“Қоғамдық келісім”
2023 жылдың 1 шілдесінде Тараз қаласындағы “Қоғамдық келісім” мекемесінде облыстық “АХЫСКА” Түрік этномәдени бірлестігінің ұйымдастыруымен бірқатар азаматтарды марапаттау іс-шарасы өтті.
Алдымен Азия чемпионы Юнус Гафуровқа құрмет көрсетілді . Оны лайықты жеңісімен “Қоғамдық келісім “КММ басшысы Мүбәрак Жинақбаева мен аталмыш бірлестіктің төрағасы Махмутжон Давришев құттықтады. Салтанатты рәсім кезінде спортшыға жылқы малы, ал жаттықтырушыға ұлттық ою-өрнектері бар шапан сыйға тартылды. Бұдан соң, мәдениет қайраткері Кәрім Әли-оғлының 70 жылдық мерейтойына арналған концерттік бағдарлама өтті.
Концертте Меркі ауданы, Меркі ауылының өнерпаздары сахнада өнер көрсетті. Көрермендер назарына Ташкенттік “Мико шоу” театрының әртістері түрлі, қызықты қойылымдар ұсынды. Мерейтой иесін М. Жинақбаева мен М. Давришев мерейтойымен шын жүректен құттықтап, басына бөрік кигізіп, иығына шапан жапты.
Сондай-ақ шара барысында облыстық “АХЫСКА” Түрік этномәдени бірлестігінің Алғыс хаттарымен медицина қызметкерлері Шамшод Асланов, Радихан Сулиев, Мурад Асланов марапатталды.
Ақпараттық жұмыс және қоғаммен байланыс бөлімі
