Мемлекет басшысы Қ.Тоқаевтың этносаралық қатынастарды нығайту және ҚХА-ның жоғарғы, орта оқу орындарымен жұмысты күшейту жөніндегі тапсырмасын орындау мақсатында 2024 жылғы 16 ақпанда Достық үйінде «Ассамблея жастары» РҚБ, «Қоғамдық келісім» КММ және Ш.Мұртаза атындағы халықаралық Тараз инновациялық мемлекеттік университеті бірлесіп, Алғыс айту күніне арналған бірқатар іс-шараларды өткізді.
Алғашқы іс-шара Достық үйіне экскурсиядан басталды. Оны Көрме залының меңгерушісі Жазира Шелдебаева өткізді.
Қатысушылар мекеменің жұмысы туралы анығырақ біліп, этностардың көрме экспонаттарын тамашалады.
Екінші іс-шара «Бір халық, Бір ел, бір болашақ» деп аталды.
Бұл іс-шара екі алаңда өтті. Бірнші алаңның спикерлері өңірлік ҚХА төрағасының Қоғамдық орынбасары Асқарбек Сейлханов, ректордың кеңесшісі Асқар Абдуалы, ҚХА Ғылыми зерттеу тобының өкілі Парида Мамедова болды.
Екінші алаңның спикерлері — «Қоғамдық келісім» КММ басшысының орынбасары Сәуле Құрманқұлова, «Ассамблея жастары» РҚБ төрайымы Хамида Тұрдыева, «Қазақстандық Татар және башқұрт конгресі» РҚБ филиалының жетекшісі Фарида Нақыш.
Спикерлер тарапынан мемлекеттік саясаттың басымдықтары, жаңа, әділ Қазақстанның құрылысы, халық үніне құлақ асатын Мемлекет, этносаралық қатынастар, теңдік пен азаматтық құқықтар, бірлік пен келісімді нығайту, ассамблея тарихы мен жұмысы, медиа сауаттылық, этномедиация және т. б. ҚХА тақырыптары төңірегінде студенттер назарына маңызды ақпараттар берілді.
Ақпараттық жұмыс және қоғаммен байланыс бөлімі
Тараз қаласында Политехтың оқу залында ұстаздар мен ата аналар арасында сыр – сұхбат форматында «Ата-ана, сізді не алаңдатады?» атты кеңес алаңы ұйымдастырылды. Арнайы шақырылған мамандар сан-сауалмен келген ата-аналарға жауап берді. Колледждің педагог организаторы Райхан Сламбектің модераторлығымен өткен іс-шараға Жамбыл облысы ҚХА «Әулиеата» қазақ мәдени орталығының Аналар кеңесінің өкіледері, колледж студенттері, оқушылар және ата –аналар қатысты.
Ерекше форматтағы кездесуіміздің негізгі мақсаты ол – отбасылық құндылықтарды және рухани-адамгершілік қасиеттерді жандандыру, отбасылық зорлық-зомбылықтың алдын алу, отбасы — адамзаттың аса қажетті, әрі қасиетті алтын бесігі екенін түсіндіру, сүйіспеншілігін арттыру болып табылады.
Егемен еліміміздегі мемлекеттік саясаттың маңызды және басым бағыттарының бірі – балалықты қорғау және баланың әл-ауқатын қамтамасыз ету екені белгілі. Осы орайда Республика көлемінде ұйымдастырылып жатқан түрлі шаралар бар. Соның бірі ел бойынша қолға алынып жатқан «Әр бала – жарық жұлдыз» жобасы. Бүгінгі іс-шарада осы жобаның негіңзінде жүзеге асып отыр.
Балаларды тәрбиелеу жолында оғаш қылықтар орын алмас үшін өз кеңесімен келген маманның бірі Жамбыл облыстық ҚХА мүшесі, «Әулие – ата» атындағы қазақ мәдени орталығы төрағасының орынбасары, М.Х.Дулати атындағы Тараз өңірлік университетінің «Мәдениет және өнер» кафедрасының меңгерушісі – Кабиева Айгүл Қабиқызы: «Отанның отбасынан басталатын ескерсек ең бірінші беріп жатқан тәрбиеміздің бағытының дұрыстығына жан-жақты көз жеткізу керекпіз. Тұлғаның қалыптасуы отбасында басталады. Отбасылық құндылықтар тұтас табиғаттың үйлесімді дамуы үшін қажетті дағдыларды қалыптастырады. Сонымен қатар, бала тәрбиелеуде басты назарға алатын нысан, оның жеке шекарасыбарын ұмытпауымыз керек. Бұл өмірге келген әр адам жеке тұлға»-деді, өз сезінде.
Іс-шараға келген ата-аналар сұрақтарына толық жауап ала-алғанын және бүгінгі ұрпақты тәрбиелеуде әр балаға зор жауапкершілікпен қарауды қатаң қолға алу керектігін жеткізді.
Ұлы ойшыл Әл Фараби бабамыздың «Ғылым емес, ең алдымен тәрбиеге көңіл бөлу керек, тәрбиесіз адамға ғылым баянды болмайды» – деген сөзін ескерсек бірінші орынға бала тәрбиесін қоюға әр ата-ана міндетті екенін көреміз.
Бала елдің ертеңі. Ертеңіміздің іргетасы бүгіннен дұрыс қалануы тиіс.
«Ақпараттық жұмыс және қоғаммен байланыс» бөлімі
Жамбыл облысының ҚХА “Ассамблея жастары” РҚБ және қазіргі заманғы гуманитарлық-техникалық колледжінің білімгерлері Алғыс айту күніне арналған кездесуінде “Қоғамдық келісім” КММ басшысының орынбасары Сәуле Құрманқұлова өз сөзінде қоғамда бейбітшілік пен келісім идеяларының құндылықтарын насихаттауға назар аударды:
—”Бүгінде әлеуметтік тұрақсыздық, этносаралық және қақтығыстар дәуірінде адамзат бұл проблемаларды шешудің негізгі тәсілі – бейбітшілік пен келісім, өзара түсіністік екенін айқын аңғарады. Сондықтан, біздің көпдауысты әлемде басқа адамдардың пікірлерін қабылдай алатын толерантты тұлғаға бұрынғыдан да шұғыл қажеттілік туындайды. Басқа этностарға төзімді болу, олардың әдет – ғұрыптары мен діндерін құрметтеу де маңызды”, – деді Ол өз сөзінде.
Іс-шараны қорытындылау сәтінде Сәуле Досымбекқызы облыстың ҚХА Медиация кабинетінің этносаралық келісімді сақтау үшін қандай жұмыстар жүргізіп жатқанын түсіндіре келе жастарға мейірімді, сенімді, қамқор, өжет болуға меңзеп, әлеуметтік желілердегі жалған ақпараттарға сенбеу, жетегінде кетпеу, лудоманияның құрбаны болмау, сондай-ақ, басқа этностардың тарихи мұралары мен мәдени дәстүрлеріне ұқыпты қарау, әсіресе ҚР Мемлекетінің рәміздері мен тілін аса құрметтеуге міндеттіліктерін баса айтты.
Жастарды жалпықазақстандық бірегейлік, адамзаттық құндылықтарға баулу, Қазақстанның мәдени мұрасына құрметпен қарау, оның полиэтникалық өмір салты, этносаралық қарым-қатынасты дамыту — күнделікті өмірдегі жағымсыз жағдайларды азайтуда, жастар ортасында экстремизмнің алдын алуда айтарлықтай нәтижелер береді.
Ақпараттық жұмыс және қоғаммен байланыс бөлімі
2024 жылдың 16 ақпанында ҚХА Достық үйінің мәжіліс залында Тараз қаласы және Жамбыл облысы Өзбек этномәдени бірлестігі әйелдері мен Аналар кеңесінің жалпы отырысы өтті.
Жиынның күн тәртібіне сай Өзбек этномәдени бірлестігінің Аналар кеңесі құрамын қайта қалыптастыру, жаңа төрайымын бекіту, 8 наурыз – Халықаралық әйелдер күнін мерекелеуге дайындық сынды мәселелер қаралды.
Келесі кезекте дауыс беру арқылы қатысушылар Дилярам Каримованың кандидатурасын қолдады.
Шара барысында белсенді жұмысы үшін Субахат Худайбергенова мен Лобара Гаюпова « Қоғамдық келісім» КММ және Тараз қалалық Өзбек мәдени орталығы басшыларының алғыс хаттарымен марапатталды.
«Ақпараттық жұмыс және қоғаммен байланыс» бөлімі