АНА – ӘЛЕМДЕГІ АСЫЛ ЖАН

Ана- отбасының ұйытқысы, өмірдің шуағы.

Германияда жыл сайын мамыр айының екінші жексенбісінде “Аналар күні” мерекесі тойланады.

Осыған орай, 2023 жылдың 13 мамырында “Жамбыл облыстық Немістер қауымдастығы” қоғамдық бірлестігінің ұйымдастыруымен Отбасы күні мен Аналар күніне арналған ” Тебе родная!” атты мерекелік концерттік бағдарламасы көпшілікке ұсынылды.

Аталмыш бірлестіктің шығармашылық ұжымының репертуарындағы әндері барша аналарға арналды. Кішкене бүлдіршіндерден бастап үлкен буынға жалғасқан өнерпаздардың өнері көпшіліктің көңілінен шықты.

Анаға арналған әндердің ішінде Мария Сорокинаның орындауындағы “Мама моей мамы” әні мен Татьяна Алехинаның жеке шығармашылығындағы “Мать” өлеңі көптің жүрегіне жол тапты. Бұдан бөлек, бишілер тобының көркем билері мен жас әншілердің әсем әні жұртшылыққа ұсынылды.

Мерекелік шара соңында құттықтау сөз бірлестіктің төрағасы Александр Гибнерге берілді. Өз сөзінде “Ана” деген сөздің өте қасиетті де қадірлі екенін, анасы бар адамдардың мерейі үстем болатындығын айтып өтті.

Сенбінің кешінде өткен мерекелік концерттік бағдарламаға келгендер үлкен әсер алып, көңілді күйде тарқасты.

“Ақпараттық жұмыс және қоғаммен байланыс” бөлімі