Әлемде қан құюға жыл сайын миллиондаған адамдар мұқтаж болады. Осыған орай, ағымдағы жылдың ақпан  айында жамбылдық этномәдени бірлестікттердің белсенді жастары Тараз қаласындағы «Қан орталығына» барып қан тапсырды. Жастар қатарында Жамбыл облыстық «Жаңғыру жолы» республикалық жастар қозғалысының өңірлік штабының мүшелері  және ассамблея волонтералары, этномәдени бірлестіктің белсенді жастары болды. Қайырымдылық шарасы  жыл сайын дәстүрлі түрде өткізіліп келеді. Қан өткізуге, қайырымдылыққа ерікті түрде атсалысатын жастардың биылғы жылғы шарасы «Ерікті донор» атауымен өткізілді. Қолдарына ҚХА жалауын ұстаған жастар, «Қан орталығы» ғимаратының алдында жиналды.Бұл игілікті іс әрбір жанға үлгі болары сөзсіз.

Қан қандай жағдайда керек? Сырқат жандар күнделікті қан құюға мұқтаж болады. Қан немесе қанды құраушы компоненттер жол-көлік оқиғасына ұшыраған, босанғаннан кейінгі ауыр жағдайдағы әйел азаматшаларға, сырқаты терең балаларға ауадай қажет. Ал гемофилиямен және анемия ауруына шалдыққандарға  өмірін сақтап тұру үшін тек қан керек. Әлемнің әрбір үшінші тұрғыны бір рет донорлық қанды қажетсінеді дейді статистика. Ал «Донор» дегеніміз –өзінің қанын беру арқылы біреуге өмір сыйлайтын адам.

Жамбыл облысы әкімі аппаратының «Қоғамдық келісім» КММ-нің ерікті донорлары, Тараз    қалалық  Қан  орталығының қолдауымен  өткен  атаулы акцияға ерекше  ынта-ықыластарымен атсалысты.

Алдымен тіркеу  бөлімінен өтіп, зертханалық  кабинетте талдама жасалынды.денсаулығы жарамды деп танылған қыз-жігіттер  қанға мұқтаж жандарға өз қандарын өткізіп, қайырымды іс жасады.

Орталық  басшысы Умаров Гулам Мухтарұлы  қайырымдылық іске  белсене қатысқан жастардың  ізгі ниеттеріне  өз  ризашылығын білдірді. Осынау дәстүрлі шара жалғасын тауып, қайырымдылыққа жаны құмар мейірімді жастардың қатары  көбейсе деген тілегінде жасырмады. Мұндай жауапты әрі өте маңызды шараға  жас буынның саналы түрде қатысуы  қуанарлық  жағдай екенін ерекше  атап өтті.

Сонымен қатар, Жамбыл облыстық «Жаңғыру жолы» республикалық жастар қозғалысының өңірлік штабы жастарының жетекшісі Хамида Турдыева: – «Қайырымдылық акциясына барлығы 40 жас  қатысып, белсенділік танытты.  «Ерікті донор» қайырымдылық акциясы алдағы уақытта да өз жалғасын табады және оған қатысушылар саны  артып келеді»-деді.

Шара соңында  акцияға қатысушылар мекеме қызметкерлерімен естелік суретке түсті.

Жамбыл облысы әкімі аппаратының

«Қоғамдық келісім» КММ

Баспасөз орталығы

Қордайда орын алған оқиға ел азаматтарының жанына батты.

Қайғылы жағдай орын алды, тұрғындар құрбан болды.

Қазақстан халқы Ассамблеясы қайтыс болғандардың туған-туыстарына қайғырып көңіл айтады, жараланғандардың тезірек сауығып кетуін тілейді.

Мемлекет басшысы кикілжің салдарын жоюға қатаң тапсырмалар берді.

Біз Қазақстан халқынан осы келеңсіздіктің тез арада шешілуіне барынша қолдау білдіріп, көмек көрсетуін сұраймыз.

Аталған тапсырмаларға сәйкес Ассамблея еліміздің барлық өңірлерінде түсіндіру жұмыстарын жүргізіп, этномәдени бірлестіктермен кездесулер ұйымдастырды.

Ассамблея мүшелері «қылмыс – ұлтқа бөлінбейді» деген пікірді толық қолдайды және кінәлілер анықталып, заң бойынша жазаға тартылуы керек деп есептейді.

Сондықтан бүгінгі күнгі еңбасты мақсат – арандатушыларға бой алдырмау, жеке тұлғалар жасаған тәртіпсіздік үшін бүкіл ұлтты айыптауға жол бермеу.

Ассамблея халық даналығына сенім арта отырып, ел тұрғындарынан, ең алдымен жастардан еліміздегі татулық пен келісімге селкеу түсіретін, асығыстыққа ұрындыратын қадамдар мен іс-әрекеттерден сақ болуын сұрайды.

Қазақстан халқы бір-бірімен әрдайым бауырмалдық қарым-қатынастың жарқын үлгісі болғанын және бола беретініне сенімдіміз.

Балаларымыздың ортақ болашағы үшін ұлтаралық алауыздық тудырмауымыз қажет.

Біз азаматтарды жалған қауесеттерге ермеуге, қоғамдық қауіпсіздік пен ел тыныштығын қамтамасыз етуде құқық қорғау органдарына жәрдемдесуге, ортақ үйіміздегі татулық пен бейбітшілікті сақтауға шақырамыз.

Жамбыл облысы Қазақстан халқы ассамблеясының еріктілер қозғалысы орталығы Достық үйінде Ашық есік күнін өткізді.

Шараның мақсаты ҚХА-ның волонтерлік қызметі мәселелерін ұйымдастыру мен үйлестірудің бірыңғай орталығын, әлеуметтік бастамалар мен жобаларды іске асыру үшін азаматтық атсалысудың бірыңғай алаңын құру болып табылады.

Ашық есік күніне облыстық Ассамблея еріктілері мен құрылымдарының мүшелері, жастар саясаты мәселелері жөніндегі, білім, дене шынықтыру және спорт, жұмыспен қамтуды үйлестіру және әлеуметтік бағдарламалар басқармалары, ЖОО өкілдері, Жамбыл облыстық «Жібек жолы жастары», «Біз біргеміз», «Ақ Сұңқар», «Достық», «Ізгілік елшілері»волонтерлық орталықтары қатысты. Еріктілер жиынында аймақтық ассамблеяның тарапынан облыс көлемінде 40-тан  астам жас өтінім қалдырды.

ҚХА еріктілер қозғалысының ашық есік күнінде орталық міндеті мен тұжырымдамасытаныстырылды.Модераторлық еткен Рано Махсудқызы«Өзекті міндет-азаматтардың, әсіресе жастардың, студенттер мен оқушылардың ерікті қызметке қатысуын кеңейту, оларға белсенді өмірлік ұстаным дағдыларын қалыптастыру. Бұл азаматтық қоғамды нығайту жөніндегі біздің жұмысымыздың маңызды бөлігі.Қазақстан халқы Ассамблеясы еріктілердің жұмысын ресми және жүйелі түрде ілгерілетуде, өйткені біздің мұқтаж азаматтарға көмектесу қажеттілігі қанымызда бар қасиет. ҚХА-ның еріктілері мен жастары мұқтаж балаларға жыл сайын қан тапсырып, Арыс қаласындағы техногендік апаттан зардап шеккендерге көмек көрсетті, халықтың әлеуметтік жағынан осал топтарына, мүмкіндігі шектеулі адамдарға және ҰОС ардагерлеріне жүйелі түрде көмек көрсетіп келеді. Қазақстан халқы Ассамблеясы елімізде алғашқылардың бірі болып еріктілердің жыл шымылдығын ашу құрметіне ие болды. Және бұл заңдылық, өйткені еріктілік – бұл шынайы патриотизмнің бейнесі, онда өз еліне қызмет етудің игі идеясы, оны бүкіл халық үшінбарынша жақсы және ыңғайлы ету мақсаты көзделген» -деді.

Жалпы ҚХА еріктілер  қозғалысы бірнеше бағыттар бойынша жұмыс атқаратын болады. Орталықтың бағыттары мен жұмысын үйлестіруші «Жамбыл облыстық «Вынхуа» дүнгендер этномәдени орталықтары» қоғамдық бірлестігі жастар қанатының және «Ақ желкен» жастар лигасының төрағасы,  облыстық  Қазақстан халқы ассамблеясы Кеңесі мүшесі – Зайнуддин Махусеев Тұжырымдамада көрсетілген тұщымды мәселелер төңірегінде тарқата айтты.Орталық басшысы «Бүгінгі таңда волонтерлік қозғалыс азаматтық қоғамның әлеуметтік жауапкершілігінің элементі болып табылады. Достық үйлері базасында волонтерлік қозғалыс орталықтарын ашу «Social Assembly» республикалық жастар форумында ҚХА «Жаңғыру жолы» белсенділері көтерген бастамалардың бірі болып табылады. Волонтерлер ретінде этномәдени бірлестіктер мен жастар бастамаларының, қоғамдық келісім, Аналар кеңестерінің өкілдерін, медиаторларды, мәдениет және спорт қайраткерлерін және т.б.тарту ұсынылды. Мұндай орталық Әлеуметтік бастамалар мен жобаларды іске асыру үшін бірыңғай алаң болады. Орталықтың еріктілері арасынан әр бағыттағы үйлестірушілер анықталып, олар әлеуметтік, білім беру, спорттық бағыт және медиациядағы еріктілік бағыттарыбойынша жұмыс істейді» -деді, өз сөзінде.

Әлеуметтік бағыт бойынша  –   «Жаңғыру жолы» ЖҚ  орынбасары, «Барбанг» облыстық күрд қауымдастығы  қоғамдық бірлестігінің  жастар қанатының төрағасы» Алиев Хабиб Соханалиұлы  «Халықтың қорғалмаған топтарына көмек көрсетуді ұйымдастыру, табиғи және тарихи мұраны сақтау бойынша тарихи-экологиялық іс-шаралар өткізу» туралы өз ойымен бөлісіп, жоспарларымен таныстырды.

Білім беру бағыты бойынша – ТарМУ-нің «Қазақстан халқы Ассамблеясы» кафедрасының меңгерушісі, ф.ғ.к  Мамедова Фарида Иманжанқызы «Бұл жобаның негізін жеке тәжірибені басқаларға жеткізе алатын түрлі саладағы мамандар-волонтерлер құрайды. Бұл жерде мектеп оқушылары арасында кәсіптік бағдар беру жүйесін дамыту, тәлімгерлік және тәрбиелеу институтын құру жоспарлануда»-деді.

Спорттық бағыт бойынша –өңірлік «Жаңғыру жолы» ЖҚ орынбасары, «Парасат» колледжінің студенті, «Эрудит» ЖШС таэквондо жаттықтырушысы – Лигостаев Артур  Михайлұлы спортшылар мен жаттықтырушыларды бір қауымдастыққа біріктіріп, спорт түрлері бойынша мастер-кластар өткізуге  балалар үйлері мен ауылдық мектептерге баруды жоспарлап отырғандарын жеткізді.

Медиация бағыты бойынша  – «Азаматтық құқықтарды қорғау комитеті» ҚБ басшысының міндетін атқарушысы, кәсіби медиатор И. Федорова «Медиатор еріктілері-денсаулық сақтау, білім беру, тұрғын үй коммуналдық шаруашылығы саласындағы коммерциялық, корпоративтік, отбасылық, еңбек даулары мен дауларды реттеу үшін ғана емес, сонымен қатар алдын алудың жаңа құралы. Медиатор еріктілері топта жұмыс істей алады, жанжалды жағдайларды талдай алады және жанжалдарды шешу стилін орнатады» – деді, өз сөзінде.

Кезек еркін микрафон алаңына келген кезде ерікті жастардың түрлі ұсыныстары айтылды. Жамбыл облысы әкімдігінің жастар саясаты мәселелері басқармасы «Жастар ресурстық орталығы» КММ ұйымдастыру бөлімінің басшысыАрайлым Абдуалиева облыс көлеміндегі ерікті жастардың атқарып жатқан жұмыстарының бір қатарына тоқталып, ҚХА-мен бірге «Жастар жылы» аясында жемісті жүзеге асқан «Қамқор» жобасыныңеріктілер жылында да  жалғасатынын және әріптестіктің негізгі салаларын атап көрсетті.ТарМУ ректорының жастар ісі жөніндегі көмекшісі Арнат Ұлтанбеков облыстағы ерікті жастардың базасын қалыптастыру туралы ұсыныс білдірсе, «Ақ сұңқар» еріктілер қозғалысының төрағасы Еркін Әбдиев еріктілерді дұрыс бағыттайтын білікті координарлар керектігін және еріктілер көзделген жерге жету үшін қалалық қоғамдық көліктердің жүру уақытын мәселелері туралы ұсынысын білдірді. Себебі еріктілердің басым көпшілігі студент жастар болғандықтан олардың межелі орынға жеткенше қоғамдық көліктердің тоқтап қалатыны туралы айтылды.  Ал, медиатор Нұрлыгүл Амирова жас отбасылардың ажырасу санын кемітіп, отбасын сақтап қалу үшін кез-келген уақытта медиаторлар көмегіне жүгіну керектігін, әрі заң жүзінде шешуге болатындығын айтты.

Айтылған ұсыныстар мен пікірлерге қатысты Жамбыл облысыҚазақстан халқы   ассамблеясы  төрағасының орынбасары, хатшылық меңгерушісіҚожаеваМаржан Төреғұлқызы жастар ұсынысымен келісе отыра еріктілердің ортақ базасын Достық үйінде құру туралы өз ұсынысын айтты. Сонымен қатар еріктілерге қажетті кез-келген көмек түрлерімен қамтамасыз ету үшін тиісті органдарға жүгіну арқылы көмек көрсете алатындығын  мәлімдеді.

ҚХА волонтерлік қозғалысының қызметін ұйымдастырудың және үйлестірудің бірыңғай тетігін әзірлеу, волонтерлер институтын дамыту, әлеуметтік міндеттерді шешуге азаматтық атсалысу дағдыларына баулу, ҚХА волонтерлер қозғалысының көшбасшыларын анықтау,  халық арасында әлеуметтік қызмет пен азаматтық атсалысудың идеялары мен принциптерін тарату үшін Жамбыл облысы Қазақстан халқы ассамблеясы аймақтағы басқармалар, ЖОО және еріктілер қозғалысы орталықтарымен ортақ келісімге келуді жоспарлап отыр. Сонымен қатар, Достық үйінде ТарМУ-дің оқытушылары еріктілерді оқытудың түрлі  курстарын өткізетін болады.

Жамбыл облысы әкімі аппаратының

«Қоғамдық келісім» КММ

Баспасөз бөлімінің маманы

Назерке Оңғар

Ағымдағы жылдың желтоқсанында «Тараз қаласы әкімдігінің Білім бөлімінің мектептен тыс жұмыс және балалар шығармашылығы» орталығы коммуналдық мемлекеттік мекемесінде этномәдени бірлестіктер өкілдерінің балаларына арналған Жаңа жылдық шырша мерекесі өтті.

Жамбыл облыстық Қазақстан халқы ассамблеясы  Ұйымдастырушылар жаңа жылдық қайырымдылық шырша барысында аз қамтылған және көпбалалы отбасылардан шыққан, мүмкіндігі шектеулі балаларға көмек көрсетіп, оларға мерекелік көңіл-күй сыйлады. «Мектептен тыс жұмыс және балалар шығармашылығы» орталығында

Ағымдағы жылы  Достық үйінде Жамбыл облысы әкімі аппаратының «Қоғамдық келісім»   КММ  ұйымдастыруымен Елбасы Н.Назарбаевтың 2018 жылғы     5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауын жүзеге асырудыңЖедел жоспарының «Жаңғырған ауыл» және «Ауылым – ел бесігі»тармақтарындағы тапсырмаларға  және Жастар жылы аясындағы облыстық Жол картасына сәйкес«Ауыл әкімі болғым келеді!»  әлеуметтік жастар жобасыныңбайқауы өтті.

Байқаудың мақсаты  жастарды өз идеялары мен бизнес-жобаларын белсенді түрде жүзеге асыруға ынталандыру, стартап-жобалары бар және кәсіпкерлік негіздерін игерген ауыл жастарымен қарым-қатынасты нығайту және қолдау. Сондай-ақ, ауылдың әл-ауқаты, тұрмысын жақсартып, ауылдағы жұмыссыздықты азайтуға бағытталған.

Байқау екі кезеңнен тұрды. Бірінші кезеңде  аудандардағы ауыл жастарыныңауылды көркейтуге арналған инновациялық жобалары таңдалды, олардың өндірістегі жетекшілері бекітілді.Бақ сынасып байқауға қатысқан25 жобаның ішінен  екінші кезеңге, яғни облыстық турда тек ауданнан жолдама алған 9 жоба бәсекелесті. Жобасын жүзеге асырсам деген жастарға әділқазылық еткен қазылар құрамында «Атамекен» кәсіпкерлер палатасының кәсіпкерлері және аймақтағы ЖОО оқытушылары болды.

Жобалар байқауының нәтижесі бойынша бірінші орынға Құлан ауылшаруашылығы колледжінің Ветеринария мамандығының студенті – Гордеев Денис Геннадьевичтің «Баламалы энергия көзі негізіндегі агрономия мамандығының тәжірибелік алаңы» атты бүгінгі таңда өндірістік сынақтан өтіп жатқан  өндірістік жобасы лайық деп табылды. Екінші дәрежелі орынды  Қызылорда, Жамбыл облыстарының шөлейт жерлерін құнарландыруға бағытталғанЖамбыл облысы әкімдігінің жастар саясаты мәселесінің басқармасының қызметкері – Олжабаев Асхаттың «Жоңышқа – табиғи тыңайтқыш» атты бірнеше жас ізденушілердің республикалық жобасы иеленді. Кезекті үшінші орынның тұғырынан М.Х. Дулати атындағы ТарМУ студенті – Талғат Жарқын Мұхтарұлының жаңа стандарттағы  «Құсфабрикасы» жобасы көрінді.

Сайып келгенде, «Ауыл әкімі болғым келеді» байқауына ұсынылған жұмыстардың тақырыбы  мүмкіндігі шектеулі жандарға көмек, жұмыссыз жастарды демеу сияқты әлеуметтік саланы, ауылда мал шаруашылығын дамыту, өндірістер ашу, инфрақұрылымды дамыту сияқты сан-салалы мәселелерді қамтыды.

Жобалар бақ сынасқан бәсеке мәресіне  жеткеннен кейін жеңімпаздар мен қатысушыларға бағалы сыйлықтар мен алғыс хаттар табыс етілді.

Жастар жылының қорытынды жобасына дүнген этномәдени бірлестігі,  ҚХА-ның «Ақ желкен» жастар лигасының жетекшісі, жас кәсіпкер Зайнуддин Махусеев, «Ахыска» түрік этномәдени бірлестігінің жастар қанаты жетекшісі Зульфия Фарманова демеушілік етті.

Жамбыл облысы әкімі аппаратының

«Қоғамдық келісім» КММ

Баспасөз орталығы