ЖАС ӨЛКЕТАНУШЫЛАР ДОСТЫҚ ҮЙІНДЕ

/in /by

Ағымдағы жылдың 7 желтоқсаны күні Тараздағы «Бақытты болашақ» Оқушылар сарайының жас өлкетанушылары Достық үйіне экскурсия жасады.

«Бір шаңырақ астында»  тақырыбы аясында оқушылар өңірлік Ассамблеяның тарихымен, этномәдени бірлестіктердің қызметімен, қолөнерімен, этнос өкілдерінің ұлттық киімдері, бас киімдері, тұрмыстық заттарының тарихымен танысып, этностар арасындағы достастық, мәдениет, салт-дәстүрлер туралы әнгімелер өрбітті.

Өлке тарихын тануға талпынған жастарға экскурсия барысында облыстық «Қоғамдық келісім» мекемесінің Көрме залының меңгерушісі Жазира Шілдебаева аймақтағы этносаралық келісім мен бірлікті нығайтуға бағытталған үлкен жұмыстар туралы түсіндіріп өтті.

«Туризм және өлкетану» үйірмесінің жетекшісі Анна Крокошева бастаған жас саятхатшылар кездесу барысында жамбылдық этностар төңірегінде көптеген мардымды мағлұматқа қанықты.

«БІР ЕЛ» тарихи-ағартушылык ЖАСТАР жобасы мұнайлы өңір — АТЫРАУ ОБЛЫСЫНДА

/in /by

Қоғамдық келісім мен жалпыұлттық бірлікті, этностардың интеграциясын және «Әралуандықтағы бірлік» қағидатын ілгерілету мақсатында ҚР Мәдениет және ақпарат министрлігі Этносаралық қатынастарды дамыту комитеті, «Қоғамдық келісім» республикалык мемлекеттік мекемесі ағымдағы жылдын 27-29 қараша кундері Атырау облысы, Атырау каласында ҚХА-ның «Бір ел» тарихи-ағартушылык жастар жобасы аясында келелі іс-шара өткізді.

Атаулы шараға Қазақстанның барлық аймақтарының Ассамблея жастары — этномәдени бірлестіктердің белсенді өкілдері, «Ассамблея жастары» РҚБ мүшелері, жастар ұйымдарының өкілдері, волонтерлер, ауыл жастары қатысты.

Қатысушылар қатарында Жамбыл облыстық ҚХА жастары тарапынан «Ассамблея жастары» ҚБ активтері — Аскарбек Перизат,

Пак Милена, Шукуралиева Ширина және Леброва Рабиям да бар.

ҚР МАМ ЭҚДК «Қоғамдық келісім» РММ директорының орынбасары Руфина Усанова модераторлық еткен жиында

Атырау облысы ішкі саясат басқармасының басшысы Г.Сүйеуовадан басталған бірқатар зиялы қауым өкілдері-спикерлер — Р.Қонысбаев, Л.Бердіғожин, Н.Багитжанов және А.Тәттібекқызы жиналған жастарға патриотизмді қалыптастыру,

қазақ мемлекеттілігінің тарихын және тарихи-мәдени мұраны зерттеу бойынша ғылыми-танымдық бағыт көрсетіп, Қазақстан халқының бірлігін нығайтатын рухани-адамгершілік құндылықтарды насихаттаудағы медиасауаттылық, сондай-ақ, ортақ мәдени және тарихи құндылықтарды сақтау жөнінде сөз сөйлеп, жастарға құнды мағлұмат берді.

Шара шеңберінде қоғамдық келісім мен жалпыұлттық бірлікті одан әрі нығайту, жастарға Қазақстанның киелі жерлерін таныту, азаматтардың тарихи-мәдени мұраны зерттеуге деген қызығушылығын арттыру негізінде қатысушылармен Атырау облысының тарихи орындарына, Атырау облысының тарихи-өлкетану мұражайы мен ЕмбіМұнайгаз музейіне және

Атырау бекіре зауытына экскурсия жасалды.

Бұдан өзге, “QUIZ-2024”зияткерлік ойыны ұйымдастырылып, жастар

қазақ халқының тарихын, дәстүрлерін, мәдениетін қамтитын сұрақ-жауаптармен пікірталас викторинасын өткізді.

Маңызды шара соңын барлық аймақтардан жиналған жастар мұнайлы өңір — Атырау жерінің бір ашық алаңқайына шығып, Қазақстан халқының бірлігін бейнелейтін “Шаңырақ” киіз үйін тігуімен аяқтады.

Жамбылдық жастар Таразға мұнай аймағынан ерекше көңіл-күй, танымдық зор әсермен оралд

ТӘЖІРИБЕ АЛМАСУ — ЖАҢА МҮМКІНДІКТЕРГЕ ЖОЛ АШАДЫ

/in /by

Мемлекет басшысы Қасым-Жомарт Тоқаев Қазақстан халқы Ассамблеясының биылғы жылы өткен XXXIII-сессиясында Алматы, Жамбыл және Түркістан облыстарының этномедиация саласындағы мамандарының тәжірибесін ҚХА-ның барлық ұйымдарына тарату қажет екенін атап өткен болатын. Осы орайда, ағымдағы жылдың 3 желтоқсанында тәжірибе алмасу мақсатымен Жамбыл облысына Маңғыстау облыстық мәслихатының төрағасы, аталмыш облыстың ҚХА этномедиация кеңесінің төрағасы Жаңбырбай Матаев пен Маңғыстау облыстық ҚХА мүшесі, «Достлуг» Әзірбайжан этномәдени бірлестігінің мүшесі, этномедиатор Таги Тагиев келді.

Достық үйінде делегация құрамын Жамбыл облыстық мәслихатының төрағасы, өңірлік ҚХА мүшесі Абдалы Нұралиев, облыс әкімдігі ақпарат және қоғамдық даму басқармасының «Қоғамдық келісім» КММ басшысы Мубарак Жинақбаева, облыстық ҚХА төрағасының қоғамдық орынбасары, Ақсақалдар кеңесінің төрағасы, медиатор Асқарбек Сейілхан, өңірлік ҚХА Аналар кеңесінің төрайымы, «Анаға тағзым» отбасыларды қолдау орталығының директоры Эльмира Мырза-Ғали, «Әулиеата» қазақ мәдени орталығы ҚБ төрағасының орынбасары Айгүл Қабиева қарсы алып, қазақтың ұлттық 7 тағамын ұсынды. Келген қонақтар әуелі Достық үйін аралап, «Қоғамдық келісім» мекемесінің жұмыс барысына қанықты. Бұдан соң өңірлік ҚХА құрылымдары мен этномәдени бірлестік жетекшілерінің қатысуымен этномедиация кеңесінің отырысы өтіп, онда аймақтардағы медиация институтының өзіндік ерекшеліктері баяндалды.

Алқалы отырыста облыстық мәслихат төрағасы Абдалы Тоқбергенұлы аймақтағы медиаторлардың бітімгершілік бағытындағы жұмыстары өңірдегі бейбіт өмір мен тұрақтылықты қамтамасыз етуге үлкен ықпал етіп отырғандығын баса айтты.

Сондай-ақ, «Елдесу және татуласу» жобасы аясында өңірдегі этномедиацияны іске асыру жөніндегі атқарылып жатқан жұмыстар жайын «Қоғамдық келісім» КММ басшысы Мубарак Қасымқызы баяндаса, облыстық ҚХА этномедиация кеңесінің төрағасы Абдырахман Зайнутдинов және Жамбыл ауданы ҚХА Ақсақалдар кеңесінің мүшесі, қоғамдық медиатор Абдулхалил Маюфи саладағы тәжірибелерімен бөлісті.

Ал облыстық ҚХА төрағасының қоғамдық орынбасары Асқарбек Ақылшаұлы Достық үйі жанынан құрылған «Достық» театрының сахналаған «Бір атаның балалары» қойылымы арқылы ауызбіршілік пен достықтың насихатталып жатқандығын айрықша жеткізді.

Өз кезегінде Маңғыстау облыстық мәслихатының төрағасы, Маңғыстау облыстық ҚХА этномедиация кеңесінің төрағасы Жаңбырбай Матаев пен Маңғыстау облыстық ҚХА мүшесі, «Достлуг» Әзірбайжан этномәдени бірлестігінің мүшесі, этномедиатор Таги Тагиев өңіраралық тәжірибе алмасу жаңа жобалар мен мүмкіндіктерге жол ашатындығын айтып, маңғаз өлке Маңғыстаудағы этномедиация саласындағы негізгі бағыттарды атап өтті.

ДОСТЫҚ ҮЙІНДЕ ПОЛЯК ЭТНОСЫНЫҢ ӘДЕБИ КЕШІ ӨТТІ

/in /by

2024 жылдың 30 қарашасы күні Достық үйінде Алматы қаласындағы Польша Республикасының консульдығының қолдауымен Жамбыл облыстық «Полонез» Поляк тілі және мәдениет орталығы «Далекая отчизна» атты мәнерлеп оқу байқауын өткізді.

Әдеби сайысқа қатысушылар төрт жас санатында көркем проза мен өлеңдерді мәнерлеп оқудан шеберліктерін көрсетті. Қатысушылардың еңбегін қазылар құрамының төрағасы, филолог Татьяна Белоголовых ,өңірлік поляк орталығының жетекшісі Лариса Калькова, «Қоғамдық келісім» КММ қызметкері Ольга Макарова бағалады. Байқауда үміткерлер қазақ, орыс, поляк тілдерінде поляк ақындарының әдеби шығармаларын орындады.

Байқау әдеби шығармашылық нөмірлер мен қатар концерттік бағдарламамен өрілді. Сонымен қатар, «Радонеж» Орыс қауымдастығының өкілі Антонина Беляеваның орындауында «Я люблю свою землю» әні шырқалды.

Сондай-ақ, Евгений Белоголовых тараздық ақын Владимир Краковскийдің өлеңін оқыса, қобыз аспабында Елена Прудиус поляк ақыны Густав Зелинскийдің поэтикалық өлең жолдарын нақышына келтіре орындады.

Жеңімпаздар мен жүлдегерлер бағалы сыйлықтармен және грамоталармен марапатталды.

Page 3 of 3
1 2 3