Манарбек Көшкімбаев «Nur Otan» партиясы Мойынқұм аудандық филиалы төрағасының бірінші орынбасары, Жамбыл облысы Мойынқұм аудандық Қоғамдық келісім кеңесінің мүшесі.

/in /by

Елін сүйген Елбасы.

Мен ҚР Тұңғыш Президенті – Елбасы Нұрсұлтан Назарбаевтың «Бірлесе білген ел бәрін жеңеді» атты мақаласын мұқият оқып шықтым.

Тәуелсіздікті алудан көрі оны сақтап қалудың қиындығын білген Елбасы өзінің мемлекетті басқарудағы әр қадамын оның тәуелсізідігін нығайтуға бағыттап отырды. Тәуелсіздікке қол жеткізген 30 жылдың  ішінде кәсіби мемлекеттік аппарат қалыптасып, өзіміздің әскери доктринамыз бекіді.

Біз әлемдік қауымдастықта  ойып алар орны бар, өзіндік геосаяси ортаны қалыптастыруға ықпал ететін, бағыты айқын елге айналдық. Еліміз ядролық қарудан өз еркімен бас тартып, әлемге бейбітшілік шуағын таратып, үлгі көрсетті.

Елбасы әлемді шарпыған індетке байланысты «Nur Otan» партиясының жұмысын жандандырып, қиын кезеңде халыққа қолдау жасап, «Біз біргеміз!» акциясын жариялады.  Акцияны қолдаушылар аз қамтылған отбасыларға, көп балалы, мүмкіндігі шектеулі жандарға жәрдем жасап,  жер-жерде қолдау көрсетуде.

Мақаланы оқи отырып, мен Елбасыны туған жерді, Отанды, халқын әр азаматтың қалай сүю керектігінің үлгі -эталоны,  елін сүйген Елбасы ретінде таныдым.  Ол халыққа ақжолтай  тілегін арнап, ақ батасын берді.

Халқымызда “Іштен шыққан жау жаман” деген сөз бар. Осындай қиын кезеңде үрей туғызып, кереғар сөз айтып, ұрандатқан адамдарға халық болып тосқауыл қойып, сабырға шақырайық.  Елбасы Н.Назарбаев мемлекет тарапынан қажетті барлық шаралар атқарылатынын және бірде – бір адамның қамқорлықсыз қалмайтынын тағы да кесіп айтты.

Ендеше “Бетеге кетсе бел қалар, Бектер кетсе ел қалар, Берекең кетсе нең қалар” деп Бекет атамыз айтып кеткендей, тәртіпке бағынып, берекені келтірейік!

Аты жаман жұқпалы дертті жеңе білу үшін қойылған талапты бұлжытпай орындап, бәріміз бірге темірдей тәртіпке бағынайық!.  Біз Біргеміз!

Абдурахман Зайнутдинов Тараз қалалық өзбек этномәдени бірлестігінің төрағасы

/in /by

Жұмыла көтерген жүк жеңіл

Елбасымыз Қазақстан халқына арнап «Бірлесе білген ел бәрін жеңеді»  атты мақаласын жариялады. Мақаламен толық танысып шыққаннан кейін өз ойымды білдіруді жөн көріп отырмын. Тұңғыш Президентіміз аталған мақалада халықты сабырға, төзімділікке, бірлікке үндеген.

Еліміз Тәуелсіздік алған жылдардан кейін  дамудың даңғыл жолына түсті. Алыс-жақын, көршілес елдермен қоян қолтық араласып, көптеген игі істерді атқардық. Өзара келісім мен тұрақтылыққа негізделген саясатты ұстандық. Татулық пен бірегейліктің арқасындада көптеген  тірліктің түйіні тарқатылып, шешімін таптық.

Сондай-ақ,  Елбасымыз барша адамзатқа қауіп төндіріп отырған аты жаман індетті жеңу үшін халықты бірлікке шақырды. Бұл туралы мақаласында аға ұрпаққа арнайы айтарым бар деп тоқталған. Онда халықты  ынтымақ – бірлікке және сабырлыққа шақырыңдар, жастарды еңбек пен білімге құштарлыққа, қатарының алды болуға үндеңдер деген.  Себебі бұл ұрпақ алдындағы артылған жауапкершілігіміз бізді осыған міндеттейтінін еске салған.

Сондай-ақ әрбір жан отбасы мен балаларының денсаулығына деген жауапкершілігін арттырса деген. Себебі бұл дәл қазіргі жағдай үшін аса маңызды.

Мен,  Елбасының мақаласында айтылған мәселелерді қолдай отыра, халықты сабырлыққа, бірлікке шақырамын. Бұл күндер де өтіп, мамыражай өмірімізге қауышатын шақ алыс емес. Сол үшін барынша төзімділік пен сабырлылық танытайық. Айтылған талап-тілектерді қатаң сақтап, еліміздің сын сағаттан аман-есен өтуіне өз үлесімізді қосайық!

 

 

Сарыбеков Махметғали Нұрғалиұлы Жамбыл облысы ҚХА жанындағы ғылыми-сараптамалық топтың төрағасы

/in /by

Бүгін Елбасы Нұрсұлтан Назарбаев Қазақстан халқына арнап “Бірлесе білген ел бәрін жеңеді”  атты мақаласын жариялады. Мақаланы оқып ой түюді жөн көрдім. Елбасы өз мақаласында халықты сабырлы болуға, мәселеге байыппен қарауға шақырады.

Еліміз қашанда көршілес елдермен, алыс-жақын шет мемлекеттермен әрқашан достық қарым-қатынаста болып, өзара сенім мен ықпалдастыққа негізделген саясатты ұстанды. Татулық пен бірліктің арқасында көп қиындықты жеңіп, жетістікке жеттік.

Жұқпалы індеттен бүкіл әлем әбігерге түсті.  Экономикалық дағдарыс орнады, кәсіпорындар жабылып,көлік қозғалысы шектеліп, шекараларға шектеу қойылып, елдер арасындағы алыс-беріс, байланыс үзілді. Міне осындай қиын кезеңде елдігіміз сыналу үстінде. Елбасы өз мақаласында бір-біріне”санкциялық соғыс” жариялаған елдер бүгін бір-біріне көмек көрсетіп жатқанын айтады. Расымен, адамзат баласы бұл қиындықты тек ауызбіршілікпен, темірдей тәртіппен жеңуге болатынын ұғынды.

Десек те, елдегі қиын-қыстау кезді пайдаланатын арам пиғылды адамдар да, өкінішке орай бар. Олар ел арасына іріткі салып, адамдарды арандатып бір-біріне айдап салуды мақсат етеді. Ел болашағына зиян келтіреді. Қоғамды құлдыратады. Осы орайда Нұрсұлтан Әбішұлы ел азаматтарын бірлік пен татулыққа шақырады, арандатушылардың  арбауына түспеуге үндейді. Ол үшін әр адам аса сауатты, білімді, парасатты болумен қатар өзіне сабыр мен төзімді серік етуі керек.

Мақалада сонымен қатар ұлттық қор мен алтын-валюта қорында 90 млрд АҚШ доллары барын айтып, оны үнемді, дұрыс жұмсасақ бұл кезеңнен де қиналмай өтеміз деді.  Ата заңымыздың бірінші бабында “Мемлекеттің бірінші байлығы- адам және оның өмірі” деп нақты жазылған. Еліміз басты байлық- адам өмірін арашалап алу үшін қолдан келген бар шараны жасап жатыр. Ол үшін бізде білікті маман, озық технология, материалдық ресурс, азық-түлік бар. Тек сабыр сақтасақ,біріге әрекет етсек, еңсені түсірмей елге демеу болсақ бәрін жеңеміз.

Елбасы Нұрсұлтан Әбішұлы батыр бабамыз Бауыржан Момышұлының “Тәртіпке бағынған құл болмайды, тәртіпсіз ел болмайды” деген нақыл сөзімен ұлтымызды ұйымшыл болуға, белгіленген тәртіпті бұзбауға шақырды. Иә, ел тағдыры, халқымыздың амандығы әрқайсымыздың қолымызда. Ендеше, тәртіп сақтайық, мамандардың кеңесіне құлақ түрейік, сабыр мен төзімді серік етейік.

Әлемді бірлік құтқарады

/in /by

Әлем халықтарын алаңдатып отырған пандемия  біздің елді айналып өткен жоқ. Көліктер жүрмейді, ұшақтар ұшпайды, адамзат тіпті жақын-жуығымен қатынаспайды. Планетаны дүрліктірген індетті бүгінде 1,4 миллионнан астам жұқтырып алса, ондаған мың адам осы дерт салдарынан көз жұмған.

Тұңғыш Президентіміз – Елбасы Нұрсұлтан Назарбаев еліміз қауіпті дерттің алдын алуға әлем елдерінің арасында алғашқылардың бір болып кіріскендігі туралы өз мақаласын жариялаған екен. Мақаламен толыққанды таныса отыра ауыр індеттің зардабы  қабырғамызға аяздай батып тұрсада оған ел болып жеңетінімізге сенімділігім арта түсті. Әрине бұл күндердің де өтетіні ақиқат қой. Алайда, осы дерттің салдарынан қаншама бауырларымыз жап шегіп жатыр. Қайта дер кезінде атқарылып жатқан тиісті сақтандыру шараларының арқасында әлемнің кей елдерінен қарағанда біздегі жағдай бір қалыпты екені белгілі. Елбасының «Бірлесе білген ел бәрін жеңеді» атты мақаласы арқылы біз өз еліміз бен жерімізді аман сақтау арқылы әлемді құтқаратынымызға тағы бір мәрте көз жетті.

Еліміздің бүгінгі бейбіт күні уысымызға оңай олжа болып түспенгені анық. Қазақстан қазіргідей бірігу мен бірлесуге негізделген саясатын ұзақ жылғы  еңбек пен Елбасының мықты саясаткерлік қабілетінің арқасында қалыптастырған. Мақаланы оқи отырып болашақ үшін, алда күтіп тұрған алмағайып замандардың сын сағатында сынбай керісінше еңсеру үшін қаншама игі істердің атқарылғанына тағы бір мәрте илансам, жүзеге асқан сындарлы саясаттың жемісін көріп отырғанымызды бүгінгідей уақытта расымен өмірдің өзі дәлелдегендей. Сондай-ақ Елбасы мақалсаында Ата заңымыздың бірінші бабында «Қазақстан Республикасының ең қымбат қазынасы – адам және оның өмірі» нақты жазылғанын тілге тиек еткен. Бұл нені аңғартады. Бұл қандай жағдайда да еліміз үшін әрбір адамның саулығы мен салауатты өмірінің бірінші орында тұрғанын аңғартады. Әлемге ауыр батпандай батып тұрған  індетті тек халқымыздың төзімділігі, ерік –жігері және өзіне деген зор сенімнің арқасында алып шығатынымыз, ол үшін бізге қажетті қаржы-қаражат, материалдық ресурс, техника, азық – түліктің жеткілікті әрі оғана абыржып, алаңдаудың еш себебі жоқ екендігі де мақалада ерекше айтылған. Сонымен қатар әрбір жан өзінің және отбасының, ата-анасы мен бала-шағасының өміріне, денсаулығына зор жауапкершілік қарау керектігі айтылған. Себебі әрбір отбасы – халықтың, ал халық мемлекеттің басты негізі. Елбасы мақаласында ел бірлігі мен берекесі туралы баса айтты. Біздің алуандығымыз – бәсекелі және жаһандық әлемдегі баға жетпес байлығымыз бен артықшылығымыз.

Мақала барысында Елбасы өз сөзін үш топқа жіктеп айтқан. Бірінші топ аға ұрпақ, зиялы қауымға халықты ынтымақ – бірлікке және сабырлыққа шақырыңдар, жзастардың еңбекке, білімге құштарлыққа, қатарының алды болуға үндеңдер деген.  Себебі бұл ұрпақ алдындағы жауапкершілігіміз бізді осыған міндеттейтінін еске салған.  Екінші топ жаңа өскін жас ұрпақ. Тұңғыш Президенттің келесі айтылған сөзі болашақ ұрпағымызға бағытталған. Оларға «Еліміздің ең қуатты күші өздеріңсіңдер» деді. Саналы адамға мына сөз әсер етпей қоймауы мүмкін емес. Бұдан өзге оларға аға буынның ұрпақ үшін аянбай еңбек еткендері, кезек өздерінде екендері  әрі жаманнан жиреніп, жақсыдан үйренулері керек екендері, үлкенге – құрмет, кішіге – ізет көрсетіп бауырмал болу басты міндеттеріекені айтылды. Ал үшінші топ кәсіпкерлер. Оларға «Мен еліме не беремін» дейітін сын сағатьтың туғандығы айтылды. Расымен кәсіпкер жандардың халыққа көмек қолын созатын дәл уақыты. Әрине жомарт жандар баршылық. Олардың шарапатында көріп жатырмыз. Деген осы үрдістің жалғасқаны керек. Әрі бұл үрдістің жалғасатына Елбасыда ерекше сенімділік танытқан. «Ұрпақ пен дәстүр сабақтастығы болған жерлде ғана игілік пен ізгілі қатар өркен жаяды»- дейді Елбасымыз.  Сонда-ақ мақалада дәл қазіргі уақытта бірде-бір адамның  мемлекет қамқорлығынсыз қалмайтыны айтылған.

Міне, елін сүйген, халқын аялаған, сын сағатта халықтың қасынан  табылған ер осындай болмақ. Елбасы мақаласын оқыған әрібір жанның көкейіндегі күдік сейіліп, сенімділігі артады, тек бүгінгі таңдағы жағдайда ғана емес кез-келген уақытта көңілдеріне медеу болатынына кәміл сенімдімін.

 

Муминов Бахром Тоқтасынович

«Жамбыл облысы өзбек этномәдени бірлестігі» қоғамдық бірлестігінің төрағасы

Таразда Шопеннің 210 жылдығы аталып өтті

/in /by

Ағымдағы жылдың наурызында көрнекті поляк композиторы әрі  пианисті, поляк музыка мектебінің негізін қалаушы және еуропалық музыкаға романтикалық бағытты әкелген Фредерик Шопеннің туғанына 210 жыл толды.

Осыған орай,  «Еврей қайырымдылық ұйымы»  Қамқорлық Орталығы. Хэсед Полина», «Шиват Цион» Жамбыл облыстық еврей мәдени орталығы» қоғамдық бірлестігі және «Жамбыл облыстық «Полонез» поляк тілі және мәдениеті» орталығы» қоғамдық бірлестігі  бірлесіп М. И. Глинка атындағы балалар музыка мектебі дирекциясының қолдауымен «Шопениана» дәріс – концерт форматында мерекелік кеш өткізді.

Кешке Қазақстан халқы ассамблеясы мен облыс әкімі аппаратының «Қоғамдық келісім» КММ басшылары, Тараз қаласының еврей және поляк қауымының мүшелері, музыка мектебінің ұстаздары мен оқушылары, және олардың ата-аналары қатысты.
         Кешті қысқа кіріспе сөзбен «Авраам» клубының жетекшісі, еврей қауымының ақсақалы Михаил Бунин ашты. Фредерик Шопеннің өмірі мен шығармашылығы туралы кеш  ұйымдастырушысы, музыкатанушы, «Хэсед Полина» еврей қайырымдылық ұйымының волонтері Людмила Кришнер таныстырды.  Ал, Польшада сақталаған  ұлы композитор туралы естеліктер туралы «облыстық «Полонез» поляк тіл және мәдениет орталығы» қоғамдық бірлестігінің төрайымы Лариса Калькова өз әсерлерімен бөлісті.

Концертте белгілі пианисттер Виктор Зоринның, Азиза Кушаковның, музыка мектебінің оқушылары Максим Кудринның, Зульфия Кабированың, Нелли Баранецканың, Меруерт Қасымның орындауындағы Фредерик Шопен шығармалары орындалды. Тараз мемлекеттік педагогикалық университетінің студенттері Ксения Русакова мен Татьяна Дума ЮНЕСКО халықаралық би кеңесінің мүшесі, оқытушы Ольга Привалованың Шопеннің музыкасына қойылған балет жанрындағы ерекше би қойылымын көрсетті. Сонымен қатар, кеш барысында Поляк қауымының жас таланттары Татьяна Сакович пен Матвей Любаев белгілі композиторға арнап поляк тілінде өлеңдер оқыды.

Кеш соңында еврей және поляк этномәдени бірлестіктерінің басшылары концерттің барлық қатысушыларына «Шопениан» шығармашылық кешіне қатысқаны үшін алғыс хаттар табыс етті.

Бибігүл Шахзада

Жамбыл облысы әкімі аппараты

«Қоғамдық келісім» КММ

Баспасөз қызметі орталығы

Таразда Медиация кабинетінің кезекті Ашық есік күні өтті

/in /by

Жамбыл облысы әкімі аппаратының «Қоғамдық келісім» коммуналдық мемлекеттік мекемесі ағымдағы жылдың наурыз айында Тараз қаласы Достық үйінің медиация кабинетінде медиацияның Ашық есік күнін ұйымдастырды.

Іс-шараға облыстық және қалалық соттардың өкілдері, адвокаттар, кәсіби және кәсіби емес медиаторлар, Ақсақалдар мен аналар кеңестерінің өкілдері, Жамбыл облыстық ҚХА этномәдени бірлестіктерінің мүшелері қатысты. Аталған іс-шараның мақсаты – қоғамдық келісім мен жалпыұлттық бірлікті қамтамасыз ету бойынша медиация институтын дамыту мақсатында заңнамадағы қабылданған шаралар туралы азаматтарды хабардар ету.

Медиация кабинетінің меңгерушісі Валентина Досыбиева алғы сөзін медиациялық кездесулер жөнінде бастап, тарқатып айта келе: – Біздің осы алаңдағы кездесулеріміз дәстүрлі болды, диалог жолға қойылып, түсіністікке қол жеткізілді. Біз медиация институтын, азаматтардың құқықтық мәдениетін дамытуға және татуластыру рәсімдерін насихаттауға ықпал ету – бір іс жүргізудеміз. Татуластыру рәсімдерін дамыта отырып, біз адамдарға өзара тиімді және өзара тиімді шешімге қол жеткізуге, отбасылық, серіктестік және тату көршілік қарым-қатынастарды сақтауға  көмектесеміз, – деп атап өтті.

Қылмыстық заңнамадағы өзгерістермен №2 қалалық сотының судьясы – Жанна Есболқызы Байдаулетова бөлісті, ол қылмыстық істерді сотқа дейінгі тергеу сатысында ғана емес, үкімді орындау сатысында да қарау кезінде медиацияның өміршеңдігін саралай өтті.

Азаматтық заңнамадағы өзгерістер туралы облыстық соттың бітімгершілік бойынша рәсімдеуші судьясы Нұрлыбаева Динара Ничаевна айтып берді: –26 ақпанда Мәжіліс депутаттары бірінші оқылымда Азаматтық іс жүргізу кодексіне түзетулерді мақұлдады. Татуластыру рәсімдеріне (медиацияға) қатысты жаңашылдықтар сотқа жүгінгенге дейін азаматтарды татуластыру рәсімінен өтуге ынталандыруға бағытталған.

Тараз қалалық сотының судьясы Жанна Мерекеқызы Абаева 2019 жылы құрылған бітімгершілік процедуралар жөніндегі әдістемелік құралдың жаңартылған нұсқасын таныстырды, ол медиаторлар, адвокаттар, судьялар, заңгерлер, студенттерге арналған аудитория еді.

Тұсаукесердің соңында қатысушыларға жаңартылған оқу құралына қолжетімділікті қамтамасыз етіп, қақтығыстарды реттеу кезінде ұсынымдарды пайдалануды және келешекте оқу құралында қызықтыратын тақырыптар бойынша өз ұсыныстарын жіберу көзделді.

Қатысушылар арасындағы жанды диалог келелі мәселелерді талқылау барысында медиацияның қыр-сырын тағы да айшықтай түсті. Іс-шарадан өзіндік әсер алған қатысушылар судьяларға, адвокаттарға, заңгерлерге өздерін қызықтырған сұрақтарын қойып, оларға толық жауаптар мен кеңестер алды. Бұл көбінесе отбасылық және азаматтық даулар бойынша сұрақтар және де еңбек даулары бойынша енгізілген ұсыныстар еді.

Жамбыл облысы әкімі аппараты

«Қоғамдық келісім» КММ

Баспасөз қызметі орталығы

 

 

 

 

 

 

 

Дембаева Гүлмира Маханбетқызы

/in /by

Үстіміздегі жылдың 5-жұлдызында Тараз қаласындағы Достық үйінде  белгілі журналист Дембаева Гүлмира Маханбетқызы Қазақстан халқы Ассамблеясы төрағасының орынбасары Түймебаев Жансейіт Қансейітұлының арнайы алғыс хатын алып, «Мейірім» төсбелгісімен марапатталды. Журналисттің марапатын Жамбыл облысы әкімі аппараты «Қоғамдық келісім» КММ басшысы Рано Махсудқызы тапсырды.

Қазақстан журналистер одағының мүшесі Гүлмира Маханбетқызы 43 жыл еңбек өтілінің 23 жылын Жуалы ауданындағы «Жаңа өмір, «Новая жизнь» қоғамдық-саяси газетінде өткерген. Қарапайым тілшіліктен басталған журналистік баспалдағы бөлім меңгерушісі қызметіне дейін жеткізген. Қазір зейнеткер журналист. Этножурналистика саласында кеңінен қалам тербеген журналист қазірдің өзінде зейнетке шыққанына қарамастан республикалық және облыстық газеттерге түрлі тақырыптағы мақалаларын жариялап жүр.

Тынымсыз тірлікте  тілшілік мамандықты жанына серік етіп,  бүгінгі күнде еңбегі еленіп, зор қуанышқа кенелген журналистке облыстық Қазақстан халқы ассамблеясы шығармашылық табыс пен зор жетістіктер тілейді.

Бибігүл Шахзада

Жамбыл облысы әкімі аппаратының

«Қоғамдық келісім» КММ

баспасөз қызметі орталығы

 

Жалпыұлттық келісім мен қазақстандық патриотизмді нығайтудағы этномәдени бірлестіктердің рөлі

/in /by

М.Х.Дулати атындағы Тараз мемлекеттік университетінде Жамбыл облысы әкімі аппаратының «Қоғамдық келісім» КММ ғылыми-сараптамалық қолдау бөлімінің ұйымдастыруымен Жамбыл облысы ҚХА ғылыми-сараптамалық тобының «Жалпыұлттық келісім мен қазақстандық патриотизмді нығайтудағы этномәдени бірлестіктердің рөлі» атты кеңейтілген отырыс өтті.

Күн тәртібінде ұлттық код түсінігін және қоғамдық сананы талқылау, сондай-ақ әскери патриотизмді қалыптастыру және ҚР әскери қызметіне қатарына шақыру кезінде туындайтын  қиындықтар туралы  талқыланды.

Отырыстың модераторы М.Х.Дулати атындағы ТарМУ ректоры, Жамбыл облысы Қазақстан халқы ассамблеясы жанындағы ғылыми-сараптама тобының төрағасы Сарыбеков Махметғали Нұрғалиұлы  өз сөзінде қатысушыларды ғылыми-сараптамалық тобының алдағы уақытта атқаратын жүйелі жұмыстары туралы сөз қозғады.

Сөз тізгіні «Қазақстан халқы Ассамблеясы» кафедрасының меңгерушісі, Жамбыл облысы ҚХА ҒСТ төрағасының орынбасары Мамедова Парида Иманжанқызына берілді. Өз кезегінде ол «Қандай да бір этносаралық қақтығысты түпкілікті шешу мүмкін емес. Этностар бар кезде, олардың арасында қақтығыстар кезең-кезеңімен пайда бола береді. Қазіргі кезде этносаралық қайшылықтардың ондаған және жүздеген түрлерін атауға болады. Сондықтан да зорлық-зомбылыққа жол бермеу, даулы мәселелерді реттеудің тиімді жолдарын табуымыз керек!»,  – деп сөзін аяқтады.

Жамбыл облысы Қорғаныс істері жөніндегі департаментінің бастығы Ерлан Қахарбекұлы Жабықбаев этномәдени бірлестіктердің әскери-патриоттық тәрбиедегі рөліне және әскерге шақыру науқанының өзекті мәселелеріне назар аударды. Спикердің айуынша,  «Өткен жылы біздің өңіріміз әскерге барудан ең нашар көрсеткішті көрсетті. Департаменттің тізімінде қызметтерін өтеуден бас тартып, жалтарған  900-ден астам адам бар. Облыс аудандарында және Таразда әскери қызметін өтемей, жалтарғандар саны бірдей. Биыл осындай жағдайды болдырмау үшін этномәдени бірлестіктердің басшылары бірқатар ұсыныстарды ұсынды. Атап айтқанда, ҚХА Аналар кеңесін әскери бөлімдерге шақырып. жамбылдық әскерге шақырылушылардың әскери қызметін кеңес мүшелерінің көруіне мүмкіндік беру. Олар алдағы уақытта да мектеп түлектерінің ата аналарымен  кездесіп, әскердегі әлімжеттік пен нашар тамақтану туралы сыбыстарға сене берудің қажеттігі жоқ екендігі туралы айтулары қажет», – деп сендірді Е.Жабықбаев.

Отырысқа қатысушылар әскери-патриоттық тәрбие – патриотизмді қалыптастырудың маңызды формаларының бірі деген спикердің бұл сөзімен келісті.

Тараз мемлекеттік педагогикалық университетінің «Әлеуметтік-гуманитарлық пәндер» кафедрасының доценті, философия ғылымдарының кандидаты Джуншеев Расылхан Ерболсынұлы бірегейлік пен бірлікті қалыптастырудағы ұлттық құндылықтардың рөлі мен маңызы туралы сөз қозғады.

М.Х.Дулати атындағы Тараз мемлекеттік университетінің ғылым және жаңа технологиялар департаментінің директоры, Жамбыл облысы Қазақстан халқы ассамблеясының ғылыми-сараптамалық тобының мүшесі, профессор, техника ғылымдарының докторы Бекбасаров Исабай Исақұлы «О воспитании молодежи в контексте сохранения национального кода» тақырыбында баяндама жасады. Ол өз сөзінде «Болашақтың негізі бүгіннен қаланады. Ал, жастар – болашақтың мәңгілік қозғаушы күші. Ұлт болып ұйып, салт-дәстүр, әдет-ғұрыпымызды сақтаймыз десек, жас ұрпақ санасына алдымен ұлттық кодты сақтап қалудың маңыздылығын түсіндіруіміз қажет. Ұлттық код – халықтың өзіне ғана тән тарихи қалыптасқан мәдени болмысы. Халықтың сан ғасырлар бойы бойына біте қайнасқан әрі өзге этнос өкілдерінен өзгешелігін танытатын белгілері» – деп, сөзін қорытындылады.

Сонымен қатар, отырыс барысында М.Х.Дулати атындағы Тараз мемлекеттік университеті, Жамбыл облысы Қазақстан халқы ассамблеясының ғылыми-сараптамалық тобының мүшесі, тарих ғылымдарының кандидаты Бақторазов Сейдахан Уәлиұлының «Бірлік пен жасампаздық аясындағы Жамбыл өңірі» (кеңестік дәуір) атты кітабының тұсаукесері өтті. «Мен өз кітабымда біздің облыс экономикасына дамуына түрлі этностардың үлес қосқанын көрсеттім. Мал, қызылша, өнеркәсіп шаруашылықтарының барлығы өңірдегі әр түрлі этнос өкілдері тұрғындарының еңбектерінің арқасында құрылып, дамыды» – деп, автор өз жұмысын таныстырды.

 Жиын соңында жалпы білім беру мекемелерінде оқушыларға және олардың ата-аналарына қазақстандық бірегейлікті насихаттау, әскери патриотизмді қалыптастыру мақсатында «Айбын» әскери-патриоттық клубына облыстағы әрбір этномәдени бірлестіктерінің жастар қанаты құрамына 1 мүшесін қосу, сондай-ақ қазақстандық патриотизмді қалыптастыруға бағытталған этномәдени бірлестіктері өкілдерінің әскери гарнизондарға баруын ұйымдастыру туралы шешімдер қабылданды.

Бибігүл Шахзада

Жамбыл облысы әкімі аппараты

«Қоғамдық келісім» КММ

Баспасөз қызметі орталығы

Қарттарын қадірлеген ел ардақты

/in /by

Ағымдағы жылдың 4-наурызында, 8 наурыз Халықаралық әйелдер күні  мерекесіне орай, Жамбыл облысы Қазақстан халқы ассамблеясының қолдауымен,  облыс әкімі аппаратының «Қоғамдық келісім» коммуналдық мемлекеттік мекемесінің ұйымдастыруымен  №1 Арнаулы әлеуметтік қызметтер көрсету орталығында Жамбыл облыстық этномәдени бірлестіктер  өнерпаздарының қатысуымен мерекелік концерт өтті.

Концерт шымылдығын мың бұралған «Үкілім-ай» би ансамблі қазақ биімен ашып, тәжік этномәдени бірлестігінің жас әншісі Тоқтамышов Мырзабобыр «Мама, мама, мой рай!» әнімен жалғады.

Іс-шара  барысында  «Ритмы гор», «Үкілім-ай» би ансамбльдері түрлі этностардың билерін  орындап, көрерменнің ықыласына бөленді. Сонымен қатар, Дәулетбаев Фатих «Анашым» әнін орындап жүректерге жылу ұялатса, Боранбаев Алишер «Журавли», «Әдемі-ау» әндерін шырқап, көрермендердің ықыласына бөленді.

Жастық шақтарын еске алған қарттар әншілерге қосылып ән шырқап, би де биледі.

Қарттар үйінде тұрып жатқан  Айдарбеков Жорабек өз сөзінде: «Бүгін біздер үшін мейірімділік пен қуаныштың мерекесі. Осындай мерекені ұйымдастырып отырған облыстық Қазақстан халқы Ассамблеясына көп алғыс айтамыз!. Әсіресе, жастарымыз бізді қуантады. Қарттар үйінде бізге қолайлы жағдайдың барлығы жасалған,таршылық көрмейміз. Бізге керегі тек сіздердің  әуезді ән айтып, би билеп, бізге көтеріңкі көңіл-күй сыйлағандарыңыз. Әсерлі әндерді тыңдап, билерін тамашалап отырып, өмірдегі қиын кезеңдеріңді ұмытып та кетесің. Әлі де өмір сүргің келіп кетеді.», – деді.

Сонымен қатар, Жорабек қария ұйымдастырушыларға мерекелік іс-шараға жиналған көрермендер атынан алғысын білдіріп, осындай кездесулер жиі өткізсін деген ұсынысын айтты.

   Жамбыл облысы әкімі аппаратының

 «Қоғамдық келісім» КММ

Баспасөз қызметі орталығы

Жансая Сабыр

 

Достық үйінде ұйғыр этносының ашық есік күні өтті

/in /by

Бүгін Достық үйінде 1наурыз – Алғыс айту күні мерекесі және Қазақстан халқы Ассамблеясының 25жылдығына орай  «Жамбыл облыстық Махмұт Қашқари атындағы ұйғыр этномәдени бірлестігінің»ұйымдастыруымен ашық есік күні өтті.

Шараға этномәдени бірлестіктер басшылары мен мүшелері, ұйғыр этномәдени бірлестігінің өкілдері, Жамбыл облысы әкімі аппаратаның «Қоғамдық келісім» КММ, ҚХА мүшелері, «Жаңғыру жолы» жастар қозғалысы,қалалық және облыстық БАҚ өкілдері қатысты.

Ашық есік күніне арналған шаралар басы аталмыш этномәдени бірлестіктің төрайымы Мухабат Турдыева жастармен кездесіп, Достық үйі ғимаратына саяхат жасаумен басталды. Әр этнос өкілдерінен құралған жастарға бірлестік басшысы Махмуд Қашқаридың өмірбаянынан бастап Достық  үйінде орналасқан ұйғыр этносының кабинетіндегі шағын мұражайына дейін таныстырды. Онда қойылған әрбір зат ұйғыр халқының өзіне тән құндылықтарын айшықтап тұрғандай. Мухабат Абдрахманқызы кездесу барысында алғыс хат, марапаттау, «Жыл лидері» медальі секілді т.б жүлделерімен таныстырып, оларды жастарға үлгі етті. Бірлестік жетекшісінің айтуынша қанжығасына байланған әрбір жүлдесі, медальдары, марапаттары тек адал және тынымсыз еңбектің, өзара ұйымшылдық пен ынтымақтық арқасында алған көрінеді.  Осы орайда,«Жамбыл облыстық Махмұт Қашқари атындағы ұйғыр этномәдени бірлестігінің» төрайымы Тұрдыева Мухабат: -«2016 жылдан бері көктемнің алғашқы күнінде Қазақстан ризашылық күнін атап өтіп келеді. Бұл қазақ халқының қонақжайлығы мен кең пейілі үшін өзге этнос өкілдерінің алғыс айту күні. Көпшілік жаппай жер аударылған жылдарда ас-ауқаты мен жылы-жұмсағын, ұлы даласынан жайлы қоныс берген қазақ халқына деген ризашылық білдіру күні. Осынау нәубетті жылдарда өздері қиындыққа душар болғанына қарамастан қазақтар өздерінің қираған үйлерінің есіктерін ашып, бір үзім нанымен бөлісіп, туысындай бауырына тартты. Бұл тарих жылнамаларындағы бірнеше ұлттың бірігуінен құралған күрделі кезең.Міне, қазақ хақының осынау жақсылығы үшін атқарып жатқан әр іс-шарамызда жас ұрпақты сабырлы, бауырмал, қазіргі заманғы Қазақстандағы ұлтаралық келісімді және этносаралық қарым-қатынасты нығайтуға бағыттап отырамыз. Сондай-ақ,биыл ел бірлігін бекемдеп отырған Қазақстан халқы Ассамблеясына 25 жыл толып отыр. Біле білгенге облыстық ассамблеяның арқалап отырған жүгі ауыр. Бір ортада мінезі неше түрлі бірнеше адамдарды басқарудың өзі оңай емес. Ал, бірнеше ұлттың жағдайын жасап, ұлттық құндылықтарын сақтап, мәдениеті, әдебиеті, салты мен дәстүріне ден қойып оны ұрпақтарына қалдыру және осы бейбіт те берекелі күнімізді келер жастарға дәріптеу расымен ауыз толтырып айтарлықтай ауқымды жұмыс»-дейді. Сондай-ақ, кабинет көрнекіліктерімен танысып болғаннан кейін бүгінде ширек ғасыр шыңына шығып отырған Ассамблея және бейбітшілік пен келісім саясаты туралы дәрістер оқылып, жиылған жастарға бірлестік жетекшісі ұлттар достығы, этнос өкілдерінің атқаратын жұмыстары туралы баяндап берді. Сонымен қатар, осынау дәріс арқылы ұйғыр этносының төрайымы жастарға өмір сүруге талпыныс, арман-мұратқа жетуге құлшыныс, үлкен-кіші, елімізді мекен еткен барша этнос өкілдеріне сый-құрмет көрсету, ұлтарлық келісім мен тұрақтылықты сақтау секілді егемен елдің ұрпақтарына тән рухани азық болар мотивация сыйлады.

Жиын соңын Мухабат Абдрахманқызы жастарға Алғыс айту күні және Ассамблеяның 25 жылдығына  арналған қайырымдылық түскі асын берді. Ас үстінде ұйғыр этномәдени бірлестігінің жұмысы туралы бейнероликтер көрсетіліп,  естелік суреттерге түсті.

Жамбыл облысы әкімі аппаратының

«Қоғамдық келісім» КММ

баспасөз қызметі

Назерке Оңғар

Page 14 of 16
1 … 12 13 14 15 16