Archive for year: 2023

Мемлекет басшысы Қасым-Жомарт Тоқаевтың ұстанған сарабдал саясатының аясында елімізде де, өңірімізде де көптеген іргелі істер еңсерілуде. Ел басқарушысының Жолдаулары да және соның негізінде туған мемлекеттік жобалар да – мол еңбектің арқасы.

Өзіміздің республикалық ҚХА ілгерілетіп жатқан ұлттық құндылықтар мен идеологияны, дәстүрлерді, сындарлы саясатты насихаттайтын тың жоба боп кіріп, құлашын кең жайып кеткен ҚХА құрылымдарына қатысты «Мәдениетті Ана – мәдениетті Ұлт», «Бір Ел», «Достық керуені», «Әралуандылық – бірлікте», «Мектепке жол» және басқв да көптеген қайырымдылық акциялары, мемлекеттік тілдің меңгерілуін дамыту, сондайлық, жастар арасында жүргізіліп жатқан түрлі челлендж, акция, зияткерлік жобалар негізінде жастарымызбен де, Ақсақалдар, Аналарымызбен де, Ғылыми-сараптамалық кеңес және Медиациямен де, Журналистер клубымен де жарияланымдардан көріп оқып отырмыз, «Қоғамдық келісім» мекемесі ұйымдастыруымен біршама жұмыстар атқарылып жатқандығы баршаға белгілі.

Осы бір маңыздылығы жоғары аталмыш бастамалар мен жалғастырулар халық арасында қызу талқыланып, өңіріміздегі әрбір азаматтың қызығушылығын арттыруда. Қарапайым мысал, «Мәдениетті ана – мәдениетті ұлт» – бір ғана жобаның өзін алып қарайықшы, қыруар шара, шаруа өндірілген ғой. Аналар кеңесі командасымен түрлі бейнеролик, ақпарлардан көзіміз көріп отыр, әр этностық салт-дәстүрі жаңғырып, бұрындары біз білмеген ұлттық достық дастархандары дәріптеліп, жас жеткіншек қыздарымызға үлкен тәрбие, әр шарадан ұлдарымызға дұрыс бағыт, мықты ұлағат боп өнеге беріліп жатыр.

Мәселен, жуырда ғана облыс әкімдігінің ішкі саясат басқармасы мен “Қоғамдық келісім” мекемесінің бірігіп жүргізген этностар жиі шоғырланған аймақтардағы ақпараттық-түсіндіру жұмыстары, одан бері қыркүйек айының соңына тақау басталып, әлі жалғасын табатын республикалық “Достық керуені” жобасы этносаралас аудан тұрғындарына серпіліс әкелгені айтпаса да белгілі.

Әр түрлі игі тақырыптағы акциялар мен жобалар, менің әріптестерім мен қызметтестерімнің ерен еңбектері арқылы іске асуда.

Жалпы алғанда, өзім облыс, қала, аудан көлемінде ұйымдастырылып жүрген ҚХА-лық іс-шаралардан шама-шарқымша қалмауға тырысып, жиі қатысып тұрамын. Сондағы байқағаным, аталмыш шаралардың барлығы асқан жауапкершілік, ерекше еңбексүйгіштік, зор еңбекқорлықпен нәтижелі, жемісті боп орындалып шығып жатады.

Қызметтестерімнің бойынан адами қасиеттердің ішінен еліне деген адалдық пен еңбексүйгіштігін жоғары бағалаймын. Себебі, аздаған уақыт аралығында біріншіден, Президентіміздің қажырлығы, екіншіден, бірізді саясатымыздың, үшіншіден, жергілікті және басқа да өңірлердің қажырлы еңбегінің арқасында, сондай-ақ, әрине, мемлекетімізде жалпықазақстандық бірегейлік пен бірлік нық орын алғанынан еліміз әлемдік державалар санасатын дәрежеге жетті деп ойлаймын.

Сондықтан, Еңбек дегенде, ел дегенде ерінбей, ойлау қабілетіміз де ұшқыр, қажыр-қайратымыз да сембес, күш-қуатымыз да сарқылмас мықты болайық! Ел тірегі тек еңбекпен ғана тік тұратынын ұмытпайық!

Жалил Азимұлы Аббосов, ҚХА мүшесі, Байзақ аудандық «Ахыска» түріктер этномәдени бірлестігінің төрағасы, облыстық «Ахыска» Түріктер мәдени орталығы» ҚБ өкілі

Татулық – достықтың, ынтымақ пен бірліктің синонимі. Ол адамзаттың бойындағы ізгі қасиеттердің бірі. Татулық – адамның қоғамда жайлы өмір сүруі үшін негізгі қажеттілік болып табылады.

Сондай-ақ, қоғамдағы тыныштық пен береке-бірліктің артуы үшін этносаралық және конфессияаралық татулықтың маңызы зор. Сондықтан алауыздық пен өшпенділікке жол жоқ.

Ұлан байтақ жеріміз өз этнос өкілдерін татулық пе келісім арқылы сыйластықты арттыруы басты назарда екені белгілі.

Ұлтаралық келісім мен татулық нық орнаған елміз деп нық айта аламыз. Қазақстанның өсіп өркендеуінің бірден бір қайнар көзі – осындай ізгі қасиет, дәстүрге ілтипат, өзара сыйластық пен достықтан бастау алады.

Бүгінде елімізде ұлты мен дініне қарамастан, барлық ұлт бір шаңырақтың астында бейбіт өмір сүруде. Ешқандай алауыздық болмас үшін өзара түсіністік пен бірлік бола білгені аса маңызды.

Өшпенділік адамдар арасында талас-тартыс бар жерде, көзқарастары бір-бірімен үйлеспейтін кезде пайда болады. Сондықтан да тату болайық!

Қазіргі таңда Қазақстанда 140-тан астам ұлт өкілдері тату-тәтті өмір сүруде.Бұл – біздің татулығымыздың, достығымыздың көрсеткіші. Қандай жағдай болмасын,осы берекелі күнімізден айырылмауға тырысайық.Себебі,татулық пен достық – біздің таптырмас бақытымыз бен байлығымыз.

Жамбыл облыстық «Хазар» Әзірбайжан этномәдени бірлестігінің төрағасы

Асабали Пойлиев

Ағымдағы жылдың 23 қыркүйегінде Жамбыл облысының «Анаға тағзым» орталығында Түрік Аналар кеңесі өз дәстүрлерін дәріптеді.

Роза Индоевнаның жетекшілігімен  «АХЫСКА» түрік этномәдени орталығы өзінің ұлттық бас киім «КАТХА» үлгілерін, ұзатылатын бойжеткен қызды ұзату, беташар бойынша киіндіру үрдісін айрықша көрсетті.

Сонымен қатар ұлттық түрік тәттілерін атап айтқанда «Шекерляма», «Семит», «Сенор», «Базлама», «Хачапур», «Катмер», «Баклава» т.б ұсынды.

Шараның ерекшелігі – ұмытылып бара жатқан ұлттық киім дәстүрін жаңғыртушы шеберлер мектебімен таныстыру.

Айта кетейік, «Анаға тағзым» орталығының психолог маманы Жанар Дүкенбайқызы отбасыларға психологиялық тегін көмектің бар екендігін айта кетті.

«Ақпараттық жұмыс және қоғаммен байланыс» бөлімі

20 қыркүйек күні «Достық керуені» жобасы аясында облыстық ҚХА Ақсақалдар кеңесінің «Ақсақалдар кеңесі – ел бірлігінің кепілі» тақырыбында көшпелі отырыс өтті.

Отырысқа Облыстық «Вынхуа» дүнгендер қауымдастығы Ақсақалдар кеңесінің төрағасы – Маюфи Абдулхалил, Жамбыл облысы ҚХА Ақсақалдар кеңесінің мүшесі – Юнусов Идрис, «Архыз» республикалық қоғамдық бірлестігінің Бірлік – қарашай-балқарлардың Жамбыл филиалы» қоғамдық бірлестігінің ақсақалдар кеңесі төрағасының орынбасары – Хаджимуратов Исмаил, Қордай ауданы Ақсақалдар кеңесінің төрағасы -Сейілханов Әбдібек және Қордай аудандық ҚХА Ақсақалдар кеңесінің мүшелері қатысты.

Отырыс барысында облыстық ҚХА Ақсақалдар кеңесінің мүшесі – Юнусов Идрис жалпы облыста ақсақалдар кеңесінің жұмысын жандандыру мақсатында ел ішінде жастарға ақыл-кеңесін айтып, дұрыс жол сілтейтін данагөй қарияларымыз аянбай еңбек етуде екендігін, ақсақалдарымыз өскелең ұрпақты тәрбиелеуге, ел бірлігін сақтауға атсалысып, ортақ іске зор үлес қосып жатқандығын жеткізді.

Қордай ауданы Ақсақалдар кеңесінің төрағасы – Сейілханов Әбдібек этностарды қоғамдық өмірге интеграциялау, этнос өкілдерінің әскерге баруы, аудандағы медиация жұмысын жүйелі жүргізу және ақсақалдар институтының жастармен жұмысын жандандыру мәселелерін көтерді.

Іс-шара соңында еліміздің даму жолында қоғамдық келісім мен бірлікті нығайтуға қосқан үлесі мен белсенді еңбегі үшін аудандағы бірқатар Ақсақалдар кеңесінің мүшелеріне Алғыс хаттар беріліп, сыйлықтар табысталды.

Жамбыл облысы әкімдігінің ішкі саясат басқармасының «Қоғамдық келісім» КММ ұйымдастыруымен «Достық керуені» жобасы аясында ағымдағы жылдың 20 қыркүйегінде Қордай ауданының Мәдениет үйінде облыстық ҚХА Аналар кеңесінің активтері, Қордай аудандық Аналар кеңесінің төрайымы мен белсенді мүшелері, аудандық ішкі саясат бөлімі, құқық қорғау органы қызметкерлері, этномәдени бірлестіктерінің өкілдері, сондай-ақ, Қаракемер, Ауқатты, Қарасу, Сортөбе, Масаншы ауылдары Аналар кеңесінің жетекшілері және өңірлік ҚХА медиаторлары, барлығы 10 ауылдық округтің кеңес мүшелері қатысқан аудандық Аналар кеңесінің кеңейтілген отырысы өтті.

Отырыстың модераторы болып «Қоғамдық келісім» КММ басшысы – Мүбәрак Касымқызы іс-шараны өзі бастап кетті.

Жиын барысында аудандық Аналар кеңесінің – білім беру ұйымдарымен тығыз байланысы, мектеп, бала-бақша ата-аналарымен жұмысты күшейту, аудандағы дағдарыс орталығы психолог-мамандарымен байланысы, қыздар арасындағы ерте тұрмыс құру, ерте жүктіліктің алдын алу бағытындағы жұмысты күшейту мәселелері сөз болды. Сондай-ақ, этнос әйелдерін қоғамдық-мәдени шараларға тарту, оларды әлеуметтендіру және мемлекеттік тілді меңгеруді қолға алу, тіл үйренудің тиімді жолдары талқыланды.

Мемлекеттік тілді жылдам үйрену әдіс-тәсілдері бойынша Сортөбе ауылы Аналар кеңесінің озық тәжірибелері аталып өтті. Мәселен, дүнген этносының өкілі Салима Вансильван жаз бойы жазғы демалыста балаларын қазақ отбасына жіберетіндігін сөз етіп, тілді тез үйренудің бір қарапайым жолымен бөлісті.

Сонымен бірге, сөз сөйлегендер қатарында Жамбыл облысы Полиция департаментінің «ЖПҚБ әйелдерді зорлық -зомбылықтан қорғау» тобының аға инспекторы, полиция подполковнигі Диляфруз Кенжиханова тарапынан «Отбасында зорлық-зомбылыққа жол жоқ!» тақырыбында сөз қозғалып, жиналған аналарға осы бағыттағы заңнамалық өзгерістерге түсініктеме беріп, зардап шегуші болған жағдайда сенім телефондарына хабарласу мүмкіндігін пайдалануға және жалпы еліміздегі әрбір ананың құқықты сауатты болуы жөнінде нақты ұсыныстар берілді.

Бұған қоса, отбасындағы тұрмыстық зорлық-зомбылық туралы, қолайсыз отбасыларында балаға қысым жасап, қол жұмсап, баланы келеңсіз жағдайға душар еткен ата-аналарға шара қолдану, жапа шеккендерге психологиялық, әлеуметтік көмек беру тақырыбына кең көлемде тоқталды. Осы тұста Тараз қаласынан арнайы барған облыстық ҚХА медиаторы Ирина Федорова мен «Қоғамдық келісім» мекемесінде орналасқан ҚХА Медиация кабинетінің меңгерушісі Валентина Досыбиева да этностар үшін Қазақстанда барлық мүмкіндіктер жасалғандығын тілге тиек етті.

Жиын соңында шараның модераторы, мекеме басшысы Мүбәрак Қасымқызы ҚХА Аналар кеңесімен кеңесе жұмыс атқарған Қордай ауданының белсенді аналарына естелік сыйлықтар тарту етіп, алғысхаттармен марапаттады. Жиын көңілді фотосессиямен аяқталды.

«Ақпараттық жұмыс және қоғаммен байланыс»  бөлімі