КОНСТРУКТИВТІ КЕЗДЕСУ
Жуырда Жамбыл облысының әкімі, өңірлік Қазақстан халқы ассамблеясының төрағасы Ербол Қарашөкеев аймақтық этномәдени бірлестіктер және ҚХА мүшелері, құрылымдары өкілдерімен кездесу өткізді.
Алқалы жиында ел бірлігі, патриоттық тәрбие, Ұлттық құрылтайдағы Президент тапсырмалары және ассамблея жобаларын сапалы жүзеге асыру жолдары талқыланды.
Айта кетейік, әлеуметтік және қоғамдық мәселелерді талқылау, оларды шешу бойынша мемлекеттік органдар мен қоғам арасындағы сындарлы диалог арқылы ұсынымдар әзірлеу үшін ҚХА Ақсақалдар кеңесі «Даналық көпірі» атты тұрғындармен интерактивті кездесулер циклын ұйымдастырады. Аталған шараға Ақсақалдар кеңесі мүшелері, тұрғындар, мемлекеттік органдардың, құқық қорғау құрылымдарының қызметкерлері, азаматтық қоғам мен БАҚ өкілдері қамтылатын болады.
Жиын соңында аймақ басшысы Ербол Шырақпайұлы халықтың өзекті мәселелерін талқылау және шешімдерді іздеу үшін мемлекеттік органдарға азаматтық қоғам институттарын әлеуметтік мәселелерді шешуге белсенді қатысуға тартуға тапсырма берді.
