ДОСТЫҚ ТУРНИРІ

/in /by

Ағымдағы жылдың 7 мамырында Отан қорғаушылар және Жеңіс күніне орай, облыстық этномәдени бірлестік мүшелері арасында кіші футболдан қалалық турнир өтті.

Жарыстың мақсаты – Отан қорғаушылар мерекесін патриотизмдік рухта атап өту, қала тұрғындарының дене шынықтыру және спортқа деген қызығушылықтарын арттыру, салауатты өмір салтын ұстануға шақыру.

Дүбірлі додаға 10 команда қатысты. Бағы мен бабы қоса шапқан «Әулие Ата» Қазақ мәдени орталығының футболшылары I-орынға жайғасты. Ал, облыстық «Вынхуа» Дүнгендер этномәдени бірлестігінің спортшылары II -орынды алса, III-орынды «Ахыска» Түріктер этномәдени бірлестігі қанағат тұтты.

Жарыстағы көрсеткіштеріне қарай, ұйымдастырушылар тарапынан I-орынға SMART теледидары, II-орынға «Алиса» жасанды интеллект бағаны және III-орынға 15 литрлік Ауған қазаны тәрізді бағалы сыйлықтар берілді.

Шара соңында, жарысқа қатысушыларға арнайы диплом мен төсбелгі табысталды.

Қатысушылар мен жанкүйерлер сергектік жақсы көңіл-күй, жағымды әсермен тарқасты.

«Ақпараттық жұмыс және қоғаммен байланыс»  бөлімі