ҚОҒАМДЫҚ ТҰРАҚТЫЛЫҚ КЕПІЛІ — ОРТАҚ КЕЛІСІМ
Ассамблея жұмысының басты міндеттері қатарына ең алдымен, патриоттық тәрбиені күшейту, мемлекеттік тілді ілгерілету, этносаралық және конфессияаралық келісімді нығайту жатады.
Осы орайда, биылғы жылдың 8-ақпанында ҚР Президенті Әкімшілігі ҚХА Хатшылығы меңгерушісінің орынбасары Махан Ғалымжан Жайықбайұлы мен Қазақстан халқы Ассамблеясы төрағасының орынбасары, «Тәжіктердің республикалық этномәдени орталығы» республикалық қоғамдық бірлестігінің төрағасы Исмаилов Ақбаржон Яхияқожаұлы Жамбыл облысына жұмыс сапары желісімен Жамбыл, Байзақ аудандарының Ақсақалдар кеңесі мен этномәдени бірлестік жетекшілерімен және белсенді жастармен кездесті.
Кездесу барысында Ғалымжан Махан қоғамда тұрақтылық пен этносаралық татулықты сақтаудағы мемлекеттік саясаттың басым бағыттарына тоқталып, өңірлерге жұмыс сапарының мақсаты мен міндеттерін атап өтті.
Өз кезегінде сөз сөйлеген Жамбыл, Байзақ аудандарының Ақсақалдар кеңестері мен этномәдени бірлестік төрағалары бірлестіктің жұмыстарымен таныстырып баяндама жасады.
Жалпы, бұл кездесулер этностарды ұйыстыру барысында оларға қазақстандықтардың ортақ игілігі үшін мемлекеттіліктің құндылықтарын мызғымас етуді, жалпықазақстандық бірегейлік пен азаматтық даму үрдісін нығайтуды, яғни, әлеуетіне басымдық беру және мәдени-рухани жаңаруды меңзеді.
«Ақпараттық жұмыс және қоғаммен байланыс» бөлімі
