Archive for month: May, 2024

Тарих тағылымы! Жүректен өшпейтін із! 31 мамыр – ресми түрде саяси қуғын-сүргін құрбандарын еске алу күні. Солақай саясаттың сызын тартқан қаншама боздақ өмірімен қоштасты. Балалар жетім, әйелдер жесір қалды. Алаштың ардақтылары жазықсыз жапа шегіп, көршілес елге жер аударылды. Қуғын-сүргін құрбандарын еске алу күніне орай бүгін жамбылдықтар репрессиядан жапа шеккендерге арналған ескерткішке гүл шоқтарын қойып, ел егемендігі үшін күрескен ұлт зиялыларын еске алды.

Еске алу шарасына облыс және қала басшылығы,облыстық, қалалық мәслихат депутаттарынан өзге облыстық ақпарат және қоғамдық даму басқармасының басшысы Ұлана Сламбекова, басқармалар, т.б мекеме қызметкерлері қатысып, тағзым етті.

Сондай-ақ, Қазақстан халқы ассамблеясының өкілдері, этномәдени бірлестіктер төрағалары мен өкілдері, қуғын-сүргін құрбандарының ұрпақтары, өңірлік «Ассамблея жастары» қоғамдық бірлестігі және облыстық ақпарат және қоғамдық даму басқармасы «Қоғамдық келісім» мекемесінің басшысы Жинақбаева Мүбарак Қасымқызы да қатысты. Шара зардап шеккен қазақстандықтарды еске алуға арналған бір минут үнсіздікпен басталды.

Мұндай іс-шаралардың мақсаты – Қазақстанға 30-40 жылдары жер аударылған этнос және этникалық топтардың ұрпақтарын дәріптеу, тағдыр тәлкегімен Қазақстанға ауып келген халықтардың тарихын сыйлау, жалпыұлттық тарихи сананы қалыптастыру, жалпы тарих пен жалпыұлттық идея негізінде қазақстандық бірегейлікті нығайту, болашақ ұрпақ үшін тарихи зердені сақтауда азаматтық қоғамды біріктіру, қасіретті жылдардың қайғылы естеліктерін құрметтеу. Жазықсыз жазаға ұшырап, қаза тапқан, азапты сынақтар мен қуғын-сүргіндерден өткен ата-бабамыздың естелігі алдындағы қасиетті борышымыз қашан да маңызды болып қала бермек.

Бүгін «Қоғамдық келісім» мекемесінде «Ассамблея бөбектері» жобасы аясында №17, №18 және №7 балабақша педагогтерінің ұйымдастыруымен ұлттық ойындар мен ойыншықтардың презентациясы өтті. Онда балақайлардың ой-өрісін дамытатын, ұлттық құндылықты ұлықтайтын түрлі формадағы патенттелген ойыншықтар қойылған.

Мұндағы мақсаты – өнертапқыш педагогтерді қолдау, тәжірибе алмастыру арқылы халық мұрасын ұлықтап, қайталанбас мәдениетті дәріптеу болатын.

«Ассамблея бөбектері» жобасы өскелең ұрпақпен жұмыс істеуге бағытталған және облысымызда бесінші жыл қатарынан жүзеге асырылып жатқан бірегей жоба. Аталған жоба аясында облыс көлеміндегі мектепке дейінгі балаларды отансүйгіштікке, өзара ынтымақтастыққа, ортақ Отанымыздың өркендеуіне үлес қосуға тәрбиелеуге бағытталған жүйелі жұмыстар жүзеге асырылып келеді.

Іс-шара барысында «100 кіші бағдарлама» аясында әдістемелік материалдарды әзірлеудің 2024-2026 жылдарға арналған «Бір тұтас тәрбие» бағдарламасы негізінде 3 жылға жасалған жоспарды бекітіп «Қоғамдық келісім» және қалалық білім бөлімі мекемелерінің басшылары Мубарак Жинақбаева мен Раушан Қожамжарова меморандумға қол қойды.

Бұдан өзге, жиында балабақша меңгерушілері, әдіскерлері, тәрбиешілері ойыншықтардың түрлері мен оларды пайдалану жолдарын таныстырып, өзара тәжірибе алмасты.

Презентация соңы №18 бөбекжай-бақшасының бүлдіршіндері орындауындағы хормен аяқталды.

Өзбекстанның астанасы Ташкент қаласында қазақтың Ұлы жүзінің Дулат тайпасынан тараған Шымыр руының негізін қалаушы абыз баба жерленген. Жылдағы дәстүрге сай жуырда өз ағайынымыз өзбек елінің бас шаһарында ата-баба рухына тәу етіп, еске алу рәсімі өтті.

Еске алуға қатысушылардың басым көпшілігі Шу ауданынан келген Шымыр руының ұрпақтары. Баба аруағына құран бағыштауға Жамбылдан арнайы ат арытып барған делегацияның құрамында облыстық билер мен Ақсақалдар кеңестерінің, өңірлік ҚХА өкілдері, атап айтқанда Жамбыл облыстық Тәжік этномәдени бірлестігінің төрағасы Махкам Орифов, Тараз қаласындағы Өзбек мәдени орталығының төрағасы, облыстық ҚХА Ақсақалдар кеңесі төрағасының орынбасары Абдурахман Зайнутдинов бар.

Облысымыздағы Билер кеңесінің төрағасы Оңдасын Есіркепов ұйымдастырған сапардың мақсаты – этносаралық қарым-қатынасты нығайту, салт-дәстүр мен әдет-ғұрыпты сақтау, екі ел арасындағы татулықты сақтау, мәдениетін дәріптеу.

Тараздан шыққан делегация Өзбекстанға жетісімен Шымыр баба мен Ұлы жүздің биі Төле бидің кесенесіне зиярат етті. Ары қарай аты аңызға айналған тұлғаларға ас беріліп, қатсыушылар олардың тарихтағы орны туралы өз пікірлерімен бөлісті. Алысты жақын еткен жиыннан бау

Президент бастамасымен қолға алынған «Таза Қазақстан» акциясы Қордай ауданында ерекше қарқынмен өтуде. Тазалық десе тасада қалмайтын қордайлықтар осы аралықта үлкен жұмыстар атқарып, ауыл ажарын ашуға, туған жерді көркейтуге барын салған болатын.

Масаншыда болған «Біз «Таза Қазақстан» акциясын қолдаймыз!» атты шараға Қазақстан халқы Ассамблеясы Төрағасының орынбасары, Қазақстан Республикасы Президенті Әкімшілігінің Қазақстан халқы Ассамблеясы хатшылығының меңгерушісі Марат Алмасұлы Әзілханов,Қазақстан Республикасы Мәдениет және ақпарат министрлігі Этносаралық қатынастарды дамыту комитетінің төрағасы Ғалым Нұрмағамбетұлы Шойкин, Жамбыл облысы әкімінің орынбасары Қанатбек Қайшыбекұлы Мәдібек,Қазақстан халқы Ассамблеясы Төрағасының орынбасары Буларов Лугмар Харкиевич және Қордай ауданының әкімі Бегзат Сейсенқұлұлы Болатбеков қатысты.

Мемлекет басшысы пәрменімен іске асқан акцияның маңыздылығына тоқталған қатысушылар, қордайлықтардың еңбегі үшін алғыс білдірді. Шара соңында: Қазақстан халқы Ассамблеясының қызметіне және ел бірлігін нығайту мен Қазақстанның рухани құндылықтарын шоғырландыруға бағытталған әлеуметтік, мәдени және ақпараттық жобаларды іске асыруға белсенді қатысқаны үшін Қазақстан халқы Ассамблеясының «Алғыс» төсбелгісімен Майшибекова Кульмария, Джаахунов Абдула, Нухаров Рамазан, Щерба Малик, Лосы Паншар марапатталды.

Сонымен қатар, осы бүгінгі күні демеушілер тарапынан Қаракемер мен Масаншы ауылының бірнеше тұрғынына кіші қажылыққа жолдама берілді.

Келесі кезекте шараға қатысқан қонақтар мен тұрғындар Масаншыда ағаш отырғызу акциясына қатысты.

«Ақпараттық жұмыс және қоғаммен байланыс» бөлімі

Бүгін аймақ басшысы, облыстық ҚХА төрағасы Ербол Қарашөкеевтің төрағалық етуімен Жамбыл облыстық Қазақстан халқы ассамблеясы кеңесінің отырысы өтті.

Кеңес жұмысына ҚХА төрағасының орынбасары Лугмар Буларов, облыстық Қазақстан халқы ассамблеясының құрылым мүшелері және этномәдени бірлестіктердің жетекшілері қатысты.

Жиынның күн тәртібінде Қазақстан халқы Ассамблеясының ХХХІІІ сессиясы талқыланып, «Қоғамдық келісім» мекемесінің атқарған жұмыстары баяндалды.

Басқосудың алғы баяндамасын ҚХА төрағасының орынбасары Лугмар Харкиевич жасады. Ол өз сөзінде татулық пен келісімді, жалпықазақстандық бірегейлікті сақтау және этносаралық қатынастарды нығайту жолындағы Ассамблея жұмыстарына тиімді де тың бағыт-бағдар берді.

Алқалы жиында өңірдегі этносаралық татулық пен қоғамдық келісімді сақтау, облыстық ассамблеяның қызметін жандандыру және оның қоғамдық-саяси рөлі мен маңызын арттыру бағытында атқарылып жатқан жұмыстар туралы облыстық «Қоғамдық келісім» мекемесінің басшысы Мубарак Жинақбаева баяндама жасап, мекеменің алдағы жоспарларымен бөлісті.

Мубарак Қасымқызы этносаралық қатынастарды дамытуда республикалық және облыстық жобаларды жүзеге асырып отырған өңірлік ҚХА құрылымдары – «Ассамблея жастары» РҚБ, Ақсақалдар мен Аналар кеңестері, Медиация кабинеті, Ғылыми-сараптамалық тобының көп қырлы қызметі туралы мәлімдеді.

Өз кезегінде сөз алған «Днепро» Украин этномәдени орталығы» қоғамдық бірлестігінің мүшесі Тарас Леоненко жастарды мемлекеттік тілді игеруге шақырды: – Қоғамның бірлігі үшін аса қажет әлеуметтік мәселе – мемлекеттік тілді игеру. Ассамблея — тура осы механизмді халыққа тарататын, әрбір өкілге жеткізетін, өзге ұлттарға ұғындыра білетін ұйым. Президентіміз Қасым-Жомарт Тоқаев қазақ тілі – азаматтық интеграцияның тиімді құралы, мәдени-рухани тұтастықтың жарқын көрінісі екенін айтты. Сондай-ақ, қазақ тілі ғылыми прогресс пен білімнің озық жетістіктеріне жол ашатын құралға айналуы керегін атап өткен болатын, – деді Т.Леоненко.

Күн тәртібінде көтерілген мәселелер бойынша Жамбыл облыстық «Өзбек ұлттық мәдени орталығы» қоғамдық бірлестігінің төрағасы Бахром Муминов, «Ордабасы» командалық ойынының Қазақстандық федерациясы» РҚБ президенті Руслан Исмазов та тақырыптық баяндамаларын жасады.

Кеңес отырысын қорытындылаған аймақ басшысы Ербол Шырақпайұлы Мемлекет басшысы Қасым-Жомарт Кемелұлының Қазақстан халқы Ассамблеясының ХХХІІІ сессиясында берген тапсырмалары Жамбыл облысында сапалы орындалуы қажеттігіне тоқталды.

Сонымен қатар, өңірде этносаралық келісім мен тұрақтылықты сақтау, мемлекеттік тілді насихаттау және жастарды қоғамдық-мәдени өмірге тарту бойынша жүргізілетін жұмыстар жүйелі және сапалы болу керектігін де атап өтті.