Archive for month: July, 2023

Шекара әскерлері күзететін және қорғайтын ең қиын және жауапты бөлім- мемлекеттік шекара болып табылады. Шекарашылар өз елінің азаматтарының қауіпсіздігі мен өмірі үшін үлкен жауапкершілікке ие. Олар шекараны бұзу әрекеттерін тоқтатып, шұғыл қажет болған жағдайда бірінші болып жекпе-жекті қабылдайды және ең маңызды сәтте олардың кәсібилігі, батылдығы, үйлесімді әрекеттері бәрін шешеді.

ҚХА Аналар кеңесі жастарға патриоттық тәрбие беру, әскери қызметшілермен, мерзімді қызмет сарбаздарымен кездесу бойынша үлкен жұмыс жүргізуде.

Осыған орай, 2023 жылдың 19 шілдесінде Жамбыл облысы ҚХА Аналар кеңесінің төраға орынбасары Аракси Плетнева, облыстық Ардагерлер кеңесі жанындағы Аналар кеңесінің төрайымы Хадиша Оспанова, Ауғанстандағы соғыс ардагері Ермекбай Дүкенбаев үш заставада қызмет ететін шекара сарбаздарымен кездесті.

Кездесулер ашық диалог түрінде еркін форматта өтті.Қатысушылар отансүйгіштік, Отанды қорғау туралы әңгімелесті әңгіме қозғап,қызметтері туралы да өз пікірлерімен және әсерлерімен бөлісті. Шекарашыларға қонаққа келгендер Отан шекарасының қорғаушылары қалай өмір сүріп қызмет ететінін өз көздерімен көрді.

Ақпараттық жұмыс және қоғаммен байланыс бөлімі

2023 жылдың 18 шілдесінде «Қоғамдық келісім» КММ-де Облыс әкімі аппаратының басшысы, өңірлік ҚХА төрағасының орынбасары Мәди Мейірбекұлы Мәтен аймақтық ҚХА кеңесінің мүшелері мен этномәдени бірлестік жетекшілерімен кездесті.

Жиынның модераторы- ​ өңірлік ҚХА мүшесі және ҚХА төрағасының қоғамдық орынбасары – Ғұлам Умаров болды.

Ең алдымен қатысушылар М. Мәтеннің өмірбаянымен таныстырылды.

Бұдан соң, Жамбыл облысы әкімдігі ІСБ «Қоғамдық келісім» КММ басшысы Мүбәрак Қасымқызы Жинақбаева этномәдени бірлестік жетекшілерінің ақпараттық-түсіндіру және қоғамдық келісім жұмыстарындағы белсенділік туралы және Достық үйінің түйткілді мәселелері жайлы кеңінен айтып берді.

Іс-шара бейресми, еркін форматта өткізілді.

Кездесу барысында өңірлік ҚХА төрағасының қоғамдық орынбасарлары – Ғұлам Умаров пен Асқарбек Сейлханов, этномәдени бірлестіктердің төрағалары, Тараз қаласының Өзбек мәдени орталығы Абдрахман Зайнутдинов, Жамбыл облыстық «Шиват-цион» Еврейлер мәдени орталығының төрайымы Людмила Корнилина және «Қазақстан Татарлары мен Башқұрттары конгресі»  республикалық қоғамдық бірлестігінің Жамбыл облыстық филиалының төрайымы Фарида Нақыш сөз сөйледі.

Сонымен бірге, өңірлік «Әулие Ата» Қазақ мәдени орталығы» қоғамдық бірлестігінің төраға орынбасары Айгүл Кәбиқызы, өңірлік «Ассамблея жастары» қоғамдық бірлестігінің жетекші Хамида Тұрдыева бірлестіктердің жұмысы жайлы ақпарат беріп, пікір, ұсыныстарын білдірді.

Қатысушылар ҚХА мен этномәдени бірлестіктер жұмысының өзекті және перспективалы бағыттарын, жастармен жұмыс, мемлекеттік тілді үйрену, еріктілік туралы мәселелерді талқылады.

Кездесу барысында қатысушылар қойылған сұрақтарға мардымды жауаптар алды.

Ақпараттық жұмыс және қоғаммен байланыс бөлімі

2023 жылдың 26 маусымында Жетісу облысында ҚХА-ның этномәдени бірлестік өкілдеріне арналған Тіл мектебі өз жұмысын бастаған болатын.

ҚР Ақпарат және қоғамдық даму министрлігі «Қоғамдық келісім» РММ ұйымдастыруымен жыл сайын өткізілетін дәстүрлі жаздық лагерьге биыл ел аумағынан 65 қатысушы жиналды.

Жамбыл облысынан атынан өңірлік «Ассамблея жастары» қоғамдық бірлестігінің мүшелері Хасан-Ходжаев Абдувахоп, Леброва Рабям, Ямолдинова Диана,  Новикова Алена, Ахмедов Шерали қатысты.

Тіл мектебінің басты мақсаты- өзге этнос өкілдерінің жастары арасында мемлекеттік тілдің қолдану аясын кеңейту,қатысущыларды тіл үйренудің жаңа әрі қызықты әдістерімен таныстыру болды.

Мемлекеттік тілді оқыту барысында сарапшылар қызықты ойындар мен еркін форматтағы пікірталастар арқылы оқушылардың тілге деген қызығушылығын оятып қана қоймай, оны өз беттерінше зерделеп, өзіндік сөйлеу мен жазу қабілеттерін дамытуға ықпал етті.

Ағымдағы жылдың 30 маусымында аталмыш мектептің жабылу салтанаты өтіп, тіл үйренушілерге сертификат табысталды.

Ақпараттық жұмыс және қоғаммен байланыс бөлімі

Шілденің алғашқы жексенбісі – ҚХА ұсынған «Қазақтану» мәдени-ағартушылық жобасының негізінде жүзеге асып келе жатқан дәстүрлі де өміршең мереке – Ұлттық Домбыра күні. Ағымдағы жылдың 2 маусымында «Қоғамдық келісім» КММ басшысы Мүбәрак Қасымқызы және «Анаға тағзым» орталығының басшысы Эльмира Мырзағали бастаған өңірлік ҚХА Аналар кеңесі өкілдері облыстық перинаталдық перзентханаға арнайы ат тізгінін бұрды.

«Домбыра» күні мерекесінде дүниеге келген сәбилердің аналары – Ботагөз бен Мөлдірді атаулы мерекемен құттықтап, бастарына ақ орамал жауып, өмірге ұрпақ алып келгендері үшін қазақ елінің сувенир іспеттес көк байрағымен бірге Ұлттық аспабымыз – домбыраларды сыйға тарту етті.

«Тәрбие – тал бесіктен» қағидатын ұстанатын Ассамблея Аналарының бүгінгі жас аналарға басты тілегі – ұрпақ тәрбиелеуде қай этнос болмасын оған,

өзінің туған елі, туған жерінің рухани мәдениетін сыйлатып өсіру болса, перзентханаға келуінің мақсаты –

ұлттық құндылықтарды қастерлеу, көпмәдениеттілік пен жалпықазақстандық ұлттық бірегейлікті сақтау, ұрпақтар сабақтастығын жалғастыру және дүние есігін ашқан нәрестелердің бойында патриоттық сезімді дарыту тілеулестігі еді.

Аспабымыз әлемдік деңгейдегі брендке айналып, ел мерейін асыра берсін, ағайын!

ҚХА Аналарының игі істері еселеніп қайтсын! Жарқын іс-қимылдары жалғасын тапсын!

«Ақпараттық жұмыс және қоғаммен байланыс»  бөлімі