ӨНЕР ЖӘНЕ ЭТНОГРАФИЯЛЫҚ БІРЕГЕЙ ЖЕКЕ КОЛЛЕКЦИЯЛАР КӨРМЕСІ АШЫЛДЫ

/in /by
Ағымдағы жылдың 20 тамызы күні «Қоғамдық келісім» КММ
ұйымдастыруымен «Әулие-Ата» қазақ мәдени орталығы» қоғамдық
бірлестігінің «Қазақ халқының мәдени құндылықтары» атты өнер және
этнографиялық бірегей жеке коллекциялары көрмесі ашылды.
Жиынға облыстық «Әулие-Ата» қазақ мәдени орталығы» қоғамдық
бірлестігінің төраға орынбасары Айгүл Кабиева, өңірлік этномәдени
бірлестік өкілдері, М.Х.Дулати атындағы Тараз университетінің «Мәдениет
және өнер» факультеті студенттері, «Асыл аналар» ансамблі, Жамбыл
облыстық тарихи өлкетану мұражайының ұжымы және облыстық БАҚ
өкілдері қатысты.
Шараның басты мақсаты қазақ халқының рухани, мәдени және ұлттық
құндылықтарын, тарихы мен салт-дәстүрлерін қадірлеуге, өскелең ұрпақтың
санасына ата-бабадан қалған асыл мұрамызды сақтауға, қоғамдық келісім
мен ұлттық бірліктің қазақстандық үлгісін насихаттауға шақыру болатын.
Көрме ҚР Президентінің 2025 жылғы 24 сәуірдегі ҚХА 34-сессиясында
берген тапсырмаларының бірі – модельдік жол картасы аясында бастау алып,
ең алғашқы стартын облыстағы «Әулие-ата» қазақ мәдени орталығы»
қоғамдық бірлестігі ашты.
Ашылу салтанаты барысында «Қоғамдық келісім» КММ басшысы Мубарак
Жинақбаева, «Әулие-ата» қазақ мәдени орталығы» қоғамдық бірлестігі
төрағасының орынбасары Айгүл Қабиева және Ақсақалдар кеңесінің
төрағасы Асқарбек Сейлхан сөз сөйлеп, ұлықталып жатқан мәдени және
ұлттық құндылықтарымызды сақтау турасындағы пікірлерімен бөлісті.
Бұдан өзге салтанатты шарада «Асыл аналар» ансамблі мен «Қоғамдық
келісім» КММ қызметкері Қалижан Саркеев ән шырқап, М.Х. Дулати
атындағы Тараз университетінің «Мәдениет және өнер» факультеті
студенттерінің қазақи нақышта тігілген киім үлгілерінен сән үлгісі
көрсетілді.
Жиын соңында көрме ашылуына белсенді атсалысқан жандар марапатталып,
естелік суреттерге түсті.

БІРЛІК – БЕРЕКЕГЕ БАСТАЙДЫ

/in /by
Ағымдағы жылдың 20 тамызы күні «Тараз қаласы әкімдігінің білім
бөлімінің №4 орта мектебі» коммуналдық мемлекеттік мекемесінде ардагер
ұзтаздарға арналған бұрыш ашылды. Іс-шараға облыстық өзбек этномәдени
бірлестігінің белсенділері қатысты.
Бүгінде талай түлектің томағасын қайырған білім ордасындағы ардагер
ұстаздарға арналған бұрыштың тұсауын облыстық өзбек этномәдени
бірлестігінің төрағасы Набижон Салахатдинов пен бірлестіктің Аналар
кеңесінің жетекшісі Диляром Каримова кесті. Жиынға қатысушылар білім
саласына ғұмырын арнап, мектепке еңбегі сіңген этнос ұстаздарын ерекше
еске алып, ыстық естеліктерімен бөлісті.
Іс-шара бұдан әрі ел бойынша 1 мен 31 тамыз аралығында өтіп жатқан
«Мектепке жол» акциясына ұласты. Атаулы науқан аясында аймақтағы өзбек
этномәдени бірлестігі әлеуметтік жағдайы аз қамтылған, көп балалы 30
отбасының балларына мектеп формалары, сөмкелер, аяқ киімдер және оқуға
қажетті құрал-жабдықтар үлестірді.
Жиын мектеп басшысы Сандуғаш Алиева мен ұжым ұстаздары айтқан
алғыс сөздерімен түйінделді.

АСТАНАДА КОНСТИТУЦИЯ КҮНІНЕ ОРАЙ ДӨҢГЕЛЕК ҮСТЕЛ ОТЫРЫСЫ ӨТТІ

/in /by
Бүгін Астана қаласында «Конституция – Әділет пен парасат жолы»
тақырыбында дөңгелек үстел отырысы мен кітап көрмесі өтті.
Іс-шараға мемлекеттік органдардың, ғылыми және қоғамдық ұйымдардың,
соның ішінде ҚР Мәдениет және ақпарат министрлігінің, Президенттік
орталықтың, РЭМБ-нің, ҚХА қоғамдық құрылымдарының, сондай-ақ
үкіметтік емес ұйымдардың өкілдері және өңірлердегі «Қоғамдық келісім»
КММ онлайн режимде қатысты.
Қазақстан Республикасының Конституциясы құндылықтары аясында
құқықтық және этномәдени сауаттылықты арттыру, сондай-ақ қоғамдық
диалогты дамытуды көздеген жиынға Жамбыл өңірінен «Қоғамдық келісім»
КММ басшысы Мубарак Жинақбаева және басшы орынбасары Сәуле
Досымбекқызы онлайн форматта қатысқан болатын.
Дөңгелек үстел аясында конституциялық реформаларға, әділдікке, адам
құқықтарына, этносаралық келісімге және азаматтық қоғамды дамытуға
арналған кітап көрмесінің ашылуы өтті.
Іс-шараға Қазақстан Республикасы Мәдениет және ақпарат министрлігіне
қарасты Этносаралық қатынастарды дамыту комитеті төрағасының
орынбасары Анар Бекбаева, Қазақстан Республикасы Президенті жанындағы
Президенттік орталық директорының орынбасары Ботагөз Қаипова, ҚХА
Аналар кеңесі төрағасының орынбасары Камал Әлпейісова, «Ассамблея
жастары» республикалық қоғамдық бірлестігінің төрағасы Тимур Джумубаев
және Қолданбалы этносаяси зерттеулер институтының этномедиаторы
Рүстем Бектұрумовтар қатысып, тақырыптық баяндама жасады. Пікірталас
барысында этносаяси саясатты дамыту перспективалары, Қазақстан
қоғамының құқықтық және моральдық негізі ретіндегі Конституцияның рөлі
қарастырылып, бірлік, әділеттілік пен азаматтардың құқықтық санасын
нығайтудың маңыздылығы атап өтілді. Іс-шара соңында қатысушылар пікір
алмасып, алдағы өзара іс-қимыл бағыттарын талқылады.

ОБЛЫСТЫҚ АБАЙ ОҚУЛАРЫ БАЙҚАУЫ ӨТТІ

/in /by
Ағымдағы жылдың 12 тамызы күні Достық үйінде Жамбыл облысы
әкімдігінің
мәдениет
және
тілдерді
дамыту
басқармасының
ұйымдастыруымен «Атасы асыл сөздің – ақын Абай» атты облыстық Абай
оқулары байқауы ұйымдастырылды.
Қазақ халқының әдеби мұраларын дәріптеу, жас қауымның классикалық
әдебиеттерді оқуға деген қызығушылықтарын арттыруды мақсат еткен
сайысқа облыстың барлық өңірінен 13 үміткер қатысып, бақ сынады. Үш
кезеңді қамтыған байқаудың алғашқы сынында қатысушылар «Абайдың ұлы
мұрасы» тақырыбында ақынның шығармашылығы мен ел тәуелсіздігін
байланыстыра отырып бейнеролик әзірлесе, келесі кезеңде М. Әуезовтың
«Абай жолы» романынан үзінді немесе Абай Құнанбаевтың бір қарасөзін
мәнерлеп жатқа оқулары тиіс болатын. Ал соңғы бөлімде қатысушыларға
ұлы ақынның бір өлеңін немесе әнін жатқа орындау жүктелген еді.
Байқау талаптары бойынша қатысушылар еңбегіне А.Тоқпанов атындағы
Жамбыл облыстық қазақ драма театрының әртісі Жүніс Әлімбеков, мектеп
олимпиадаларын және мектептен тыс іс-шараларды өткізетін облыстық
орталығының драма студия жетекшісі Айнагүл Есімбекова және облыстық
мәдениет және тілдерді дамыту басқармасының бас маманы Аяулым
Жаманқұл әділ бағасын берді.
Қазылар құрамының шешімімен барлық талаптардан сүрінбей өткен Тараз
қаласының үміткері Нұрланов Ерлан байқаудың жеңімпазы атанса, Шу
ауданының үміткері Нұрғожа Жалғас жүлделі I орын, меркілік Абдыкадыр
Арзуми II орынға ие болса, қордайлық Сұлтанқұл Мөлдір мен меркілік
Юнусова Орынгүл III орын иегерлері атанды.

10 тамыз – хакім Абайдың туған күні.

/in /by

Биыл Ұлы ақынның дүниеге келгеніне – 180 жыл. Осыған орай, Тараз қаласында бүгін Абай ескерткішінің алдында гүл шоқтары қойылды. Атаулы іс-шараға облыс әкімі Ербол Қарашөкеев бастаған бірқатар зиялы қауым өкілдері, сонымен қатар «Қоғамдық келісім» КММ қызметкерлері мен аймақтық этномәдени бірлестік өкілдері қатысты. Абай Құнанбайұлы ғұлама, ойшыл, ақын, ағартушы, ұлттың жаңа әдебиетінің негізін қалаушы, аудармашы, композитор ретінде ел тарихында өшпес із қалдырғаны сөзсіз. Оның өлеңдері мен қара сөздерінде ұлт болмысы, бітімі, тұрмысы, тіршілігі, дүниетанымы, мінезі, жаны, діні, ділі, тілі, рухы көрініс тауып, кейін Абай әлемі деген бірегей құбылыс ретінде бағаланды.

АБАЙ ӘЛЕМІНЕ ЖЕТЕЛЕГЕН КЕШ

/in /by
Биыл елімізде қазақтың бас ақыны Абай Құнанбайұлының 180 жылдық
мерейтойы кең көлемде аталып өтуде.
Ұлы ақынның мұрасы халық жүрегінен орын алған рухани қазына.
Осынау рухани мұраны насихатату мақсатында күні кеше облыстық «Анаға
тағзым» отбасын қолдау орталығында «Абай – біздің жүрегімізде» атты
әдеби ән-сазды кеш ұйымдастырылды.
Шара қатысушыларды ақын әлеміне жетелеп, жүректерін тебіреніске
толтырды. Шырайлы кеште ақынның жан-жақты болмысы сипатталды.
Қонақтар ақын жазған өлеңді паш етіп, әндеріне терең бойлап, күйлеріне
құлақ асты. Бұл күні орталықта ұлы ойшылдың ұнататын тоғызқұмалақ
ойыны келушілерді ерек сезімге бөледі.
Абай шығармалары жинақталған кітап жәрмеңкесі де көпшілікті әдебиетпен
қауыштырды.
Тағылымы мол шараға қатысушылар қатарында облыстық «Қоғамдық
келісім» КММ қызметкерлері мен өңірлік ҚХА құрылымдарының өкілдері де
бар.
Онда «Ашық микрофон» форматы аясында келушілер сахна төріне көтеріліп,
ақын шығармаларынан шашу шашты. Айта кетсек, өңірлік ҚХА Аналар
кеңесінің белсенді өкілдері «Полонез» поляк мәдениет және тілдер орталығы
қоғамдық бірлестігі» аналар кеңесінің төрайымы Аракси Плетнева, неміс
қоғамдастығы Аналар кеңесінің төрағасы Татьяна Осипова мен «Радонеж»
орыс қоғамдастығының өкілі Полина Воротникова сахнаға шығып, Абай
шығармаларын әр түрлі тілде орындады.
Рухани кеште «Көзімнің қарасы», «Желсіз түнде жарық ай», «Айттым сәлем,
Қаламқас», «Сегіз аяқ» секілді Абай әндерін көпшілік бірге шырқады.
Кеш соңында орталық директоры Эльмира Мырза-Ғали жүректен шыққан
жылы сөзімен кешке қорытынды жасап, барлық қатысушыларға алғыс
білдірді. Тоғызқұмалақ ойынының жеңімпаздарын құттықтап, кешке белсене
қатысқандарды марапаттады.
Расында, бұл кеш – Абай рухымен сырласқан, жүректі тербеткен, сананы
оятқан кеш болды. Абай – ұлы ақын ғана емес, халықтың жүрегіндегі
шамшырақ. Ал кеш – сол шамшырақтың шұғыласынан сәуле алған нағыз
рухани сәттердің тоғысы болғаны анық.

🔴ЭТНОСАРАЛЫҚ КЕЛІСІМ – ҚОҒАМ БІРЛІГІНІҢ НЕГІЗІ!

/in /by

🔰Қазақстан заңнамасы этносаралық араздықты қоздыруға, тілдік кемсітушілікке жол бермейді.
📌 Негізгі заң нормалары:
ҚР Конституциясы, 14-бап: Барлық азаматтардың тең құқығы, кемсітуге тыйым.
ҚР Қылмыстық кодексі, 174-бап: Ұлтаралық араздықты қоздыру – қылмыс!
«Тіл туралы» Заң: Мемлекеттік тіл – қазақ тілі, басқа тілдерге құрмет көрсетіледі.
❗ НЕГЕ ТЫЙЫМ САЛЫНАДЫ?
✔ Ұлтты, тілді, дінді қорлайтын сөздер;
✔ Әлеуметтік желіде араздық тудыратын пікірлер;
✔ Жалған ақпарат тарату.
✅ Мәдениетті болайық!
🔹 Заңға сай пікір қалдырайық.
🔹 Ұлт пен тілге құрметпен қарайық.
🔹 Шиеленіс тудыратын постты байқасаңыз – шағымданыңыз!
#Бірлік #Келісім #ЗаңБәріненЖоғары

ЖҰМЫС НӘТИЖЕСІ САРАЛАНДЫ

/in /by
Ағымдағы жылдың 4 тамызында онлайн форматта Ақсақалдар кеңесінің
жұмыс отырысы өтті. Онда биылғы І жартыжылдықта аталмыш кеңестің
атқарған жұмыстары сараланды.
Жиынға Жамбыл өңірінен «Қоғамдық келісім» КММ «Жобаларды іске асыру
және ҚХА құрылымдарымен жұмыс» бөлімінің жетекші сарапшысы Рахат
Ерханұлы қатысты.
Басқосуды ҚР Мәдениет және ақпарат министрлігі Этносаралық
қатынастарды дамыту комитетінің «Қоғамдық келісім» РММ директорының
орынбасары Руфина Усанова кіріспе сөзімен ашып, кеңестің қызметі
төңірегінде баяндама жасады. Одан кейін ҚР Мәдениет және ақпарат
министрлігі Этносаралық қатынастарды дамыту комитетінің «Қоғамдық
келісім» РММ жетекші сарапшысы Елдос Жұмағұлов Ақсақалдар алқасының
«Адал азамат» жобасы аясында атқарған жұмыстарын атап өті.
Сондай-ақ, онлайн кездесуде Рахат Ерханұлы аймақтағы кеңес мүшелерінің
есепті кезеңдегі жұмыстарын тізбектеп, қоғам ізгілігінің қорғаны болған
ақсақалдардың маңызды жобаларды жүзеге асырып жатқандығын тілге тиек
етті. Атап айтсақ, Қазақстан халқы Ассамблеясы Ақсақалдар кеңесінің
бастамасымен іске асырылып жатқан «Адал азамат» арнайы жобасы аясында
аймақта этностарды қоғамдық өмірге интеграциялау, этнос өкілдерінің
әскерге баруы, аудандағы медиация жұмысын жүйелі жүргізу және
ақсақалдар институтының жастармен жұмысын жандандыру, жастар
арасындағы діни радикализм секілді бірқатар мәселелердің шешімін тауып
келе жатқандығы айтылды.
Сонымен қатар, келелі жиында Солтүстік Қазақстан облысы «Қоғамдық
келісім» КММ-нің бас сарапшысы Айым Мұқышева да тақырып төңірегінде
баяндама жасады.
Page 2 of 2
1 2