Ассамблея

Тәуелсіз қоғамымыз бен егемен еліміздің негізгі үміті – жастар. Оларға сенім арту – барлық қоғамға тән құбылыс. Қоғам дамуының алғы шарты – адам факторы, адамның білімі мен біліктілігіне тікелей байланысты, қазіргі жастардың білім алуына, таланты мен дарынына орай мінберлерге шығуына баспалдақ болатын мемлекет тарапынан жасалып жатқан іс-шаралар, атқарылып жатқан жұмыстар аз емес.

Осы орайда өңірлік «Ассамблея жастары» РҚБ 2024 жылғы іс – шаралар жоспарын талқылап тың ойлары мен кеңестерін ортаға салды.

Бірлестік төрайымы Хамида Турдыева алдағы уақытта атқарылатын шаралардың біршамасын жастарға егжей-тегжейлі баяндап шықты.

Аталмыш бірлестік өз жұмысын бастаған сәттен жастардың күш біріктіріп қоғамдық-мәдени жұмыстарға белсене араласуымен көптеген өзекті мәселелер оң шешімін тапқан болатын. Осы негізде ассамблея жастарының жарқын идеялары мен бастамалары жүзеге асырылмақшы. Елімізде қашанда жастарға кең қолдау, зор мүмкіндіктерге жол ашық.

Атқарылған жұмыстар ауқымды, алда тұрған міндеттер де аз емес. Жалынды жастары бар елдің рухы биік болмақ.

 

«Ақпараттық жұмыс және қоғаммен байланыс» бөлімі