МЕМЛЕКЕТТІК РӘМІЗДЕРГЕ АРНАЛДЫ

/in /by

Ағымдағы жылдың 5 маусымында Достық үйінде «Мәміле» пікір талас клубы жобасының кезекті отырысы өтті.

Бұл жолғы жиын тақырыбы – еліміздің мемлекеттік рәміздеріне арналды. «Мемлекеттік рәміздер – ұлт мақтанышы» атауымен өткен шараға клуб қатысушылары қатысты.

Шара барысында Тараз қалалық өзбек этномәдени орталығының төрағасы Абдурахман Зайнутдинов пен Руханият және тарихтану орталығының бөлім меңгерушісі Назым Қожамжарова мемлекеттік айшықтар турасында баяндама жасап, Отанды сүю оның Рәміздерін құрметтеуден бастау алатынын жастар санасына сіңірді.

Сонымен қатар, Абдурахман Юлдашұлы тарихтан тағылым тартатын Ұлы даламызды мекен еткен ежелгі тайпалар туралы мәліметтер беріп өтті. Ал Назым Тоқтасынқызы киелі Жамбыл жеріндегі тарихи жәдігерлер мен жауһарлар жайлы клуб қатысушыларын құлақтандырып, еркін форматта сұрақ-жауап алмасты.

Отырыс соңында жастар үш топқа бөлініп, Ой-Q танымдық ойынына белсене қатысып, мемлекеттік рәміздер туралы сұрақтарға жауап берді.