«МЫҢ БАЛА» ЖОБАСЫНЫҢ ЖЕҢІМПАЗДАРЫ МАРАПАТТАЛДЫ

/in /by

22 қарашада елордада «Мың бала» республикалық мәдени-ағартушылық жобасының соңғы кезеңі өз мәресіне жетіп,қатысушылар марапатталды.

«Мың бала» жобасы өскелең ұрпақты, оның ішінде этнос өкілдерінің жас жеткіншектері арасында қазақстандық бірегейлікті мемлекеттік тілді меңгеруге ынталандыру арқылы дамытуға бағытталған.

Салтанатты іс-шараға ҚХА Төрағасының орынбасары – ҚР Президенті Әкімшілігі ҚХА Хатшылығының меңгерушісі М.Әзілханов, этномәдени бірлестіктердің өкілдері, жастар ұйымдарының мүшелері мен «Мың бала» жобасының өңірлердегі жеңімпаздары қатысты.

Аталмыш жобада өнер көрсеткен жамбылдық жас жеткіншек, өңірлік Дүнген этномәдени бірлестігі жастар қанатының мүшесі Даниял Курбанов та марапат төрінен табылды.

Астанада «Мың бала» республикалық мәдени-ағартушылық жобасының соңғы кезеңіне қорытынды жасалуда.

/in /by

Жоба Қазақстан халқы ассамблеясының бастамасымен 2015 жылдан бастап жүзеге асырылуда және өскелең ұрпақты, атап айтқанда Қазақстанның түрлі этностар өкілдерін мемлекеттік тілді үйренуге ынталандыру арқылы қазақстандық бірегейлікті дамытуға бағытталған.

Бұл жобаға Жамбыл облысынан Тараз қалалық 34- жалпы білім беретін мектептің оқушысы,Республикалық Дүнгендер этномәдени бірлестігінің жастар қанатының мүшесі Даниял Курбанов қатысуда.

МЕДИАЦИЯ КЕҢЕСІНІҢ КЕҢЕЙТІЛГЕН ОТЫРЫСЫ

/in /by

Ағымдағы жылдың 21 қарашасында Тараздағы Достық үйінде «Этносаралық шиеленістің алдын алу бойынша мемлекеттік және үкіметтік емес ұйымдармен өзара іс-қимыл» тақырыбында этномедиация кеңесінің кеңейтілген отырысы өтті.

Кеңеске облыстық медиаторлар кеңесінің мүшелері, құқық қорғау саласының, тілдерді дамыту басқармасы мен білім беру ұйымдарының мамандары, өңірлік этномәдени бірлестіктер және «Ассамблея жастары» ҚБ мүшелері мен БАҚ өкілдері қатысты.

Жиынға облыс әкімдігінің ақпарат және қоғамдық даму басқармасы басшысының орынбасары Қуаныш Мамашев модераторлық етті.

Кеңес отырысы барысында спикерлер азаматтардың тең құқықтарын қамтамасыз ету, ксенофобия мен кемсітушілікке және этносаралық шиеленісті тудыратын құқық бұзушылыққа жол бермеу, сот өндірісінде медиация институтын насихаттау, этносаралық жанжалдардың алдын алу және өңірде этномедиацияны дамыту бойынша медиация кабинетінің жұмысын талқылады.

Атап айтсақ, облыстық полиция департаментінің экстремизм мен терроризмге қарсы іс-қимыл басқармасының аға жедел уәкілі Зарифжан Юсупов «Жамбыл облысының аумағындағы этносаралық қатынастар» туралы баяндама жасаса, облыс әкімдігінің Діндерді зерттеу орталығының инспекторы Есеней Қалжанов «Конфессияаралық келісім моделі» төңірегінде ой өрбітті.

Сондай-ақ, облыстық тілдерді дамыту басқармасы тілдерді оқыту орталығы бөлімнің аға әдіскері Айгерім Байғабыл «Тілдік белгілері бойынша азаматтардың ар-намысы мен қадір-қасиетін қорлаудың кез келген нысандарына жол бермеу» туралы мардымды мағлұматтар айтса, облыстық «Қоғамдық келісім» мекемесі «Медиация» кабинетінің меңгерушісі Валентина Досыбиева дауларды шешудің тиімді жолын айқындайтын кеңес жұмысының аймақтағы ахуалын алға тартты.

Сонымен қатар, мәжілісте бас қосқандар сарапшылардың баяндамасын тыңдап, көкейде жүрген сауалдарын қойып, пікір алмасты.

Шара соңында өңірдегі медиация кеңесінің жұмысын жандандыруда белсенділік танытып жүрген азаматтар марапатталды.

«КӨШБАСШЫЛАР МЕКТЕБІ» – БІЛІКТІ МЕНЕДЖЕРЛЕРДІ ДАЯРЛАУДАҒЫ МАҢЫЗДЫ ҚАДАМ

/in /by

«Көшбасшылар мектебі» білім беру жобасы – Қазақстан халқы Ассамблеясының жаңа ұрпақ көшбасшыларын тәрбиелеуге, әлеуметтік және мәдени мәселелерді тиімді шешуге дайын жас жетекшілерді қалыптастыруға үлес қосатын бірегей жоба.

Апта басында Елорда төрінде бастау алған жиынға ҚХА Төрағасының орынбасары – ҚР Президенті Әкімшілігі ҚХА Хатшылығының меңгерушісі Марат Әзілханов қатысып, жастармен бірге атқарылатын негізгі міндеттерді атап өтті.

Үш күнге жоспарланған шара барысында еліміздің әр аймағынан жиылған қатысушыларға кәсіби тренерлер көпшілік алдында сөйлеу, интонация, қимыл-қозғалыс арқылы сөзсіз ойды жеткізу, аудиториямен өзара әрекеттесу бағытында білім-біліктерімен бөлісті.

Арнайы сала мамандарынан алған дәріс барысында жастар өзара келіссөздер жүргізуге дағдыланып, топтық жұмыс жасау барысын және сапалы жобаларды дайындауды меңгерді.

Аталмыш жобаның үшінші күнінде бағдарламаға сай қатысушылар ҚР Президенті жанындағы Мемлекеттік басқару академиясының Абай облысы бойынша филиалының директоры Әсет Абжақовтың «Наразылық белсенділігімен өзара әрекеттесу» тақырыбында жасаған баяндамасына зейін қойып, бірқатар маңызды мәліметтерге қанықты.

Айта кетейік, маңызды жиынға Жамбыл облысынан республикалық «Ассамблея жастары» төрағасының орынбасары, өңірлік жастар ұйымының жетекшісі Хамида Турдыева және облыстық ақпарат және қоғамдық даму басқармасы «Қоғамдық келісім» КММ жетекші сарапшысы Алмас Ақынтай қатысқан болатын.

ЕДИАЦИЯ КЕҢЕСІНІҢ КЕҢЕЙТІЛГЕН ОТЫРЫСЫ

/in /by

Ағымдағы жылдың 21 қарашасында Тараздағы Достық үйінде «Этносаралық шиеленістің алдын алу бойынша мемлекеттік және үкіметтік емес ұйымдармен өзара іс-қимыл» тақырыбында этномедиация кеңесінің кеңейтілген отырысы өтті.

Кеңеске облыстық медиаторлар кеңесінің мүшелері, құқық қорғау саласының, тілдерді дамыту басқармасы мен білім беру ұйымдарының мамандары, өңірлік этномәдени бірлестіктер және «Ассамблея жастары» ҚБ мүшелері мен БАҚ өкілдері қатысты.

Жиынға облыс әкімдігінің ақпарат және қоғамдық даму басқармасы басшысының орынбасары Қуаныш Мамашев модераторлық етті.

Кеңес отырысы барысында спикерлер азаматтардың тең құқықтарын қамтамасыз ету, ксенофобия мен кемсітушілікке және этносаралық шиеленісті тудыратын құқық бұзушылыққа жол бермеу, сот өндірісінде медиация институтын насихаттау, этносаралық жанжалдардың алдын алу және өңірде этномедиацияны дамыту бойынша медиация кабинетінің жұмысын талқылады.

Атап айтсақ, облыстық полиция департаментінің экстремизм мен терроризмге қарсы іс-қимыл басқармасының аға жедел уәкілі Зарифжан Юсупов «Жамбыл облысының аумағындағы этносаралық қатынастар» туралы баяндама жасаса, облыс әкімдігінің Діндерді зерттеу орталығының инспекторы Есеней Қалжанов «Конфессияаралық келісім моделі» төңірегінде ой өрбітті.

Сондай-ақ, облыстық тілдерді дамыту басқармасы тілдерді оқыту орталығы бөлімнің аға әдіскері Айгерім Байғабыл «Тілдік белгілері бойынша азаматтардың ар-намысы мен қадір-қасиетін қорлаудың кез келген нысандарына жол бермеу» туралы мардымды мағлұматтар айтса, облыстық «Қоғамдық келісім» мекемесі «Медиация» кабинетінің меңгерушісі Валентина Досыбиева дауларды шешудің тиімді жолын айқындайтын кеңес жұмысының аймақтағы ахуалын алға тартты.

Сонымен қатар, мәжілісте бас қосқандар сарапшылардың баяндамасын тыңдап, көкейде жүрген сауалдарын қойып, пікір алмасты.

Шара соңында өңірдегі медиация кеңесінің жұмысын жандандыруда белсенділік танытып жүрген азаматтар марапатталды.

Объявление

/in /by

“Қазақстан халқы Ассамблеясы туралы” ҚР Заңының 14-1-бабының 4-тармағына сәйкес (Ассамблея құрамына қоғамдық аккредиттеу рәсімінен өткен этномәдени бірлестіктер кіреді) Жамбыл облысының ҚХА Жамбыл облысының аумағында орналасқан этномәдени бірлестіктерге қоғамдық аккредиттеу жүргізілетіні туралы хабарлайды.

Қоғамдық аккредиттеуге қатысу және этномәдени бірлестік тізіліміне енгізу үшін ҚХА Кеңесінің 2024 жылғы 29 наурыздағы № 24-35-2.1 шешімімен бекітілген ҚХА этномәдени бірлестіктерін қоғамдық аккредиттеуді жүргізу қағидаларымен https://assembly.kz/ru/ank/ofitsialnye_dokumenty/: сайтта танысу және келесі құжаттарды ұсыну қажет:

1) осы Қағидаларға 1-қосымшаға сәйкес нысан бойынша ӨТІНІШ;

2) осы Қағидаларға 2-қосымшаға сәйкес этномәдени бірлестіктің, филиалдың ПАСПОРТЫ.

3) этномәдени бірлестіктің мөрімен расталған ЖАРҒЫНЫҢ КӨШІРМЕСІ;

4) Қазақстан Республикасының азаматтығын растайтын этномәдени бірлестік басшысының ЖЕКЕ КУӘЛІГІНІҢ КӨШІРМЕСІ.

Құжаттарды қабылдау 2024 жылғы 11 желтоқсаннан бастап 2025 жылғы 6 қаңтарға дейін Төле би даңғылы, 23 б мекенжайы бойынша жүргізіледі. Анықтама телефоны: 87262-54-12-37

 

«ЗОРЛЫҚ-ЗОМБЫЛЫҚҚА ҚАРСЫ 16 КҮН БЕЛСЕНДІЛІК» АКЦИЯСЫ БАСТАУ АЛДЫ

/in /by

Ағымдағы жылдың 20 қарашасы күні Достық үйінде «Зорлық-зомбылыққа қарсы 16 күн белсенділік» акциясының ашылу салтанаты өтті.

Бұл күні аталмыш шараға облыстық Полиция департаментінің қызметкерлері мен облыстық «Анаға тағзым» отбасын қолдау орталығының директоры, ҚХА Аналар кеңесінің мүшесі Эльмира Мырза-Ғали, Жамбыл облысы ПД ЖПҚБ әйелдерді зорлық-зомбылықтан қорғау тобының аға инспекторы полиция подполковнигі, ҚХА Аналар кеңесінің мүшесі Диляфруз Кинжеханова, облыстық ҚХА Аналар кеңесінің мүшелері мен өңірлік Поляк этномәдени бірлестігі Аналар кеңесінің төрайымы Аракси Плетнева және өзге де спикерлер қатысып, қоғамдағы өзекті тақырыптар туралы баяндама жасады.

Атап айтсақ, жиында әйелдердің саяси көшбасшылығын қолдау, сондай-ақ әйелдер мен балалардың әлеуметтік мәселелері, отбасы құндылықтары туралы кеңірек айтылды.

Бұл іс-шара – қоғамымызды зорлық-зомбылықсыз, қауіпсіз және бейбіт өмірге бір қадам жақындату жолындағы маңызды қадамдардың бірі.

Сонымен қатар, жиын барысында түрлі сала мамандары тұрмыстық зорлық-зомбылыққа қарсы деректерді алға тартып, оған қарсы жүргізілуге тиісті жұмыстардың жәй-жапсарын нақтылады.

Іс-шараға келген қонақтар Жамбыл облысы ҚХА жанынан құрылған шеберлер клубының қолөнершілері жасаған қазақтың ою-өрнегі бейнеленген түрлі бұйымдарын тамашалады.

ЖОБАНЫҢ ЕКІНШІ КҮНІНДЕ

/in /by

Астана қаласында ҚР Мәдениет және ақпарат министрлігінің қолдауымен Қазақстан халқы Ассамблеясының «Көшбасшылар академиясы» жобасы өтуде.

Аталған жобаға еліміздің барлық өңірлерінен 50-ден астам белсенді жастар жиылып, Елордадағы «OzgeEpic» креативті хабы» ғимаратында танымал жетекші тренерлер мен спикерлер жүргізген шеберлік сабақтарына қатысып, білімдерін жетілдіруде.

Үш күнге ұласқан шараның екінші күнінде қатысушылар бейвербалды қарым-қатынаспен және әлеуметтік белсенділікпен өзара әрекеттесу мәселелерін талқылап, өзекті тақырып төңірегінде білікті мамандардың дәрісін тыңдады.

Атап айтсақ, бағдарлама бойынша екінші күні UBES HIGH SCHOOL оқытушы-тренері Ләззат Асқарова қатысушылармен «Үлкен уақыт» атауымен тимбилдинг ұйымдастырды.

Ал, «Халықаралық құзыреттілік академиясы» ЖШС директоры, психология ғылымдарының докторы, медицина ғылымдарының кандидаты, ЖАК доценті Лейла Асылбекова «Вербалды емес тұлғааралық қарым-қатынас өнері» тақырыбында мардымды баяндама жасап, қатысушылармен пікір алмасты.

Сондай-ақ, «Ассамблея жастары» РҚБ төрағасы Тимур Жұмырбаев Workshop тәжірибелік алаңында белсенді жастарға креативті инсайттар беріп, пікірлерін тыңдады.

Айта кету керек, бұл жоба Қазақстан халқы Ассамблеясының жаңа ұрпақ көшбасшыларын тәрбиелеуге, әлеуметтік және мәдени мәселелерді тиімді шешуге дайын жас жетекшілерді қалыптастыруға үлес қосады.

Сонымен қатар, «Көшбасшылар мектебі» өңірлер арасындағы ынтымақтастықты нығайтуға, этносаралық қарым-қатынас және көшбасшылық дағдыларын дамытуға, сондай-ақ жаңа ұрпақ көшбасшыларын даярлауда маңызды қадам болмақ.

Бүгін, ағымдағы жылдың 19 қарашасы

/in /by

Бүгін, ағымдағы жылдың 19 қарашасы Астана қаласында Қазақстан халқы Ассамблеясы Төрағасының орынбасары Марат Әзілханов Жамбыл облысы әкімдігінің ақпарат және қоғамдық даму басқармасының «Қоғамдық келісім» КММ басшысы Мубарак Қасымқызы Жинақбаевамен кездесу өткізді.

Келелі кездесу барысында ҚХА-ның «Біртұтас қоғам: келісім және сенім» қоғамдық жобасын аясында өңірдегі іске асыру қорытындылары талқыланып, ҚХА-ның барлық қоғамдық жобаларын сапалы, әрі тиімді іске асырудың және Қазақстан халқы Ассамблеясының 30 жылдығына дайындықтың маңыздылығы атап өтілді.

«КӨШБАСШЫЛАР АКАДЕМИЯСЫ» ЖОБАСЫ БАСТАЛДЫ

/in /by

Ағымдағы жылдың 18 қарашасында Астана қаласында Қазақстан халқы Ассамблеясының «Көшбасшылар академиясы» жобасы бастау алды.

Үш күнге жоспарланған жобаға республиканың әр өңірінен этномәдени бірлестіктердің жас көшбасшылары, «Ассамблея жастары» РҚБ өкілдері, белсенділер мен блогерлер қатысуда.

Айта кетейік, ауқымды жиынға Жамбыл облысынан республикалық «Ассамблея жастары» төрағасының орынбасары, өңірлік жастар ұйымының жетекшісі Хамида Турдыева және облыстық ақпарат және қоғамдық даму бақармасы «Қоғамдық келісім» КММ жетекші сарапшысы Алмас Ақынтай қатысуда.

Жоба кадрлық резервті даярлау алаңын құру арқылы Қазақстан халқы Ассамблеясының жас көшбасшыларының жаңа буынын қалыптастыруды көздейді.

Шараның ашылу салтанатында “Қоғамдық келісім” РММ директоры Элина Масағұтова мен «Ассамблея жастары» РҚБ төрағасы Тимур Джумурбаев сөз алып, жоба жұмысына сәттілік тіледі.

Мазмұны мол жастар жиынының алғашқы күнінде қатысушыларға бірқатар спикерлер дәріс өткізді.

Атап өтсек, Ш.Шаяхметов атындағы «Тіл-Қазына» ұлттық ғылыми-практикалық орталығының бас директоры, «OzgeЕpic» шығармашылық хабының негізін қалаушы Мақпал Жұмабай «Жасанды интеллект және оны өмірде қолдану» тақырып шеңберінде түрлі әдістемелерімен бөліссе, ҚХА шығармашылық ұжымдары қауымдастығының төрағасы, «Ұлттық дельфий комитеті» КҚ төрағасы Құралай Түспекова «Мәдени кодты қалыптастыру» тақырыбында баяндама жасап, жастарға көптеген мағлұмат беріп өтті.

 

Page 2 of 30
1 2 3 4 … 30