Archive for month: February, 2024

Жамбыл облысының ҚХА “Ассамблея жастары” РҚБ және қазіргі заманғы гуманитарлық-техникалық колледжінің білімгерлері Алғыс айту күніне арналған кездесуінде “Қоғамдық келісім” КММ басшысының орынбасары Сәуле Құрманқұлова өз сөзінде қоғамда бейбітшілік пен келісім идеяларының құндылықтарын насихаттауға назар аударды:

—”Бүгінде әлеуметтік тұрақсыздық, этносаралық және қақтығыстар дәуірінде адамзат бұл проблемаларды шешудің негізгі тәсілі – бейбітшілік пен келісім, өзара түсіністік екенін айқын аңғарады. Сондықтан, біздің көпдауысты әлемде басқа адамдардың пікірлерін қабылдай алатын толерантты тұлғаға бұрынғыдан да шұғыл қажеттілік туындайды. Басқа этностарға төзімді болу, олардың әдет – ғұрыптары мен діндерін құрметтеу де маңызды”, – деді Ол өз сөзінде.

Іс-шараны қорытындылау сәтінде Сәуле Досымбекқызы облыстың ҚХА Медиация кабинетінің этносаралық келісімді сақтау үшін қандай жұмыстар жүргізіп жатқанын түсіндіре келе жастарға мейірімді, сенімді, қамқор, өжет болуға меңзеп, әлеуметтік желілердегі жалған ақпараттарға сенбеу, жетегінде кетпеу, лудоманияның құрбаны болмау, сондай-ақ, басқа этностардың тарихи мұралары мен мәдени дәстүрлеріне ұқыпты қарау, әсіресе ҚР Мемлекетінің рәміздері мен тілін аса құрметтеуге міндеттіліктерін баса айтты.

Жастарды жалпықазақстандық бірегейлік, адамзаттық құндылықтарға баулу, Қазақстанның мәдени мұрасына құрметпен қарау, оның полиэтникалық өмір салты, этносаралық қарым-қатынасты дамыту — күнделікті өмірдегі жағымсыз жағдайларды азайтуда, жастар ортасында экстремизмнің алдын алуда айтарлықтай нәтижелер береді.

Ақпараттық жұмыс және қоғаммен байланыс бөлімі

Жамбыл облысы Шу ауданында Кеңес әскерлерінің шектеулі контингентінің Ауғанстаннан шығарылғанына 35 жыл толуына орай ауған соғысы жауынгерлеріне арналған ескерткішке гүл шоқтарын қою рәсімі өтті.

Отан алдындағы борышын абыроймен атқарып, ерлік көрсеткен жандарға құрмет көрсетуге түрлі этностар мен облыстық этномәдени бірлестіктердің өкілдері келді.

Жиын барысында сөз сөйлеген Шу аудандық «Пироз» күрд этномәдени орталығының төрайымы Фатима Хасанова «Біз Қазақстанда бір үлкен отбасы сияқты өмір сүріп жатырмыз. Жыл сайын облыстағы этномәдени бірлестіктер іс-шараларға бірауыздан қатысады. Біздің Ауғанстан Демократиялық Республикасындағы әскери қызметшілеріміз өздерінің әскери борышын абыроймен атқарды. Мұны ұмытуға болмайды, бұл туралы жас ұрпақ білуі керек », – деді.

Шара соңында жиналғандар батырларды бір минут үнсіздікпен еске алды.

«Ақпараттық жұмыс және қоғаммен байланыс» бөлімі

14 ақпан күні қаламыздағы тарихи-өлкетану мұражайында «Полонез» поляк тіл және мәдениет орталығы әнші Анна Германның өмірі мен шығармашылығына арналған «Біздің махаббат пен естелік» атты кеш өткізді.

Өнер иесінің кешіне «Қоғамдық келісім» мекемесінің қызметкерлері, облыстық этномәдени бірлестіктер, оқу орындарының, шығармашылық зиялы қауым өкілдері және т.б. қонақтар болды.

Кеш басы Жамбыл облысы немістер қоғамының төрағасы Александр Гибнер кешке қатысушыларға ұлы әншінің тағдырлы ғұмыры мен оның өмірбаянындағы қызықты деректер, мұражайға сыйға тартылған заттардың тарихын айтумен басталды.

Ары қарай қаламыздағы «Анна Герман» клубының құрылу тарихымен, клуб мүшелерінің жүргізіп жатқан орасан жұмыстары таныстырылды. Зерттеу барысында клуб мүшелері әншінің өмірі мен шығармашылығына қатысты көптеген фактілер және құжаттарды тапқан.

Клубтың зерттеу жұмысы барысында Наталья Гончарова, Татьяна Мартынова мен Ильяс Савельев өнер иесінің туысын тауып, оның іс-шараға қатысуын қамтамасыз еткен. Ол Тараз қаласындағы №7 мектептің директоры Юлия Фризен. Әншінің туысы кеш барысында өзінің туыстық байланысы мен клуб мүшелеріне алғысын айтты.

Іс-шара барысында Анна Германға арналған өлеңдер шырқалды. Сонымен қатар әншінің халық арасында кең таралған сүйікті әндері орындалды. Ерекше атап өтерлік жайт «Полонез» поляк тілі мен мәдениеті орталығының жетекшісі Лариса Калькованың «Польшаның Әнші періштесі» әнін орындауы болды.

Жиын соңы белсенді қатысушыларға арналған марапаттау рәсімімен аяқталды.

«Ақпараттық жұмыс және қоғаммен байланыс» бөлімі

2024 жылдың 8 ақпанында ҚХА Төрағасының орынбасары – ҚР Президенті Әкімшілігінің ҚХА хатшылығының меңгерушісі Марат Әзілханов Ұйғыр этномәдени бірлестіктерінің жастар өкілдерімен «Қазақстан жастары. Дамуға бағдар» Қазақстанның ұйғыр жастар Одағының форумында кездесті.

Кездесуге Қазақстанның Ұйғыр республикалық этномәдени орталығының Төрағасы Долкунтай Абдулхалил, «Ассамблея жастары» РҚБ Төрағасы Тимур Джумурбаев, Қазақстанның ұйғыр жастары одағының Төрағасы Рустам Кайрыев және басқалар қатысты.

Форум қазақстандық жастардың жалпы дамуы мәселелерін талқылау үшін Ұйғыр жастар этносының белсенді өкілдерін жинады, олардың арасында әртүрлі спорт түрлері бойынша чемпиондар, ТОП маркетологтар, жазушылар, суретшілер, қоғам қайраткерлері, журналистер, мобилографтар, бейнеоператорлар, мәдениет қайраткерлері қатысты. Жарқын және табысты жастар көшбасшылары жас қазақстандықтарды дамытуға, заманауи жобалар арқылы қоғамдық келісімді нығайтуға арналған түрлі жобаларды талқылады.

Айта кетейік өңірлік ҚХА «Ассамблея жастары» республикалық ҚБ төрайымы Хамида Тұрдыева да қатысты.

Іс-шара барысында қоғамдық келісімді нығайтудағы жастардың рөлі және ұйғыр жастары Одағының бастамашылық еткен жобалары талқыланды.Сонымен қатар, кездесуде Қазақстанда жастар белсенді түрде дамытып жатқан креативті индустрия саласына ерекше назар аударылды.

«Ақпараттық жұмыс және қоғаммен байланыс» бөлімі