Алматы қаласында Республикалық этномедиация кеңесінің кеңейтілген отырысы өтті

/in /by

 

2024 жылғы 29 қазанда Алматы қаласындағы Достық үйінде Қазақстан халқы Ассамблеясы Төрағасының орынбасары Марат Әзілханов пен Кеңес төрағасы Шерзод Пулатовтың басшылығымен Республикалық этномедиация кеңесінің кеңейтілген отырысы өтті.

Іс-шараға өңірлердің ішкі саясат және қоғамдық даму басқармаларының, Астана, Алматы, Шымкент қалалары мен облыстардың “Қоғамдық келісім” КММ өкілдері қатысты.

Кеңес мүшелері этномедиация институтын дамыту мәселелерін, сондай-ақ «Біртұтас қоғам: келісім және сенім», «Елдесу және татуласу» сияқты ҚХА қоғамдық жобаларын іске асыру барысын талқылады.

Жамбыл облысынан маңызды шараға облыс әкімдігінің ақпарат және қоғамдық даму басқармасы этносаралық бөлімінің меңгерушісі Талғат Тойшыбаев және өңірлік ҚХА және “Қоғамдық келісім” КММ басшысы орынбасары Сәуле Құрманқұлова қатысты.

Шара барысында Сәуле Досымбекқызы Жамбыл облысындағы этномедиацияның жай-күйі жөнінде сөз сөйледі. Жалпы этномедиацияны өңірлерде ілгерілету бағытындағы облыста атқарылып жатқан іс-қимылдарды тілге тиек етті.

Отырыс қорытындысы бойынша профилактикалық жұмысқа баса назар аудара отырып, өңірлерде этномедиация институтын дамыту жөніндегі жұмысты жандандыру мәселесі ұсынылды.

Шара соңы естелік фотосессиямен аяқталды.

ҚХА ЖУРНАЛИСТЕРІ ДӘСТҮРЛІ ЖИЫНДА БАС ҚОСТЫ

/in /by

Еліміздің үздіксіз дамуы мен өркендеуін қамтып,  халық арасында сапалы әрі сенімді ақпарат тарату қашанда маңызға ие. Осыған орай, медиа саласындағы жаңалықтармен алмасып, ҚХА медиа институтының әлеуетін нығайтуда  ҚХА Журналистер клубының көшпелі отырыстары дәстүрлі түрде ұйымдастырылып келеді.

Биылғы отырыс күні кеше ҚР Мәдениет және ақпарат министрлігінің қолдауымен Алматы облысы Қонаев қаласында өтті.

«Қоғамдық келісім» РММ директорының орынбасары  Әсел Артакшинованың модераторлығымен өткен іс-шара негізгі мақсаты толеранттылықты нығайту, қоғамдық келісім мен жалпыұлттық бірлікті сақтауда БАҚ-тың күш-жігерін біріктіруге бағытталған.

Келелі кездесуде алғаш болып сөз алған  ҚР  Мәдениет және ақпарат министрлігі Этносаралық қатынастарды дамыту комитетінің төрағасы Ғалым Шойкин этножурналистика саласындағы бірқатар мәселелерді алға тартты. Атап айтсақ, елдегі этносаралық қатынастарды үйлесімді дамыту, ел бірлігін нығайту, мемлекеттік тілді этносаралық қарым-қатынас тілі ретінде ілгерілету, азаматтардың арандатушылық және деструктивті ақпаратқа иммунитет қалыптастыру, әлеуметтік желілердегі этносаралық тақырыптар, әсіресе «араздық тілінің» алдын алудағы БАҚ-тың рөлін атап өтті. Сонымен қатар бүгінде еліміздің 4 жоғары оқу орынында  «Этножурналистика және этнополитология факультеттері» бар екендігін айтты.

Ал, журналистік этика қағидаларын сақтау, сондай-ақ этносаралық мәселелерді жариялау сәтіндегі журналистер қауымында жауапкершілікті қалыптастыру қажеттігі туралы кәсіби журналист ретінде Әлішер Сатывалдиев баяндады.

Кездесу аясында ұйымдастырылған коворкингте заманауи медиадағы жаңашылдықтар жайы да спикерлер назарынан тыс қылмады.  ЕҚЫҰ-ның коммуникациялар жөніндегі ұлттық кеңесшісі, PR менеджер, медиатренер Айбар Олжаев «Медиа-кеңістік 2024: дағдарысқа қарсы негіздер» тақырыбында мардымды баяндама жасады.

Бұдан өзге жиын аясында белгілі журналист, фактчекер Жансерік Тілеухан бұқаралық ақпарат құралдарында этносаралық мәселелерді жариялау және этносаралық мәселелер бойынша көрнекі ақпаратты (фото және бейнероликтер) тексеру тәсілдерін ортаға салды.

ҚХА қызметін ақпараттық сүйемелдеудің басым бағыттары туралы қатысушыларға «Қоғамдық келісім» РММ директорының орынбасары  Әсел Сейтжанқызы баяндады. Бағдарламаға сай, жиында  әлеуметтанушы, PaperLab ғылыми орталығының директоры Серік Бейсембаев ақпараттық саладағы ұлтаралық қақтығыстың алдын алудың 10 ережесіне тоқталды.

Дәстүрлі жиынның қорытындысы бойынша белсенді қатысушыларға ҚР Парламенті Сенатының депутаты – ҚХА Журналистер клубының төрағасы Әлішер Сатвалдиев пен ҚР МАМ ЭҚДК «Қоғамдық келісім» РММ директоры Элина Масагутованың атынан сертификаттар табыс етілді.

РЕСПУБЛИКАЛЫҚ ҚХА ЖУРНАЛИСТЕР КЛУБЫНЫҢ КӨШПЕЛІ ОТЫРЫСЫ ӨТУДЕ

/in /by

Бүгін Алматы облысы Қонаев қаласында ҚР Мәдениет және ақпарат министрлігінің қолдауымен толеранттылықты нығайтуда, қоғамдық келісім мен жалпыұлттық бірлікті сақтауда бұқаралық ақпарат құралдарының қызметін біріктіруге бағытталған Қазақстан халқы Ассамблеясы жанындағы Журналистер клубының көшпелі отырысы өтуде.

Дәстүрлі жиында қазір медиа саласындағы түрлі мәселелер көтеріліп, этносаралық саясаттың дұрыс дәріптелу жолдары айтылуда.

Аталған жиынға еліміздің барлық өңірінің ҚХА Журналистер клубының өкілдері, «Қоғамдық келісім» КММ баспасөз қызметкерлері, блогерлер қатысуда.

Журналистер жиынына облыстық «Қоғамдық келісім» мекемесі «Ақпараттық жұмыс және қоғаммен байланыс» бөлімінің бас сарапшысы Бибигуль Утепова, өңірлік ҚХА Журналистер клубының мүшелері Назерке Оңғар және Дионисий Пляшешник қатысуда.

ӨҢІРЛІК ҚХА БЕЛСЕНДІЛЕРІ МАРАПАТ ТӨРІНДЕ

/in /by

Бүгін Ж.Баласағұн атындағы орталық концерт залында облыс әкімі, облыстық ҚХА Төрағасы Ербол Қарашөкеевтің қатысуымен Республика күніне арналған салтанатты шара өтті.

Аймақ басшысы жиналған қауымды ұлттық мереке – Республика күнімен құттықтап, өңірдің әлеуметтік-экономикалық дамуындағы жетістіктерге тоқталып, бірқатар облыс белсенділерін марапаттады.

Қазақстан Республикасы Президентінің Жарлығына сәйкес наградталғандар қатарында республикалық және аймақтық ҚХА мүшелері, этномәден бірлестік жетекшілері мен өкілдері де бар.

Атап өтсек, «Құрмет» орденімен облыстық «Ахыска» Түрік этномәдени орталығының және «Немістер қоғамы» қоғамдық бірлестіктерінің төрағалары Махмутжон Давришев, Александр Гибнер марапатталды.

Қазақстан Республикасында ел бірлігін нығайтуға, татулық пен келісімді сақтауға және рухани мәдениетті дамытуға қосқан елеулі үлесі үшін «Облыстық «Корё» Кәрістер ассоциациясы» қоғамдық бірлестігінің төрағасы Лаврентий Канға Қазақстан халқы Ассамблеясының қоғамдық «Бірлік» алтын медалі табысталды.

Ал Қазақстан халқы Ассамблеясының Құрмет грамотасы Жамбыл облыстық Қазақстан халқы Ассамблеясы Аналар кеңесінің мүшесі Наталья Перфильева, «Архыз» республикалық қоғамдық бірлестігінің Бірлік – қарашай-балқарлардың Жамбыл облыстық филиалы» қоғамдық бірлестігінің төрайымы Леля Узденова, «Дүнгендердің республикалық этномәдени орталығы» республикалық қоғамдық бірлестігінің мүшелері Рамазан Джамалов және Ихия Чешанлоға берілді.

Сонымен қатар, Қазақстан халқы Ассамблеясының Алғыс хатымен облыстық Тәжік этномәдени бірлестігінің мүшесі Алижон Мулладжанов пен «Дүнгендердің республикалық этномәдени орталығы» республикалық қоғамдық бірлестігінің мүшесі Амина Эрса наградталды.

Мереке қарсаңында еңбектері еленіп, мерейлері үстем болған этнос өкілдерін «Қоғамдық келісім» КММ атынан құттықтап, жеңісті де жемісті күндері көп болсын деп тілек білдіреміз.

ҚХА МҮШЕЛЕРІ МИНИСТРЛІКТІҢ «ҚҰРМЕТ ГРАМОТАСЫМЕН» МАРАПАТТАЛДЫ

/in /by

Ұлттық мереке – Республика күні қарсаңында Жамбыл облыстық Қазақстан халқы Ассамблеясы төрағасының қоғамдық орынбасары, Ақсақалдар кеңесінің төрағасы Асқарбек Сейілхан және «Дүнгендер республикалық этномәдени орталығының» төрағасы Зайнуддин Махусеев Қазақстан Республикасы мәдениет және ақпарат министрінің «Құрмет грамотасымен» марапатталды.

Аталмыш марапатты қала әкімі Бақытжан Орынбеков және қалалық мәслихат хатшысы Кенжебек Олжабай Ы.Дүкенұлы атындағы қалалық мәдениет үйінде өткен мерекелік салтанатты жиында табыстады.

Шаһар басшысы жиналған көпшілікті айтулы мерекемен құттықтап, облыс орталығының дамуына атсалысқан өзге де азаматтарды марапаттап, құрмет көрсетті.

ЖАМБЫЛДЫҚ «АССАМБЛЕЯ ЖАСТАРЫ» МЕРЕКЕЛІК ШЕРУГЕ ҚАТЫСТЫ

/in /by

Таразда Республика күніне орай «Туы биік елдің – тұғыры биік» атты ту көтеру рәсімі өтті. Бұл күні мемлекеттік туды желбірете көтерген аға буын, зиялы қауым өкілдері, спорт жаттықтырушылары, халықаралық жарыс жеңімпаздары, облыстың белсенді жастары және жоғары және арнайы оқу орындарының студенттері көне шаһардың орталық көшесімен шеру жасап жүріп өтті.

Орталық алаңнан бастау алған шеру, ҚР Тұңғыш Президенті саябағына дейін жалғасты.

Аталған мерекелік шеруге өңірлік «Ассамблея жастары» РҚБ мүшелері белсенді түрде атсалысты.

Бұдан кейін ҚР Тұңғыш Президенті саябағында облыс әкімі Ербол Қарашөкеев, қала әкімі Бақытжан Орынбековтың қатысуымен салтанатты шара өтіп, әскери оркестрдің сүйемелдеуімен Әнұран шырқалып, мемлекеттік Ту көтерілді.

Мерекелік жиын облыс өнерпаздарының концерттік бағдарламасына ұласты.

 

ҚХА «ЖОМАРТ ЖАН» РЕСПУБЛИКАЛЫҚ ОРТАЛЫҒЫНЫҢ ОТЫРЫСЫ ӨТТІ

/in /by

Ағымдағы жылдың 22 қазанында Қазақстан Республикасы Қарулы Күштерінің Әскери-тарихи музейінде Қазақстан халқы Ассамблеясының «Жомарт жан» республикалық орталығының отырысы өтті.

Отырысқа Қазақстан халқыАссамблеясы Төрағасының орынбасары– ҚР Президентінің Әкімшілігі ҚХА Хатшылығының меңгерушісі Марат Әзілханов, ҚР Парламенті Сенатының депутаты, ҚХА «Жомарт жан» республикалық орталығының төрағасы Евгений Больгерт, ҚХА «Жомарт жан» өңірлік орталықтарының төрағалары мен мүшелері, Ассамблеяның этномәдени бірлестіктері мен қоғамдық құрылымдарының мүшелері қатысты. Жамбыл өңірінен аталған жиынға «Ахыска» Түрік этномәдени орталығы төрағасының орынбасары Жалил Аббосов қатысты.

Іс-шарада ҚХА қайырымдылық қызметін үйлестіру мәселелері және «Жомарт жан» республикалық орталығының алдағы кезеңге арналған жұмыс жоспары талқыланды.

Бүгін Әл-Фараби ауданы әкімі аппаратының ұйымдастыруымен, «Ш.Қалдаяқов» атындағы Облыстық филормония ғимаратында «25 қазан – Республика күніне» арналған мерекелік іс-шара өтті. Аудан әкімі Р.Мыңбаев қонақтарды мерекелерімен құттықтап, тілек білдірді. Жиында ауданның дамуына елеулі үлесін қосып, түрлі салаларда жетістікке жеткен азаматтарымыздың еңбегі еленіп, «Алғыс хаттар» табысталды. Салтанатты іс-шарада «Республика күнінің» маңыздылығын атап өтетін бейнеролик көрсетілді. Сонымен қатар, мәдениет мекемелерінің өнерпаздары өз өнерлерімен мерекенің сәнін кіргізіп, қонақтарға көтеріңкі көңіл-күй сыйлады.

/in /by

Астанада Қазақстан халқы Ассамблеясының жыл сайынғы «Қайырымдылық керуені» республикалық форумы өтті.

1 наурызда бастау алған акцияның республикалық форумына еліміздің барлық өңірлерінен волонтерлер мен қайырымды жандар жиналды. Олардың қатарында Жамбыл жерінен «Облыстық «Вынхуа» Дүнгендер этномәдени орталықтары» қоғамдық бірлестігінің төрайымы — Айша Идыбо, Тәжік этномәдени бірлестігінің төрағасы Махкам Орифов, «Қазақстан дүнгендерінің республикалық этномәдени орталығы» қоғамдық бірлестігінің төрағасы Зайнуддин Махусеев және «Ахыска» Түрік этномәдени бірлестігінің төраға орынбасары Жалил Аббосовтар қатысып, марапатталды.

Естеріңізде болса ерте көктемде бастау алған акция аясында ерекше назар аударылған «Жүректен жүрекке» және «Мектепке жол» сияқты көптеген экологиялық, волонтерлік және қайырымдылық іс-шаралар өткізілген болатын.

Жиын барысында «Қайырымдылық керуеніне» қатысушыларды қайырымдылыққа қосқан елеулі үлесі үшін «Жомарт жан» ҚХА құрмет белгісімен меценаттар, волонтерлер және қоғамдық ұйымдардың өкілдері марапатталды.

 

АУДАНДАҒЫ ЭТНОС ЖАСТАРЫ ҰЛТТЫҚ ОЙЫНДАРДАН САЙЫСҚА ТҮСТІ

/in /by

«Достық керуені» жобасы шеңберінде Шу ауданында өткен іс-шаралар бағдарламасына сай аудандағы этнос жастары арасында ұлттық ойындар спартакиадасы ұйымдастырылды.

Аталған спорттық сайыс облыстық ақпарат және қоғамдық даму басқармасы «Қоғамдық келісім» мекемесінің қолдауымен ұйымдастырылды.

Жарыс бағдарламасы аясында аудандағы колледж сутденттері «Асық ойнау», «Ләңгі тебу», «Арқан тарту», «Қол күрес», «Гір тасын көтеру» сынды ұлттық ойындарды дәріптеп, жеңімпазды анықтады. Өскелең ұрпақты тапқырлыққа, жылдамдыққа, шапшаңдыққа, баулитын жарыс – этнос жастары арасындағы ынтымақты нығайтатыны күмәнсіз. Ұлттық спортты ұлықтаған дода қызу әрі тартысқа толы өтті. Жанкүйерлердің делебесін қоздырған спорттық сынның қортындысына сай, жеңімпаздар мен жанкүйерлер анықталып, марапатқа ие болды.

ӨҢІРЛІК «АССАМБЛЕЯ ЖАСТАРЫ» ҚБ АУДАН ЖАСТАРЫМЕН КЕЗДЕСТІ

/in /by

Жамбыл облысы Қазақстан халқы Ассамблеясының «Достық керуені» жобасы аясында өңірлік «Ассамблея жастары» ҚБ Шу ауданындағы Е.Бекмаханов атындағы мектеп-гимназиясының оқушыларымен кездесті.

Кездесу барысында “Қоғамдық келісім” мекемесі “Жобаларды іске асыру және ҚХА құрылымдарымен жұмыс” бөлімінің жетекші сарапшысы Алмас Ақынтай жастарға Ассамблея институтының атқаратын қызметі жайлы ақпарат беріп өтті.

Сондай-ақ, облыстық «Ассамблея жастары» РҚБ төрағасы Хамида Турдыева жастардың бастамаларын дамытып, әлеуметтік тұрғыда қолдауға даяр «Ассамблея жастары»  ұйымының басты бағыттарын айтып берді.

Бірлестіктің белсенді жастары Эсмер Дурсунова мен Шұғыла Жұмағали да «Ассамблея жастары» РҚБ-нің атқарылып жатқан жұмыстары туралы баяндап, жастарды ұйым құрамына шақырды.

Жиын соңында өңірлік ассамблея белсенділері аудан жастарымен пікір алмасып, сауалдарына жауап берді.

Сонымен қатар, бұл күні ұйым белсенділері аудандық білім бөліміне қарасты «Әсем» балабақшасына барып, түрлі қойылым кейіпкерлерін апарып, бүлдіршіндерді қуанышқа бөледі. Өз кезегінде балабақша ұжымы жастарға алғысын айтып, ризашылығын жеткізді.

Page 2 of 5
1 2 3 4 5