Динара Нұралиева, облыстық «Вынхуа» дүнген этномәдени бірлестігінің мүшесі, қалалық №34 мектептің директоры:

/in /by

Динара Нұралиева, облыстық «Вынхуа» дүнген этномәдени бірлестігінің мүшесі, қалалық №34 мектептің директоры:

– Әкем – дүнген, анам – ұйғыр. Арғы аталарым – орыс, өзбек, татар және басқа да бірнеше ұлттан тарайды. Біз әрқашан татулық пен бірлікте өмір сүріп келеміз. Ешқандай ұлтқа бөлінбей, ортақ жерімізде бір үзім нанды бөліп жеп отырған жандармыз. Бұл ретте еліміздің басты байлығы – тұрақтылық екенін естен шығармауымыз қажет.

Елбасының ширек ғасырдан астам жүргізген саясаты бізге бейбіт өмір сыйлады. Одан айырылып қалуға ешқашан жол бермеу керекпіз, сол үшін де бейбітшілігіміздің берекесін берсін дейік.

Қордайдағы оқиғалар біздің жанымызға қатты батса да, Президентіміз қиын сәтте Қордайға келіп, халыққа қолдау білдірді. Барлығымыздың болашағымызға сенім ұялатты. Сол кезде біз бір халық, бір тағдыр, бір ел екенімізді тағы бір мәрте сезіндік. Қазіргі уақытта өміріміз бұрынғыдан да жақсарды деп нық сеніммен айта аламын. Өмір өз арнасына енді. Жақында сол аудандағы жақын туысым, ұлты дүнген ағамның үйінде болдым. Қақтығыс салдарынан өртеніп кеткен үйінің орнына ертегідегідей жаңа үй бой көтергенін көріп, қазақ елінің мәртебесінің біздің алдымызда тағы бір мәрте асқақтағанына көзім жетті. Осыған байланысты санада сұрақ туды: қандай да бір себептермен өртенген дүкендер, үйлер мен машиналарға байланысты даурығып, наразы боламыз. Ал қалпына келтірілген үйлер, жаңа жолдар, мектептер мен ауруханаларды, қайта қалпына келіп жатқан нысандарды неге байқамаймыз? «Бір құмалақ бір қарын майды шірітеді» демекші, жаман ұлт жоғын білеміз. Тек жаман адамдар болады. Ал осы оқиғаға қатысты қылмыскерлер өздеріне лайықты жазаларын алып жатыр. Қылмыскерлерде ұлт та, дін де жоқ! Сондықтан да болар, біз, дүнген ұлтының өкілдері қазақ халқына шексіз ризамыз! Қазақстанда өшпенділік жоқ, болмайды да, оған дәлел – Елбасымыздың көреген шешімі мен қазақтың дархан жүрегі!

Қараша айында Қазақстан Республикасының Тұңғыш Президенті – Елбасы, Қазақстан халқы Ассамблеясының Төрағасы Нұрсұлтан Әбішұлы Назарбаевтың төрағалығымен «Бір шаңырақ астында – биік мақсаттарға» күн тәртібімен Қазақстан халқы Ассамблеясы Кеңесінің отырысы өткен болатын. Өзім осы жиында Елбасының айтқан әрбір сөзіне, ел басқара жүріп жасаған батыл әрі сауатты қадамдарына тағы да риза болдым. Қазақстанда ғұмыр кешіп жатқан әрбір адамның, әр ұлт өкілінің аяғын алшаң басып, арқасын кеңге жіберіп, жергілікті халықпен етене жақын бауырласып ғұмыр кешуіне барлық жағдайды жасай алу кез келген ұлт көшбасшысының қолынан келмейді. Оған терең білім, парасат, келешекті болжай алу қасиеті, көрегенділік қажет. Ғаламның әр бұрышында тыныштығы шытынап, ел

іргесінде от тұтанып, шырқы бұзылған қаншама халық бар. Олар әр таңды үреймен атырады. Оқ пен зеңбірек үнінен шошынған балалар бір күндік нанын тауып жеуге қауқарсыз. Елбасы бірнеше мәрте осындай елдердің басына бейбіт күн тудыру үшін Нұр-Сұлтанда Сириядағы дағдарыс бойынша Астана процесін ұйымдастырғанын да білеміз. Бұл Нұрсұлтан Әбішұлының тек еліміздегі тыныштықты ғана емес, жаһандық бейбітшілікті мұрат еткен тұлға екенін айғақтайды. Бүгінгі таңда Жамбыл облысында аралас мектептерде мемлекеттік тілде білім беретін бірінші сыныптар көбейе бастады. Мектеп директоры ретінде өз ұсынысымды жеткізгім келеді. Егер республикамыздың әр өңірінде аралас мектептер кезең-кезеңімен мемлекеттік тілде білім беруге көшсе нұр үстіне нұр болар еді. Бұл шешім барлық қазақстандық балаларды кішкентай күнінен ешқандай бөлінуге жол бермей, қазақ тілін жетік меңгеруге жол ашатыны сөзсіз. «Ел болам десең, бесігіңді түзе» демекші, бізде бір ғана ортақ мемлекеттік тіліміз, бір ғана ұлтымыз, бір ғана Отанымыз болуы тиіс! Осы ретте мен облыстық «Вынхуа» дүнген этномәдени бірлестігінің мүшесі ретінде жерлестерімді Қазақстан Республикасының Тұңғыш Президенті күнімен құттықтаймын. Байтақ Отанымызды гүлдендіру жолында басты тұлғаға айналған Нұрсұлтан Әбішұлы Назарбаевтың жүріп өткен тағылымды жолы мен ерен еңбегі ұрпаққа үлгі болсын!

Елбасының ширек ғасырдан астам жүргізген саясаты бізге бейбіт өмір сыйлады. Одан айырылып қалуға ешқашан жол бермеу керекпіз, сол үшін де бейбітшілігіміздің берекесін берсін дейік.

Қордайдағы оқиғалар біздің жанымызға қатты батса да, Президентіміз қиын сәтте Қордайға келіп, халыққа қолдау білдірді. Барлығымыздың болашағымызға сенім ұялатты. Сол кезде біз бір халық, бір тағдыр, бір ел екенімізді тағы бір мәрте сезіндік. Қазіргі уақытта өміріміз бұрынғыдан да жақсарды деп нық сеніммен айта аламын. Өмір өз арнасына енді. Жақында сол аудандағы жақын туысым, ұлты дүнген ағамның үйінде болдым. Қақтығыс салдарынан өртеніп кеткен үйінің орнына ертегідегідей жаңа үй бой көтергенін көріп, қазақ елінің мәртебесінің біздің алдымызда тағы бір мәрте асқақтағанына көзім жетті. Осыған байланысты санада сұрақ туды: қандай да бір себептермен өртенген дүкендер, үйлер мен машиналарға байланысты даурығып, наразы боламыз. Ал қалпына келтірілген үйлер, жаңа жолдар, мектептер мен ауруханаларды, қайта қалпына келіп жатқан нысандарды неге байқамаймыз? «Бір құмалақ бір қарын майды шірітеді» демекші, жаман ұлт жоғын білеміз. Тек жаман адамдар болады. Ал осы оқиғаға қатысты қылмыскерлер өздеріне лайықты жазаларын алып жатыр. Қылмыскерлерде ұлт та, дін де жоқ! Сондықтан да болар, біз, дүнген ұлтының өкілдері қазақ халқына шексіз ризамыз! Қазақстанда өшпенділік жоқ, болмайды да, оған дәлел – Елбасымыздың көреген шешімі мен қазақтың дархан жүрегі!

Қараша айында Қазақстан Республикасының Тұңғыш Президенті – Елбасы, Қазақстан халқы Ассамблеясының Төрағасы Нұрсұлтан Әбішұлы Назарбаевтың төрағалығымен «Бір шаңырақ астында – биік мақсаттарға» күн тәртібімен Қазақстан халқы Ассамблеясы Кеңесінің отырысы өткен болатын. Өзім осы жиында Елбасының айтқан әрбір сөзіне, ел басқара жүріп жасаған батыл әрі сауатты қадамдарына тағы да риза болдым. Қазақстанда ғұмыр кешіп жатқан әрбір адамның, әр ұлт өкілінің аяғын алшаң басып, арқасын кеңге жіберіп, жергілікті халықпен етене жақын бауырласып ғұмыр кешуіне барлық жағдайды жасай алу кез келген ұлт көшбасшысының қолынан келмейді. Оған терең білім, парасат, келешекті болжай алу қасиеті, көрегенділік қажет. Ғаламның әр бұрышында тыныштығы шытынап, ел іргесінде от тұтанып, шырқы бұзылған қаншама халық бар. Олар әр таңды үреймен атырады. Оқ пен зеңбірек үнінен шошынған балалар бір күндік нанын тауып жеуге қауқарсыз. Елбасы бірнеше мәрте осындай елдердің басына бейбіт күн тудыру үшін Нұр-Сұлтанда Сириядағы дағдарыс бойынша Астана процесін ұйымдастырғанын да білеміз. Бұл Нұрсұлтан Әбішұлының тек еліміздегі тыныштықты ғана емес, жаһандық бейбітшілікті мұрат еткен тұлға екенін айғақтайды. Бүгінгі таңда Жамбыл облысында аралас мектептерде мемлекеттік тілде білім беретін бірінші сыныптар көбейе бастады. Мектеп директоры ретінде өз ұсынысымды жеткізгім келеді. Егер республикамыздың әр өңірінде аралас мектептер кезең-кезеңімен мемлекеттік тілде білім беруге көшсе нұр үстіне нұр болар еді. Бұл шешім барлық қазақстандық балаларды кішкентай күнінен ешқандай бөлінуге жол бермей, қазақ тілін жетік меңгеруге жол ашатыны сөзсіз. «Ел болам десең, бесігіңді түзе» демекші, бізде бір ғана ортақ мемлекеттік тіліміз, бір ғана ұлтымыз, бір ғана Отанымыз болуы тиіс! Осы ретте мен облыстық «Вынхуа» дүнген этномәдени бірлестігінің мүшесі ретінде жерлестерімді Қазақстан Республикасының Тұңғыш Президенті күнімен құттықтаймын. Байтақ Отанымызды гүлдендіру жолында басты тұлғаға айналған Нұрсұлтан Әбішұлы Назарбаевтың жүріп өткен тағылымды жолы мен ерен еңбегі ұрпаққа үлгі болсын!

Тараз қаласының Достық үйінде «Еуразиялық кеңістіктегі қазақстандық бірегейлік» атты биеннале өтті

/in /by

Ағымдағы жылдың қараша айында Тараз қаласының Достық үйінде “Рухани жаңғыру” бағдарламасы аясында «Еуразиялық кеңістіктегі қазақстандық бірегейлік» атты биеннале өтті. Жамбыл облысы әкімдігі Ішкі саясат басқармасының «Қоғамдық келісім» КММ ұйымдастырған биенналеге этномәдени бірлестік өкілдері, Тараз қаласының білім беру мекемелерінің студенттері, қала тұрғындары, облыстық және қалалық БАҚ өкілдері қатысты.

Іс-шараның басты мақсаты – Еуразия кеңістігіндегі этностардың этномәдени өзара әрекеті арқылы қазақстандық бірегейлікті қалыптастыру.

Көрме Еуропа, Азия және Қазақстанның мәдени өмірінен сыр шертеді. Жиналған қауым Еуропа этноауылында орыс, украин, неміс этностарының ас үйімен танысты. Мирошникова Наталья қолөнер туындыларын жасау арқылы қатысушыларға шағын шеберлік сағатын ұйымдастырды. Этноауылда орыс этносының «Ручеек», украиндықтардың «Жмурки», поляктардың «Волк и овцы» сынды ұлттық ойындары ойналды.

Ал Азия мәдениетіне саяхат облыстық «Қоғамдық келісім» КММ «Үкілім-ай» би-ансамбльінің тәжік этносының ұлттық биін билеуімен басталды. Мұнда Азия халықтарының дәмі тіл үйірер ұн тағамдары таныстырылып, «Арқан тартыс» ұлттық ойыны ойналды. «Жамбыл облыстық Тәжік этномәдени бірлестігі» қоғамдық бірлестігінің мүшесі Давлатова Гүлхумор тәжік этносының қолөнер туындыларымен таныстырды. Тараз қаласы өзбек этномәдени бірлестігінің және Аналар кеңесінің мүшесі, меценат Гаюпова Лобара Орта Азиядағы көп тараған тағам самсаның жасалу әдісін айтып өтті.

Қазақ халқының мәдениетіне арналған этноауылда қаймағы бұзылмаған қазақтың салт-дәстүрі қамтылған. Меймандарды этноауылда қазақтың қара домбырасымен арнау айтып қарсы алып, түрлі этнос өкілдері ақ дастархан басында 7 түрлі тағамнан ауыз тиді.

Өткеннен өнегелі тағылым беретін шара аясында әр этностың құндылығы, рухани-тарихи мұралары кеңінен насихатталды.

Жамбыл облысы әкімдігі

Ішкі саясат басқармасының

«Қоғамдық келісім» КММ

Баспасөз орталығы











Таразда Грузин этносының мәдениет күні өтті

/in /by

Ағымдағы жылдың қараша айында Тараз қаласында «Самшобло» грузин этномәдени бірлестігі этнос күнін өткізді. Этнос күнінде грузин тіліндегі әдебиеттер, қолөнермен жасалған қыш ыдыстары, шарапқа арналған мүйізді ыдыстар, ұлттық бас киімдер, сонымен бірге, Қазақстан мен Грузияның мемлекеттік рәміздері көрсетілді.

Грузин этносының іс-шарасына концерттік бағдарламамен өнер көрсетуге грузин этносының жастар қанаты келді. Сондай-ақ, грузин халқының әндері шырқалып, жастар ұлттық киімдерде кавказдық билерді биледі. Бұған қоса, грузин этносының іс-шарасына облыстың басқа да этномәдени орталықтарының басшылары қатысып, өздерінің грузин әріптестерін қолдап, қоғамдық бірлестікке ұлтаралық келісімді нығайту, грузин халқының ұлттық дәстүрлері мен әдет-ғұрыптарын, мәдениетін насихаттау бойынша келелі жұмыста жаңа табыстар тіледі. – «Жамбыл облысында тату-тәтті тұратын үлкен ірі этнос өкілдерінің қатарында грузин этносы да өз тіршілігін жасауда. Біздің этномәдени бірлестігіміз сондайлық үлкен емес, бірақ дегенмен де, орталығымыз ұлтаралық келісімді сақтау, барлық этностар арасындағы бейбітшілік пен достықты нығайтуда белсенді жұмыс атқарып жүрген және біздің облыстық ассамблеяда грузин халқының салт-дәстүрін, тарихын, мәдениетін лайықты түрде танытып жүрген этнобірлестіктердің бірі. Бұдан ары да ассамблея іс-шараларына және ел тыныштығын сақтауға бір адамдай атсалысамыз», – деді «Самшобло» грузин этномәдени орталығының жетекшісі Зураб Джанашия өзінің құттықтау сөзінде.

Шара соңында Жамбыл облысы әкімдігі ішкі саясат басқармасының «Қоғамдық келісім» КММ басшысы Рано Убайдуллаева қоғамдық бірлестіктің белсенді қатысушыларына алғыс хаттар табыс етті.

Жамбыл облысы әкімдігінің

ішкі саясат басқармасының

Қоғамдық келісім «КММ»

Баспасөз қызметі орталығы

Жамбыл облысында дүнген этносының мәдениет күні өткізілді

/in /by

Ағымдағы жылдың қараша айында Жамбыл облысында «Жамбыл облыстық «Вынхуа» дүнгендер ассоциациясының мәдени орталығы» қоғамдық бірлестігінің ұйымдастыруымен «Дүнген этносының мәдениет күні» өткізілді. Мерекелік кешке ҚХА мүшелері, соғыс және еңбек ардагерлері, ғылым және мәдениет қайраткерлері, жастар, өңіріміздегі барлық этнобірлестік мүшелері шақырылды.

Еліміздегі қиын жағдайға байланысты биылғы жылы барлық іс-шаралар негізінен қайырымдылық бағытында өткізілді. Коронавирустық пандемияға байланысты этнос күнінде этностың ең белсенді мүшелері марапатталды.

Двумарова Диля, Усыров Арсмане, Чонтей Хизыр, Хахар Рамазан және басқа да өкілдер этнос күнін өткізуге ат салысты. Масаншы ауылының әкімі Рамазан Омарұлы, Сортөбе ауылының әкімі Ілияс Юсупұлы, “Вынхуа” дүнген этномәдени бірлестігінің құрметті төрағасы Лугмар Буларов, дүнген этносының мәдени орталықтары мен жинақы тұратын ауылдарының басшылары шақырылды.

“Вынхуа” дунген этномәдени бірлестігінің төрайымы Идибо Айша Люшировна өткен жылы атқарылған жұмыстар туралы көпшілік алдында баяндама жасады. Бір жыл ішінде 44 732 000 теңге сомасына қайырымдылық көмек көрсетілген.

Салтанатты жиын Хахар Рамазанның орындауындағы “Вәди ада” әнімен аяқталды.

Жамбыл облысы әкімдігі

ішкі саясат басқармасының

«Қоғамдық келісім» КММ

Баспасөз орталығы




Тараз қаласының Достық үйінде «Әулие Ата» қазақ мәдени орталығы» қоғамдық бірлестігінің мәдениет күні өтті

/in /by

Ағымдағы жылдың қарашасында Тараз қаласындағы Достық үйінде «Әулие Ата» қазақ мәдени орталығы» қоғамдық бірлестігі мәдениет күнін өткізді.

Іс-шара «Бэл-Арт» би ансамбілінің биімен басталып, Ішкі саясат басқармасы «Қоғамдық келісім» КММ басшысы Рано Убайдуллаеваның құттықтау сөзімен жалғасты. Рано Махсұдқызы өз сөзінде Қазақстандық бірегейлік пен келісім туралы сөз қозғап, мәдени орталықтын жұмысына баға беріп, алғысын білдіре отырып, орталықтың белсенділеріне алғыс хаттар табыстады.

Орталықтың белсендісі Бегімбетов Заман Ұлы Абайдың 175 жылдығына орай «Айттым сәлем, Қаламқас» әнін сарынына келтіріп орындап көпшіліктің құрметіне бөленді.

Сонымен қатар, мәдени орталықтың төраға орынбасары Кабиева Айгүл Кабиқызы атқарылған жұмыстар туралы есеп бере отырып, жастар қанатының белсенді мүшелеріне алғыс хаттар табыстады. – Қазақстандағы этносаралық қатынастардың әлемдік қауымдастық тарапынан бағалануы, ең алдымен, қазақ ұлтының еншісінде екендігі айқын. Осы тұрғыда ұлтымыздың тілін, ұлттық мәдениетін, құндылығын, ерекшелігін сақтау, өзге ұлт өкілдеріне дәріптеу мақсатын ұстанған «Әулие Ата» қазақ мәдени орталығының рөлі зор. Мәдени орталық көне Тараз жеріндегі қазақ халқын ортақ мақсатқа ұйыстыра отырып, облысымыздағы тұрақтылықты сақтау мен дамуына айтулы үлес қосып отыр. Бүгінгі күнге дейін бірнеше баспалдақтан көтеріліп, бірталай белестерді бағындырған мәдени орталық өз қызметін облыстағы, республикадағы ұлттық орталықтармен тығыз қарым-қатынаста жүргізуде. Белсенді қызметтің, атқарылған іс-шаралардың мақсаты – өзге ұлт өкілдеріне ұлттық құндылықтарымызды таныту, ұлтаралық қатынасты нығайтып, ынтымағымыз бен бірлігімізді арттырып, егеменді еліміздің мәртебесін көтеру, ел болашағы – жастарға халқымыздың тілін, ділін, ежелден келе жатқан салт-дәстүрін, тарихын, мәдениетін, ұлттық өнерін насихаттап үйрету, бойына сіңіруге, дамытуға септігін тигізу, – деп атап көрсетті бірлестік мүшесі Айгүл Кабиева.

Іс-шара соңында бірлестіктің жас әншісі Тұрсынбек Диана көрермендерге арнап «Аяулым» әнін орындады.

Қазақ мәдени бірлестігі облыста өткізілетін этносаралық қарым-қатынасты нығайтуға, халықтар достығын дамытуға бағытталған барлық іс-шараларға белсенді қатысатындықтан, дәстүрлі тілде өткізілетін бұл мәдениет және өнер күні халықтардың достығы мен бірлігін бекітіп, серіктестікті кеңейте түсері сөзсіз.

Жамбыл облыстық әкімдігі

ішкі саясат басқармасының

«Қоғамдық келісім» КММ

Баспасөз орталығы





Қоғамдық келісім кеңесі — билік пен халық арасындағы дәнекер ұйым

/in /by

 

Биыл Қазақстан халқы Ассамблеясының құрылғанына 25 жыл толды. Қызметі мен жасап жатқан жұмысы бір-біріне ұқсамайтын, ассамблея мемлекеттік тілді дамытуға да, медиацияны өркендетуге де, қайырымдылықты жандандыруға да, қоғамдағы ірілі-ұсақты мәселелерді шешуге де көшбасшы болып келеді. Ассамблеяға артылған қай міндет болмасын, еліміздің біртұтастығына ықпал етіп отыр деуге болады.

Қазіргі уақытта бүкіл республика көлемінде 2000-ға жуық қоғамдық келісім кеңестері жұмыс істейді. Ассамблеяның негізгі қызметін атқарып отырған Қоғамдық келісім кеңестері бүгінде қоғамда болып жатқан келеңсіз мәселелерді талқыға салып, нақты ұсыныстармен шешілу жолдарын қарастырып келеді.

Қоғамдық келісім кеңестерінің мүшелері де қоғамда беделі бар, айтары нақты, сөзі өтімді тұлғалардан сайланады. Бір сөзбен айтқанда, қоғамдық келісім кеңестері Ассамблея жанынан құрылып, татулық пен тұрақтылықтың сақталуына жергілікті билік өкілдерімен бірге қызмет етуде. Бүгінгі күні жергілікті атқарушы билік өкілдерінің Қоғамдық келісім кеңестерімен санасатынын да байқап отырмыз. Демек, бұл Кеңестердің айтары барын, халық атынан сөйлеуде, салмақты ой айтуда орны барын, беделінің артып келе жатқанын аңғартады.

Осы орайда, біз бүгін Ассамблея жанынан құрылған облыстық және аудандық Қоғамдық келісім кеңестерінің атқарған жұмыстарына тоқталмақшымыз.

Жамбыл облысында пандемия кезінде Қоғамдық келісім кеңестерінің атқарған жұмысы жайлы айтар болсақ, Жамбыл облысында 1 облыстық, 10 аудандық, 3 қалалық, 154 ауылдық округтер мен 13 ірі мекемелерде ҚХА Қоғамдық келісім кеңестері құрылып, жұмыс жүргізілуде.

Достық үйінде облыстық Қоғамдық кеңес және ҚХА Қоғамдық келісім кеңесі мен Аналар кеңесі бірлесуімен құрылған 4 топ «Бірыңғай ашық есік күні» аясында тұрғындардың өзекті мәселелері бойынша қабылдаулар жүргізілді, 45 адамның өтініші мен тілегі тыңдалып, 20 мәселе өз шешімін тапты және 25-і тиісті орындарға жолданды. Жамбыл облысында ҚХА қоғамдық келісім кеңестеріне екінші тоқсанда 404 өтініш келіп түсті, 299 өтініш өз шешімін тапты,105-і орындалу үстінде.

Атап айтқанда, көп балалы отбасыларды тұрғын үймен және ауыз сумен қамтамасыз ету, жолдарды жөндеу, газдандыру, көшелерді жарықтандыру, тұрғын үйлер салу үшін жер беру, аялдамалар салу және т.б бойынша 147 мәселе, көп балалы, жағдайы төмен, жас отбасыларға материалдық, әлеуметтік көмек беру, аймақтарды

абаттандыру бойынша, мектептер үшін кітаптар сатып алу, иесі жоқ иттерді аулау, елді-мекендегі тұрғындардың қауіпсіздігі, жеке меншіктің жиі ұрлануына байланысты мәселелер, тұрғын үй, ғимараттар мәлеселері бойынша 60 мәселе, қайырымдылық жұмыстар: қарияларға көмек көрсету, өрттен зардап шеккендерге үйді жөндеуге қаржылық көмек көрсету бойынша 49 мәселе шешімін тапты.

Қоғамдық келісім мен ұлттық бірлік саласындағы даулардың алдын-алу: бизнесті заңсыз әкімшілік қысым мен қылмыстық қудалау қаупінен қорғау, қалада инфрақұрылым мен коммуналдық қызметтердің тарифтік саясатын жүргізу, ауылдардағы емханалар, кәсіпкерлікті қолдау және заңсыз тексерулерден қорғау бойынша 33 мәселе, дауларды шешу: жанжал жағдайларының алдын-алу, дауларды медиация қағидаттарын қолдана отырып шешу бойынша 10 мәселе шешімін тапты. Қазіргі уақытта қоғамдағы тұрақтылыққа аса зор назар аударып отырған Қоғамдық келісім кеңестері Үкімет пен тұрғындар арасындағы әмбебап диалог алаңына айналғаны уақыт ақиқаты.

Жасыратыны жоқ, Қордай ауданында орын алған келеңсіз жағдай, бәрімізге – үлкен сабақ болды. Ендігі міндет – осындай жағдайға жол бермеу болып табылады.

Сондықтан да, Қордай оқиғаларынан кейін ауданда бірлескен Қоғамдық келісім кеңесі қайта құрылып, оның құрамына өз ортасында беделді және көпшілікке айтары мол, өмірлік бай тәжірибесі бар қоғамдық пікір жетекшілері енді. Бұл құрылымның тиімділігі республикалық деңгейде атап өтілді. Мұндай тәжірибе Қордай өңірімен ғана шектелмей өзге этнос өкілдері тығыз орналасқан Шу, Мерке, Байзақ, Жамбыл және Талас аудандарында қоғамдық келісім кеңестерінің саны арттырылып, сонымен қатар, бірлескен Қоғамдық келісім кеңестері құрылды. Осылайша, жоғарыда аталған бағыттар бойынша 87 Қоғамдық келісім кеңестерінің ішінен 12 Бірлескен Қоғамдық келісім кеңесі жаңа бағытта жұмыс атқаруды белсенді қолға алды. Бұл жұмыс облыстың басқа аудандарында да жүзеге асырылатын болады.

Сонымен бірге, «Бейбітшілік пен келісім» пилоттық жобасы аясында Жамбыл облысының тиісті сала мамандары аудан тұрғындарымен кездесіп, жоба аймақ тұрғындарының мәселелеріне нақты шешім табуға бағытталған. Облыс аудандарында халықты толғандыратын мәселелерді анықтауға, өңірдегі этносаралық келісімді нығайтуға бағытталған 49 іс-шара, әлеуметтік сауалнама өткізілді. Нәтижесінде тиісті мемлекеттік органдарға ұсыныстар жіберілді. Кездесу барысында жастар арасындағы жұмыссыздық, спорт және мәдени кешендердің жоқтығы, интернет күшінің төмендігі, азық-түлік бағасының жоғарылығы және этникалық белгісі бойынша қысым көрсету сынды мәселелер талқыланды.

Сондай-ақ, аудандардағы қоғамдық келісім кеңестерінің кеңейтілген отырыстары өтіп, аудандағы ауыл жастарының құқықтық сауатын арттыру, патриоттық сезімдерін ояту, Отан алдындағы әскери борышын өтеуге тарту, діни ұйымдар жұмысын қадағалау, білім алуға этнос балаларының толық қамтылуы, этнос жастарының мемлекеттік тілді меңгеруі сияқты бірқатар мәселелер көтерілді.

Бұған қоса, Қордай ауданындағы Масаншы, Сортөбе, Ауқатты, Қаракемер, Қарасай, Қарасу ауылдарының белсенділері мен ақсақалдарының бірлескен Қоғамдық келісім кеңесінің бүгінгі күнге дейін 7 отырысы өткізіліп, тұрғындар арасындағы әлеуметтік-рухани мәселелер бойынша нақты шешімдер қабылданды.

Этностар жинақы орналасқан Байзақ, Жамбыл, Талас, Шу, Меркі аудандарында бірлескен кеңестер жұмысы ұйымдастырылуда. Жамбыл облысының Сарысу, Талас, Байзақ және Меркі аудандарында ҚХА-ның «Қайырымдылық керуені» аясында облыстық қоғамдық келісім кеңесінің «Жергілікті атқарушы билік органдары мен қоғамдық келісім кеңесінің қоғамдық бірлік пен келісімді нығайтудағы өзара іс-қимылы» тақырыбында көшпелі отырыстары өтіп, онда инфрақұрылымын жақсартуға, мемлекеттік және ана тілдерін әрі қарай терең меңгеру мақсатында жасы келген кісілерді қамту, жайылымдық жер, ұлттық кәсіп- қолөнерді жаңғырту жөнінде қоғамдық қабылдаулар ұйымдастырылды.

Қорыта келгенде, Жамбыл облысы бойынша Қазақстан халқы ассамблеясы Қоғамдық келісім кеңесі көмегімен 2020 жылдың 4-ші тоқсанында әлеуметтік осал топтағы 3660 отбасына 135 млн 800 мың теңгеге қайырымдылық жасалды.

Жамбыл облысы әкімдігінің білім басқармасы оқу-әдістемелік кабинеті басшысының орынбасары,

Қоғамдық келісім кеңесінің төрағасы Тажибаев Бигелді Халилуллаұлы

Қазақ елінің Абайы мен қазақ тілі мен үшін егіз ұғым

/in /by

Өзі ақын, өзі дана, қазақтың ортақ мақтанышына айналған халқымыздың ұлы перзенті, ақын, философ Абай Құнанбайұлының туғанына 175 жыл толуына орай, мемлекет көлемінде және халықаралық деңгейде, соның ішінде осы өзіміздің облыстық ассамблея аясында «Абай 175» челленджі, «Абай мұраларын насихаттау» сияқты ауқымды іс-шаралар өткізілді.

Абай өз ғұмырының ақырына дейін қазақ балаларын оқуға, білім-ғылыммен айналысуға, рухани дамуға және әлемдік мәдениеттің құндылықтарын бойға жинауға шақырғанын білеміз. Дана ақын келер ұрпақты, яғни бізді – «жүрегімнің қуаты, перзенттерім» деп бағалаған. Айтылған сөз, жазылған жауһар ойлар бірінші кезекте бізге – қазақ елі жастарына бағытталады.

Жат мінез-құлықтан аулақ болудың нақты жолдарын меңзейді. «Күллі адам баласын қор қылатын үш нәрсе бар. Сонан қашпақ керек: Әуелі – надандық, екінші – еріншектік, үшінші – залымдық» – деп толғайды ұлы ғұлама.

Ұлы дала философы және ағартушысының өмірден озғанына ғасырдан астам уақыт өтсе де, оның бейнесі туған халқына, туған ұлтына жақындай түсуде.

Абай атамыз жөнінде Қазақстан Республикасының Президенті Қасым-Жомарт Тоқаев та, «Абай және ХХІ ғасырдағы Қазақстан» мақаласында айтып өткендей: «Абайды білу – өзіңді тану. Өзін-өзі тану және адамның тұрақты дамуы, ғылым мен білімнің басымдығы – жетілудің көрінісі»- деп атап көрсетті. Абай шығармашылығы тек қазақ халқының ғана мұрасы емес, шетелдіктердің де, бұған қоса, қазақ елінде тұрып жатқан өзге ұлт өкілдерінің де мақтанышы. Қазақ елін Абай арқылы тани түсіп, ақынның жырлары арқылы бағалайды.

Ұлы бабамыз замана атты ұлы күштің, халқының бүгіні мен ертеңіне, болашағына – бізге жас ұрпаққа алаңдады. Ол сонау өз заманында-ақ, туған халқын қараңғылықтың бұғауын бұзып, жарқын күндердің шуағына бөленетін жолдарды іздестіріп, тіршілік мақсаты мен мұраты ілім мен ғылымда деген берік тоқтамға келді.

Сондықтан да болар, біздің өңірлік ассамблеяның «Жаңғыру жолы» жастары қозғалысының әрбір мүшесі өздері оқып жүрген – мектеп, колледждегі, жоғарғы оқу орындарында, сонымен бірге облыстық ассамблеямыздың білім-тәрбиесімен Абайдың шығармашылығын тереңірек зерттеп, өзі үшін өмірлік маңызды бағыт-бағдарды таба білуде.

Солардың бірі өзім бола тұра, Жамбыл облыстық әкімдігінің «Қоғамдық келісім» мекемесінің қабырғасында жүріп, оның тәлім-тәрбиесінің арқасында жуық арада – ағымдағы жылдың қазан айында Қазақстан халқы Ассамблеясы ұйымдастыруымен Нұр-Сұлтан қаласында өткен «Ұлы даланың ұлтаралық тілі» форумына онлайн түрде қатыстым. Облыстық көлемде өзге ұлттар арасында өткен «Жамбыл жырлары» байқауында үздік өнер көрсеткенім үшін марапатталдым. Бұған қоса, «Жаңғыру жолы» жастар қозғалысының

қайырымдылық іс-шараларына белсене араласып, Абай мұраларын жастар арасында насихаттауда ол кісінің шығармаларын зор ниетпен өзімше зерттеп-оқып, мемлекеттік тіл мәртебесін көтеруде, сондай-ақ, дүнген ұлтының салт-дәстүрін жаңғыртуда да шамам келгенше өз үлесімді қосып жүрмін.

«Ұлы даланың ұлтаралық тілі» форумына қатыса отырып, мемлекеттік тілді еркін меңгерген жерлестеріме, әрі ұстазыма (№34-орта мектептің директоры Динара Нұралиева ) оның ішінде жастарға үлгі боларлық Динара Нұралиева, Виктория Трегубоваға, өзге облыстардың да басқа ұлт өкілдеріне қазақ тілін білудегі ықыластарына риза болдым, оларға деген өз қызығушылығымды жасырмаймын! Кішкентайымнан қазақ тілін білуге деген құштарлығым мені талай армандарға жетеледі.

«Өзге тілдің бәрін біл, өз тіліңді құрметте!» деп Қадыр Мырзалиев ағамыз айтқандай, өзімнің туған тілім дүнген тілімен қоса, қазақ тілін де өзімнің ана тілімдей көремін! Кішкентай кезімнен мемлекеттік тілге деген сүйіспеншілігімді көрген ата-анам мені қазақ сыныбына берген еді. Қазіргі кезде сол ата-анама және мектеп мұғалімдеріне алғысымды айта отырып, қазақ тілін жетік меңгеретінімді мақтан етемін! Мемлекеттік тілдің болашағы біздің – жастардың қолында! Сондықтан, тілдің дамуына барлық өзге ұлт өкілдері бір адамдай ат салысайық!

Қорыта келгенде:

Күллі адам өзгерер, Алла өзгермес,

Адал кітап бұл сөзді бекер демес.

Адам нәпсі, өзімшіл мінезбенен,

Бос сөзбенен қастаспай түзу келмес!

Махаббатпен жаратқан адамзатты,

Сен де сүй ол Жаратканды жаннан тәтті, Адамзаттың бәрін сүй бауырым деп,

Және адал жолы осы – әділетті! – деп айтып кеткендей, ғұлама Абай атамыздың осы өсиетті сөздерін үлкен, кіші де жадымыздан шығармасақ, Қазақ елінде бейбітшілік пен келісім өз жарасымын да, жалғасын да табары сөзсіз!

Жамбыл облыстық ҚХА

«Жаңғыру жолы» жастар қозғалысының мүшесі,

«Вынхуа» дүнген ассоциациясының жас өкілі

Амина Курбанова

Таразда тәжік этносының мәдениет күні өтті

/in /by

Ағымдағы жылдың қараша айында Тараз қаласының Достық үйінде Тәжік ұлтының салт-дәстүрі мен әдет-ғұрпы, мәдениеті мен тарихына арналған этнос күні аталып өтті. «Жамбыл облыстық Тәжік этномәдени бірлестігі» қоғамдық бірлестігі ұйымдастырған мерекелік іс-шараны орталық төрағасы Мулладжанов Алижон Шукурович ашты.

Концерттік бағдарламада тәжіктердің классикалық поэзиясынан үзінділер және қазіргі тәжік авторларының өлеңдері орындалды. Тәжік халық аспабы «дутардың» сүйемелдеуімен халық әндері орындалып, ұлттық билер биленді.

Көрермендерге дәстүрлі тәжік тағамдарын дайындаудағы шеберлік сыныбына қатысып, тағамдардан дәм тату мүмкіндігі бұйырды. Сәндік-қолданбалы өнер көрмесінде Тәжікстанның түрлі аймақтарынан келген тәжік халық киімдері, кестеленген кілем, дастархан, жастықтар және көне және заманауи керек-жарақтардың барлығы қойылды.

Іс-шараның соңында этномәдени бірлестіктің төрағасы аз қамтылған отбасылардың балаларына жылы киімдер мен аяқ киімдер үлестірді. Сонымен қатар, бірлестіктің белсенді мүшелерін алғыс хаттар және естелік сыйлықтармен марапаттады.

Тәжік этномәдени бірлестігі облыста өткізілетін этносаралық қарым-қатынасты нығайтуға, халықтар достығын дамытуға бағытталған барлық іс-шараларға белсенді қатысатындықтан, дәстүрлі тілде өткізілетін бұл этнос күні халықтардың достығы мен бірлігін бекітіп, серіктестікті кеңейте түсері анық.

Жамбыл облысы әкімдігі

Ішкі саясат басқармасының

«Қоғамдық келісім» КММ

Баспасөз орталығы





Таразда «Жамбыл жырлары» атты өзге ұлт өкілдері арасындағы облыстық байқауы өтті

/in /by

 

Ағымдағы жылдың қарашасында Жамбыл облысы әкімдігінің мәдениет, архивтер және құжаттама басқармасы мен Шерхан Мұртаза атындағы руханият және тарихтану орталығының ұйымдастыруымен жыр дүлдүлі, айтыс өнерінің дарабозы Жамбыл Жабаевтың шығармаларын насихаттау, мемлекеттік тіл мәртебесін асқақтату және отансүйгіштік сезімін арттыру мақсатында өзге ұлт өкілдері арасында өткен облыстық «Жамбыл жырлары» байқауы өтті.

Қазан айында бастау алған байқау бұған дейін Жамбыл облысының 10 ауданы мен Тараз қаласында өткізіліп, іріктеу кезеңіне қатысқан 70-тен астам үміткердің 17-сі облыстық байқауға жолдама алған. Олардың ішінде өзбек, моңғол, орыс, ұйғыр, шешен, татар, болгар, қарашай, қырғыз, күрді, дүнген, әзербайжан, кәріс ұлттарының өкілдері бар.

«Рухани жаңғыру» бағдарламасының «Ұлы даланың ұлы есімдері» жобасы аясында ұйымдастырылған бұл іс-шара екі кезеңнен тұрды. Бірінші кезең – Жамбылдың жырларын мәнерлеп, нақышына келтіре отырып жатқа оқу болса, екіншісі – қазақтың халық әндерін немесе халық композиторларының әндерін жанды дауыста орындау.

Аталмыш байқауға қатысушылардың жас ерекшелігіне шектеу қойылмады. Байқау қорытындысы бойынша бас жүлде теледидарда барлығынан өзге ерекшеленіп, ұлттық саз аспаптарының сүйемелдеуімен өнер көрсеткен Жамбыл ауданынан келген ұйғыр ұлтының өкілі – Мухаббат Алеханова, 1-орын мен ноутбук сыйлығын Меркілік қарашай-балқар ұлтының өкілі Анеля Гочаева иеленсе, екінші орын Байзақ аудандық моңғол ұлтының өкілі Салтанат Жаба мен Қордай аудандық орыс ұлтының өкілі Любовь Харченкоға бұйырды. Оларға арнайы дипломдары мен смартфон сыйлықтары табысталды. Ал үшінші орынды Қордайдан келген кәріс ұлтының өкілі Тимур Ким, Т.Рысқұлов ауданынан келген қырғыз ұлтының өкілі Жамболат Самарұлы, Шулық әзірбайжан ұлтының өкілі Сабина Фараджаева алды. Оларға сый ретінде планшет тапсырылды.

Айта кетерлік байқаудың тағы бір ерекшелігі – мемлекеттік мекемелер мен облыстық бұқаралық ақпарат құралдарының өкілдері өз тараптарынан арнайы жүлделер тағайындады.

Облыстық халық шығармашылығы орталығы қатысушылардың ішіндегі Қордай ауданының Масаншы ауылынан келген дүнген ұлтының өкілі Дариға Улюрованың өнерін ерекше бағалап, алғыс хат пен ақшалай сыйлығын табыстады.

Облыстық білім басқармасының мәнерлеп үздік оқығаны үшін тағайындаған арнайы сыйы Сарысу аудандық татар ұлтының өкілі Алсу Фахриддиноваға бұйырды.

Сондай-ақ, байқауға Жамбыл облыстық ҚХА «Жаңғыру жолы» жастар қозғалысының еріктілері, «Вынхуа» дүнгендер этнобірлестігінің жас мүшелері және қалалық №34 мектептің 10 сынып оқушылары Искакова Руфина мен Курбанова Амина қатысты. Курбанова Амина үздік өнер көрсеткені үшін номинация бойынша ынталандыру сыйлығымен марапатталса, Искакова Руфина «Тілдерді дамыту» басқармасының арнайы жүлдесінің иегері атанды.

Іс-шара жоғары деңгейде өтіп, қатысушылар өз ризашылықтарын білдірді.

Жамбыл облысы әкімдігі

Ішкі саясат басқармасының

«Қоғамдық келісім» КММ

Баспасөз орталығы

Таразда «АХЫСКА» Түрік этносының мәдениет күні өтті

/in /by

Ағымдағы жылдың қараша айында Тараз қаласында «Ахыска» түрік этномәдени орталығы» қоғамдық бірлестігінің Жамбыл облыстық филиалы төрағасы Махмұджон Мираддинұлы Давришев бастаған түрік этносының мәдениет күні түрік-ахыска депортациясының 76 жылдығына орайластырылып өткізілді.

Этномәдени бірлестіктің басшысы айтқандай: «Депортацияның 76 жылдығында біз қуғын-сүргінге ұшыраған барлық қаза тапқан отандастарымызды кішіден үлкенге дейін құрметтейміз. Кеңес әскері бір сағат ішінде 120 мыңнан астам адамды жаппай мәжбүрлеп елінен шығаруды жүзеге асырды. Қарттарды, әйелдер мен балаларды суықта мал вагондарына тиеп, туған жерінен мыңдаған шақырымдық Қазақ жеріне

жер аударды. Бірақ, бұған қарамастан, түрік халқы бауырлас қазақ халқымен бір шаңырақ астында қатар тұрып, Қазақстан жерінде бақытты өмір сүріп кете алды» – деп атап өтті.

Іс-шараға ақсақалдар алқасы, саяси қуғын-сүргін құрбандарының ұрпақтары шақырылды. Бұған қоса, олар үшін мерекелік дастархан жайылып, қасиетті Құраннан сүрелер оқылды. Этномәдени бірлестік мүшелері қазақ халқына деген жылы лебіздерін білдірді.

Жиын соңында түрік этносының белсенді өкілдеріне қоғамдық келісім мен жалпыұлттық бірлікті, мемлекеттік ұлттық бірегейлікті және облыстық ассамблея қызметін нығайтуға қосқан елеулі үлесі үшін алғыс хаттар мен естелік сыйлықтар табыс етілді.

Жамбыл облысы әкімдігі

Ішкі саясат басқармасының

«Қоғамдық келісім» КММ

Баспасөз орталығы





Page 5 of 16
1 … 3 4 5 6 7 … 16