ОБЛЫСТЫҚ ҚХА АНАЛАРЫ ЖЕТІГЕНШІМЕН ЖҮЗДЕСТІ

/in /by

Бүгін облыстық «Анаға тағзым» отбасыларды қолдау орталығында «Қазақконцерт» мемлекеттік концерттік ұйымының солисі Венера Табыс «Жетіген медитация» тақырыбында кездесу өткізді. Белгілі жетігеншімен өткен басқосуға облыстық ҚХА Аналар кеңесінің мүшелері қатысып, белсенділік танытты.

Кездесуде өнер иесі өзінің авторлық медитациясын таныстырып, жетіген аспабының ерекше қасиеттеріне тоқталды. Қазақ халқының көп ішекті шертпелі аспабын заманауи музыкамен ұштастырып, музыкалық терапиямен айналысып жүрген Венера Табыс кеште «Ана махаббаты» атты авторлық әнін тамылжыта орындады.

Шара соңында барлық қатысушылар кеш иесінің сүйемелдеуімен ана тақырыбында ән шырқап, керемет күйге бөленді. Ұлттық құндылықтарды насихаттап жүрген Аналар кеңесінің мүшелері үшін кештің маңыздылығы жоғары болды. Кеш аясында ана тілде ән салған этнос аналары мемлекеттік тілді ән арқылы меңгеру жобасының жемісті жүзеге асып жатқандығын жеткізді.

Өз кезегінде этнос аналары да ұлттық құндылықты дәріптеп жүрген Венера Табыстың өнеріне өрлеу тілеп, алғыстарын білдірді.

МЕРКІДЕ ЭТНОС ӨКІЛДЕРІНІҢ ҚАТЫСУЫМЕН СПОРТТЫҚ САЙЫС ӨТТІ

/in /by

Облысқа қарасты аудандардағы тұрғындар арасында салауатты өмір салтын насихаттау және өзге ұлт өкілдері арасында достық қатынасты нығайту мақсатында спорттық жарыстар жиі ұйымдастырылып тұрады.

Сондай іс-шаралардың бірі Меркі ауданында Жамбыл облысының 85 жылдығына орай этномәдени орталықтар арасында өткен спорттық фестиваль.

Фестивальдің ашылу салтанатына Меркі ауданы әкімінің орынбасары Мейірхан Азатұлы қатысып, барша қатысушыларға сәттiлiк тiлеп, достық пен берекелi бiрлiгiмізді нығайтуда мұндай шаралардың маңызы зор екендiгiне тоқталды.

Этномәдени бiрлестiктерден құрылған командалар кiшi футбол, стритфоркаут, гір көтеру, қашықтыққа жүгiру, арқан тарту секiлдi спорт түрлерiнен өзара сынға түстi.

Сайыс нәтижесіне сай I орынды аудандық түрік этномәдени бiрлестiгi жеңiп алса, ІІ орынға аудандық өзбек этномәдени бiрлестiгi ие болды. Ал, III орын славян және әзірбайжан этномәдени бiрлестiктері атынан қатысқан командаларға бұйырды.

Жарыс жеңiмпаздары мен жүлдегерлерiне кубок пен бағалы сыйлықтар табысталды.

БІРЛІК ПЕН КЕЛІСІМ БАСТЫ МҰРА!

/in /by

Бүгін Мәдениет және ақпарат министрлігінде «Zoom» платформасы арқылы жастарды қоғамдағы бірлік пен келісімді нығайту жөніндегі қызметке тарту мәселелері бойынша жиналыс өтті.

Жиында ҚХА бастамалары мен жастар жобаларын қолдау тапсырмасын іске асыру мәселелері қарастырылды.

Аталған жиынға ҚР Президенті Әкімшілігінің, Министрліктің құрылымдық бөлімшелерінің өкілдері, облыстардағы жастар саясатын жүзеге асырушы жауапты тұлғалар және «Қоғамдық келісім» мекемелері, сонымен қатар ҚХА-ның «Ассамблея жастары» жастар қанатының өкілдері қатысты.

Жастардың жобаларына басымдық берген жиынға біздің өңірден «Қоғамдық келісім» КММ қызметкерлері және “Ассамблея жастары” РҚБ төраға орынбасары, бірлестіктің өңірдегі жетекшісі Хамида Турдыева қатысты.

ҚР МАМ өкілдері ведомствоның жастар саясаты саласындағы жұмысы туралы айтып, мемлекеттік органдардың Қазақстан халқы Ассамблеясымен және оның «Ассамблея жастары» жастар құрылымымен ынтымақтастығын күшейтудің маңызын атап өтті.

Жиын соңында сөз сөйлеген «Ассамблея жастары» РҚБ төрағасы Тимур Жұмырбаев этникалық жастар арасында мемлекеттік тілді насихаттау, этномедиация, волонтерлік пен қайырымдылықты дамыту сияқты жаңа жобалар мен бастамаларды ұсынды.

 

Ағымдағы жылдың сәуір айы Батыс Қазақстан облысының біраз аймақтары үшін жайсыздық тудырғаны белгілі.

/in /by

Ағымдағы жылдың сәуір айы Батыс Қазақстан облысының біраз аймақтары үшін жайсыздық тудырғаны белгілі.

Еліміздің Батыс өңірінде су тасқыны орын алып, тұрғындарды әбігерге салған болатын. Тосыннан келген сынақты ел болып еңсеріп, жұрт болып жұмылып, өткердік. Жаны жайсаң жомарт қазақ елінің бірлігінің арқасында қиын-қыстау кезең де артта қалды. Мемлекет басшысы, ҚХА-ның Төрағасы Қасым-Жомарт Кемелұлы Тоқаев ХХХІІІ сессияда Ассамблеяның су тасқынынан зардап шеккен аймақтарға гуманитарлық және қайырымдылық көмек көрсетудегі маңызды рөлін атап өтіп, баспанасыз қалған тұрғындарға ерекше көңіл бөлу қажеттігін де тапсырған болатын. Осы орайда, табиғи апаттың алғашқы күндерінен бастап Қазақстан халқы Ассамблеясы арнайы республикалық «Жүректен жүрекке» жобасын қолға алып, қайырымдылық жасаудан жалтарған емес. Игі істің дәлелі, осыған дейін ҚХА қолдауының арқасында Ақмола және Қостанай облыстарының ауылдық аймақтарынан бірнеше отбасы жаңа баспанаға ие болып, қуанышқа кенелді.

 

Ибрагим Зуфаров,

Облыстық «Ахыска» Түрік этномәдени бірлестігінің өкілі

 

ҚОЛ ҰШЫН СОЗУ – АЗАМАТТЫҚ ПАРЫЗ!

/in /by

Қазақстан Республикасының Президенті Қасым-Жомарт Тоқаев еліміздің Батыс өңірінде орын алған су тасқыны салдарына байланысты Халыққа Үндеу жариялаған болатын. Өз Үндеуінде мемлекет басшысы «Осындай қиын-қыстау кезде бір жағадан бас, бір жеңнен қол шығару айрықша маңызды» деп қорытындылай келе, «Бір ел, бір халық болып жұмылып, бұл апатты еңсереміз» деген сенім білдіріп еді.

Осы ретте Қазақстан халқы Ассамблеясы тілсіз апаттың алғашқы күнінен «Жүректен жүрекке» қайырымдылық акциясын қолға алып, жапа шеккен. жамағатқа көмек беруде. Аталған жоба өз жалғасын тауып, бұл жолы ҚХА мүшелері мен меценаттарының қаражатына Батыс Қазақстан және Атырау облыстарындғаы баспанасынан айырылған отбасыларға үй сатып алынды. Еліміздің Батыс және Солтүстік өңірінде болған жағдай күллі қазақстандықты алаңдатқаны анық. Осындай оқыс оқиғада қиналғандарға демеу болу, қол ұшын созу – азаматтық парыз деп санаймын.

 

Махкам Орифов, Жамбыл облыстық Тәжік этномәдени бірлестігінің төрағасы

 

Биылғы 2024 жылдың көктемі өзінің ерекшеліктерімен келгені бәрімізге белгілі.

/in /by

Биылғы 2024 жылдың көктемі өзінің ерекшеліктерімен келгені бәрімізге белгілі.

Соның ішінде қар суының тез еріп, тасқын су болып елді-мекендерді, үй-жайларды басып еліміздің халқын әбігерге салды. Бұрын-соңды болмаған табиғи апаттан зардап шеккендердің ешбірі елеусіз қалмайтындығын ҚР Президенті Қасым-Жомарт Кемелұлы баса айтқан болатын. Осындай қиын қыстау кезеңде бірлігімізді бекемдеп, зардап шеккен өңірлерге көмек көрсетуден Қазақстан халқы Ассамблеясы шет қалған жоқ. Тұрғындар үшін баспана жайы басты мәселе болғаны белгілі. Осы тұста, ҚХА мүшелері мен меценаттарының қаражатына Батыс Қазақстан және Атырау облыстарындғаы баспанасынан айырылған отбасыларға үй сатып алынды. Игі іске белсене кіріскен ұйым мүшелері «Жүректен жүрекке» қайырымдылық жобасын жалғастыруда.

 

Сара Даузова, «Республикалық және облыстық «Вынхуа» Дүнгендер этномәдени бірлестігі Аналар кеңесінің төрайымы

Ағымдағы жылдың сәуірінен бастап еліміздің біәрнеше өңірі су тасқынынан зардап шегіп, оларға арналған акция қолға алынған болатын.

/in /by

Ағымдағы жылдың сәуірінен бастап еліміздің біәрнеше өңірі су тасқынынан зардап шегіп, оларға арналған акция қолға алынған болатын. Күні бүгінге дейін осы Қазақстан халқы Ассамблеясының «Жүректен жүрекке» қайырымдылық жобасы жалғасуда.

Мемлекет басшысы, ҚХА-ның Төрағасы Қасым-Жомарт Кемелұлы Тоқаев ХХХІІІ сессияда Ассамблеяның су тасқынынан зардап шеккен аймақтарға гуманитарлық және қайырымдылық көмек көрсетудегі маңызды рөлін атап өтіп, баспанасыз қалған тұрғындарға ерекше көңіл бөлу қажеттігін де тапсырған болатын.

Міне бүгінде осы қайырлы істің нәтижесінде ҚХА еліміздің батыс өңірінлегі Атырау және орал облыстарындағы қарғын судан жапа шегіп, қара шаңырағынан айырылғандарға үй сыйлады.

 

Зайнуддин Махусеев

«Дүнген республикалық

этномәдени орталығы»

республикалық ҚБ төрағасы

 

 

АҚПАРАТТЫҚ ТОП ҚОРДАЙ АУДАНЫНДА

/in /by

Ағымдағы жылдың 15 шілдесінде мемлекеттік саясатты жүзеге асыру бойынша «Бейбітшілік және келісім» жобасы аясында Қордай ауданындағы Сарыбұлақ, Ауқатты, Сортөбе, Масаншы, Степной ауылдық округтері және оған қарасты Қызылсай, Бетқайнар, Арал, Қалғұтты, Қайнар ауылының тұрғындарына ақпараттық-түсіндіру жұмыстары жүргізілді.

Жамбыл облыстық ақпарат және қоғамдық даму басқармасы «Қоғамдық келісім» мекемесінің басшысы Мубарак Жинақбаева, республикалық ҚХА мүшесі, жергілікті меценат Таня Апаева және «Республикалық және облыстық «Вынхуа» Дүнгендер этномәдени бірлестігі» Аналар кеңесінің төрайымы Сара Даузова аталған ауылдардың тұрғындарымен жүздесіп, тілектеріне құлақ асты.

Кездесуде жұмыс тобы ауыл тұрғындарына қоғамдық келісім, мемлекеттік саясат, Ұлттық құрылтайдың үшінші отырысындағы басым бағыттар мен ҚХА сессияларында көтерілген өзекті мәселелерге тоқталып өтті. Сондай-ақ, топ мүшелері этносаралық арандатушылыққа жол бермей, тілдік, нәсілдік топқа жіктелуді болдырмаудың алдын алу жайын да тұрғындармен талқылады. Мемлекеттік тілді меңгеру барысында Қазақстан халқы Ассамблеясы төрағасының орынбасары Лугмар Буларовтың бастамасымен «БІРТҰТАС ҚОҒАМ: КЕЛІСІМ ЖӘНЕ СЕНІМ» жобасы аясында 200-ге жуық аудан тұрғыны тіл үйрену топтарына жазылуға өтініш білдірген екен.

Сонымен қатар, жүздесуде Қордай ауданы бойынша жаңадан тағайындалған маман Людмила Щербинина таныстырылды. Жаңа маман кәсіби медиатор ретінде тұрғындарға медиативтік консультация берді.

Одан кейін ғылыми-сараптау бөлімі тарапынан этносаралық жағдайды анықтау мақсатында терең сұхбат жүргізілді.

Өз кезегінде тұрғындар шет мемлекеттен келген қандастарға азаматтық алу мәселесін оңтайландыру, отбасы бұзылған кездегі баланың жағдайы, ауыз су, жол жөндеу секілді әлеуметтік-экономикалық маңызы бар мәселелерді ортаға салып, ұсыныстарын жеткізді. Тұрғындар тарапынан туындаған мәселелер жол картасына енгізіліп, бақылауда ұсталатын болады.

«САЛАУАТТЫ САНА» ЖОБАСЫ АЯСЫНДА КЕЗДЕСУ ӨТТІ

/in /by

Бүгін Қордай ауданының Сортөбе, Масаншы, Ауқатты, Степной, Сарыбұлақ ауылдарында республикалық «Салауатты сана» жобасы аясында ақпараттық-түсіндіру тобының кездесуі өтті.

«Салауатты сана» ҚР Президентінің ҚХА ХХХІІІ сессиясында сөйлеген сөзі негізіндегі қауіпсіз өмір сүру үшін арылу керек әлеуметтік кеселдермен күресу туралы берген тапсырмасы негізіндегі ҚХА Аналар кеңесінің жасақтаған бірегей жобасы.

Ауыл аналарына аталған жобаны республикалық ҚХА мүшесі, жергілікті меценат Таня Апаева мен «Республикалық және облыстық «Вынхуа» Дүнгендер этномәдени бірлестігі» Аналар кеңесінің төрайымы Сара Даузова таныстырды.

Жиын барысында әлеуметті әуреге түсірген нашақорлық, құмар ойындарға тәуелділік, отбасы және әлеуметтік зорлық- зомбылық, вандализм, ысырапшылдық секілді бес кеселдің тамырын жою, әйел денсаулығына қатысты алаңдатып тұрған мәселелердің маңыздылығы туралы айтылды.

Қыз-келіншектер мәселесін көтеруде сөз сөйлеген «Вынхуа» Дүнгендер этномәдени бірлестігі» Аналар кеңесінің төрайымы Сара Манкизқызы мемлекеттік органдармен, мәслихаттармен өзара іс-қимылды күшейту арқылы жалпыұлттық құндылықтарды ілгерілетуге, жалпыазаматтық бірегейлікті, қоғамдағы сенім мәдениетін нығайтуға, қоғамның әлеуметтік кеселдеріне қарсы іс-қимылға, жастарды тәрбиелеуге және жас кадрлар даярлауға бар күш-жігерді салу керектігі жөнінде айтты. Ал, жергілікті меценат Таня Мудалифовна әйел денсаулығының бәрінен маңызды екенін, сау анадан сау балалар тарайтынына ерекше тоқталды.

Мәжіліс барысында аталмыш жоба негізінде атқарылатын жұмыстардың жоспары, Аналар кеңесінің салауатты өмір сүретін саналы қоғам қалыптастыруы, «Адал азамат» тәрбиелеуге бағытталған жаңа жобаны жүзеге асыру бойынша ұсыныстары талқыланды.

Жиын соңында аналардың ұсыныстары мен пікірлері тыңдалды.

«САЛАУАТТЫ САНА» ЖОБАСЫ АЯСЫНДА КЕЗДЕСУ ӨТТІ

/in /by

Бүгін Қордай ауданының Сортөбе, Масаншы, Ауқатты, Степной, Сарыбұлақ ауылдарында республикалық «Салауатты сана» жобасы аясында ақпараттық-түсіндіру тобының кездесуі өтті.

«Салауатты сана» ҚР Президентінің ҚХА ХХХІІІ сессиясында сөйлеген сөзі негізіндегі қауіпсіз өмір сүру үшін арылу керек әлеуметтік кеселдермен күресу туралы берген тапсырмасы негізіндегі ҚХА Аналар кеңесінің жасақтаған бірегей жобасы.

Ауыл аналарына аталған жобаны республикалық ҚХА мүшесі, жергілікті меценат Таня Апаева мен «Республикалық және облыстық «Вынхуа» Дүнгендер этномәдени бірлестігі» Аналар кеңесінің төрайымы Сара Даузова таныстырды.

Жиын барысында әлеуметті әуреге түсірген нашақорлық, құмар ойындарға тәуелділік, отбасы және әлеуметтік зорлық- зомбылық, вандализм, ысырапшылдық секілді бес кеселдің тамырын жою, әйел денсаулығына қатысты алаңдатып тұрған мәселелердің маңыздылығы туралы айтылды.

Қыз-келіншектер мәселесін көтеруде сөз сөйлеген «Вынхуа» Дүнгендер этномәдени бірлестігі» Аналар кеңесінің төрайымы Сара Манкизқызы мемлекеттік органдармен, мәслихаттармен өзара іс-қимылды күшейту арқылы жалпыұлттық құндылықтарды ілгерілетуге, жалпыазаматтық бірегейлікті, қоғамдағы сенім мәдениетін нығайтуға, қоғамның әлеуметтік кеселдеріне қарсы іс-қимылға, жастарды тәрбиелеуге және жас кадрлар даярлауға бар күш-жігерді салу керектігі жөнінде айтты. Ал, жергілікті меценат Таня Мудалифовна әйел денсаулығының бәрінен маңызды екенін, сау анадан сау балалар тарайтынына ерекше тоқталды.

Мәжіліс барысында аталмыш жоба негізінде атқарылатын жұмыстардың жоспары, Аналар кеңесінің салауатты өмір сүретін саналы қоғам қалыптастыруы, «Адал азамат» тәрбиелеуге бағытталған жаңа жобаны жүзеге асыру бойынша ұсыныстары талқыланды.

Жиын соңында аналардың ұсыныстары мен пікірлері тыңдалды.

Page 2 of 4
1 2 3 4