Ағымдағы жылдың 31 қаңтарында М.Х. Дулати атындағы Тараз

университетінде Қазақстан халқы Ассамблеясының 30 жылдығы аясында

Жамбыл облысы ҚХА ғылыми-сараптамалық тобының «Көпэтносты

Қазақстанда азаматтықты нығайту контекстінде ұлттық кодты сақтау және

бірегейліктің эволюциясы» тақырыбында дөңгелек үстел өтті.

Іс-шараның мақсаты – этносаралық қақтығыстардың алдын алу және бірлік

пен патриотизмді дамыту, сондай-ақ қоғамдық келісімді нығайтудың

маңыздылығын талқылау.

Кезекті жиынға Жамбыл облысы Қазақстан халқы Ассамблеясы ғылыми-

сараптамалық тобы төрағасының орынбасары, философия ғылымдарының

кандидаты Парида Мамедова, аталмыш топ мүшелері, аймақтық этномәдени

бірлестік өкілдері, студенттер, БАҚ өкілдері қатысты.

Отырыста ҚХА-ның 30 жылдығы аясында облыстағы ҚХА ғылыми –

сараптамалық тобы қызметінің негізгі аспектілері мен күн тәртібіндегі басты

мәселелер айтылды.

Өз кезегінде Жамбыл облысы ҚХА ғылыми-сараптамалық тобының мүшесі

Абдурахман Зайнутдинов, «Қазақстандық татар және башқұрт конгресі»

республикалық қоғамдық бірлестігінің Жамбыл облысы бойынша

филиалының төрайымы, Қазақстан халқы Ассамблеясының мүшесі Фарида

Нақыш баяндама жасады.

Сондай-ақ бүгінде Жамбыл жеріндегі этносаралык катынастарды

зерттеу барысындағы Ғылыми-сараптамалық

қолдау бөлімінің жұмысы туралы «Қоғамдык келісім» мекемесінін жетекші

сарапшысы, әлеуметтік ғылымдар магистрі, Жас ғалымдар клубының тең

төрағасы Рианна Жалпанова өз баяндамасында баяндады.

Жиын соңында пікірлер айтылып, барлық қойылған сұрақтарға толық

жауаптар берілді.

Биыл, 2025 жылы Қазақстан халқы Ассамблеясының құрылғанына 30 жыл

толды. Бұл – еліміз үшін ерекше маңызы бар оқиға, өйткені Ассамблея осы

уақыт ішінде Қазақстандағы бейбітшілік пен этносаралық келісімді

нығайтуға зор үлес қосты. Ол – қоғамдағы тұрақтылық пен өзара құрметтің

кепілі, елдегі барлық этностарды бір шаңырақ астына біріктірген бірегей

институт. Қазақ халқының «Бірлік бар жерде – тірлік бар» деген қағидасы

осы ұйымның негізгі ұстанымдарының бірі болып табылады.

Қазақстан халқы Ассамблеясы – әлемге бейбіт өмір мен достықтың жарқын

үлгісін көрсеткен құрылым. Оның басты мақсаты – еліміздегі барлық

этностарды ортақ құндылықтар мен идеялар төңірегінде топтастыру,

қоғамдағы өзара сыйластық пен келісімді нығайту. Абай Құнанбайұлының

«Адамзаттың бәрін сүй, бауырым деп» деген өсиеті Ассамблеяның

философиясын айқындап, оның қызметінің мәнін тереңірек аша түседі.

Қазақстанда түрлі мәдениет, дін және тіл өкілдері бірлікте өмір сүріп,

дамудың жарқын үлгісін көрсетіп келеді.

Ассамблеяның арқасында Қазақстанда этносаралық келісім мен достықтың

ерекше үлгісі қалыптасты. Бұл туралы ұлы ойшыл Әл-Фараби: «Татулық –

барша игіліктің бастауы» деген болатын. Дәл осы қағида Қазақстан

қоғамының негізгі тұғырына айналып, еліміздің тұрақты дамуына мүмкіндік

берді. Бүгінде Қазақстанда этностық әралуандылық қоғамның бірлігін

нығайтып, оның мәдени және рухани байлығын арттырып отыр.

30 жыл ішінде Қазақстан халқы Ассамблеясы этностардың мәдениеті мен

дәстүрлерін сақтау мен дамытуға, жастар арасында толеранттылық пен өзара

құрмет мәдениетін қалыптастыруға үлкен үлес қосты. Президент Қасым-

Жомарт Тоқаев бұл туралы: «Қазақстан халқы Ассамблеясы – ел бірлігінің

берік іргетасы. Біздің басты құндылығымыз – бейбітшілік пен келісім. Бұл –

мемлекеттігіміздің негізі, Қазақстанның өсіп-өркендеуінің басты шарты», –

деп атап өткен болатын.

Ассамблеяның табысты қызметі – тәуелсіздік жылдарындағы еліміздің ең

үлкен жетістіктерінің бірі. Бұл институт Қазақстандағы «Бірлік – алуан

түрлілікте» қағидатын жүзеге асырып, көпэтнос елімізді бейбітшілік пен

татулық мекеніне айналдыруға қомақты үлесін қосты. Қазіргі таңда

Қазақстан халқы Ассамблеясы тұрақтылық пен бірліктің, қоғамдық

келісімнің кепілі болып қала бермек.

Бізге өзіміздің этносаралық татулығымызды сақтау және дамыту – ең басты

міндет. Өйткені бұл тек бейбітшіліктің кепілі ғана емес, сонымен қатар

еліміздің экономикалық, мәдени және рухани өркендеуінің негізгі факторы.

Баршаңызды Қазақстан халқы Ассамблеясының 30 жылдық мерейтойымен

құттықтаймын! Бұл мереке – ортақ құндылықтарымызды дәріптейтін,

татулық пен достықтың маңызын ұғындыратын ерекше күн. Бірлігіміз бекем,

еліміз аман, болашағымыз жарқын болсын!

Ағымдағы жылдың 29 қаңтарында Тараздағы Достық үйінде өңірлік

«Ассамблея жастары» ҚБ мүшелерінің қатысуымен «Жаңа толқын» жобасы

аясында «ProMediа» 2 атты іс шара өтті.

Жастардың көптен бері медиасауаттылыққа қатысты сұрап жүрген

сауалдары мен талаптарына сай «Қазақстандық Татар және башқұрт

конгресі» РҚБ жастар қанатының төрағасы, облыстық

телеарнасының журналисі Риналь Рахматуллин өзінің достық дәрісін

Журналистика әлемінен бастады.

Журналистика саласының қызығы мен шыжығы, қыр-сырына

тоқталған соң спикер-жаттықтырушы медиа ақпарат кеңістігіндегі

ақпараттық жарияланымды әлеуметтік желілерде жариялаушыға кеңес

ретінде түрлі қызықты әдіс-тәсілдер ұсынды.

Мәселен, сұхбат аларда спикермен сөйлесу мәдениеті, сұхбат берушіні

сөз техникасы арқылы баурап алу, тіл мәдениеті, стилистикасына мұқият

түрде тоқталып, аудиторияның қызығушылығын туғызып, қатысушыларды

серпілтті. Олардың сұрақтарына жауап беріп, жастардың кез-келген оқиғаға

қатысты дұрыс және сауатты пікір білдіре алатындай жағдайда болуы керек

екенін жеткізді.

Бүгінде журналистиканың заманауи бағытының бірі немесе фриланцер

мамандықтарына айналған әлеуметтік желілер арқылы жұмыс істеу жүйесі

жан-жақты және сағат сайын қарқын алып өсуде. Аталған мамандықтар

бәсекеге қабілетті ел жастарының әрбірінің бойынан табылуы тиіс. Осыған

орай семинарға қатысуышаларға заманауи білімнің қыр-сырын терең

меңгеру мақсатында «Бейненің 7 құпиясы: түсірілімнен баспаға дейін» атты

шеберлік-сыныбы жүргізілді. Қазіргі заманның талабына сай

оқуы көп уақыт алмайтын, ынта-жігері артып тұрған әрбір жанды тікелей

табысқа да жетелейтін бұл саланы жастарға блогер, сюжетмейкер,

мобилография сарапшысы, PR – «Holiday» іс-шара агенттігінің менеджері –

Яна Муравьева өткізді. Сондай-ақ, бүгінде талабы жоғары, талғамы биік

әлеуметтік желі қолданушылары үшін арнайы жасалатын бейне-роликтердің

түсіру және жасалу жолы туралы да айтылды.

Бұдан өзге жастар семинар барысында «Стратегиядан нәтижеге дейін:

кезең-кезеңімен тиімді маркетинг» атты SMM маманы, маркетолог,

таргетолог Евгения Калашникованың шеберлік-сыныбына да қатысты. Онда

бүгінгі таңдағы жарнаманың жай-жапсары турасында толыққанды айтылған

деректерге қанығып, маркетинг саласының жаңа қосымшалардың түрлерімен

танысты.

Бүгінде бәсі биік болып тұрған заманауи білімге арналған семинар

соңы қатысушыларға сертификаттар табыстап, жеке парақшаларына

тәжірибе жүргізу және нәтижелерін бөлісумен тәмамдалды.

Қазақстан Халқы Ассамблеясы Тәуелсіз Еліміздің өтпелі кезеңіндегі

дағдарысты ырықтандыруға өз әсерін тигізе алды деп есептеуге толық негіз

бар.Айтар болсақ,1994 жылғы инфляцияның көлемі 1158,3%-ті (бір жыл

бұрын 2165%) көрсетсе,осы жылы эмиграцияға кеткендер саны 477 068

адамды кұраған болатын.Олардың басым көпшілігі Ресей мен Германияға

кеткені белгілі.Міне,осындай алмағайып жағдайда Қазақ Елінің болашағын

бас біріктіріп ғана баянды етуге болатындығын түйсінген Қазақстан Халқы

Ассамблеясы көпұлтты Отанымыздың қарымды қадамдар жасауына ықпал

ете алды деп есептейміз.Еске түсірер болсақ,дәл осы Қазақстан Халқы

Ассамблеясы құрылған 1995 жылы Қазақстан Республикасында

макроэкономикалық тұрақтылықты қамтамасыз ету жөніндегі бағдарлама да

қабылданған болатын.Тиісінше,инфляция төмендесе,эмиграцияға кеткендер

саны 168 мыңға азайған болатын.Аталған жылы нақты нарықтық қатынастарды

жүзеге асыруға бағытталған іс-шаралар тізбегі де барынша көбейген еді.

Ағымдағы жылдың 24 қаңтарында Ш.Мұртаза атындағы ХТУ ғимаратында

Жамбыл облысы ҚХА ғылыми-сараптамалық тобының Қазақстан халқы

Ассамблеясының 30 жылдығына арналған кеңейтілген отырысы өтті.

Кезекті жиынға Жамбыл облыстық ақпарат және қоғамдық даму басқармасы

басшысының орынбасары Қуаныш Мамашев, өңірлік Қазақстан халқы

Ассамблеясының ғылыми-сараптамалық тобының мүшелері, аймақтық

этномәдени бірлестіктер өкілдері, студенттер, БАҚ өкілдері қатысты.

Ш.Мұртаза атындағы ХТУ ректоры, Жамбыл облысы ҚХА ғылыми-

сараптамалық тобының төрағасы, педагогика ғылымдарының докторы,

профессор Сарыбеков Махметғали Нұрғалиұлының алғы сөзімен басталған

жиында ҚХА-ның 30 жылдығы аясында облыстағы ҚХА ғылыми-

сараптамалық тобы қызметінің негізгі аспектілері мен жас ғалымдар

клубының ресми ашылуы туралы отырыстың күн тәртібіндегі басты

мәселелер көтерілді.

Отырыста Жамбыл облысы Қазақстан халқы Ассамблеясы ғылыми-

сараптамалық тобы төрағасының орынбасары, философия ғылымдарының

кандидаты Парида Мамедова Жамбыл облысы ҚХА ғылыми-сараптамалық

тобының қызметі төңірегінде баяндама жасаса, «Қоғамдық келісім» КММ

Көрме залының меңгерушісі Жазира Шілдебаева аймақтағы Ассамблеяның

этносаралық саладағы мемлекеттік саясатты іске асыруы туралы атап өтті.

Сондай-ақ, бүгінде Жамбыл жеріндегі этносаралық қатынастарды зерттеу

барысындағы ғылыми-сараптамалық қолдау бөлімінің жұмысы туралы

«Қоғамдық келісім» мекемесінің жетекші сарапшысы, әлеуметтік ғылымдар

магистрі Рианна Жалпанова өз баяндамасында баяндады.

Маңызды басқосу барысында клубтың үміткерлері таныстырылып, Жамбыл

облысы ҚХА жас ғалымдар клубы төрағасы сөз сөйледі. Сонымен қатар, ҚХА

Жас ғалымдар клубының құрамы бекітіліп, ғылыми салаға қатысты түрлі

тақырыптағы мәселелелер талқыланды. Жиын соңы ғалымдардың өзара

пікір алмасуы және ұсыныс, тілектерін білдірумен тәмамдалды.