Archive for month: October, 2024

Ш.Уәлиханов атындағы облыстық әмбебап ғылыми кітапханасының ұйымдастыруымен 18 қазан – ҚР Рухани келісім күніне орай «Бейбітшілік пен келісім – ел дамуының негізі» атты кітапханалық саммит өтті.

Кездесуге Жамбыл облысы дін істері басқармасының «Дін проблемаларын зерттеу орталығы» КММ-нің инспектор-талдаушысы Батырбек Атамқұлов, Жамбыл облысы орталық Һибатулла-Тарази мешітінің бас имамы  Бейбіт Мырзагелдиев және осы орталықтың медресе колледжінің мұғалімі  Нұрсұлтан Зулпыкаров, Жамбыл облысы әкімдігінің ақпарат және қоғамдық даму басқармасы «Қоғамдық келісім» КММ көрме залының меңгерушісі Жазира Шілдебаева, Тараз қаласы Өзбек этномәдени бірлестігінің төрағасы Абдурахман Зайнутдинов, Жамбыл облыстық «Манас Ата» Қырғыз этномәдени бірлестігі қоғамдық бірлестігінің төрағасы Абзалбек Меңдібаев қатысты.

Іс-шара барысында қатысушылар қоғамдағы діни экстремизм мен терроризмнің алдын-алу, жастардың діни сауаттылықтарын қалыптастыру бағытындағы атқарылып жатқан жұмыстар туралы ойларын ортаға салды. Сондай-ақ, кітапхана оқырмандарына рухани тазалықтың, ар-ұят пен адалдықтың мызғымас тірегі дін екендігін тілге тиек ете отырып, жастарды жат ағымның жетегінде кетпей, тек сенімді ақпараттарға сену керектігін жеткізді.

Бүгін Достық үйінде облыстық дін істері басқармасының ұйымдастыруымен «Рухани келісім күніне» орай діни бірлестіктер мен дін саласындағы сарапшылардың қатысуымен кездесу өтті.

Діни экстремизм мен терроризм идеологиясының таралуының алдын алу мақсатында өткен шараға Қазақстан мұсылмандары діни басқармасының облыстағы өкілдері, өңірлік этномәдени бірлестіктер, Христиан бағытындағы діни бірлестік мүшелері, дінтанушы, психолог және теолог мамандар мен облыс, қала және аудан әкімдігінің өкілдері қатысты.

Қоғамда бейбітшілік пен тұрақтылық, толеранттық, рухани келісім идея-ларын насихаттауға бағытталған жиында Астана қаласындағы «Конфессияаралық және өркениетаралық диалогты дамыту жөніндегі Н.Назарбаев орталығының» басқарма төрағасының орынбасары Бауыржан Бәкіров, «Ислам зерттеулері орталығы» қоғамдық қорының директоры, дінтану ғылымдарының PhD докторы Балғабек Мырзаев, «Ақниет» ақпараттық-насихаттау және оңалту орталығы қоғамдық қоры басшысының орынбасары Әлім Шауметов мемлекеттік-конфессиялық қатынастар саласындағы өзекті мәселе¬лерге тоқталып, қоғамдағы рухани келі¬сімнің бағасы қымбат екенін атап өтті.

Сондай-ақ, азаматтарды ортақ рухани-адамгершілік құндылықтарға топтастыруды мақсат еткен басқосуда сарапшылар өңірдегі түрлі конфессиялар мен этностар өкілдерінің өзара түсінісіп, қарым-қатынасын одан әрі дамытуы үшін осындай кездесулерді алдағы уақытта да өткізуге уағдаласты.

Ағымдағы жылдың 14 қазанында Меркі ауданына қарасты «Turan»  демалыс аумағында  ҚР мәдениет және ақпарат министрлігі, «Қоғамдық келісім» РММ-нің ұйымдастыруымен  Қазақстан халқы Ассамблеясының этномәдени бірлестіктеріне арналған «Тіл мектебі» жобасы өз жұмысын бастады. Ауқымды шараға биыл еліміздің барлық өңірінен 40-қа жуық адам қатысуда. Этностар арасында мемлекеттік тілді дәріптеу, оқытудың жаңа әдістемелерімен  таныстыруды мақсат еткен шараның ашылу салтанатына Жамбыл облысы әкімдігінің ақпарат және қоғамдық даму басқармасы «Қоғамдық келісім» КММ басшысының орынбасары Дәурен Тайлеев, республикалық «Ассамблея жастары» ҚБ төрағасының орынбасары, өңірлік «Ассамблея жастары» РҚБ төрайымы Хамида Турдыева қатысып, тіл тынысын ашатын тәлімі мол  жобаның маңыздылығын атап өтті.

Айта кетейік, аталған жоба аясында мемлекеттік тілді меңгеруге ниеттенген қатысушылар бес күн бойы арнайы жаттықтырушылар мен әдістеме авторларынан білім алатын болады.

2024 жылғы 13 қазанда «Қоғамдық келісім» КММ, Достық үйінде Жамбыл облысындағы Немістер қоғамы қызметінің 35 жылдығына орай мерекелік концерт өтті.

Іс-шара түрлі этнос өкілдерінің қатысуымен болды. Салтанатты сәт марапаттау рәсімінен басталды. Марапаттау барысында немістер қоғамының белсенді өкілдері марапатталды. Олар осы этномәдени бірлестіктің президенті Александр Гибнердің қолынан алғыс хаттар алды.

Шара концерттік бағдарламаға ұласып, онда «Эремурус», «Singende Herzen», «Sterne», «Medival», «Juwel», солистер Максим Новиков пен Вероника Середа және басқа да вокалдық және хореографиялық ұжымдар түрлі шығармашылықтың сәніне айналды.

Концерттің ерекшелігі — өзінің керемет қойылымымен Түркиядан келген қонақ — «Жүзім сүйегі» әнін орындаған Нурие Молохасанның келуі болды.

Көрермендер дәстүрлі «Қазақ биі», көңілді және әрдайым әр түрлі сипатта биленетін «Полька» және «Марилена» , сондай-ақ, талғампаз «Тирол вальсі» билері мен «Аморе мио» және «Mein Schatz» романтикалық әндері, «Маруся және самовар» және «Beim Kronenwirt» және басқа да таңғажайып концерттік нөмірлер тамашаланды.

Сонымен қатар, көрермендерге Жамбыл облысы Немістер қоғамының қызметіне арналған, осы этномәдени бірлестіктің этносаралық қатынастарды нығайтуға қосқан елеулі жетістіктері мен үлесі туралы баяндайтын фильм көрсетілді.

Іс-шара барысында қатысушылар қолөнердің ұйымдастырылған көрмесінде қолданбалы шығармашылық үйірмелерінің қатысушылары ұсынған экспонаттармен танысты.

Аталған игі шара көрермендерге көптеген ұмытылмас әсер қалдырды.

Биыл орыстың ұлы ақыны Сергей Есениннің туғанына – 129 жыл. Отыз жыл ғана ғұмыр кешкен шайырдың  құрметіне орай, қалалық білім бөлімінің қолдауымен  облыстық «Радонеж» Орыс қауымдастығы  ІІ «Есениада 2024»  әдеби фестивалін ұйымдастырды.

Бұл күні қаладағы түрлі оқу орындарынан келген 60-қа жуық  өлеңсүйер қауым  Есениннің ескерткішіне жиылып, шығармаларын арқалана оқыды.

Әдеби кеште әйгілі ақынның отты жырлары мен қатар музыкалық шығармалары да көпшілік назарына ұсынылды.

Ақын туындыларында тұмса табиғатты жырлаудан жалықпай, оның ǝр құбылысына жан бітіре ᴄуреттеуге тырысатын.

Дәстүрге айналған шараға  қатысушылар С.Есениннің «Закружилась листва золотая», «Песня о собаке» , «Шаганэ ты моя, Шаганэ»,

«Покраснела рябина», «Пороша»,  «Ночь», «Собаке Качалова», «Весенний вечер», «Бабушкины сказки», «Мне осталась одна забава» сынды кеңінен танымал шығармаларын орындады.

Фестиваль аясында Жамбыл облыстық орыс драма театрының әртістері арнайы қойылымды  көпшілік назарына ұсынса, «Радонеж» Орыс қауымдастығының төрағасы Владимир Сорокиннің сүйемелдеуімен «Калинка» вокалдық ансамблі кеш иесінің  әндерін шырқады.