Көгалдандыру – көптің ісі

/in /by

Елімізде «Таза Қазақстан» республикалық акциясы басталды. Экологиялық шара бүгін аймақта «Таза аула! Таза өлке! Таза ел!» атауымен ұйымдастырылды.

Игі іске облыс әкімі Е.Қарашөкеев қатысты. Қаланың көркеюіне бағытталған берекелі бастамада облыстық этномәдени бірлестік өкілдері мен өңірлік «Ассамблея жастары» РҚБ мүшелері және өзге де мекемелер белсенділік танытты.

Науқанға қатысушылар Ы.Дүкенұлы атындағы қалалық мәдениет үйінің аумағына қара ағаш, ерен (ясень), бүрлі (туя) ағаштарын отырғызды.

Туған өлкені көркейту, көгалдандыру және жайқалған жасыл желекке айналдыруды мақсат еткен шарада 50 түп тал отырғызылды.

Айта кетейік, ауқымды акция 5 апта бойы өңіріміздің барлық ауданында өткізілмек.

Қандай қиындық болмасын ел болып еңсеріп келеміз.

/in /by

Қандай қиындық болмасын ел болып еңсеріп келеміз. Талай нәубетке төзген, бірлігі жарасқан еліміз бұл қиындықты да бірге жеңеді. Дана қазақ халқында төртеу түгел болса төбедегі келеді деген жақсы сөз бар. Ең бастысы әрекет. Әрекет барда берекет болары хақ.

Бүгін мемлекет басшысы Қ.Тоқаев халыққа үндеу жолдады. Соңғы сексен жылдан кейін орын алып отырған апатқа қатысты зардап шеккен әрбір адамды мемлекет ескерусіз қалдырмайтынын, қаржылай тағы басқа да көмектердің берілетінін айтты. Материалдық шығындардың орны толтырылатынын жеткізді. Мұндай апаттан сабақ алатынымызды және алдын алу шаралары барысында кеткен кемшіліктерді түзетіп, көп мәселені реттеу керектігін айтты.

Осы тұста Президентіміздің ел басына күн туған қандай жағдайда да етігімен су кешіп қара халықтың ортасында жүретініне ерекше разы болам. Бұл елім деген ердің ісі емес пе? Оқиға орын алған сәттен халықпен бірге жүр.

Қандай жағдай да халықтың бірлігі жеңіске жеткізеді.

 

Танзиля Апаева, республикалық «Бірлік»  Қарашай-балқар этномәдени бірлестігінің Жамбыл облысындағы “Архыз” филиалының мүшесі, дәрігер

Халық біріксе алынбайтын қамал жоқ.

/in /by

Халық біріксе алынбайтын қамал жоқ. Бұл сөзіме елдің басынан өткен түрлі қиын жағдайлар дәлел. Қай кездеде халық болып, ел болып қиындықтарды еңсергенбіз.

Бүгін еліміздің Президенті Қасым-Жомарт Тоқаевта өз үндеуінде дәл осылай деді. Ол жағдай өте күрделі болса да, біз қиындықты міндетті түрде еңсеретінімізді, барлығын қалпына келтіретінін айтты.

Соынмен қатар, ең бастысы – азаматтардың амандығы екен ескертті. Тасқын судан зардап шеккен азаматтарға мемлекет ешкімді ескерусіз қалдырмайтынын айтты. Бұл жағдайлар ел билігінде төтенше жағдайларға жауапты арнайы қызметте отырғандарға да басқаларға да сабақ болатынын айтты.

 

Ибрагим Зуфаров,  «Ахыска» түрік этномәдени орталығы» республикалық ҚБ Жамбыл облыстық филиалының басқарма мүшесі

Азаматтардың амандығы маңызды

/in /by

Елімізде орын алып жатқан табиғи апат барша қазақстандықтарды елең еткізді. Бүгін Мемлекет басшысы Қасым-Жомарт Тоқаев Қазақстан халқына арнап Үндеу жариялап, алдағы ахуалға алаң болған жұрттың көкейіндегі сан сауалға нақты жауап берді. Президенттің айтуынша Үкімет қарғын судың салдарын жоюға бар күшін салып жатыр. Сондай-ақ, мұндай ауқымды апат соңғы 80 жылдан бергі ең ірісі болып отыр. Қазіргі күні еліміздегі 10 аймақта төтенше жағдай жарияланды. Тосыннан келген табиғи апаттан жапа шеккен тұрғындардың тарықпауы жіті назарда болатындығы да баса айтылды. Ел Президенті жағдай өте күрделі болса да, қиындыққа мойымай, ел болып еңсеретінімізді айтып, бастысы азаматтарымыздың амандығы маңызды екенін атап өтті.

 

Жалил Аббосов, Жамбыл облысы Түрік этномәдени бірлестігінің төраға

Бүгін мемлекет басшысы өз үндеуінде…

/in /by

Бүгін мемлекет басшысы өз үндеуінде су тасқынымен күресуге Төтенше жағдайлар министрлігінің барлық ресурсы тартылып, құтқару жұмыстарына Ішкі істер министрлігі, Ұлттық ұлан, Қарулы Күштер және Ұлттық қауіпсіздік комитетінің мамандары белсене атсалысып жатқанын айтты. Сонымен қатар зардап шеккен аймақтрдың әкімдіктері күндіз-түні жұмыс істеп ондаған мың волонтер де көмектесіп жүргені белгілі.

Ия, ел бірлігі, ынтымағы осындай да көрінбейді ме? Біздің Жамбылда да жан-жақтан пунктер ашылып, көмектер жиналып жатыр. Бізде өз үлесімізді қостық. Ендігі мәселе ел болып еңсерсек екен деген тілек қана.

Ортақ Отанымыз Қазақстанымызға қауіп төнбесе екен.

 

Махкам Орифов, Жамбыл облысының Тәжіктер этномәдени бірлестігі төрағасы

БІРЛІГІМІЗДІ САҚТАЙ ОТЫРЫП, АУЫР ҚИЫНШЫЛЫҚТЫ БІРГЕ ЖЕҢЕЙІК!

/in /by

Қазақстан Республикасының Президенті Қасым-Жомарт Тоқаев еліміздегі су тасқыны салдарынан қалыптасқан ауыр жағдайға байланысты Халыққа Үндеу жариялады. Өз Үндеуінде мемлекет басшысы еліміздегі табиғи апатқа байланысты қалыптасқан төтенше жағдайға тоқталып, оған талдау жасады. Өз сөзінде ол «Біз алапат су тасқынынан тиісті қорытынды шығаруымыз керек. Яғни жіберілген олқылықтарды түзетіп, тиісті сабақ алуымыз қажет» деп айтты. Қасым-Жомарт Тоқаев барлық құтқару жұмыстары өзінің тікелей бақылауында екендігін мәлімдеді. Президентіміз су тасқынына байланысты атқарылып жатқан іс-шараларға тоқтала келіп, халықты дүрбелеңге салынбай, тыныштық сақтауға шақырды. Бұқаралық ақпарат құралдарына, белсенді азаматтарға және блогерлерге жұртты дүрбелеңге салатын жалған ақпараттарды таратпау қажет екендігін ескерте отырып, қазіргі уақытта билік пен қоғамды ұйыстыратын әрекеттер жасау аса маңызды екендігін айтты. Өз Үндеуін мемлекет басшысы «Осындай қиын-қыстау кезде бір жағадан бас, бір жеңнен қол шығару айрықша маңызды» деп қорытындылай келе, «Бір ел, бір халық болып жұмылып, бұл апатты еңсереміз» деген сенім білдіріп аяқтады. Президентіміздің бұл Үндеуі еліміздің апатты қысқа мерзімде еңсеріп, оның салдарларын ұйымдаса отырып тезірек жоятындығымызға үлкен үміт ұялатады. Иә, халқымыз «Бірлік, бірлік түбі – тірлік» деп бекер айтпаған. Бірлігімізді сақтай отырып, халқымыздың басына түскен ауыр қиыншылықты ұйымшылдықпен бірге жеңейік!

М.Х.Дулати атындағы Тараз өңірлік университеті,

философия және саясаттану кафедрасының

аға оқытушысы Баярисов Режеп Уразбаевич.

Мемлекет басшысы Қасым-Жомарт Тоқаевтың су тасқыны салдарынан қалыптасқан ауыр жағдайға байланысты үндеуіне пікір

/in /by

Қазақ халқы табиғи апатты айтып келмейтін өте қауіпті тілсіз жауға, адамдардың өміріне қайғы-қасірет әкелетін жамандыққа  теңеген. Тіпті  көреген халқымыздың ақсақалды аталары мен ақ жаулықты аналарымыз үнемі өздерінің бата-тілектерінде «Алла елімізді төтенше келген табиғат апаттарынан:  зіл заладан, су тасқыны, өрт апаттарынан сақтай көр»-деп тілеген.

Бүгінгі таңда елімізде болып жатқан су тасқынының салдары бүкіл халықты  дүр сілкіндірді. Мемлекет басшысы Қасым-Жомарт Тоқаевтың елімізде болып жатқан табиғи апат туралы үндеуінде  Су тасқынына байланысты еліміздің он аймағында төтенше жағдай жарияланғанын, яғни Абай, Ақмола, Ақтөбе, Атырау, Батыс Қазақстан, Қарағанды, Қостанай, Павлодар, Солтүстік Қазақстан және Ұлытау облыстарында. Атқарушы органдар жіберген олқылықтарды түзеу үшін  шұғыл түрде нақты жұмыстар жасалып, апатты жоюға арналған  барлық қажетті шараларға  күш жұмылдырғаны айтылды. Президет құтқарушыларға, тәртіп сақшыларына, волонтерлерге және апатпен күресуге атсалысып жатқан барша жұртқа алғыс айтты. Расында да, бір күнде түс көргендей апатқа ұшырау, зардап шегіп, бүкіл жиған терген мал-мүлкінен айырылып қалу, жан сауғалап басын аман сақтап қалу үшін тұрғылықты үй-жайынан кету, төтенше күйзеліске ұшырау, қандай қиын қасірет. «Алла ондай жағдайды халықтың басына келтірмесін» – деп тілейміз.

Қазақтың күші бірлікте, бірлік болмай тірлік болмайтындығы рас. Елімізде осындай жағдайдың орын алғаны  өкінішті, дегенмен де  Алланың осындай күрделі сынағына төтеп беруде, халықты сабырлық пен төзімге шақырамыз.

М.Х.Дулати атындағы Тараз өңірлік университетінің «Әлеуметтік психология»  кафедрасының профессор-оқытушылар құрамы апат жағдайында зардап шекке, күйзеліске ұшыраған халыққа қолдау көрсету мақсатында онлайын форматта психологиялық кеңес беруге дайын.

Зардап шеккен халыққа «Бір ел, бір халық болып жұмылып, бұл апатты еңсереміз» -дегіміз келеді.

 

Жамбыл облысы Қазақстан Халқы Ассамблеясының

ғылыми-сараптамалық топ мүшесі профессор Р.К.Керимбаева

Келелі кеңес отырыс өтті

/in /by

Тараз қаласы,  Достық үйінде облыстық  ҚХА  Ақсақалдар кеңесінің қатысуымен дөңгелек үстел отырысы өтті.

Алқалы  жиынға «Қоғамдық келісім» КММ басшысы Мүбарак Жинақбаева, Жамбыл облыстық  Ақсақалдар кеңесінің мүшелері, аудандық Ақсақалдар кеңесінің төрағалары мен өкілдері қатысты.

Жиынды Жамбыл облыстық ҚХА төрағасының қоғамдық орынбасары, Ақсақалдар кеңесінің төрағасы Асқарбек Ақылшаұлы Сейілханов жүргізіп, күн тәртібіндегі негізгі екі мәселені ортаға салды. Кездесуде әуелі  өңірлік ақсақалдар кеңесінің үлгілік жұмыс жоспары  және ақсақалдар кеңесі туралы  үлгілік ереже таныстырылды.

Наурыз айында Атырау қаласында Ұлттық құрылтайдың үшінші отырысы өткен болатын. Күн тәртібіндегі кезекті мәселе Ұлттық құрылтайдағы өзекті тақырыптар төңірегінде өрбіді.

Кеңес төрағасы Асқарбек Ақылшаұлы  Мемлекет басшысы Қасым-Жомарт Тоқаевтың «Адал адам – Адал еңбек – Адал табыс» атты  мәселесіне кеңінен тоқталды. Асқарбек Ақылшаұлы «Қай заманда болсын адам адал еңбегімен көрікті, адалдығымен ардақты. Жаңа құндылықтар бастауына ең алдымен адал азаматтарды қойып, адал еңбек етуге шақыруымыз керек. Ертеңгі болашаққа зиялы қауым өкілдері үлгі болуымыз қажет» деді.

Жиында Тараз қаласының  өзбек этномәдени бірлестігінің басшысы, кеңестің төраға орынбасары  Абдурахман Зайнутдинов, Тараз қалалық ардагерлер кеңесі төрағасының орынбасары Малтабар Жаманбаев жастар арасындағы белең алып келе жатқан өзге де мәселелерді ортаға салып, шешу жолын қарастырды.

Кеңес отырысының соңында  мекеме басшысы   Мүбарак Қасымқызының Жинақбаеваның Ұлттық құрылтай тәуелсіз еліміздің болашағы мен дамуы, татулығы мен бірлігі жолында жоғары маңызға ие екенін атап өтті.

МЕМЛЕКЕТТІК ТІЛДІ ЖОҒАРЫ ДЕҢГЕЙГЕ КӨТЕРУДІҢ ЖАҢА ӘДІСТЕРІ

/in /by

«Тіліміздің қолдану аясын кеңейте түсу мемлекеттік саясаттың басты бағыты болып қала береді. Бұл – біз үшін мызғымас ұстаным. Елімізде қазақ тіліне деген сұраныс жыл өткен сайын артып келеді. Қазақ тілі бизнестің, ғылым мен техниканың тіліне айнала бастады. Бұл үрдісті одан әрі дамытудың ең тиімді әрі төте жолы – ағартушылық» – деп   Мемлекет  басшысы  ІІІ Ұлттық құрылтайда қазақ тіліне байланысты атап өткеніндей бүгін, биылғы жылдың 3 сәуірінде ҚР Мәдениет және ақпарат министрілігі «Қоғамдық келісім» РММ ұйымдастыруымен мемлекеттік тілдің этносаралық қатынас тіліне айналуы әлеуетін арттыру мақсатында «Мемлекеттік тілдің мәртебесін көтеруде Қазақстан халқы Ассамблеясы құрылымдарының рөлін арттыру» тақырыбымен ZOOM-конференциясы өтті.

Маңызды шараға ҚР Парламенті Сенатының депутаты, «Тіл-Қазына», өңірлік «Қоғамдық келісім» өкілдері мен тіл жобаларының жауапты қызметкерлері, этномәдени бірлестік өкілдері қатарында Жамбыл облыстық ҚХА «Ассамблея жастары» РҚБ мүшелері және «Қоғамдық келісім» КММ қызметкерлері де  қатысты.

Спикерлер ретінде «Қоғамдық келісім» РММ директоры – Элина Масагутова, Сенат депутаты – Геннадий Шиповских,  «Qazaqstan» РТРК АҚ бас редакторы – Алла Гаврина, т.б. сөз сөйледі.

Конференция барысында қазақ тілінің қолданыс аясын кеңейту бойынша жүзеге асырылып келе жатқан Ассамблеяның:  «Ұлы даланың ұлтаралық тілі», «Мың бала» мәдени-ағартушылық жобасы,  «Менің таңдауым – қазақ тілі» челленджі,  «Мемлекеттік тілге 7 кадам»,  speaking-club форматында нетворкинг,  «Үйде сөйле» жобалары және өңірлердегі «Мәміле» клубтары  айрықша аталды.

Сондай-ақ, Qogam.Life арнасындағы «YouTube» платформасында «Ертегілер әлемі» жобасы бойынша 114 ертегіге бейнероликтер түсірілгені мәлімделіп, сонымен бірге ҚХА-ның Халықаралық «Қазақ тілі» қоғамы мен «Тіл-Қазына» ұлттық ғылыми орталығының бірлесе отырып, меморандумдар шеңберінде түрлі жобаларды жүзеге асыратындығы да сөз болды.

ЕЖЕЛГІ OSTERN-ПАСХАНЫ АТАП ӨТТІ

/in /by

Жамбыл облысының Немістер қоғамында көктем мен қайта түлеудің, жаңарудың Ostern, яғни ежелгі Пасха мерекесі көктемгі көтеріңкі көңіл-күймен белсенді түрде атап өтілді.

Іс-шара барысында қатысушыларды Жамбыл облыстық Немістер қоғамының төрағасы Александр Гибнер, «Радонеж» Орыс  қауымдастығының өкілдері құттықтады.

Мерекенің ерекшелігі – мектепке дейінгі балаларға білім беру орталығы және «Talente» театрының талантты жастарының қызықты ертегі қойылымы болып табылды. Көрермендер сахнада болып жатқан оқиғаларды  аса қызығушылықпен қабылдап, басты кейіпкері – қоянның пасха жұмыртқаларын таратуға тез үлгеру үшін желаяқ-етік іздегендігін, т.б. көріністерді тамашалады.

Сонымен қатар, «Поющие сердца» вокалдық ансамблі мен «Sternen» балалар вокалдық тобының  шығармаларына  жиналған жұртшылық тәнті болды.

Мерекелік шара көрермендердің жадында қуанышты естеліктер мен жағымды эмоциялар қалдырды.

Page 11 of 20
1 … 9 10 11 12 13 … 20