Келелі кеңес отырыс өтті

/in /by

Тараз қаласы,  Достық үйінде облыстық  ҚХА  Ақсақалдар кеңесінің қатысуымен дөңгелек үстел отырысы өтті.

Алқалы  жиынға «Қоғамдық келісім» КММ басшысы Мүбарак Жинақбаева, Жамбыл облыстық  Ақсақалдар кеңесінің мүшелері, аудандық Ақсақалдар кеңесінің төрағалары мен өкілдері қатысты.

Жиынды Жамбыл облыстық ҚХА төрағасының қоғамдық орынбасары, Ақсақалдар кеңесінің төрағасы Асқарбек Ақылшаұлы Сейілханов жүргізіп, күн тәртібіндегі негізгі екі мәселені ортаға салды. Кездесуде әуелі  өңірлік ақсақалдар кеңесінің үлгілік жұмыс жоспары  және ақсақалдар кеңесі туралы  үлгілік ереже таныстырылды.

Наурыз айында Атырау қаласында Ұлттық құрылтайдың үшінші отырысы өткен болатын. Күн тәртібіндегі кезекті мәселе Ұлттық құрылтайдағы өзекті тақырыптар төңірегінде өрбіді.

Кеңес төрағасы Асқарбек Ақылшаұлы  Мемлекет басшысы Қасым-Жомарт Тоқаевтың «Адал адам – Адал еңбек – Адал табыс» атты  мәселесіне кеңінен тоқталды. Асқарбек Ақылшаұлы «Қай заманда болсын адам адал еңбегімен көрікті, адалдығымен ардақты. Жаңа құндылықтар бастауына ең алдымен адал азаматтарды қойып, адал еңбек етуге шақыруымыз керек. Ертеңгі болашаққа зиялы қауым өкілдері үлгі болуымыз қажет» деді.

Жиында Тараз қаласының  өзбек этномәдени бірлестігінің басшысы, кеңестің төраға орынбасары  Абдурахман Зайнутдинов, Тараз қалалық ардагерлер кеңесі төрағасының орынбасары Малтабар Жаманбаев жастар арасындағы белең алып келе жатқан өзге де мәселелерді ортаға салып, шешу жолын қарастырды.

Кеңес отырысының соңында  мекеме басшысы   Мүбарак Қасымқызының Жинақбаеваның Ұлттық құрылтай тәуелсіз еліміздің болашағы мен дамуы, татулығы мен бірлігі жолында жоғары маңызға ие екенін атап өтті.

МЕМЛЕКЕТТІК ТІЛДІ ЖОҒАРЫ ДЕҢГЕЙГЕ КӨТЕРУДІҢ ЖАҢА ӘДІСТЕРІ

/in /by

«Тіліміздің қолдану аясын кеңейте түсу мемлекеттік саясаттың басты бағыты болып қала береді. Бұл – біз үшін мызғымас ұстаным. Елімізде қазақ тіліне деген сұраныс жыл өткен сайын артып келеді. Қазақ тілі бизнестің, ғылым мен техниканың тіліне айнала бастады. Бұл үрдісті одан әрі дамытудың ең тиімді әрі төте жолы – ағартушылық» – деп   Мемлекет  басшысы  ІІІ Ұлттық құрылтайда қазақ тіліне байланысты атап өткеніндей бүгін, биылғы жылдың 3 сәуірінде ҚР Мәдениет және ақпарат министрілігі «Қоғамдық келісім» РММ ұйымдастыруымен мемлекеттік тілдің этносаралық қатынас тіліне айналуы әлеуетін арттыру мақсатында «Мемлекеттік тілдің мәртебесін көтеруде Қазақстан халқы Ассамблеясы құрылымдарының рөлін арттыру» тақырыбымен ZOOM-конференциясы өтті.

Маңызды шараға ҚР Парламенті Сенатының депутаты, «Тіл-Қазына», өңірлік «Қоғамдық келісім» өкілдері мен тіл жобаларының жауапты қызметкерлері, этномәдени бірлестік өкілдері қатарында Жамбыл облыстық ҚХА «Ассамблея жастары» РҚБ мүшелері және «Қоғамдық келісім» КММ қызметкерлері де  қатысты.

Спикерлер ретінде «Қоғамдық келісім» РММ директоры – Элина Масагутова, Сенат депутаты – Геннадий Шиповских,  «Qazaqstan» РТРК АҚ бас редакторы – Алла Гаврина, т.б. сөз сөйледі.

Конференция барысында қазақ тілінің қолданыс аясын кеңейту бойынша жүзеге асырылып келе жатқан Ассамблеяның:  «Ұлы даланың ұлтаралық тілі», «Мың бала» мәдени-ағартушылық жобасы,  «Менің таңдауым – қазақ тілі» челленджі,  «Мемлекеттік тілге 7 кадам»,  speaking-club форматында нетворкинг,  «Үйде сөйле» жобалары және өңірлердегі «Мәміле» клубтары  айрықша аталды.

Сондай-ақ, Qogam.Life арнасындағы «YouTube» платформасында «Ертегілер әлемі» жобасы бойынша 114 ертегіге бейнероликтер түсірілгені мәлімделіп, сонымен бірге ҚХА-ның Халықаралық «Қазақ тілі» қоғамы мен «Тіл-Қазына» ұлттық ғылыми орталығының бірлесе отырып, меморандумдар шеңберінде түрлі жобаларды жүзеге асыратындығы да сөз болды.

ЕЖЕЛГІ OSTERN-ПАСХАНЫ АТАП ӨТТІ

/in /by

Жамбыл облысының Немістер қоғамында көктем мен қайта түлеудің, жаңарудың Ostern, яғни ежелгі Пасха мерекесі көктемгі көтеріңкі көңіл-күймен белсенді түрде атап өтілді.

Іс-шара барысында қатысушыларды Жамбыл облыстық Немістер қоғамының төрағасы Александр Гибнер, «Радонеж» Орыс  қауымдастығының өкілдері құттықтады.

Мерекенің ерекшелігі – мектепке дейінгі балаларға білім беру орталығы және «Talente» театрының талантты жастарының қызықты ертегі қойылымы болып табылды. Көрермендер сахнада болып жатқан оқиғаларды  аса қызығушылықпен қабылдап, басты кейіпкері – қоянның пасха жұмыртқаларын таратуға тез үлгеру үшін желаяқ-етік іздегендігін, т.б. көріністерді тамашалады.

Сонымен қатар, «Поющие сердца» вокалдық ансамблі мен «Sternen» балалар вокалдық тобының  шығармаларына  жиналған жұртшылық тәнті болды.

Мерекелік шара көрермендердің жадында қуанышты естеліктер мен жағымды эмоциялар қалдырды.

ПАСХА МЕРЕКЕСІН АТАП ӨТТІ

/in /by

30 наурыздан 31 наурызға  қараған түні Тараз қаласының Рим-Католик шіркеуінде  «Пасха» мерекелік кеші  ұйымдастырылды.

Бұл мереке – отбасыларды дастарқан басына жинап, жақсылыққа  үміт сыйлайтын жарқын да қуанышты мереке.

Католиктік Пасхада  көпшілікке жұмыртқа, нан, тұз, пісірілген ет, шұжық тағамдарына  толы себеттер  таратылды.

Шарада ұсынылған тағамнан жиналған  жұртшылықтың барлығы да толық дәм тата алды.

Осы күні Жамбыл облыстық «Полонез»  поляк тілі мен мәдениеті қоғамдық бірлестігі «Өмірлік қиын жағдайға тап болған балаларды қолдау» орталығына барып, балаларға пасха тоқаштары мен жұмыртқаларын ұсынып, сыйлықтар табыстады.

Кештің ерекшелігі – орталықтың түрлі этностардан құралған тәрбиеленушілері келушілерге әсем әннен шашу шашып, қазақ халқының ұлттық аспабы домбырада күй тартып, кештің көркін келтірді.

Көктем – тазалық пен тәртіпті орнатудың дәстүрлі уақыты

/in /by

Көктем – тазалық пен тәртіпті орнатудың дәстүрлі уақыты. Осыған орай, бүгін «Қоғамдық келісім» КММ ұжымы Достық үйінің аумағында сенбілікке шықты.

Мекеме қызметкерлерінің мақсаты —Адамбаев және Байзақ батыр көшелерін тазартып, қаланың сәнді өңірінен қала тұрғындары мен қонақтарына жағымды атмосфера сыйлау.

Бұл іс – шараның ерекшелігі — бүкіл ұжым мүшелерінің белсенді қатысуы. Өйткені, сенбілік-бұл аумақты тазарту ғана емес, сонымен бірге жақсы қарым-қатынас, көтеріңкі көңіл-күй, жағымды эмоциялар, табиғатты аялау.

ШУ АУДАНЫНДА АЙМАҚТЫҚ КОУЧИНГ ӨТТІ

/in /by

Шу ауданында «Мемлекеттік саясаттың қоғамдық келісім мен жалпыұлттық бірлік саласындағы қазіргі жай-күйі: өңірлік даму ерекшеліктері» тақырыбындағы аймақтық коучинг өтті.

Аталмыш жиынға мемлекеттік қызметкерлер, жергілікті тұрғындар, жастар және этномәдени бірлестік мүшелері қатысты.

«Қоғамдық Келісім» КММ ғылыми-сараптамалық қамтамасыз ету бөлімінің бас сарапшысы, облыстық ҚХА ҒСТ мүшесі Ербол Қаншымбеков модераторлық еткен отырыста өңірлік топтың мүшелері баяндамалар жасады.

М.Х.Дулати атындағы Тараз өңірлік университетінің «Әлеуметтік психология» кафедрасының аға оқытушысы, психология ғылымдарының магистрі Айгүл Абдрахманова «Мен» концепциясының қарым-қатынастағы рөлі» және аталған оқу орнының «Мемлекеттік және әкімшілік құқық» кафедрасының аға оқытушысы Феруза Закирова «Қазақстандағы ұлтаралық қатынастардың стандарттары» атты тренинг өткізді.

Екі күнге ұласқан сабақтар барысында қатысушылар жаттықтырушыларды тыңдап, сұрақтар қойып, тиісті жауаптарын алды.

БАЙЗАҚ АУДАНЫ ЖАСТАРЫМЕН КЕЗДЕСУ ӨТТІ

/in /by

Жамбыл облысы ІСБ әкімдігі «Қоғамдық келісім» КММ ұйымдастыруымен Байзақ ауданы жастарымен кездесу өтті.

Жиында медиация кабинетінің меңгерушісі Валентина Досыбиева Қазақстандық қоғамда достық пен бірліктің дәстүрлі құндылықтарын насихаттау, этномедиация институтын этносаралық ортадағы жанжалды көріністерден бас тартуға бағытталған әлеуметтік көзқарастар туралы сөз қозғады.

Жастармен кездесу кезінде ерекше атап өтілуі тиіс тағы бір жайт құқық бұзушылықтар үшін заңды жауапкершілік мәселесі. Аталған жағдай орын алмау үшін қолданыстағы құқықтық нормалар түсіндіріліп, жас буынға Заң мен тәртіпті сақтау керектігі тапсырылды.

Сондай-ақ, жиында «Ассамблея Жастары» РҚБ арқылы этникалық жастармен жұмысты жандандыру, мемлекеттік тілдің этносаралық коммуникация тілі ретіндегі қоғамдық маңыздылығы, Кұрылтайда көтерілген діни радикализмге жол бермеу сынды мәселелер де басты назарда болды. Аталған ауқымды тақырыптар аясында облыстық ҚХА Ақсақалдар кеңесінің төрағасы Асқарбек Сейілханов және «Қоғамдық келісім» мекемесінің қызметкері Рахат Ерханұлы кеңінен тоқталды.

Жиында этносаралық шиеленісті талдау және олардың алдын алу шараларын әзірлеу үшін респонденттерден мазмұнды ақпарат алу мақсатында облыстық ҚХА ҒСТ жастар арасында сараптамалық сауалнама жүргізді.

Page 3 of 3
1 2 3