Ағымдағы жылдың 19 сәуір күні «Тараз-Ғасыр» колледжінде орналасқан Абай атындағы кітапхананың филиалында 1-мамыр Қазақстан халқы бірлігі күніне орай, «Мақсат – ортақ, бейбітшілік – ұранымыз» тақырыбында өткен кездесуге облыстық Қоғамдық келісім кеңесі төрағасының орынбасары Абдурахман Зайнутдинов, ұжым қызметкерлері, студенттер қатысты
Ағымдағы жылдың 19 сәуір күні «Тараз-Ғасыр» колледжінде орналасқан Абай атындағы кітапхананың филиалында 1-мамыр Қазақстан халқы бірлігі күніне орай, «Мақсат – ортақ, бейбітшілік – ұранымыз» тақырыбында өткен кездесуге облыстық Қоғамдық келісім кеңесі төрағасының орынбасары Абдурахман Зайнутдинов, ұжым қызметкерлері, студенттер қатысты.
Шараның мақсаты – еліміздегі түрлі этнос өкілдерінің бір-біріне деген сый-құрметін арттырып, татулықты, бірлікті, ортақ құндылықтарды насихаттау.
«Бірлік болмай тірлік болмас» демекші, берекені көздеген ел мерекелі тірлік жасаудан жалықпаған. «Береке бастауы бірлік, ел іші тату тірлік» қағидасын ұстанған еліміз үшін бұл мейрамның орны ерекше.
Атап өтейік, облыстық Қазақстан халқы ассамблеясының қызметінің арқасында Қазақстанда этностық немесе діни ерекшелігіне қарамастан әрбір қазақстандық Конституциямен кепілдік берілген азаматтық құқықтары мен еркіндігін толық сақтай алады. Және осыған орай, этносаралық және конфессияаралық келісімнің айрықша үлгісі қалыптасып, Қазақстанның көпэтностық бай кеңістігінде сенім, келісім мен өзара түсіністік үлгісі орнады.
Жамбыл облысы әкімдігінің
ішкі саясат басқармасының
«Қоғамдық келісім» КММ
Баспасөз қызметі орталығы
