұмыс істеуіне, отбасын құруына, баспана алуына мүмкіндігі бар,-деген сөздері әлі күнге дейін жадымда сақталып қалыпты.

Сондай-ақ, Тұңғыш Президентімізді екінші рет көруім – 2017 жылы, күз айында Жамбыл облысына, Тараз қаласының Достық үйіне келгендегі сапары. Елбасымен жүздесу мәртебесінің бұйырғанына тағы да  қуанышымда шек болмады.

Достықтың символына айналған қара шаңырақта өткен кездесу – аймақтық ассамблея мүшелері мен облыстық этномәдени бірлестік төрағалары, төрайымдары мен өкілдері, Аналар, Ақсақалдар кеңесі мүшелері Елбасымен кездескен,  ол кісінің әр бірлестік мүшелерімен  сұхбаттасып қал-жағдайларын сұрасқан, әр этнос өкілінің көкейінде нық сенім қалдырған бір тамаша күн болды десем артық айтпаймын.

Және мен де сол кездесуде жиынның спикері ретінде мемлекеттік тілімізде, жастарға байланысты сөз сөйлеп, туған жерімнің жастарының тыныс-тіршілігі жөнінде өз ойымды ортаға салған едім. Ол уақытта мен облыстық «JAMBYL-TV» арнасының орыс тілді тілшісі болатынмын. Сөзімді, ойымды баяндау барысында ол ғажайып адаммен тамаша диалог құрылды.  Мемлекет басшысы маған Жамбыл өңірі жастарының хал-ахуалы, мақсаттары жөнінде сауалдарын қойып, мен жауап беріп, бір есте қаларлық  керемет кездесу болған еді.  Және де сол сәтте, менің – өзіміздің орыс этносының ұлттық киімінде тұрғаныма сүйсіне қарап Елбасы:  -Мына келбетіңізге, ұлттық қиіміңізге қарап, қазақша қалай тамаша сайрап тұр деп қайран қалады екенсің?!- деп маған қуана, жымия қарап, тіпті қалжыңдағаны да бар еді. Туған елімді басқарып отырған осындай  Үкімет басшысының тілге деген құрметін, менің шала-шарпы қазақ тіліме ризалығын көріп, мемлекеттік тілді үйренуге деген зейінім мен құлшынысым одан ары күшейе түсіп, сол сәтте, іштей «мен, облыстық телеарнада енді тек қазақ тілді тілші боламын!» деген ой-мақсат туындады. Арман-мақсатқа жету мүмкіншілігі  адамның өзіне ғана байланысты ғой, ниет болса болғаны. Ғұлама Абай атамыз айтпақшы «ақырын жүріп, анық басып-ақ» бұл тілек-мақсатыма да жеттім-ау, ақыры?! Республикалық «Қазақстан» акционерлік қоғамы» Жамбыл облысындағы филиалы бойынша жергілікті «Қазақстан» телеарнасында «Бірлігіміз жарасқан!» атты мемлекеттік тілде өтетін тележобаның авторы болып, өз бағдарламамды қазақ тілінде жүргізіп, көптеген көрерменнің көзайымына айналдым.

Қазіргі уақытта  мен,  Жамбыл облыстық «Өрт сөндіру» мекемесінде, байланыс бөлімінің  бас маманы және Жамбыл облысының «Азаматтық қорғау» мекемесінің аға сержанты боп қызмет етемін. Қызметімдегі мемлекеттік тілде жүргізілетін іс-қағаздарына жауаптымын, және қазіргі уақытта қазақ тілінде еркін сөйлеп, өз ой-пікірлерімді әдеби тілде толыққанды жеткізе алатыныма іштей өз-өзіме риза боп жүрем.

Осыған қоса, аудандық, қалалық және облыстық деңгейдегі байқаулар мен іс-шараларға белсенді атсалысып, Жамбыл облысының «Жас Отан» жастар қанатынан, «Нұр Отан»  партиясынан, тілдерді дамыту басқармасы мен тілдерді оқыту орталығынан, Жамбыл облысы әкімдігінен алған  марапаттарым – алғыс хаттарым мен мақтау қағаздарым толассыз еңбек пен зор сенімнің дәлелі.

Президентпен бала кезімнен «жоспарланған» екі кездесу де менің жүрегімде өшпес із қалдырды.   Өмірде қандай да бір жетістікке жетсем, қандай да бір марапаттарға ие болсам осы бір жан-дүниесі ғазиз ғажап адамның арқасы!

Президент жолы маған ел игілігіне жасалатын  істерге – тың идеялар мен арман-мақсаттарға жол ашты!

Жамбыл облысы жастарының атынан айтарым – Елбасымыздың денсаулығы мықты боп, сындарлы саясаты өз жалғасын таба берсін демекпін!

                                                                                                                                                                                                                                                   Жамбыл облыстық «Радонеж»  орыс қауымдастығы»

 этномәдени бірлестігінің мүшесі,

«Жаңғыру жолы»

жастар қозғалысының  өкілі

Карташова Карина Сергейқызы

Page 104 of 138
1 … 102 103 104 105 106 … 138