Білім берудегі Медиация-уақыт талабы

/in /by

Ағымдағы жылдың ақпанында ZOOM алаңында Жамбыл облысы әкімдігінің білім басқармасы мен Жамбыл облысы әкімдігінің ішкі саясат басқармасының «Қоғамдық келісім» КММ-нің ұйымдастыруымен онлайн форматта «Білім беру саласындағы медиация қызметі» атты конференция өтті.

Балалардың құқықтарын қорғау жөніндегі бас маман – арын Маржан Сейлханқызы құттықтау сөз сөйледі. «2020-2023 жылдарға арналған Жасөспірімдер арасындағы суицидтердің санын арттыру мәселелерін шешу және тұрмыстық зорлық-зомбылыққа қарсы іс-қимыл, бала құқықтарын қорғауды күшейту жөніндегі жол картасын бекіту туралы» ҚР Үкіметінің 2020 жылғы 30 наурыздағы №156 қаулысының 15-тармағына сәйкес облыстың білім беру ұйымдарында үлкен жұмыс жүргізілуде. Қауіпсіз орта құру үшін білім беру ұйымдарында қауіпсіз кеңістік қалыптастыру үшін медиация институтын енгізу қажет. Біз «мектеп медиациясы қызметі туралы ережені» бекіттік, сондай-ақ білім беру бөлімдері мен әлеуметтік педагогтардың жауапты мамандары, құқықтық тәрбие жөніндегі орынбасарлары, педагог-психологтар үшін осы бағыт бойынша консультативтік-әдістемелік жұмыс бойынша бірқатар іс-шараларды бастадық. Бүгін Жамбыл, Қордай, Шу және Меркі аудандарының білім беру саласының өкілдері медиативтік дағдыларды меңгереді», – деп атап өтті ол.

Конференция аясында Валентина Досыбиева облыстық (ҚХА Медиация кабинеті меңгерушісі) және С.Дауылбаева (Жамбыл ауданы Гродекова ОМ ППН меңгерушісі, ҚХА медиаторы) «Білім беру жүйесіндегі медиация қызметі» тақырыбында семинар-тренинг өткізді. Олар қатысушыларды медиацияның әдістемелік негіздерімен, рәсімімен, қағидаларымен және оның білім беру жүйесінде қолданылуымен таныстырды. Г.Кошекбаева (Байзақ ауданы медиаторлар қауымдастығының төрайымы) ауданда медиация кабинеттерін ашу тәжірибесімен бөлісті. Мелдебекова Д. С. (Байзақ ауданы Үлгілі орта мектебінің құқықтық тәрбие жөніндегі меңгерушісі, ҚХА медиаторы) Мектеп медиациясы қызметін дамыту жолдары және оларды құру алгоритмі туралы айтып берді. С.Калабаева (Сарыкемер ауылы №1 гимназия мектебінің тәрбие жұмысы жөніндегі меңгерушісі) мектепте осы қызметті жоспарлау және құру кезеңдері туралы таныстырды. Н. а. Оразқұлова (Шымкент қаласы медиаторлар қауымдастығының президенті) өз қаласында медиация қызметін құру тәжірибесімен бөлісіп, онда жұмыс істеу үшін әдістемелік құралдарды, буклеттерді ұсынды.

Спикерлердің барлық баяндамалары білім беру саласында медиацияны жандандыру үшін слайдтар мен ұсыныстармен сүйемелденді. Конференция барысында қатысушылар медиаторларға өздерін қызықтырған сұрақтарын қойып, оларға толық жауаптар мен кеңестер алды.

Сөз сөйлегендер білім беру ұйымдарында медиацияның маңыздылығын атап өтті, ол балалардың құқықтарын қорғауды қамтамасыз етіп қана қоймай,

қауіпсіз кеңістікті, тең мүмкіндіктерді қалыптастыру және олардың мүдделерін қорғау үшін жағдай жасайды.

«Қоғамдық келісім» КММ Баспасөз орталығы

Жамбыл облысы ІСБ



Жамбыл облысы ҚХА жастары «Өмір сыйла» акциясына қатысты

/in /by

Донор болу – біреудің өмірін ғана емес, өз өміріңді де құтқару. Қан тапсырудың адамды ынталандыратын әсері бар екені ғылыми түрде дәлелденген, яғни, донорлар – өте белсенді және өмірге құштар жандар. Әлемде қан құюға жыл сайын миллиондаған адамдар мұқтаж болады. Осыған орай, ағымдағы жылдың ақпан айында Жамбыл облыстық «Жаңғыру жолы» республикалық жастар қозғалысының өңірлік штабының белсенділері Тараз қаласындағы «Қан орталығына» барып қан тапсырды. Айта кетейік, қайырымдылық шара жыл сайын дәстүрлі түрде өткізіліп келеді. Қан өткізуге, қайырымдылыққа ерікті түрде атсалысатын жастардың биылғы жылғы шарасы «Өмір сыйла» акциясы аясында өткізілді. Қолдарына ҚХА жалауын ұстаған жастар, «Қан орталығы» ғимаратының алдында жиналды. Бұл игілікті іс әрбір жанға үлгі болары сөзсіз.

Қан қандай жағдайда керек? Сырқат жандар күнделікті қан құюға мұқтаж болады. Қан немесе қанды құраушы компоненттер жол-көлік оқиғасына ұшыраған, босанғаннан кейінгі ауыр жағдайдағы әйел азаматшаларға, сырқаты терең балаларға ауадай қажет. Ал гемофилиямен және анемия ауруына шалдыққандарға өмірін сақтап тұру үшін тек қан керек. Әлемнің әрбір үшінші тұрғыны бір рет донорлық қанды қажетсінеді дейді статистика. Ал «Донор» дегеніміз –өзінің қанын беру арқылы біреуге өмір сыйлайтын адам.

Жамбыл облысы әкімдігі ІСБ «Қоғамдық келісім» КММ-нің ерікті донорлары, Тараз қалалық Қан орталығының қолдауымен өткен атаулы акцияға ерекше ынта-ықыластарымен атсалысты.

Алдымен тіркеу бөлімінен өтіп, зертханалық кабинетте талдама жасалынды. денсаулығы жарамды деп танылған қыз-жігіттер қанға мұқтаж жандарға өз қандарын өткізіп, қайырымды іс жасады.

Орталық басшысы Умаров Гулам Мухтарұлы қайырымдылық іске белсене қатысқан жастардың ізгі ниеттеріне өз ризашылығын білдірді. Осынау дәстүрлі шара жалғасын тауып, қайырымдылыққа жаны құмар мейірімді жастардың қатары көбейсе деген тілегін де жасырмады. Мұндай жауапты әрі өте маңызды шараға жас буынның саналы түрде қатысуы қуанарлық жағдай екенін ерекше атап өтті.

Сонымен қатар, Жамбыл облыстық «Жаңғыру жолы» республикалық жастар қозғалысының өңірлік штабы жастарының жетекшісі Хамида Турдыева: – «Қайырымдылық акциясына барлығы 25 жас қатысып, белсенділік танытты. «Өмір сыйла» қайырымдылық акциясы алдағы уақытта да өз жалғасын табады және оған қатысушылар саны артып келеді» -деді.

Шара соңында акцияға қатысушылар мекеме қызметкерлерімен естелік суретке түсті.

Жамбыл облысы әкімдігі

ішкі саясат басқармасының

«Қоғамдық келісім» КММ

Баспасөз орталығы





Мектеп медиациясы қызметі – уақыт талабы

/in /by

Мектеп қабырғасындағы жанжал жағдайларының саны жыл сайын едәуір артып келе жатқандықтан, білім беру жүйесінің жұмысына медиативті тәжірибені енгізу қажеттілігі туындады. Жастардың болашағы бар және ол бізге байланысты болады. Егер ол қазіргі қақтығыс жағдайынан, мінез-құлық мәдениетінен, құрдастарымен, аға буын өкілдерімен қарым-қатынас мәдениетінен лайықты жол табуды үйренсе, онда ол одан да үлкен жаста, оның аумағынан емін-еркін өзі шешіп шыға алады. Ол үшін облыс мектептерінде медиация кабинеттерін немесе бұрыштарын ашу және олармен татуласу қызметтерін құру қажет, олар келеңсіз мәселелерді келіссөздер арқылы шешуде жанжалдасушыларға жағдай жасайды.

ҚР Президенті Қ.Ж.Тоқаевтың елімізде медиация институтын дамыту жөніндегі Жолдауын іске асыру мақсатында Жамбыл облысы ҚХА медиация кабинетінің міндеттерінің бірі медиация институтын білім беру саласында жандандыру болып табылады, ол құқықтық мәдениетті арттырып қана қоймай, ондағы жанжалдарды, агрессиялық, қауымдық көріністерді төмендетеді.

Осыған байланысты, ағымдағы жылдың ақпан айында Байзақ ауданының медиаторлары Көшекбаева Г.А., Мелдебекова Д., Балабеков С. өз ауданында Мектеп медиациясы қызметтерін ашу жұмыстарын үйлестірді. Бұған алғашқы қадам Байзақ ауданы Қызыл Жұлдыз ауылдық округінің Үлгілі орта мектептерінде, Сарыкемер ауылының №1 мектеп-гимназиясында, Н. Ақшабаев атындағы орта мектебінде «Мектеп медиация қызметінің жұмысын жетілдіру» тақырыбында семинарлар мен дөңгелек үстелдер өткізу болды. Бұл іс-шаралар судьялардың, әкімдік, ішкі саясат бөлімі, ІІБ өкілдерінің, ювеналды полиция қызметкерлерінің, қоғамдық келісім кеңесі мүшелерінің, билер мен ҚХА медиаторларының қатысуымен өткізілді.

Осы мектептерде құрылған, білім беру ұйымдарының қызметкерлерінен, оқушылар мен ата-аналардан тұратын Медиация қызметтеріне осы ауданның ҚХА медиаторлары да кірді. Олар жұмыстың бастапқы кезеңінде өз тәжірибесіне сүйене отырып, ОММ мүшелеріне жанжалдарды шешуде медиативтік тәсіл дағдыларын қалыптастыруға көмектеседі.

Бұл қолайлы жұмыс әр мектепте жалғасады, өйткені бұл ондағы қауіпсіз кеңістікті қалыптастыруға жағдай жасайды!

Жамбыл облысының ІСБ

«Қоғамдық келісім» КММ

Баспасөз орталығы


Таразда «Калинка» вокалдық ансамблінің 5 жылдығы атап өтілді

/in /by

Жамбыл облыстық «Радонеж» орыс қоғамы қоғамдық бірлестік ретінде 1993 жылдың наурыз айынан бастап  тіркелді, содан бері этномәдени бірлестік облыстық Қазақстан халқы ассамблеясы ұйымдастырған, өңірлік этносаралық келісімді нығайтуға, патриотизмді насихаттауға, мемлекеттік бірегейлікті құруға бағытталған іс-шараларға белсенді қатысатын ұжымдардың қатарына кірді. Ал «Калинка» ансамблінің алғашқы кәсіби қойылымы Тараз қаласының Мәдениет үйінің сахнасында орыс халқының ою-өрнектерімен көмкерілген кестелі ұзын ақ-қызыл сарафандарын киген әйелдер ұжымы және «Радонеж» орыс этномәдени бірлестігі мүшелерінің орындауында «Ой, цветет калина» әнімен басталған болатын.

«Хоровод» биін және «Ой, цветет калина» әнін осы шығармашылық топтың негізін қалаушы және көркемдік жетекшісі Владимир Владимирович Сорокин сахнаға шығарып, облыста айтарлықтай жетістікке жетті. Осы қойылымнан кейін «Калинка» ансамблі атауын алған болатын.

Бес жылдан астам шығармашылық қызметінде В.Сорокин халықтық негізде аталмыш ансамбльдің көмегімен отыздан астам сахналық туындыларды ел назарына ұсынды. Өңірде барлық қоғамдық маңызы бар мәдени іс-шараларға қатысатын «Калинка» шығармашылық ұжымы әрдайым сұранысқа ие. Бұл жөнінде неге сөз қозғап отырмыз?!

Себебі, осыған орай, ағымдағы жылдың ақпан айында Тараз қаласының Достық үйі ғимаратында «Радонеж» Жамбыл облыстық орыс қоғамы» қоғамдық бірлестігінің ұйымдастыруымен «Калинка» вокалды ансамблінің бес жылдығы атап өтілді.

Іс-шара барысында Жамбыл облысы әкімдігінің ІСБ «Қоғамдық келісім» КММ басшысы Рано Убайдуллаева ансамбль мүшелерін 5 жылдығымен

құттықтап, Жамбыл облысы өңірлік ҚХА іс-шараларына белсенді қатысқаны үшін шын жүректен алғысын білдірді. –«Кеше ғана біз «Калинка» ансамблінің ашылуында болған сияқты едік, ал бүгін сіздер осы көркемдік ұжымның 5 жылдық мерекесінің куәгерлері мен қатысушылары болып отырсыздар. Ансамбльдің әндері мен билері 5 жыл ішінде өз көрермендерінің жүректеріне жол таба білді. Шығармашылық топтың белсенді мүшелерінің ерен еңбегі мен өміріне шығармашылық табыс және отбасылық амандық тілеймін! Бүгін «Радонеж» орыс қоғамының бірлестігі ұйымдастырған кеш барлығына ерекше көңіл-күй сыйласын!».

Концерт барысында сахнада «Шолпан» қазақ әні, «Ляйсан тамчилары» вокалдық тобының қатысуымен «Эх, Тала, Тала» татар әні, «Ой нэ свиту мисяченьку» украин халық әні сияқты композициялары қойылды. Сондай-ақ, бұған қоса, «За тихой рекою», «Голубая ночь», «Хмель», «Кумушка», «Не грусти, калинка», «Ночка луговая» және т.б. әндер шырқалды. В.Сорокин өз ұжымының шығармашылығы туралы былай деді: – «Біздің кез-келген жұмысымыздың бел ортасында орыс «хороводы» немесе лирикалық және көңілді әндер болсын, мұның бәрі орыс этникасының символы болып табылады. Біз орыс халық өнерінің этностық ерекшелігін барынша айқын білдіргіміз, көрсеткіміз келеді. Бұл біздің ансамблімізге шабыт көзін сыйлайды».

Аталған іс-шарада «Жас дәурен» үлгілі хореографиялық ансамблі «орыс хороводы», «орыс биі» және «Домбыра» қазақ биі билерімен өнер көрсетті. Сондай-ақ, Дон казактарының әні «Как за Доном за рекой», песни «Хуторок», «Крапива Лебеда» т.б.әндер шырқалды.

Іс-шара соңында «Радонеж» орыс қауымдастығының төрағасы және «Калинка» вокалдық ансамблінің көркемдік жетекшісі Владимир Сорокин шығармашылық топтың барлық мүшелеріне алғыс айтып, қатысушыларды алғыс хаттармен марапаттап, оларға естелік сыйлықтар табыс етті.

Қазіргі уақытта да облысымызда «Калинка» ансамблі шығармашылық қызметін жалғастыруда және кеңінен танымал.

Жамбыл облысы әкімдігінің

ішкі саясат басқармасының

«Қоғамдық келісім» КММ

Баспасөз орталығы







Отбасы, мектеп және қоғам ынтымақтастығы – болашақ игілігі

/in /by

Отбасы, мектеп және қоғам тәрбиесінің жеке тұлғаны дамытудағы ортақ ықпалдастық жолдарын талқылау, мектеп, отбасы, қоғам арасындағы ынтымақтастықты қалыптастыру, ата-аналарды бірлескен іс-әрекетке тарту. Осындай мақсатпен ағымдағы жылдың ақпан айында Жамбыл облысы Байзақ ауданының Сарыкемер ауылының №1 мектеп-гимназиясында Медиация қызметі кеңесінің мүшелері, мектеп әкімшілігі, Байзақ ауданы медиаторлар қауымдастығының төрағасы Ғайни Көшекбаева аудан медиаторларының қатысуымен дөңгелек үстелін өткізді.

ОММ үйлестірушісі, тәрбие жұмысы бойынша Сая Калабаева, «Үгіт – насихат» мектеп штабының жетекшісі, мектептің ғылыми-әдістемелік жұмысы бойынша Гүлназ Мұраталиева ОММ және оқушылардың медиация өзін-өзі басқару жұмысы жаңа технологиялар екенін атап өтті. Мектептегі дауларды білім берудің негізгі буыны медиаторларын – балаларды тарта отырып шешу және олар жанжалдар мен келіспеушіліктерді жазалау емес, сындарлы шешуге жағдай жасайды. Жалпы алғанда, олар оң нәтижелер береді және даулар мен қиын жағдайға тап болған балалар мен ересектер арасындағы құқық бұзушылық жағдайларында білім беру процесінің барлық қатысушыларына әлеуметтік-психологиялық, құқықтық көмектің әдістері мен формаларын ұсынады.

ОММ кеңесінің мүшелері – педагог-психолог Нұржан Жұмағұлов, әлеуметтік педагог Айгүл Нұрманова, тарихшы Айжан Садықова ОММ -де құрылған балалар медиациясы қызметі оқушылардың девиантты мінез-құлқының алдын-алу мен түзетуге ғана емес, сонымен бірге қолайлы әлеуметтік- психологиялық климат, сонымен қатар ұлттық қана емес, басқа да әлеуметтік-мәдени, тұлғааралық қатынастарды сауатты шешеді. Жұмыста оқушылар мен ересектер арасындағы мазасыздық, агрессия деңгейін анықтау үшін әр түрлі тесттер, сауалнамалар, әңгімелер қолданылады.

9-сынып оқушысы «Жас медиатор» Әсем Жұмахан жасұландықтардың «Жеті жарғы» бағыттары бойынша «Жас Ұлан», «Жас Қыран» балалар мен жасөспірімдер ұйымдары арқылы балалардың позитивті белсенділігі мен өмірлік позициясын қалыптастыру үшін өз қызметін қалай жетілдіретінімен бөлісті. Сондай-ақ, «Руханият», «Зерде», «Отан» бағыттары арқылы да даулар мен қақтығыстарды шешудің өркениетті формаларын саралап, қоғамдық белсенділікке тәрбиелеу, коммуникативті және лингвистикалық мәдениетті қалыптастыру, сонымен бірге, интеллектуалды мәдениетті дамытудың оқу үрдісіне қатысушылар арасында тарату жолдарын атап өтті.

Аудан медиаторлары қауымдастығының төрағасы Ғайни Көшекбаева, ОММ кеңесінің жетекшісі медиатор Серік Болабеков, осы мектептің директоры Гулпаш Жаманова, мектептің білім беру, әкімшілік және білім

беру қызметтерінің, ОММ кеңесі, барлық құрылымдары мен бөлімдері, отбасылық, қоғамдық ұйымдар профилактикалық, түзету жұмыстарының тиімділігін когнитивті-корпоративті негізде арттыру бойынша жұмыс жүргізуде.

Бұл бірлескен жұмыс студенттердің әлеуметтік мінез-құлқының көрінісін азайтады, ең бастысы – балалар мен ересектердің белсенді өмірлік ұстанымын қалыптастырады. Процестің барлық қатысушылары шағын дәрістерді, пікірталастарды, рөлдік және симуляциялық ойындарды, кейстерді, вебинарларды, дебаттарды, турнирлерді, КТК, жарыстарды, оның ішінде онлайн режимін ұнатады.

Жиын соңында Дөңгелек үстелге қатысушылар кеңесе келе: «ОММ әдісі мектептер, отбасылар және қоғам арасындағы ынтымақтастыққа жағдай жасайды. Бұған қоса, «Мектептегі медиация» – бұл дауларды шешудің заманауи балама тәсілі ретінде білім беру үрдісінде қатысушылар арасындағы дауларды шешу және жанжалды жағдайлардың алдын алу үшін қолданылатын инновациялық әдіс» деген өзара ортақ пікірге келді.

Жамбыл облысы әкімдігі ішкі саясат басқармасының

«Қоғамдық келісім» КММ Баспасөз қызметі қызметі орталығы

Қазақстан – достық пен татулықты мекені

/in /by

Киелі қазақ шаңырағына уық болып қадалған өзге этнос өкілдері «Қазақстан – достық пен татулықтың шынайы мекені» дегенді ұранға айналдырған.

Ұлтаралық татулықты нығайтуға Қазақстанда тұрып жатқан әр ұлттың өкілі келешек ұрпағымыз үшін этносаралық достықтың, конфессияаралық түсіністіктің қаймағы бұзылмауына еңбек етіп, атсалысады.

Елбасы Н. Ә. Назарбаев Қазақстандағы тұрақтылықты сақтаудың алғы шарты ретінде бірінші экономиканы өркендетудің қажеттілігін алға қойған.

Сол себепті, «Алдымен экономикаға» қағидасын ұстана отырып, экономиканың әр саласында білек сыбана қызмет істеп жүрген барлық этностың басын қосып, Қазақстан халқы Ассамблеясын құруы – өзге халықтарға үлгі – өнеге бола білді.

Қазақстан халқы Ассамблеясының міндеті – достықты нығайту ғана емес, оған қоса әр ұлттың тілін, тарихын, мәдениетін, салт – дәстүрін сақтап, қоғамдағы тұрақтылықты нығайту бағытында түрлі іс – шаралар өткізу болып табылады.

Сабри Асанов Жамбыл ауданы бойынша

«Барбанг» күрді этномәдени орталығының төрағасы

Бірлігіміз жарасып бейбітшілік пен келісімде өмір сүріп жатырмыз

/in /by

Қазақстан әлемдегі саяси тұрақтылығы бекем елдердің бірі. Біздің елімізде сан ұлттың өкілі татулық пен достықтың буынын бекітіп, әлемдік дамудың көшбасшысы болуға ұмтылып келеді.

Ұмтылу жолы өте ауыр. Қанына, бойына, санасына мықты рухты күшті сіңірген қазақ еліне бұл зілді болмауы тиіс. Осы тұрғыда мемлекеттің бірден – бір алға қойып мақтанар айнасы – этносаралық татуластық.

Жер шарының картасына көз салсақ, қазақ жерінің ұлан байтақ атырапты алып жатқанын көреміз. Қазақ елінің көңілі де дәл сондай, кең, дархан. Соның арқасында, Қазақстан жерінде 130 – дан аса ұлт өкілдері татулықта өмір сүріп келеді.

Бізбен көршілес кей елдердегі, тіпті алыстағы көптеген мемлекеттер өз ішінде дау – дамай туғызып, жанжалдасып, қанды шайқасқа дейін баратындары жайлы құлағымыз естіп, көзіміз көрген. Соларға біздің «Жұмылғанда жұдырық, ашылғанда алақан» болып отырғанымыз үлкен сабақ болып жатқан шығар деген ой түйіп, «осы күнімізге де шүкір, тәубе»,- деп қоямыз.

Музафаров Рамазан Фахриевич

Жамбыл ауданы бойынша «Ахыска» түрік

этномәдени орталығының төрағасы

Тағдыр табыстырған, тарих тамырластырған

/in /by

Ресми деректерге қарағанда, Қазақстанда 130-дан астам ұлт пен ұлыстар бар. Оларды қасиетті қазақ жерінде қазақ халқымен тағдыр табыстырған, тарих тамырластырған деп айтуға болады. Біздің елде тұратын өзге ұлттардың өкілдерімен бірге бір атаның балаларындай тату болып ғұмыр кешіп, тірлік етіп, жарқын болашақтың негізін бірге қаласып келе жатқанымызға да біраз ғасырлардың жүзі болды. Бұл – қазақ халқының біздің жеңісіміз. Бұл – достық пен биік адамгершілік қасиетінің жемісі. Бұл үрдістің болашақ ұрпағымызға да үлгі болып қала беретіні сөзсіз.

Өзбек ұлтының өкілдерінің де қасиетті Жамбыл жерін құтты қоныс еткендеріне бір ғасырға жуықтап отыр. Бір айта кетерлігі, осындағы өзбек ұлтының өкілдері Мажитовтар, Исмайловтар, Мамаджановтардың отбасылары біздің ауданда 1917-ші жылдан бері тұрады екен. Газетіміздің өткен сандарында Мамаджановтар әулеті туралы, оның ішінде осы әулеттің ұрпағы, ата жолын жалғастырушы айтулы азамат Шәкіржан Мамаджанов жайында мақала жазсақ, ендігі кезекте тағы бір өзбек жанұясы Исмайловтар әулетінің ынтымақты тірлігі, қазақ халқымен арадағы мызғымас бірлігі туралы қалам тербегенді жөн көрдік. Осыдан бір ғасырдай уақыт бұрын Оңтүстік Қазақстанның сансыз бабты Сайрам ауданынан қасиетті Әулие Ата жері Жуалы өңіріне табан тіреген Исмайыл қарияның осындағы шаңырағының түтінін бүгінде немересі Рустам мен келіні Гүлчехра түтетіп отыр. Бізді бұл отбасына бастап алып барған өзбек ұлтының өкілі, еңбек ардагері Шәкіржан Мамаджановтың айтуынша, Рустам ағаның бабасы Исмайыл өткен ғасырдың 1920-шы жылдары Жуалыға қазіргі Түркістан облысының Сайрам ауданынан қоныс аударған. Исмайыл қария «Түркісіб» теміржол торабының аудан аумағынан өтетін бөлігін салуға атсалысқан екен. Содан бұл әулет осында біржолата тұрақтап қалады. Ел іші болған соң ондағы ұлттар да бір-бірлерімен араласпай тұрмайды. Исмайловтардың жергілікті қазақтарға қыз беріп, құда-жекжат болып келе жатқанына да біраз уақыт болды. Алғашында Исмайылдың қызы Зебінша ауданға белгілі Сопын ақсақалдың шаңырағына келін болып түседі. Дәлірек айтқанда, Сопын ақсақалдың ұлы Бейсенбек өзбек қызы Зебіншаға үйленіп, отбасын құрады. Исмайылдың әйелі Ташхан апаның туған сіңлісі Ұғылтай Жуалының түлегі, генерал-лейтенант, Қазақстан Республикасы Парламенті Мәжілісінің депутаты Бақытжан Ертаевтың анасы болатын.

-Мен 6, 7, 8-ші кластарда аудан орталығындағы Герцен атындағы мектепте Бақытжан Ертаевпен бірге оқыдым. Бақытжанның әкесі Ертай ертерек қайтыс боп кеткен соң, анасы Ұғылтай әпкеміз аудан орталығына көшіп келді. Олардың отбасыларының осында көшіп келуіне Ахмаль Исмайловтың әпкесі Зебінша әпке себеп болды. Бәріміздің үйіміз қатар болатын. Бала кезімізде Бақытжанмен бірге оқып, бірге балалық шағымызды өткізгенімді мақтан тұтамын. Өте өнегелі отбасы болатын. Бақытжан мектепті үздік бітірген соң Ташкент қаласына әскери училищеге оқуға түсіп, содан өмірінің көп бөлігін әскери қызметке арнап, Қазақстан Қарулы Күштерінің құрылуына да сүбелі үлес қосты,- дейді Шәкіржан Мамаджанов. Исмайловтардың жанұясы аудан орталығындағы қазіргі базар маңында тұрған екен. Онда ол жерлерде «землянка» деп аталатын шағын үйлер болыпты. Ауданның таулы аймағынан келетін кісілердің көбісі осы үйге түседі екен. Содан да болар, қонақжай бұл жанұя жергілікті қазақтармен жақсы сыйласып, құдалы-құдандалы болып кетті. – Әкем Ахмаль ауданда тауар дайындаушы болып, біраз жыл жұмыс істеді. Көбінесе, таулы өңірдегі ауылдардан жүн-тері жинап, аудан орталығындағы тауар дайындайтын мекемеге өткізетін. Содан Рысбек батыр ауылынан Қылышбай деген кісімен, кейіннен оның балалары ағайынды Бегім, Шеріммен бірге жақсы сыйлас, жекжат болып, жұмыс жасады. Қазір біз ол кісілердің жанұяларымен жақын араласып тұрамыз. Ал анамыз Шарапат үй шаруасында болған кісі. Әкем мен анам отбасында екі ұл, үш қыз өсіріп, тәрбиеледі. Үлкеніміз Мұхтар автобазада жұмыс істеді. Бір өкініштісі, ертерек қайтыс болып кетті. Артында жеңгеміз Ғалия мен үш баласы қалды. Әпкем Махсуда мен қарындасым Мархамат екеуі Ташкент қаласында тұрады, отбасы, балалары бар. Ең кішіміз Мамләкәт деген қарындасымыз. Ол осында тұрады. Келіншегім Гүлчехра екеуміз де аудан орталығындағы Ш.Үлеков басқарған пүліш тігін фабрикасында жұмыс істедік. Мен шебер болып жұмыс жасадым. Кейіннен фабрика тоқырауға ұшырап, жабылып қалды. Содан 1999 жылы несие алып, мақсары дақылынан май шығаратын цех аштық. Оған Меркі ауданында тұратын Бахадур деген досым себепші болды. Бұл кәсіп отбасылық кәсіп болған соң жұмысты өз үйімізде жүргіземіз. Шаруалардан мақсары қабылдап, май шығарамыз. Өткізген мақсарысы үшін шаруалармен маймен немесе ақшалай есеп айырысамыз. Экологиялық таза өнімге қашанда сұраныс жоғары. Құтыға құйылған өнімдерімізді облыс орталығына, Алматы, Нұр-Сұлтан, Атырау қалаларына жөнелтіп жатырмыз. Облыс орталығында

болатын азық-түлік жәрмеңкелеріне де шығып тұрамыз,- дейді отағасы Рустам Исмайлов. Исмайловтар әулетінің қара шаңырағында тұратын Рустам мен Гүлчехра отбасында екі ұл, екі қызы тәрбиелеп өсірді. Үлкен ұлдары Ильхам мен келіні Шырын Алматы қаласында тұрады. Екінші ұл Сухраб ауданда теміржолда байланысшы болып еңбек етуде. Ал Дильназа Түркістан облысына қарасты Ақсукент ауылына тұрмысқа шыққан екен. Қазір сонда денсаулық сақтау саласында жемісті еңбек етіп жүр. Кенже қыздары Дильфузаның мамандығы тіл маманы, аудармашы. Қазақ, өзбек тілдерімен қатар, орыс, ағылшын, түрік, қытай тілдерін еркін меңгерген білікті маман. -Жуалы ауданындағы жергілікті қазақтармен біздің әулеттің құда болғанын жоғарыда отағасы Рустам әңгімелеп берді. Біздің отбасы да жақында ғана тағы да қазақ жанұясымен құда болып отырмыз. Осыдан үш ай бұрын кіші қызымыз Дильфузаны Талдықорған қаласында тұратын қазақ отбасына, дәлірек айтқанда, Арғын руының жігітіне ұзаттық. Күйеубаламның есімі Мират. Құда-құдағиларымыз өте жақсы кісілер екен. Негізінен, ұлттардың арасындағы достық, ынтымақтастық қатынастары осылай жақын араласқанда одан да берік болып, беки түседі екен. Біз осыған көп жылдан бері көз жеткізіп келеміз. Өзімнің анам Умиренса Ешметова Арыс қаласында Киров, Жангелдин атындағы қазақ орта мектептерінде 42 жыл бойы физика-математика пәндерінен ұстаздық етті. Содан мен де өз жастайымнан қазақтардың ортасында өсіп, қазақ тілін еркін меңгеріп алдым. Қазір біз тұратын Б.Момышұлы ауылының Бейсенбек Сафинов көшесінде қазақ, орыс, шешен ұлтының өкілдері бір-бірімен тату-тәтті тұрады. Жыл сайын Наурыз мерекесін атап өтеміз. Көше болып жиналып, құдайы тамақ таратамыз. Бір сөзбен айтқанда, интернационал көшеде тұрамыз,- дейді Гүлчехра Сатыбалдықызы. Тағдыр табыстырған, тарих тамырластырған, достығы мен бірлігі жарасқан ұлттардың бауырластығы, һәм өркен жаюы тәуелсіз еліміздің де гүлденуінің негізгі түпқазығы болмақ..

Жамбыл облысы әкімдігі ішкі саясат басқармасының

«Қоғамдық келісім» КММ Баспасөз қызметі орталығы

Афиз атаның ақ тілегі

/in /by

Кезіндегі Сталиннің бұйрығымен өткен ғасырдың 1930-жылдары Қазақстан жеріне күштеп жер аударылған ұлттардың ішінде әзірбайжан ұлтының өкілдері де болғаны белгілі. Осы саясаттың салдарынан 1938 жылы Афиз Исмаилов туған Отанынан қазақ жеріне аударылған. Әзірбайжанның Нахичеван қаласы Керна ауылынан отбасымен қазақ жеріне келгенде Афиз ата небәрі алты жастағы бала еді. – Сталиннің бұйырығымен 1938 жылы Кавказ халықтары жаппай жер аударыла бастады. Бұйрық шыққан күні ауыл қарияларын, үлкендерін қамап қойды. Кейін кешке қарай бізді де Нахичеванда 10 шақты күнге дейін ұстап отырды. Содан соң бәрімізді пойыз вагондарына отырғызып, белгісіз бағытқа айдап жіберді. Қазақ жеріне табан тірегенде вагондағы адамдарды қазіргі Түркістан облысының Сайрам ауданынан бастап жан-жаққа түсіріп кете барды. Бізді Жуалы ауданына түсірді. Ол күн әлі есімде, сол кезде қыстың қаһарлы суық күндері болатын. Ызғарлы желтоқсанның жиырмасыншы жұлдызы күні балаларды қариялардың тонына орап, шанаға отырғызып, жүріп кеттік… Бізді Көлбастау ауылына әкелді. Сол қиын кезде алыстан жер аударылып келген әзірбайжандарды қазақ халқы жатсынбай қарсы алып, құшағын айқара ашты. Үйлерінің төрінен орын беріп, ас-суынан дәм татқызды. Сол үшін қазақ халқына мың алғыс білдіремін. Қазақ халқымен бірге талай нәубат жылдарды бастан өткердік. Соғысты да көрдік. Тылда да еңбек еттік. Киіз үйде де бірге тұрдық. Қандай кезең болсын біздің бірлігіміз, татулығымыз ажырамайды. Өзім 2 класты ғана бітіргенмін. Оқуға жағдай болмады. 10 жасымнан бастап жұмыс істеп, еңбекке ерте араластым. Соғыс уақытында колхозда ел қатарлы екі қолға бір күрек алып, еліміз үшін жұмыс істедік. Әкем 1945 жылы өмірден озып, біз жетім қалдық. Биыл Ұлы Отан соғысына 75 жыл толып отыр. Бұл зұлмат жылды біз бәріміз бірге өткердік. Сол себепті, бұл – біздің ортақ мерекеміз. Соғыс кезінде ауылда ер азаматтар майданға аттанды. Бар болса да мүмкіндігі шектеулі азаматтар еді. Балалар тылда әйелдермен бірге жұмыс істедік. Ол кезде картоп екпейтін, қызылша, каучук егілетін. Яғни, еңбектеген баладан бастап еңкейген кәріге дейін Жеңіс үшін, майдан үшін біркісідей жұмыс істедік. Соғысты бастан өткергеннен кейін 1958 жылы жүргізушілікті оқып, 40 жыл колхозда көлік жүргіздім. Ерінбей әртүрлі жұмыстарды қолымнан келгенше

істей бердім. Қасиетті Жуалы жерінде өмірімнің 81 жылын өткіздім. Өзім қазір 87 жасқа келіп отырмын. Жұбайым Сара екеуміз екі қыз, үш бала тәрбиелеп, өсірдік. Қазақ ұлтынан қыз алып, құдалы-құдандалы болған жайымыз бар. Екінші ұлым Тағы Салтанат есімді қазақ қызына үйленіп, отбасын құрды. Одан бөлек, Жамшид, Хуршуд, Злейха, Элдар және Имран есімді балаларым да отбасылы болып, барлық ұл-қыздарымыздан 13 немере сүйіп отырмыз. Әзірбайжан ұлтының дәстүрі, мерекелері қазақ халқына ұқсас келеді. Біз қазақ халқының ұлттық салт-дәстүріне құрметпен қараймыз. Себебі, біздің салт-дәстүріміз бен мерекелеріміз ортақ. Біз бір елміз. Бірлігі мен татулығы жарасқан көпұлтты тәуелсіз мемлекетпіз. Көктемнің жылы лебімен бірге елімізде айтулы мерекелер қоса келеді. Соның алғашқысы Алғыс айту күні мен Қазақстан халқы Ассамблеясының құрылғанына 25 жыл толуы. Бұл Елбасының бастамасымен құрылған теңдесіз ұйым. ҚХА бір шаңырақ астына бүгінде 130-дан астам этнос өкілдерін біріктірді. Бұл екі мерекенің қатар келуі бірлігіміз бен ынтымағымызды одан әрі арттыра түседі деп ойлаймын. Осы ретте, қиын-қыстау кезде құлағанға тіреу, сүрінгенге сүйеу болған қазақ халқына алғыс айтамын. Бұл бір-бірімізге деген құрмет. Сондықтан да Алғыс айту күні қарсаңында қазақ халқына, Елбасына, барлық этностарға біздің келісіміміз бен бірлігіміз үшін «Рақмет!» деп айтқым келеді,- дейді әзірбайжан ұлтының өкілі Афиз Исмайлов. Сексеннің сеңгірінен асқан Афиз ата бірнеше медальдармен марапатталған. Оның бірі – «Тыл еңбеккері», «Еңбек ардагері» медальдары. Бұл – қарияның ерен еңбегінің бағаланғаны. Қазіргі таңда көпті көрген қария Мыңбұлақ ауылдық округінің орталығы Көлбастау ауылында тұрып жатыр.

Жамбыл облысы әкімдігі ішкі саясат басқармасының

«Қоғамдық келісм» КММ Баспасөз орталығы

Таразда Қазақстан Тәуелсіздігінің 30 жылдығына арналған көрме өтті

/in /by

Ағымдағы жылдың қаңтар айының соңында Тараз қаласының Достық Үйінде ҚХА-ның “Қазақстандық этностардың алуан түрлілігін рухани-мәдени дәріптеу” мәдени-ағартушылық жобасы аясында Қазақстан Тәуелсіздігінің 30 жылдығына арналған көрме өтті.

Көрменің негізгі мақсаты – Қазақстан этностарының мәдениетін халық арасында таныстыру және дәріптеу, қазақстандық мәдениетті заманауи әлемде ілгерілету. Сондай-ақ, патриотизм мен азаматтыққа тәрбиелеу,

рухани-адамгершілік құндылықтарды, қазақстандық бірегейлікті қалыптастыру.

Көрмеде суретші және «Вайнах» Жамбыл шешен-ингуш мәдени орталығының өкілі Иса Тазабаев өзінің туындыларын қалың көпшілікке ұсынды.

2013 жылдан бастап суретші Иса Тазабаевтың жұмыстары Тараз және Алматы қалаларының галереяларында кезең-кезеңімен қойылып келеді. Суретші Таразда танымал «Винигрет» шығармашылық тобының, «Қазақстан, Тараз Суретшілер одағы» және «Вайнах» Жамбыл облыстық шешен-ингуш мәдени орталығы» қоғамдық бірлестіктерінің мүшесі болып табылады.

Бүгінгі таңда суретшінің көптеген картиналары Қазақстанның, жақын және алыс шетелдердің жеке коллекцияларында сақтаулы.

Жамбыл облысы әкімдігі

ішкі саясат басқармасының

«Қоғамдық келісім» КММ

Баспасөз орталығы






Page 21 of 22
1 … 19 20 21 22