Archive for year: 2024

Мерекеге орай Достық үйіне келген қонақтарды Жамбыл облысы әкімінің орынбасары Нұржан Календеров бастап келді. Құрметті қонақтар қатырында облысы әкімдігінің ІСБ басшысы Ұлана Сламбекова, ҚХА мүшелері, облыстық ҚХА этномәдени бірлестіктері мен құрылымдарының басшылары, қоғам белсенділері бар.

Қонақтар жетігеншілермен Ложкари «Веснушки» орыс халық аспаптық ансамблдерінің сүйемелдеуімен орындалған әсем әннің жетегінде тайқазандағы бауырсақ және күлше нандардан ауыз тиіп, тілек ағашына жылы лебіздерін қалдырды.

Достық үйінің екінші қабатында қонақтарға мұрағат материалдары, фотосуреттер көрмелері және т.б. көрнекіліктер қойылған «Архив», этностардың тарихы, қазақ жеріне қоныстануы туралы кітаптар орналасқан «Кітапхана» алаңдары таныстырылды.

Өңірдегі этнос өкілдерінің жастары Алғыс айту күніне арналған «Тілім менің, қасиетті тірегім!» атауымен мемлекеттік тілде «Атамекен» әнін орындады. Сондай-ақ, еркін форматта мемлекеттік тіл туралы сабаққа қатысты. Ассамблея ардагерлерінің Алғыс айту күніне орай «Қайырымдылық керуені» ҚХА республикалық жобасы аясында осал топтағы азаматтарға «Қоржын» көмек көрсету акциясына бастау

берілді.

Қайымдылық көрсетілетін алаңшадан ары қонақтар «Достық» жастар театрының М.Мағауиннің «Бір атаның балалары» шығармасынан үзінді қойылымын тамашалады.

«Ақпараттық жұмыс және қоғаммен байланыс бөлімі»

Мерекеге орай ұйымдастырылған салтантты жиындар легі «Алғыс айту – адамгершіліктің белгісі» атты іс-шараға ұласты. Меркелік кеш Ассамблеяның құрылған күніне байланысты мұрағаттан жиналған бейнероликтер көрсетілі және А.Тоқпанов атындағы Жамбыл облыстық қазақ драма театры әртістерінің «Халықтың алғысы – Ұлы марапат» атты театрландырылған қойылымымен басталды.

Жиында Жамбыл облысы әкімінің орынбасары Нұржан Календеров өңірлік «Қоғамдық келісім» КММ және қоғамдық бірлестіктер жұмысына тоқталып, мерекеге орай көрермендерге алғысын арнады.

Нұржан Сәбитұлы өңірдің дамуына, бейбітшілік пен келісімді нығайтуға қосқан үлесі үшін Жамбыл облысы әкімінің Құрмет грамоталарымен білім саласының ардагері Райкүл Омарова, «Қазақтелеком» АҚ Жамбыл облыстық филиалының Байзақ желілік жол техникалық шеберханасының 7 санатты электр слесарі Дәулет Молданбаев, «Жамбыл су» шаруашылық жүргізу құқығындағы мемлекеттік коммуналдық кәсіпорнының зертхана меңгерушісі Эльмира Сейдалина, Тараз қаласындағы No26 орта мектептің директоры, «Днепро» Украйн мәдени орталығының мүшесі Тарас Леоненко марапатталды.

Ал, «Жамбыл облысының мүгедектерін әлеуметтік қорғау» қоғамдық бірлестігінің әлеуметтік қызметкері Нұрпатша Алданова және Жамбыл облысының «Хазар» әзірбайжан этномәдени орталығының мүшесі Мамед Мамедов – облыс әкімінің алғыс хаттарына ие болды.

Марапаттау рәсімінен кейін К.Әзірбаев атындағы Жамбыл облыстық филармониясының, Жамбыл және Абай атындағы жоғары гуманитарлық колледждердің, «Бақытты болашақ» оқушылар сарайы және этномәдени бірлестіктер нерпаздарының қатысуымен өткен мерекелік концерт ұсынылды. Қатысушылар вокалдық және хореографиялық нөмірлерде өнер көрсетті.

Мерекелік кеш соңы «Мен сені сүйемін – Қазақстан!» атты Жамбыл облысы этнос өкілдерінің әнімен аяқталды.

«Ақпараттық жұмыс және қоғаммен байланыс» бөлімі

Бүгін, дәл қазіргі уақытта «Алғыс айту» күніне орай, Тараз қаласының «Тараз-арена» спорттық кешенінде ҚР Спорт қайраткері, ҚХА мүшесі, облыстық «Вынхуа» Дүнгендер этномәдени бірлестігінің белсендісі Руслан Исмазовтың бастамасымен «Ордабасы» және «Таэквондо-WT» командалық ойындары Қазақстандық федерациясының облыстық ашық турнирі өтіп жатыр.

Іс-шараға арнайы шақырылған қонақтар арасында «Қоғамдық келісім» КММ басшысы Мубарак Жинақбаева да қатысып, шараның ашылу салтанатында сөз сөйледі.

Мубарак Қасымқызы сайыста бақ сынасатын жас спортшы қатысушыларды атаулы мейраммен құттықтап, алдағы жарыстарына сәттілік тілеп, жылы лебізін білдірді.

Таңғы 9.00.-ден басталған ауқымды спорттық шарада түрлі ойын сайыстары, аталмыш командалардың ойын түрлері және өңірлік турнирдің ашылу салтанаты өтті.

Бұдан соң командалардың жарысу ойындары, финал, жартылай финалдарға жалғасып, сондай-ақ қатысушы спортшыларды марапаттау рәсімі де өткізіледі.

Өңірлік ҚХА өткізетін іс-шаралардың белсенді қатысушысы, ҚР еңбек сіңірген спорт қайраткері Руслан Бакирұлы әзірлеген және құрастырған «Ордабасы» командалық ойыны балалар мен жастарды патриоттық рухта тәрбиелеуге бағытталған және олардың бойында өз елінің ар-намысын қорғауда батылдық пен жігерлік қвсиеттерін дамытады.

Сайыс кезінде ойыншылар ережелерді бұзбауға тырысып, өз аумақтарын қорғаштауды қатты қадағалауда ұстады. Эмоциялар мен толқулар шамадан тыс болды.

Әр команда өз шекараларын сақтап қана қоймай, қорғанысты бұзып, қарсыластың туын басып алуға және сол арқылы жеңіске жетуге тырысып, шабуылдарға жиі жол берді.

Спорттық сайыстар ертең де жалғасын табады.

«Ақпараттық жұмыс және қоғаммен байланыс» бөлімі

Бүгін Жамбыл облысы әкімдігінің ІСБ «Қоғамдық келісім» КММ ұйымдастыруымен «Ұрпақтардың ризашылығы – ұлтаралық татулықтың, бірлік пен достықтың негізі» тақырыбында дөңгелек үстел өтті.

Жиынға ғылыми-сараптамалық топ мүшелері, этномәдени

бірлестіктерінің мүшелері және жастар қатысты.

М.Х. Дулати атындағы Тараз өңірлік университетінің профессоры, облыстық ҚХА жанындағы ҒСТ мүшесі, тарих ғ.к., модератор – Сейдахан Бақторазов жиынды алғыс күніне орай құттықтау сөзімен бастады.

Сонымен қатар, жиында «Қарашай-балқарлар – Бірлік» Жамбыл облысы қоғамдық бірлестігінің Архыз филиалы» қоғамдық бірлестігінің төрайымы Леля Узденова достықтың мәңгілік бесігіне айналған этностар бауырластығы туралы сөз қозғады.

Туыстық пен тұтастық мұрасы ұрпақтар сабақтақтастығына ұласқан Ұлы елде жастар жайлы сыр шертілмей қоймасы анық. Жиында жастар арасындағы Алғыс айту күнінің мәні мен құндылықтары туралы сөз қозғаған Жамбыл облыстық «Ассамблея жастары» РҚБ төрайымы – Хамида Турдыева ата-бабамызды бауырына басып, барын алдына тосқан қазақ халқына алғашқы алғысты айту керектігін жеткізді. Бұл тұста этнос жастарының пікірі мен көзқарасының дұрыстығын алға тартып, айтулы мерекенің өскелең ұрпақ үшін тарихи мән мен мағынаға толы екенін айтты.

Жиын одан әрі жастар мен ғалымдардың арасындағы пікір алмасуға ұласты.

«Ақпараттық жұмыс және қоғаммен байланыс» бөлімі

Ақпанның 27 күні облыстық ҚХА Аналар кеңесінің өкілдері Тараз қалалық №85395 әскери бөлімінің әскери қызметкерлерінің отбасы мүшелерімен «Алғыс айту» күніне орай кездесу өткізді.

Кездесу ҚХА Аналар кеңесінің төрайымы Эльмира Мырза-Ғалидың алдағы мерекеге орай құттықтау сөзі және үздік сарбаздар аналарына Жамбыл облысы ішкі саясат басқармасының басшысы Ұлана Сламбекованың алғыс хатын табыс ету рәсімімен басталды.

Ары қарай Аналар кеңесінің мүшесі Сара Даузова және ҚХА Ақсақалдар кеңесінің мүшесі Исмайл Хаджимуратов қазақ жерінің біртұтастығын сақтауда қазақ батырлар мектебінің, жерлесіміз Бауыржан Момышұлының даңқты жолын жалғастырып жүрген сарбаздарға алғыс білдіріп, батасын берді.

Сонымен қатар, ҚР Қарулы Күштерінің Құрлық әскерлерінің Бас Қолбасшысының тәрбие және идеологиялық жұмыстар жөніндегі орынбасары полковник Ермиян Бятов мереке қарсаңында үздік әскери қызметкерлерді марапаттады.

Кездесу кешінің көркін қыздырған сәт Жамбыл жоғары политехникалық колледжі студенттерінен құрылған «Жас сарбаздар» әскери-патриоттық клубының қаруды шашып қайта жинау ептілігі мен шеберлігін көрсетуі болды.

Шара барысы әскери бөлімнің көркем шығармашылық ұжымы және облыстық ҚХА, “Анаға тағзым” орталығының өнер иелері қатысуымен ұйымдастырылған концерттік бағдарламаға ұласты. Әсем әуеннің ырғағына аналарымен вальс билеген сарбаздар естелік суреттерге түсумен тарқасты.

«Ақпараттық жұмыс және қоғаммен байланыс» бөлімі