Archive for year: 2015

Бүгін облыс басшысы Кәрім Көкрекбаев 2015 жылдың қорытындысы бойынша этномәдени бірлестіктердің жетекшілеріне гранттарды салтанатты түрде табыстады.

Жаңа жыл қарсаңында этномәдени бірлестіктердің жұмысын қорытындылау дәстүрге айналған. Биыл да бұл үрдіс жалғасын тапты. Облыстағы барлық этномәдени бірлестіктер Қазақстан Халқы Ассамблеясы жылында алға қойған міндеттер мен ұлттық жоспарды орындаудағы іс-шараларды іске асыруға белсенділік танытты.
-Баршаңызды Ұлы дала елінде Елбасымыздың Жолдауында тұрақты өркендеген «Мәңгілік Ел» құрудағы жаңа мақсаттарды іске асыру үшін ынтымақтаса жұмыс жасауға шақырамын, – деді өңір басшысы Кәрім Көкрекбаев.
Сонымен қатар, облыс әкімі өз сөзінде халқымыздың тарихи мәселелерді біріге шешім қабылдап, ұйымдасып жеңіске жететіндігін, сондықтан жұмылған жұдырықтай ынтымақтаса әрекет жасаса, барлық жұмысты іске асыруға болатындығын жеткізді.
Жиын барысында 22 этномәдени бірлестіктерінің жетекшілеріне грант табысталды.
Өңір басшысы баршаны келе жатқан Жаңа жылмен құттықтап, еңбекте сәттілік, бақыт тіледі

«АҚ ЖЕЛКЕН» ЖАСТАР ЛИГАСЫНЫҢ КЕҢЕЙТІЛГЕН ОТЫРЫСЫ ӨТТІ

2015 жылдың 10 желтоқсанында Жамбыл облысы әкімі аппаратының «Қоғамдық келісім» КММ мәжіліс залында «Ақ желкен» жастар лигасының кеңейтілген отырысы өтті. Іс-шараға ҚХА және облыстық ассамблея мүшелері, этномәдени бірлестіктер өкілдері, жастар, Жамбыл облысы Қазақстан халқы Ассамблеясы хатшылығының меңгерушісі Л.А.Лысова, «Қоғамдық келісім» КММ басшысы Р.М.Убайдуллаева, мекем қызметкерлері, аналар кеңесінің төрайымы М.С.Миражапова, жастар лигасының мүшелері қатысты.

Іс-шараның мақсаты – жастардың бойында қазақстандық патриотизмді тәрбиелеу, Қазақстан халқының бірлігін, қоғамдық, этносаралық келісімді нығайту, туған жерімізді аялап, оның тарихына жауапкершілікпен қарауды үйрету, мәдениетімізді дамыту және қалыптастыру. 

Елбасы Нұрсұлтан Әбішұлы Назарбаев өз сөзінде әлеуметтік белсенді топтың қатарында жастардың алатын орны ерекше екенін, олар жаңа идеялардың қозғаушы күші, болашағымыздың нағыз тірегі деген болатын.

15 жыл еліміз үшін мерекелі жыл болды. Осы айтулы жыл қарсаңында этномәдени бірлестік жанындағы жастар қанаты жастар лигасын құру туралы шешім қабылдады. Кеңейтілген отырыста «Ақ желкен» жастар лигасының бір жылдық атқарған жұмысы қортындыланды.

Алғашқы сөзді Қазақстан халқы Ассамблеясы хатшылығының меңгерушісі Л.А.Лысова жастар лигасының бір жылда атқарған жұмысына ризашылығын білдіріп, алда үлкен жауапты жұмыстар күтіп тұрғанын айтты және осы сәтті пайдалана отырып «Ақ желкен» жастар лигасының белсенді мүшесі Цой Аннаға ҚР Президенті, Қазақстан халқы Ассамблеясының төрағасы Н.Ә.Назарбаевтың қол қойған Алғыс хатты салтанатты түрде тапсырды. Сонымен қатар «Ақ желкен»жастар лигасының мүшелері Қазақстан халқы Ассамблеясы хатшылығының Алғыс хаттарымен марапатталды.

Отырыста Жамбыл облысы әкімі аппаратының «Қоғамдық келісім» КММ басшысы Р.Уайдуллаева жастар лигасының белсенділеріне атқарған жұмыстары үшін рахметтерін айтты. Іс-шара катысушылар мен жастардың пікір алысуымен аяқталды.

ҚОРДАЙ АУДАНЫНДА «ҮЛКЕН ЕЛ-ҮЛКЕН ОТБАСЫ» ФОРУМЫ ӨТТІ

2015 жылғы 30 қараша күні Жамбыл облысы, Қордай ауданында Қазақстан халқы Ассамблеясының «Үлкен Ел-Үлкен Отбасы» атты форумы өтті.

Форумға ҚХА мүшелері, мемлекеттік мекемелер, этномәдени бірлестіктер мен БАҚ өкілдері, бөлім, мекеме басшылары, аудандық мәслихаттың депутаттары, үкіметтік емес ұйым басшылары, жастар қауымы қатысты.

Форумның мақсаты – «Мәңгілік Ел» жалпы ұлттық идеясы азаматтық принциптерге негізделе отырып Қазақстандықтардың бірегейлікті алға жылжыту және кеңінен тарату.

Форум барысында аудан әкімі жиналған қауымға өзінің құттықтау сөзін арнады. Сондай-ақ жергілікті халықты славян, қазақ, дүнген этномәдени бірлестіктерінің жетекшілері құттықтады.

Форум аясында аудан бойынша «Ұлтаралық татулық-үйлесім мен тыныштықтың кепілі» атты жалғыз бастыларға арналған қайырымдылық түскі ас, «Әртүрлі болсақ та, біз теңбіз» атты кәсіпкерлердің нашар отбасыларына қайырымдылық көмек көрсетуі, «Біздің таңдауымыз бірлік» атты денсаулығында кемістігі бар жандарға концерттік бағдарлама, «Қол ұшын бер» атты тұрмысы нашар отбасыларға киім кешек тарату қайырымдылық акциясы, «Басты байлық – ұлттар достығы» атты жаппай жүгіруден жарыс т.б. көптеген қайырымдылық іс-шаралары ұйымдастырылды.

Аталмыш іс-шараларға  белсенділік танытқан азаматтары аудан әкімінің алғыс хаттары және бағалы сыйлықтармен марапатталды.

Форум аудандық мәдениет үйіндегі этномәдени бірлестіктер шығармашылық ұжымдарының қатысуымен өткен концерттік бағдарламамен жалғасты.

«ШЕБЕР» ҚОЛДАН ЖАСАЛҒАН БҰЙЫМДАРДЫҢ ЖӘРМЕҢКЕСІ

Таразда өте  көп адамдар ермек үшін бастаған істерін шағын табыс көзіне айналдыруда.

Бұған осы жылдың 11 шілдесінде Қазақстан халқы Ассамблеясының 20 жылдығына арналып өткен «Шебер» қолдан жасалған бұйымдардың жәрмеңкесі дәлел. Ол Тұрар Рысқұлов атындағы саябақта өтті.

Шараның ұйымдастырушылар Жамбыл облысы әкімі аппаратының “Қоғамдық келісім”  коммуналдық-мемлекеттік мекемесі.

 Жәрмеңкеде кең ауқымдағы туындылар мен жанрлар қамтылды, олар: матаға салынған кескіндеме, тоқу, кестелеу, ағашқа ою салу, табиғи тастан жасалған зергерлік бұйымдар, моншақтар, шашқа арналган бұйымдар, сөмкелер, дизайнерлік және халықтық қуыршақтар, үйге және тұрмысқа қажетті бұйымдар, қолдан жасалған сабын.

Светлана Воложанкинаның біртума табиғи тастан жасалған бұйымдары, Гүлнара Қотырованың дизайнерлік қуыршақтары, Любовь Клименконың халық қуыршақтары, Диана Шайхеслямованың қолмен боялған дизайнерлік сөмкелері, Галина Королевскаяның  майда моншақтан жасалған ағаштары» жәрмеңкеге келуші адамдардың қызығушылығын танытты.

Сатып алушылар этностық ерекшелікті көрсететін шеберлердің бұйымдарын қызығушылықпен алып жатты. Сонымен, көптеген кәдесыйлар, Шолпан Сурамбаеваның дәстүрлі қазақ үлгісіндегі құрақтан жасалған өнімдері жақсы өтті.

Жәрмеңкеге Тараз қаласынан және облыс аудандарынан 25 адам қатысты. Олардың арасында халық шеберлерімен қатар бұл бағыттағы жұмысты енді бастаушылар да бар. Шеберлердің көбі – облыстық этномәдени бірлестіктердің өкілдері.

«Мұндай іс-шараны өткізу оңай емес. Бірақ менің түсінгенім –  мұндай жәрмеңкелер қажетті. Тек қана шеберлерге емес, сонымен қатар қолдан жасалған жұмыстарды бағалайтын сатып алушыларға да керек. Болашақта қазақ хандығының 550 жылдығына арнап тағы бір жәрмеңке өткіземіз деп үміттенемін», – “Қоғамдық келісім”  коммуналдық-мемлекеттік мекемесінің халықтың қолданбалы шығармашылығын дамыту жөніндегі әдіскер  Вера Майкович.

Сатушылар да өздерінің жұмыстары жыл өткен сайын көбірек танымал болады деп сенеді.

Мен біздің қалалықтардың бірегей және дара тауарларды ұнататындарын байқадым. Егер тапсырыстар түсіп жатса, біз оны жұмыстың қиындығына қарамастан жасауға дайынбыз, – деді шеберлердің бірі Светлана Воложанкина.

Жамбыл облысы әкімі аппарратының

“Қоғамдық келісім”  КММ әдіскері Кислова Ирина

ЖАМБЫЛ ОБЛЫСТЫҚ ҚАЗАҚСТАН ХАЛҚЫ АССАМБЛЕЯСЫ ЖАНЫНДАҒЫ ҒЫЛЫМИ-САРАПШЫЛЫҚ ТОПТЫҢ «ЖАМБЫЛ ОБЛЫСЫНДАҒЫ КӨП МӘДЕНИ ОРТАДАҒЫ ЭТНОСАРАЛЫҚ АХУАЛДЫ САРАПШЫЛЫҚ БАҒАЛАУДАҒЫ ЖҰРТШЫЛЫҚТЫҢ РӨЛІ» КӨШПЕЛІ ОТЫРЫСЫ

2015 жылғы 1 шілдеде   Байзақ ауданының Сарыкемер ауылында Жамбыл облыстық Қазақстан халқы Ассамблеясы жанындағы ғылыми-сарапшылық топтың «Жамбыл облысындағы көп мәдени ортадағы этносаралық ахуалды сарапшылық бағалаудағы жұртшылықтың рөлі» көшпелі отырысы өткізілді.   

Оның жұмысына ҚХА, аудан әкімінің жанындағы қоғамдық кеңестің мүшелері, белсенді қоғам қайраткерлері, құқық қорғау органдарының өкілдері, ауданның ішкі саясат бөлімінің қызметкерлері, жастар көшбасшылары мен облыс пен ауданның этномәдени бірлестіктерінің басшылары,  «Қоғамдық келісім» КММ қызметкерлері қатысты.   

Өзінің кіріспе сөзінде модератор ұлттық-мемлекеттік біртектілікті қалыптастыру мәселелеріне, қоғамдық келісім кеңестерінің жұмылдырушы рөліне және жаңа рефоралардың іргеқалаушылық маңызына, ел Президенті Н.Ә.Назарбаевтың Қазақстан халқы Ассамблеясы ХХІІ сессиясында «Мәңгілік Ел: бір ел – бір тағдыр» тақырыбында сөйлеген сөзінде алға қойған міндеттеріне тоқтады.  

Жамбыл облыстық Қазақстан халқы Ассамблеясы хатшылығының меңгерушісі Лысова Л.А. құттықтау сөз сөйлеп, онда облыстық ассамблея қызметіне жан-жақты тоқталды және биылғы жылдың екінші жартысында Қазақстан халқы Ассамблеясы жылына арналған іс-шаралар туралы айтып берді.    Этностық  негізде дау-жанжалдарға жол бермеудің кепілі ретінде қоғамдық  келісім кеңестерінің, аналар кеңесінің және өзге де ұйымдардың қоғамды жұмылдыру процесіндегі маңызды рөлін және олардың этномәдени құзыреттілігін арттырудың маңызы мен проблемаларды кәсіби деңгейде реттеу мүмкіндіктерін атап көрсетті.   

Бес институционалдық реформаның мәні және «100 нақты қадам» Ұлт жоспарындағы оларды іске асыру жолдары туралы «Қоғамдық келісім» КММ жеткеші сарапшы-талдаушысы Қаншымбеков Е.Б. сөз сөйледі.  Өз сөзінде ол  экономиканың туристік кластерін дамытуда, «Үлкен ел – үлкен отбасы» бағдарламасын іске асыруда және «Мәңгілік ел» идеясын міндетті түрде оқу бағдарламасына енгізу бойынша этномәдени бірлестіктермен, мемлекеттік органдармен және ғылыми қауымдастықпен бірлесе жұмыс істеудің тиімділігін атап көрсетті. 

Бұдан әрі Мәмедова П.И. 100 нақты қадамды іске асыру туралы айтып, бұл ретте этномәдени бірлестіктер қызметіне қатысты бағыттардың мәнін ерекше атап көрсетті.  Атап айтқанда ол: «Назарды реформаның 4-тарауына ғана аудармау керек,   35, 79, 83, 84-қадамдарға назар аудару керек. Олардың астарында этностық мәні бар, өйткені олар үштілділікті іске асыру саясатына, жер құқығына және әр азаматтың ел тағдырына қатысуына қатысты» -, деді.  

ҚХА мүшесі, «Днепро» украин мәдени орталығының басшысы  Клименко Ф.Л.,  қазақстандық қоғамды жұмылдырудағы Қазақстан халқы Ассамблеясының тарихи мәні, оның 20 жылдық жұмыс тәжірибесіне тоқталды.  

Көшпелі отырыстың екінші бөлігінде ғылыми-сарапшылық топтың мүшелері Қазақстанның этностық ортасында дау-жанжалдарды болдырмау және дау-жанжалдардың алдын алу шаралары туралы бірнеше шеберлік сыныптарын өткізді. 

Жамбыл облыстық Қазақстан халқы Ассамблеясы хатшылығының бас маманы Кислов С.С. кейбір қоғамдастықта, тұрмыста, интернетті де қоса алғанда, әлеуметтік желілерде, өкінішке қарай, әлі де орын алып қалатын этностық белгісіне қарай стереотип жасаудың жағымсыз рөлі туралы баяндама жасады. Ол жастар арасында этносаралық коммуникацияда және жеке қарым-қатынастарда қылаң беріп қалатын жаратпаушылық тілін, әдеп нормаларын бұзу мәселелеріне назар аударды.   

Байзақ ауданы психологтар мен медиаторлар кеңесінің төрағасы  Көшекбаева Г. көп этносты ортада дау-жанжалдарды шешудің ерекше рөлі туралы сөйлеп, жер мәселесін, көлік проблемаларын шешу бойынша өз тәжірибесімен бөлісті және бірнеше оң мысалдар келтірді. Ол қоғамда келісім мен татулықты нығайту бойынша іс-шаралар ұйымдастыруға көмектескені үшін жергілікті билікке алғыс ілдірді.    

Отырыс соңында көп этносты ортада дау-жанжалдарды шешу бойынша ситуациялық ойын ойналып, оған отырысқа қатысушылардың барлығы да қатысты. 

Облыстың ғылыми қауымдастық өкілдері Байзақ ауданының этностық құрамы мен ерекшелігін ескере отырып, этносаралық коммуникацияны жетілдіру туралы ұсынымдар берді. 

Қатысушылар іс-шараға жоғары баға беріп, әлеуметтенбеген жастардың проблемаларын шешу, оларды жұмысқа орналастыру, өңірдің экономикалық дамуы бойынша бірқатар ұсыныстар жасады. 

П.Мәмедова

облыстық ассамблея жанындағы ғылыми-сарапшылық топ төрағасының орынбасары