Archive for year: 2021

Аға ұрпақ пен жас буынның Отанымызды қорғап, қызметте айтулы үлес қосқанын біз әрқашанда мақтан тұтамыз.
Еліміздің өркендеуі жолында атқарып жатқан игі қызметтеріңізге табыс, отбасыларыңызға амандық, дендеріңізге саулық, мол бақыт және бейбіт ғұмыр тілейміз.

Біздің тәуелсіздігіміз бен тұтастығымызды, тыныштығымыз бен бейбіт тірлігімізді қас қақпай күзетіп тұрған, халқымызға қорған болған ұлттық әскеріміздің айбыны арта берсін! Ел халқына шат-шадыман күлкі мен тыныш өмір сыйлауда әскеріміздің атқарып жатқан қызметтері ұшан-теңіз екені баршамызға аян.  Армиямыздың айбынын асқақтататын сардарлар мен сарбаздарымызға қандай құрмет көрсетсек те жарасады.

– Халқымызда «Ер – елінің қорғаны» деген аталы сөз бар. Біз осындай жандардың ержүрек істеріне сай сый-құрмет көрсете отырып, олардан өнеге алып өсетін жас ұрпақ Отанына адал қызмет етеді деп сенеміз. Мерейлі мерекемен құттықтай отырып, баршаңызға мықты денсаулық, зор табыстар тілейміз.

Хамида Турдыева

Жамбыл облысы ҚХА

«Жаңғыру жолы» жастар

қозғалысының төрайымы

#7мамыротанқорғаушыларкүні

#9мамыржеңіскүні

Ұлтаралық келісім мен тұрақтылық және достық пен ынтымақтастықтың үлкен шаңырағы – Қазақстан Республикасы мемлекеттігінің қауіпсіздігіне және оны мекендеген ұлттар мен ұлыстардың бейбіт өміріне егемен еліміздің қорғаныс күштері кепіл болады.

Әлемнің кез-келген елінде прогресс қорғаныстың қуаты мен әскердің әлеуетімен өлшенетіні хақ.  Бұл жай нәрсе емес. Дегенмен стратегиялық маңызға ие саланың қашан да сақ әрі заманға сай болуы бүгінгідей заманда кім-кімнің болсын санасын мазалайтын сауал. Құрлықтың қай бұрышында да қорғану тәсілдері мен соғыстың алдын-алу шарттары мүлдем өзгерген. Бастысы әскердің көптігі емес, жаужүрек жауынгердің озық техниканы меңгеруі негізгі міндет. Елімізде осындай қуатты әскер барда, ел ұйқысының тыныштығына алаңдайтын не мәселе бар ? Ең бастысы жігіттеріміздің, келер ұрпақтың бойынан осы елді соңғы демім қалғанша сүйіп өтем деген патриоттық сезім, Отанға деген шексіз сүйіспеншілік қасиеті сарқылмасын дегім келеді.
Осы орайда барша ер азаматтарды мерекемен шын жүректен құттықтап, Отанамыздың қай саласында да атқарып жүрген ерен еңбектері үшін алғысымды білдіремін. Отбасыларыңызға бақ-береке, қызметтеріңізге табыс тілейміз.

Гулам Умаров

Тараз қалалық Өзбек этномәдени бірлестігінің өкілі,

облыстық ҚХА мүшесі,

«Қан орталығының» басшысы

#7мамыротанқорғаушыларкүні

#9мамыржеңіскүні 

Ағымдағы жылдың 30 сәуірінде қаламызда Жамбыл облысы әкімдігінің жастар саясаты мәселелері басқармасы және ҚХА этномәдени бірлестік өкілдерінің ұйымдастыруымен 1 мамыр Қазақстан халқының бірлігі күніне орай «Берекелі дастарқан» атты ауызашар қоржындары таратылды.

Сондай-ақ, игі іске Жамбыл облыстық ҚХА мүшесі, облыстық «Вынхуа» дүнгендер ассоциациясының өкілі Исмазов Руслан Бакирович, ҚХА жане «Нұр Отан» партиясының мүшесі, «Ақ желкен» жастар лигасының төрағасы Махусеев Зайнуддин Абдулбахтиярович, Жамбыл облыстық гректер қауымдастығының төрағасы, облыстық ҚХА мүшесі Буюкиди Георгий Иванович, облыстық «Өзбек» этномәдени бірлестігінің төрағасы Муминов Бахром Тохтасынович, облыстық «Тәжік этномәдени бірлестігі» ҚБ төрағасы Мулладжанов Алижон Шукурович, облыстық «Радонеж орыс қауымдастығы» ҚБ төрағасы Владимир Сорокин демеушілік етті.

Акцияға Жамбыл облысы ҚХА «Жаңғыру жолы» жастар қозғалысы мен облыстық жастар ұйымдары атсалысты.

⠀ Шара барысында «Төрткүл» керуен сарайында ыстық тағам әзірленіп, Тараз қаласындағы аз қамтылған көп балалы отбасыларына және қала тұрғындарына ауыз ашарға арналған тағамдар үлестірілді.

⠀ Акцияның өтуіне қолдау көрсеткен «Дәмді себет» дүкендер желісіне алғыс білдіреміз.

Жамбыл облысы әкімдігінің Ішкі саясат басқармасының

«Қоғамдық келісім» КММ Баспасөз қызметі орталығы

#1мамырқазақстанхалқыныңбірлігікүні

#меніңқазақстаным

#қха29cессия

#1Май #Достық #1мамыр #ҚазақстанхалқыАссамблеясы #Бірліккүнііскеқосу #1Май #Достық #1мамыр #ҚазақстанхалқыАссамблеясы #Бірліккүні

Қазақстан халқы Ассамблеясының сессияларына үзбей қатысып келемін. Әр сессия сайын мен ерекше тың дүниелер туралы ақпарлар естіп таңданамын. Дәл сол дәстүрінен жалтармай биылғы жылғы сессияныда ерекше күттім, әрі мен күткендей маңызды болып шықты. Әрине елдегі эпидемиялогиялық ахуалға байланысты сессия онлайн форматта өтті. Сессия барысында мемлекетіміз үшін, ел үшін түрлі маңызды мәселелер қозғалды. Елдеге дамыған, жетілген салалар, жастар, тіл секілді бірқатар жаңалықтармен бөлісті.

Сессияны қорытындылай келе Елбасы ҚХА төрағасы лауазымын елдің іс басындағы Президенті атқаруы тиістігін атап өтті. «Қазақстан Республикасының Тұңғыш Президенті – Елбасы туралы» Конституциялық заңға, Ассамблея туралы заңға сәйкес маған Қазақстан халқы Ассамблеясының төрағасы лауазымын өмір бойы атқару құқығы берілген. Жалпы, мен сіздермен барлық уақытта бірге боламын әрі одан бас та тартпаймын. Дегенмен, Ассамблеяны басқаруға қатысты бірқатар құзірет еліміздің Президентіне жүктелген. Тіпті, бұл да маңызды емес. Қазақстан халқы Ассамблеясы тірек ретінде іс басындағы Президенттің жанында тұруы тиіс және екінші жағынан Мемлекет басшысы да Ассамблеяға арқа сүйейді. Сондықтан мен Ассамблеяны басқару құқығымды Президент Қасым-Жомарт Тоқаевқа беру туралы шешім қабылдадым», – деді Нұрсұлтан Назарбаев. Мен, Елбасының әрбір шешіміне ерекше құрметпен қарап қолдаймын.

#МеніңҚазақстаным

Жамбыл облыстық «Ахыска» түрік

этномәдени бірлестігі» қоғамдық

бірлестігінің төрағасы

Давришев Махмуджон

Бүгінгі Қазақстан халқы ассамблеясының кезекті сессиясы несімен ерекше болды? Нұрсұлтан Назарбаевтың өзінің міндетін жалғастыруды ел Президенті Қасым-Жомарт Тоқаевқа тапсырғаны ерекшелік кіргізді. «Халықтың әлеуметтік жағдайы әлдеқайда жақсарды. Елдің табысы тоғыз есеге өсті. Әрине, әлі де ақшасы жетпейтін, өмірде өз орнын таба алмаған адамдар бар. Бірақ табыстың тоғыз есе өскені бұл – факт. Біз, аға буын мұның не екенін жақсы түсінеміз және қазір қиын жағдайда жүрген адамдардың табысы көбейгенін қалаймыз», – деді Елбасы Н.Ә. Назарбаев ҚХА-ның 29-шы сессиясында. Сонша жыл еңбек етіп, этностардың қазақ халқымен бірге тең тұрғыда өмір сүруін қалап өткен Елбасының өз постынан кеткені біраз көңілді түсірсе де, бірақ мемлекет басшысына елдің бейбітшілігінде құрметтеп орнына отырғызғаны тағы да Тұңғыш Президентіміздің тектілігі мен өрелігін көрсетті. Расында да, тәуелсіздіктің алғашқы жылдарынан бері қазіргі халықтың жағдайы едәуір жақсарған. Қазақстан өзінің әлемге тұғырлы мемлекет екенін мойындатқалы әлемдік экономика аренасында өрлеу жолына түсті. Сондай-ақ, Елбасының көрегендігінің Қазақстан өзінің егемендігі мен ұлттық қауіпсіздігін едәуір нығайтқанын атап өту керек. Міне, еліміз бейбітшіліктің нақ символына айналып, әлемге үлгі боларлықтай таңба қалдырдық.

Сонымен қоса, түрлі этнос және өзге діни конфессия­ларды жинай білген Ассамблея беделді конс­титуциялық институтқа айналды. Бұл жерде де Нұрсұлтан Назарбаевтың саясатын айта кеткен жөн.

Тағы бір айтарым, тіл мәселелі соңғы кездері көп қозғалуда. Қазақ тілін білу біздің басты парызымыз. Ал жастарымыз мемлекеттік тілде сөйлеуге жарысуда. Бұл, әрине, бізді қуантпай қоймады. Елбасының «Қазақ қазақпен қазақша сөйлессін!», «Әрбір қазақстандық, өзге этнос өкілі болса да қазақ тілін құрметтеуге міндетті!» деген сөздері қазақ еліне өзін-өзі сыйлауда және өзге ұлт өкілдерін сыйлауда серпін сыйлағандай. Сондықтан, мен қазақтың нанын жеп, суын ішіп, қасиетті топырағында аяқ басып жүрген әрбір азамат қазақ болсын, басқа болсын еш бөлінбей, мемлекеттік тілге аса ыждаhаттылықпен құрмет көрсетуін құптаймын.

Ең бастысы – ел аман, жұрт тыныш болсын!

Кабиева Айгүл Кабиқызы

Жамбыл облыстық «Әулие Ата»

Қазақ мәдени орталығы» қоғамдық бірлестігі

төрағасының орынбасары