ДОНОР БОЛУ- ӨЗГЕГЕ ӨМІР СЫЙЛАУ

/in /by

14 маусым- Дүниежүзілік донорлар күні. 2005 жылдан бастап дәл осы күні әлемнің барлық елдерінде Дүниежүзілік донорлар күні атап өтіледі.

Осыған орай,«AMANAT» партиясы Жамбыл облыстық филиалы мен Қазақстан халқы Ассамблеясымен бірлесіп «Донор бол – өмір сыйла!» атты акция ұйымдастырды.

Бүгін, Жамбыл облыстық қан орталығында «Amanat» партиясы Жамбыл облыстық филиалымен бірлесіп, «Қоғамдық келісім» КММ-нің қызметкерлері және «Ассамблея жастары» РҚБ еріктілері аталмыш акцияға белсене қатысты.

Іс-шара барысында сөз партия төрағасы – Дауыл Ынтықбайұлы Бейсенқұловқа берілді. Өз сөзінде мұндай шараны Қазақстан халқы Ассамблеясымен бірлесіп өткізуі бекер еместігін жеткізді. Себебі, ағымдағы жылдың 29 мамырында «AMANAT» партиясы Қазақстан халқы Ассамблеясымен Ынтымақтастық туралы меморандумға қол қойған болатын. Мұндағы мақсат – қоғамдық келісім мен жалпыұлттық бірлікті нығайту, ынтымақтастық пен өзара іс-қимылын белгілеу болып табылатындығын да айтты.

Өз кезегінде «Қоғамдық келісім» КММ-нің басшысы Мүбәрак Жинақбаева аталмыш мекеменің қызметкерлері мен «Ассамблея жастары» РҚБ белсенділерінің қатысуымен өтіп жатқан бірінші қайырымдылық акциясы емес екендігін жеткізді.

Мұндай игі шаралар алдағы уақытта да өз жалғасын табатын болады.

«Ақпараттық жұмыс және қоғаммен байланыс»  бөлімі

АНАЛАР БАС ҚОСҚАН КҮН

/in /by

2023 жылдың 13 маусымында «Қоғамдық келісім» КММ-де Жамбыл облысы ҚХА Аналар кеңесінің отырысы өтті.

Оған облыстық этномәдени бірлестіктердің Аналар кеңесінің жетекшілері, Жамбыл облысы әкімдігі ішкі саясат басқармасының басшысы Ұлана Сламбекова мен «Қоғамдық келісім» КММ басшысы Мүбәрак Жинақбаева қатысты.

Айта кетейік, аталмыш кеңес 2013 жылдың 20 тамызында құрылған болатын.

Оның негізгі мақсаты мен міндеті- отбасылық құндылықтарды дамыту және насихаттау,отбасы мәртебесін арттыру,этномәдени бірлестік жастарымен,жалпы білім беру мекемелері оқушыларымен жұмыстар ұйымдастыру ,этнос әйелдері арасында құқықтық сауаттылық деңгейін жетілдіру бойынша ақпараттық кеңестер өткізу және отбасылық,қоғамдық маңызды шаралар мен қайырымдылық акцияларын жүзеге асыру мен этномәдени бірлестік жанындағы Аналар кеңесінің қызметтерін үйлестіру.

Жиын барысында ҚХА Аналар кеңесінің төрайымы Мухаббат Миражапова кеңестің атқарған жұмыстары мен күн тәртібінде тұрған мәселелерді кеңінен ашып айтты.

Облысымызда 36 Аналар кеңесі жұмыс жасайды. Олардың әрқайсысының өзіндік атқаратын міндеттері бар.

Қазіргі таңда Аналар кеңесі «Мәдениетті ана – мәдениетті ұлт» жобасы, «Халық үніне құлақ асатын мемлекет» тұжырымдамасы, «Менің Отаным-менің отбасым» тақырыбы аясында насихат жұмыстарын жүргізіп, аталған жобалар бойынша іс-шаралар ұйымдастыруда. Сондай-ақ кеңес «Жасыл сертификат» әлеуметтік пилоттық жобасын жүзеге асыру бойынша жасөспірімдер арасында есірткіге қарсы күрес шараларын жүргізуді жоспарлауда.

Сонымен бірге алда келе жатқан 1 шілде –Ұлттық домбыра күніне арналған іс-шаралар ұйымдастыратындықтарын да айта кетті.

Отырыс соңында Ұ.Сламбекова кеңестің төрайымы М.Миражаповаға Аналар кеңесіне сіңірген адал еңбегі үшін Алғыс хат табыстады.

 

«Ақпараттық жұмыс және қоғаммен байланыс» бөлімі

ЭТНОС ЖАСТАРЫ АРАСЫНДА ӨТКЕН ЕРЕКШЕ КВЕСТ

/in /by

Ағымдағы жылдың 8 маусымында Тараз қаласында Жамбыл облыстық Жастар ресурстық орталығының ұйымдастыруымен түрлі этнос жастары арасында тілдік және этникалық белгілері бойынша ар-намыс пен қадір-қасиетті қорлаудың кез келген нысандарына жол бермеуді насихаттауға арналған интеллектуалды «Өзге тілдің бәрін біл, өз тіліңді құрметте!» атты облыстық КВЕСТ өткізілді.

Іс-шара ксенофобия мен кемсітушіліктің алдын алуға бағытталды.

Қатысушылар қатарында өңірлік ҚХА «Ассамблея жастары» РҚБ белсенділері де болды.

Олар квест бойынша көзделген түрлі ойындарға қатысып, шара барысында өздерінің белсенділігі, ұйымшылдығы, ерек шығармашылығымен танылды.

Топ ішінде түрлі келеңсіз жағдайларда тығырықтан жол тауып, дұрыс шешім таба білу дағдыларымен татулық пен бірліктің жаршылары ретінде де ерекшелене білді.

Сондай-ақ, киім кию стильдері де лайықты бағаланды. Нәтижесінде, бұл талпыныстары игілікті жеңіске әкелді.

Ойын жеңімпаздары-Ассамблея жастары интеллектуалдық тобын шағын марапаттарымен құттықтап, бұдан әрі де ірі табыстарға қол жеткізе берулеріне зор тілектестік білдіреміз!

Жақсы істерге жолдарыңыз ашық болсын!

«Ақпараттық жұмыс және қоғаммен байланыс» бөлімі

ӨЗАРА ТЕҢДІК СИПАТЫ

/in /by

2023 жылдың 8 маусымында Тараз қаласының «Қоғамдық келісім» мекемесінде Жамбыл облысы ҚХА этномәдени бірлестіктері және құрылымдарының, оның ішінде Журналистер клубы мүшелері – өңірлік БАҚ өкілдерінің қатысуымен этносаралық шиеленіске әкеп соқтыратын этникалық және тілдік белгілері бойынша жиналыс өтті.

Ксенофобия мен кемсітушіліктің, кез келген құқық бұзушылықтың алдын алу мен өңір азаматтарының құқықтарының теңдігін қамтамасыз ету бойынша өткен шара семинар және кеңес сипатында өткізілді.

Шараның іс-қимылдарын модератор боп Жамбыл облысы әкімінің орынбасары Еркін Үйсімбаевтың өзі үйлестіріп жүргізіп отырды.

Іс-шара барысында қатысушылар алдында Рахия Тұрмаханбетова, Науатбек Қабылбеков, Алмас Жұмабеков, Алмат Сәдуақас сияқты бірқатар Жамбыл облысы әкімдігінің тілдерді дамыту басқармасы, облыстық прокуратура, полиция өңірлік коммуникациялар қызметі, т.б. салаларының белгілі өкілдері сөз сөйледі.

Баяндама жасаушылардың әрқайсысының санаға қонымды әрбір ой-пікірлері, ұсыныстары, мақсат-жоспарлары жиылған жұртқа өз деңгейінде нақты, дәлелді, лайықты жеткізіліп, этносаралық қатынасты нығайту жолындағы жалпы бағыттары көңілге нық сенім ұялатты.

Сонымен қатар, Жамбыл облысы әкімдігінің ІІБ «Қоғамдық келісім» КММ басшысы Мүбәрак Қасымқызы да өз баяндамасында Этномедиация саласы бойынша кәсіби жаттықтырушы-медиаторларды тарта отырып, жоғары оқу орындары мен жалпы білім беретін мектептердегі оқу орындарының қызметкерлері үшін шеберлік сыныптарын өткізудің, сондай-ақ білім беру ортасындағы жанжалды қатынастарды шешу стратегиясы, алдын алу әдістері, себептері туралы семинарлар мен кездесулер өткізудің оң нәтижелеріне аса назар аударды.

Мәселен, ҚХА Медиация кабинетінің 2022 жылы бітімгершілік рәсімдерді жүргізу жұмыстарының нәтижесінде өткен жылмен салыстырғанда медиация кабинеттеріне түскен өтініш 4, 8% – ға өсті, бұл өңірдегі медиация институтын танымал ету бойынша азаматтардың хабардар екендігін байқатады.

Ал енді шешілген қақтығыстар мен даулы жағдайлар биыл да өткен жылмен салыстырғанда 17,6%-ға азайған.

Сондай-ақ, анықталған көрсеткіштердің төмендеуіне Ашық есік күні және халық жаппай баратын орындарда қоғамдық қабылдауларды ұйымдастырудың әсері тигендігі де атап өтілді.

Бұған қоса, соттарда соңғы уақыттарда татуластыру рәсімдерінің белсенді қолданылуының дауларды бейбіт жолмен шешуге көмегін тигізгендігі де баяндалды.

Ел бірлігі мен берекесін, ауызбіршілігі мен тыныштығын сақтау мақсатында ұйымдастырылған жиын сәтті аяқталды.

«Ақпараттық жұмыс және қоғаммен» байланыс бөлімі

ТАРАЗДА «ТУҒАН ЖЕРІМ МЕНІҢ- ҚАЗАҚСТАНЫМ» АТТЫ ФОРУМ ӨТТІ

/in /by

4 маусым- Мемлекеттік рәміздер күніне орай шаһарымызда бірқатар іс-шаралар ұйымдастырылды.

Бұл күні Тараз қаласындағы бірнеше мекемелер мен тұрғын үйлердің терезелеріне Мемлекеттік ту іліп, құрмет көрсетті.

Сондай-ақ, қаладағы саябақтардың бірінде этномәдени бірлестік өкілдерінің және «Қоғамдық келісім» КММ қызметкерлері мен

тұрғындардың қатысуымен “Туған жерім менің – Қазақстаным!” атты патриоттық форумы өтті.

Шара барлық қатысушылардың Мемлекеттік әнұранды бірге орындауымен ашылып, концерттік бағдарламамен жалғасты.

Ақпараттық жұмыс және қоғаммен байланыс бөлімі

«Ассамблея бөбектері»

/in /by

Жамбыл облысы «Қоғамдық келісім» мекемесі 2020 жылдан бері республикалық «Ассамблея бөбектері» жобасын ілгерілетіп келеді. Жоба аясында өңірлік Ассамблея қаламыздың бірнеше бала-бақшаларымен іскерлік байланыста. Солардың бірі – Балтабаева Марфуға Рахметоллақызы басқаратын облыс әкімдігінің Тараз қаласының білім бөлімінің №17 бөбекжай-бақшасы.

Мәселен, аталмыш балабақша аймақтық ҚХА Ғылыми-сараптамалық тобының белсенді мүшесі Керімбаева Рысты Қалдыханқызының ұлттық құндылықтарды тәрбиеге енгізген бірнеше жобаларымен жұмыс істеуде.

Оның бір дәлелі – Абай атындағы ҚазҰПУ-імен Тараз қаласындағы №17 бөбекжай-бақшасының қатысуымен жуырда, наурыз айында әдістемелік семинар өткен болатын.

Семинарда Рысты Қалдыханқызы алдағы уақытта осы мектепке дейінгі ұйыммен бірлесіп атқаратын жұмыстары және меморандум жасалатындығы туралы да атап өткен еді.

Сонымен, Тараз қаласының білім бөлімінің №17 бөбекжай-бақшасында тәрбиеленушілері – ассамблея бөбектерінің қатысуымен 1 маусым – Халықаралық балалар күні мерекесі аталып өтті.

«Ақпараттық жұмыс және қоғаммен байланыс» бөлімі

ТӘЖІРИБЕ АЛМАСУ– МАМАНДАРДЫҢ КӘСІБИ ӨСУІНІҢ БАСТЫ КЕПІЛІ

/in /by

2023 жылдың мамыр айының соңында Тараз қаласының Достық үйінде Түркістан облысы қоғамдық даму басқармасы «Қоғамдық келісім» КММ қызметкерлері және Жамбыл облысы әкімдігінің ішкі саясат басқармасының «Қоғамдық келісім» КММ мамандарымен тәжірибе алмасу мақсатында кездесу өтті.

Кездесуге «Қоғамдық келісім» КММ басшысының орынбасары Сәуле Досымбекқызы, бөлім басшылары – Аққу Қаратайқызы, Бибігүл Утепова, Вера Майкович, Валентина Досыбиева, Біржан Уксикбаев, ҚХА Журналистер клубының төрағасы Михаил Тё және осы мекеменің қызметкерлері қатысты.

Кездесу барысында Түркістан облысы қоғамдық даму басқармасы «Қоғамдық келісім» КММ «Этносаралық қатынастар саласының мониторингі және ақпараттық-насихаттық жұмыстарды ұйымдастыру» бөлімінің басшысы Хамит Рахматуллаұлы Исақовпен аудандарда жүргізілетін этносаралық қатынастарға қатысты жобаларды тиімді ұйымдастыру, сол бойынша өңірлік ассамблея ішіндегі негізгі құзыреттерді қалыптастыру, аталмыш саланы дамытуда Жамбыл облыстық Ассамблея мен «Қоғамдық келісім» КММ-нің атақаратын рөлі, әділетті жаңа Қазақстанның алдыға қойған міндеттері бойынша біздің өңірде қандай жаңашылдығы бар шаралар ұйымдастырылуда, осы тұрғыда пікірлер ортаға салынды.

Сонымен қатар, этносаралық қатынастар саласында зерттеулер, талдамалар жүргізу, анклавтық жағдайдағы этностар мәселесін зерттеу, ресми, бейресми анклавтар төңірегінде сөз болып, екі ұйым жұмыстарының ерекшеліктері сараланды.

Аналитикалық, ғылыми сараптамаларында ақпараттық-түсіндіру жұмыстарына қандай тақырыптар таңдалады, Журналистер клубының атқаратын міндеттері не, өңірлік БАҚ-тың Ассамблея материалдарын жарықтандыру жағы қалай, ассамблеяға қатысты қандай терминдер пайда болды, қайсысы көнерді,

кәсіби қолдау мақсатында қандай инновациялық жобалар жүзеге асырылуда, осы орайда да келелі мәселелер талқыланып, міндеттері ортақ екі ұйымның ұсыныстары да бір-бірімен түйісіп жатты.

Этносаралық мәселелерді ғылыми тұрғыда терең зерттеп жүрген Түркістандық әріптесіміз этностар шоғырланған аймақтардағы ақпараттық түсіндіру жұмыстар жүйесі мен мониторинг жағы Әулиеата өңірінде қалай қойылғандығына аса назар аударды.

Өзге облыстармен де этностар жөнінде өзара тәжірибелер алмасу жалғастырылмақ.

«Ақпараттық жұмыс және қоғаммен байланыс»  бөлімі

Өңірлік ҚХА АНАЛАР КЕҢЕСІНІҢ қамқорлығы – саналы ұрпақ тәрбиесі

/in /by

Өңірлік Ассамблея Аналар кеңесінің мүшелері жылда Тараз қаласының арнайы мектеп тәрбиеленушілеріне қамқорлық жасауды дәстүрге айналдырған. 2023 жылғы 1 маусымда – Балаларды қорғау күні Жамбыл облысы ҚХА Аналар кеңесі төрайымының орынбасары Араксий Ваграмовна Плетнева және Аналар кеңесінің тұрақты демеушісі және белсенді мүшесі кеңес мүшелерінің атынан Лобара Гарипова екеуі балаларды құттықтау үшін өз қамқорлығындағы балаларға қуанышты күн сыйлады.

Әрине, бұл балалар қай жерде және қандай өмірлік жағдайда болса да, баланың аты – бала. Сондықтан да болар, ассамблеялық Аналар үшін жат бала жоқ, алалау жоқ, бөлу жоқ, олардың мақсат-тілегі – аяғын шалыс басып, түзелу орнында тәрбиеленіп жүрген әрбір жас ұрпақтың жүрегіне жақсылық пен мейірімділіктің дәнін егіп, жақсы тәлімдерінің жемісін алу. Сонымен бірге, олардың санасына біздің еліміз,қоғам бұлардың әрқайсысының тағдырына бей-жай қарамайтындығын және

лайықты азамат болып өсуі үшін бар күштерін салатындарына сенімдерін бекіту, сезіндіру.

Шара барысында Аналвр кеңесінің өкілдері мен қатысушылар тәрбиеленушілердің конерттік бағдарламаға толы өнерлерін тамашалап, жас жеткіншектерге құттықтаулар айтылып, сыйлықтар берілді. Балалар бір сәт арнайы мектепте жүргендерін ұмытып ,бар ықыластарымен қуана білді.

«Ақпараттық жұмыс және қоғаммен байланыс» бөлімі

БАЛАЛЫҚ ШАҚТЫҢ МЕРЕКЕСІ

/in /by

Бала – өмірдің жалғасы. Әрбір бала бақытты болуға лайық. Балаға бақыт сыйлау әр ата-ананың міндеті болса, жетім балаларға қамқорлық көрсету барша азаматтың парызы.

1 маусым – Балаларды қорғау күніне арналған іс-шаралар онкүндігіне Жамбыл облысының этномәдени бірлестіктерінің, облыстық ҚХА құрылымдарының өкілдері қатысуда.

Жамбыл облысы ҚХА Аналар кеңесінің өкілдері балаларға арналған іс-шаралар ұйымдастыруда.Әрбір этномәдени бірлестіктің аналары балаларды қолдау орталығының тәрбиеленушілеріне, қиын өмірлік жағдайға тап болған бүлдіршіндерге (бұрынғы балалар үйі), балабақшаларға, мектептерге, мамандандырылған емханаға қарасты ерекше бүлдіршіндерге барып, құттықтап қайтты.

Бір ғана ата-анамен үйде отырған жетім балалар да назардан тыс қалмады.

Мәселен, Жамбыл облысы, Жамбыл ауданы, Гродиководағы «Барбанг» Күрділер орталығының Аналар кеңесінің төрайымы Айша Карахметоглының бастамасымен жетім балаларға сыйлық берілді.

Ақпараттық жұмыс және қоғаммен байланыс бөлімі

БАЛАЛАР МЕРЕКЕСІ ТОЙЛАНУДА

/in /by

1 маусым- Халықаралық балаларды қорғау күніне арналған игі іс-шаралар жалғасуда.

Бүгін, «Қазақстан татарлары мен башқұрттарының құрылтайы» Республикалық қоғамдық бірлестігінің Жамбыл облысы бойынша филиалының төрайымы Фарида Нақыштың және Тараз қаласындағы заманауи гуманитарлық-техникалық колледжінің студенттерінің атсалысуымен №7 мектеп-гимназиясында мерекелік іс-шара өтті.

Аталмыш мектептің жаздық лагеріндегі оқушыларға сыйлық ретінде түрлі спорттық ойындарға арналған жабдықтар табысталды.

Жаздық демалыстарының тиімді әрі пайдалы өтуі үшін сыйға тартылған сыйлықтарға ие болған оқушылардың жүздері қуанышқа толды.

Іс-шара шағын мерекелік концерттік бағдарламамен жалғасын тапты.

Шара соңында оқушылар ұйымдастырушыларға алғыстарын білдірді.

 

Ақпараттық жұмыс және қоғаммен байланыс бөлімі

Page 2 of 3
1 2 3