Ұлтаралық достастық- кемел болашақ негізі

/in /by

Бүгін Білім күні,  ҚР президенті Қ.Тоқаев Парламент палаталарының бірлескен отырысында халыққа жолдауын жариялады. «Біз үшін ең маңыздысы,  әр азаматтың тәуелсіздік игілігін сезіне алуы!» – деді ҚР Президенті Қ.Тоқаев. Жолдауда барлық мемлекетіміздегі өзекті мәселелер көтеріліп,  жақын арада шешімін табу тапсырылды.  Ең басты медицина, білім, су, аграрлық өнеркәсіп, пандемияның экономикаға әсері,  жастар, тіл саясаты және т.б. маңызды тақырыптар айтылды.

ҚХА-ның жұмысы туралы тілге тиек етіп,  Қазақстан халқының тұтастығы мен бірлігін сақтауға тигізген септігі туралы айтылды. Ұлтаралық достастық- кемел болашақ негізі. Жолдауды тыңдап отырып,  көптеген мәселелер өз шешімін табатынына көзім жетті. Енді іске кірісіп барлық айтылған мәселелер қаралса жастардың болашаққа деген сенімін арттырар еді. Мен Қазақстанның жарқын болашағына сеніммен қараймын!

Жамбыл облдыстық ҚХА

«Жаңғыру жолы» жастар қозғалысының мүшесі

Мейрамбай Альфия

 

 

Тәуелсіз Қазақстанда мұғалімге деген құрмет жыл сайын артып келеді

/in /by

Қасым-Жомарт Кемелұлы кезекті жолдауында: «Осы жылдың қаңтарынан бастап педагогика қызметкерлерінің жалақысы 25 пайызға өсті.  Алдағы үш жылдың ішінде біз бұл мақсатқа қосымша 1,2 трлн теңге бағыттаймыз. Қабылданған іс-шаралар өз жемісін беріп те жатыр. Педагогика мамандығына түсушілердің орташа баллы күрт өсті. Мұғалімдерді қолдау саясатын жалғастыра беретін боламыз», – деп атап өтті.  Расында, мұғалімнің мәртебесі қай мемлекетте, қашан да жоғары болуы керек. Тәуелсіз еліміздегі бүгінгі мектептің басты міндеті – оқушыны оқуға, ойлануға, болашақ тағдырын жете танып, білуге үйрету екені айқын. Қазіргі таңда мұғалімнің мәртебесіне ­рухани жағынан, Заң жүзінде де ерекше көңіл бөлінуде. Әрі мұғалімге жүктелген талап та жоғары. Өскелең ұрпақты тәрбиелеп, білім беретін маманға өркениетті елдер аса құрметпен қарайды. Мұндай көзқарасқа біз де қол жеткіздік. Сондықтан да Тәуелсіз Қазақстанда мұғалімге деген құрмет жыл сайын артып келеді деп сенімді айта аламын.   Тағы бір қосарым, бүгінгі күннің өзекті мәселесі – тіл мәселесі. Қазіргі таңда мемлекеттік тілдің аясы қарқынды дамуда. Онымен қоса орыс тілін де халықаралық тіл ретінде құрметтегеніміз жөн. Еліміздегі мәдениет пен өнер, ғылым мен білім орыс тілінің де, мемлекеттік тілдің де қатысуынсыз толық  дамымайды. Ал дамудың даңғыл жолына бағыт алған болашағы баянды елдің тұғырында  қашанда мемлекеттік тілі биікте тұруы қажет. Бұл жәйтті әрбір этностың, әрбір қазақстандықтың білікті де саналы ұрпағы әрқашанда жүрегінде ұстауы қажет.

Жамбыл облыстық Тәжіктер этномәдени бірлестігінің

төрағасы, ҚХА мүшесі – Мулладжанов Атхомжон Шукурович 

 

 

 

 

Page 4 of 4
1 2 3 4