ЖУРНАЛИСТИКА — ЖАСТАР КӨЗІМЕН

/in /by

Жастардың көптен бері медиасауаттылыққа қатысты сұрап жүрген сауалдары мен талаптарына сай Қазақстандық Татар және башқұрт конгресі РҚБ жастар қанатының төрағасы,  «JAMBYL»  облыстық телеарнасының журналисті Риналь Рахматуллин өзінің достық дәрісін Журналистика әлемінен бастады.

Журналистика саласының қызығы мен шыжығы, қыр-сырына тоқталған соң спикер-жаттықтырушы медиа ақпарат кеңістігіндегі ақпараттық жарияланымды әлеуметтік желілерде жариялаушыға кеңес ретінде түрлі қызықты әдіс-тәсілдер қолданды

Мәселен, сұхбат аларда спикермен сөйлесу мәдениеті, сұхбат берушіні сөз техникасы арқылы баурап алу, тіл мәдениеті, стилистикасына зерделі акцент жасап, аудиторияның қызығушылығын туғызып, қатысушыларды серпілтті.

Бұған қоса, облыстық «Знамя труда» газетінің тілшісі, өңірлік «Ассамблея жастары” РҚБ активі Дионисий Пляшешник те Алматы қалалық «Ассамблея  жастары» ұйымының белсендісі, «Включи харизму» ораторлық шеберлігі жобасының авторы Әлімжан Бауыржановтың танымдық бағыттағы әдістемесін қолдана отыра БАҚ-та материал жазудың және оны жариялаудың логикалық бағыттарымен егжей-тегжейлі таныстырды.